Tag: عراقی فورسز

موصل : عراقی شہرموصل کےنزدیک سےایک اجتماعی سے500افراد کی باقیات ملے ہیں جنہیں دولت اسلامیہ نے ہلاک کیاتھا۔

تفصیلات کےمطابق عراق کے شہر موصل کے نزدیک بدوش جیل میں ایک اجتماعی قبر سے 500شہریوں کی باقیات ملے ہیں جنہیں قیدی بناکر داعش نے قتل کیاتھا۔

خیال رہےکہ رواں ہفتے عراقی فورسز نے بدوش جیل کو داعش کے قبضے سے آزاد کرایاتھاجس کےبعد اس قبر کی کھدائی کی گئی۔

انسانی حقوق کے لیے کام کرنے والی تنظیم ہیومن رائٹس واچ کی رپورٹ کے مطابق کچھ لوگ لاشوں کےدرمیان دب کر زندہ بچ جانے میں کامیاب ہوئے۔

داعش سے بچ جانے والےلوگوں کا کہناتھاکہ جب جون 2014 میں بدوش کی جیل پر قبضہ کر لیاگیا تو اس وقت 15 سو سے زیادہ قیدیوں کو ایک ٹرک میں ڈال کر وہاں سے دو کلومیٹر دور صحرا میں لا کر چھوڑ دیا گیا۔

مزید پڑھیں:موصل آپریشن :اجتماعی قبر سے 100افراد کی لاشیں برآمد

اس سے قبل گزشتہ سال 8نومبرکو موصل میں آپریشن کے دوران اجتماعی قبر سے 100افراد کی لاشیں برآمد ہوئی تھیں جہیں سرقلم کرکے دفنایاگیاتھا۔

مزید پڑھیں:موصل میں دو اجتماعی قبروں سے 300 لاشیں برآمد

یاد رہےکہ 21نومبر2016کوعراقی فورسز نےآپریشن کے دوران موصل کے قریب حمام العلیل سے دواجتماعی قبروں سے 300افراد کی لاشیں برآمد کیں تھی۔

واضح رہےکہ موصل کے شمال مغرب میں واقع اس جیل کو عراقی فوج اور اتحادی سکیورٹی فورسز کے اہلکاروں نے بدھ کے روز آزاد کرایا۔

بغداد: عراق کے شہر موصل میں حکومتی فورسز نے داعش کو پیچھےدھکیلتے ہوئے شہر کی یونیورسٹی کا کنٹرول حاصل کرلیا۔

تفصیلات کےمطابق عراق کے شہر موصل میں داعش کےخلاف عراقی فورسز کی پیش قدمی جاری ہے۔عراق کے سرکاری ٹی وی نے دعویٰ کیاہے کہ حکومتی افواج نےموصل میں داعش سے یونیورسٹی کاکنٹرول حاصل کرلیاہے۔

عراقی حکام کا کہناہےکہ داعش کےجنگجو یونیورسٹی کو اپنے ٹھکانے کے طورپر استعمال کررہے تھے۔یونیورسٹی سے ہتھیار بنانے کےلیے کیمیائی اجزابھی ملے ہیں۔

اس سے قبل حکومتی افواج شہر کےدرمیان سے گزرتے دریادجلہ تک پہنچنے میں کامیاب ہوگئیں تھیں تاہم شہر کے مغربی حصے پراب بھی داعش دہشت گردقابض ہیں۔

مزید پڑھیں:داعش کے جنگجوزندگی چاہتے ہیں تو ہتھیار ڈال دیں،عراقی وزیراعظم

یاد رہےکہ گزشتہ سال نومبرمیں عراق کے وزیراعظم حیدر العبادی کا کہناتھا کہ دولت اسلامیہ کےجنگجواگرزندہ رہناچاہتے ہیں تو ہتھیار ڈال دیں۔

واضح رہےکہ وزیراعظم حیدر العبادی کا کہنا تھا کہ ہم داعش کےگردگھیرا تنگ کر دیں گے اور انشاءاللہ سانپ کا سر بھی کاٹ دیں گے۔ان کے پاس فرار کا کوئی راستہ نہیں ہوگا۔

موصل :عراقی فورسز نےآپریشن کے دوران موصل کے قریب حمام العلیل سے دواجتماعی قبروں سے 300افراد کی لاشیں برآمد کرلیں ہیں۔

تفصیلات کےمطابق انسانی حقوق کی تنظیم ’ہیومن رائٹس واچ‘ کا کہناہےکہ سابق پولیس اہلکاروں کو3 ہفتے قبل عراق کے شہر موصل شہر کے نواحی قصبے حمام العلیل میں قتل کیا گیا۔

عراقی شہر موصل کو داعش سے آزاد کرانے کے لئے عراقی فورسز کا اتحادی افواج کے ساتھ آپریشن جاری ہے لیکن خراب موسم کے باعث پیش قدمی روک دی گئی ہے۔

مزید پڑھیں:موصل آپریشن :اجتماعی قبر سے 100افراد کی لاشیں برآمد

خیال رہےکہ اس سے قبل بھی 8نومبرکوداعش کے زیرقبضہ شہر حمام العلیل کے ایک کالج سےآپریشن کے دوران اجتماعی قبر سے 100 افراد کی لاشیں برآمد ہوئیں جنہیں قتل کرنے کے بعد دفنایا گیا تھا۔

عراقی حکام کا کہناتھاکہ موصل سے تقریباََ 14کلومیٹر فاصلے پر داعش کے خلاف آپریشن کے دوران زرعی کالج میں اجتماعی قبر سے 100 افراد کی لاشیں برآمد کی گئیں۔

مزید پڑھیں:داعش ہتھیار ڈال دے یا مرنے کےلیے تیار رہے،عراقی وزیراعظم

واضح رہےکہ گزشتہ ہفتے عراقی وزیراعظم حیدر العبادی کا کہنا تھا کہ ہم داعش کےگردگھیرا تنگ کر دیں گے اور انشاءاللہ سانپ کا سر بھی کاٹ دیں گے۔ان کے پاس فرار کا کوئی راستہ نہیں ہوگا۔

بغداد: عراقی فورسز نے داعش کے گڑھ موصل میں آپریشن کےدوران شہر کے مشرقی علاقے کے اہم قصبے پر کنٹرول حاصل کرلیا۔

تفصیلات کےمطابق عراقی فورسز نے موصل آپریشن میں شدید جھڑپوں کے بعد شہر کے اہم قصبے حمام العلیل کا کنٹرول سنبھال لیا جس کےبعد فورسز نے موصل کے موصل کے جنوبی علاقوں کی جانب تیزی سے پیش قدمی شروع کردی۔

عراقی فورسز کی جانب سے حمام العیل کا کنٹرول حاصل کرنے پرعوام نے فورسز کا استقبال پھولوں کے ہار پہنا کر کیااور ایک بار پھر اس قصبے میں معمولات زندگی بحال ہوگئے۔

عراقی فورسز کے افسر کرنل امجد محمد کا کہناتھا کہ آپریشن کے پہلے مرحلے میں موصل کے نواحی علاقوں کی جانب پیش قدمی کی جائے گی تاکہ ان علاقوں پردوبارہ کنٹرول حاصل کیا جاسکے۔

مزید پڑھیں:عراق کے دو شہروں میں دھماکے،21افراد جاں بحق

خیال رہے کہ دوروز قبل عراق کے دو شہروں میں ایمبولینس کے ذریعے کیے جانے والے دھماکوں میں کم از کم 21 افرادجاں بحق ہو گئےتھے۔

عراق میں یہ دھماکے ایک ایسے وقت ہوئے جب ملک میں سیکیورٹی فورسز اور اس کے اتحادی موصل میں آپریشن کر رہے ہیں جو عراق میں دولتِ اسلامیہ کا آخری مضبوط گڑھ سمجھا جاتا ہے۔

مزید پڑھیں:داعش کے جنگجوزندگی چاہتے ہیں تو ہتھیار ڈال دیں،عراقی وزیراعظم

واضح رہے کہ دوروز قبل وزیر اعظم حیدر العبادی نےموصل شہر کے مشرقی مورچے کے دورے کے دوران کہاتھاکہ داعش کے جنگجوزندگی چاہتے ہیں تو ہتھیار ڈال دیں،ورنہ مرنے کے لیے تیار ہوجائیں۔

موصل : عراق میں حکومتی اور کرد سکیورٹی فورسز نےشدت پسند تنظیم دولت اسلامیہ کے زیر قبضہ شہر موصل کی جانب پیش قدمی کرتے ہوئے متعدد دیہات پر کنٹرول حاصل کر لیا ہے.

تفصیلات کےمطابق عراقی فورسز اور کرد فورسز نے اتوار کو عراق کے دوسرے بڑے شہر موصل کی جانب پیش قدمی شروع کی اور انہیں امریکی اتحاد کی فضائی مدد بھی حاصل ہے.

اطلاعات کے مطابق دولتِ اسلامیہ کے شدت پسند فضائی حملوں کے بعد بارود سے بھری گاڑیوں سے کرد فورسز پر جوابی حملوں کی کوشش کر رہے ہیں.

کرد فورسز کے ایک کمانڈر کے مطابق موصل میں ہونے والی کارروائی میں پانچ ہزار فوجی حصہ لے رہے ہیں.

موصل میں کارروائی ایک ایسے وقت شروع کی گئی ہے جب عراقی حکومت ملک کے جنوب میں پیش قدمی کی کوشش کر رہی ہے.

عراق کے وزیراعظم حیدر العبادی نے کہا ہے کہ موصل کو دولتِ اسلامیہ کے قبضے سے خالی کروائیں گے اور داعش کو شکست ہوگی.

دوسری جانب اقوام متحدہ نے خبردار کیا ہے کہ موصل میں حتمی آپریشن شروع ہونے سے وہاں دنیا کا سب سے سنگین انسانی بحران جنم لے سکتا ہے.

خیال رہے کہ گذشتہ ماہ دفاعی امور کی ماہر تنظیم آئی ایچ ایس نے ایک رپورٹ میں کہا تھا کہ 2016 کے پہلے چھ ماہ میں خود کو دولتِ اسلامیہ کہلانے والی شدت پسند تنظیم کے عراق اور شام میں زیرِ قبضہ رقبے میں 12 فیصد کمی ہوئی ہے.

آئی ایچ ایس کی رپورٹ کے مطابق سنہ 2015 سے لے کر اب تک دولتِ اسلامیہ کی نام نہاد خلافت کا رقبہ 90,800 مربع کلومیٹر سے کم ہوکر 68,300 مربع کلومیٹر رہ گیا ہے.

دفاعی امور کی ماہر تنظیم کی رپورٹ کے مطابق دولتِ اسلامیہ کو اس امر کا اندازہ ہوگیا ہے کہ اس کی خلافت ناکامی کی جانب گامزن ہے جس کے باعث اندیشہ ہے کہ آنے والے دنوں میں گروہ کی جانب سے مشرقِ وسطیٰ اور دیگر علاقوں میں دہشت گردانہ کارروائیوں میں اضافہ ہوگا.

یاد رہے کہ موصل سے دولتِ اسلامیہ کے سربراہ ابوبکر البغدادی نے نام نہاد خلافت کا اعلان کیا تھا.

واضح رہے کہ عراق میں موصل دولتِ اسلامیہ کے زیر قبضہ آخری بڑا شہر ہے اور اس نے 2014 میں اس پر قبضہ کیا تھا.