Tag: عراقی وزیراعظم

بغداد: عراقی وزیراعظم عادل عبد المہدی کا کہنا ہے کہ جنرل سلیمانی اور کمانڈر موہندس کا قتل ایک سیاسی حملہ تھا۔

تفصیلات کے مطابق عراق کے وزیراعظم عادل عبد المہدی کا کہنا ہے کہ جنرل سلیمانی اور کمانڈرموہندس کا قتل سیاسی تھا، سلیمانی کا قتل کسی طرح عراق کے مفاد میں کہہ کر پیش نہیں کیا جا سکتا۔

عادل عبد المہدی نے کہا کہ غیرملکی فوجوں کا انخلاعراق اور امریکا کے مفاد میں ہوگا، جس رات عراقی کمانڈرکو شہید کیا گیا،اگلی صبح ملاقات طے تھی۔

دوسری جانب امریکی اتحادی افواج نے عراق میں داعش کے خلاف کارروائیاں بند کرنے کا اعلان کرتے ہوئے کہا کہ داعش کی شکست کے لیے پہلی ترجیح ساتھی ممالک کے اہلکاروں کی حفاظت ہے۔

غیرملکی خبر رساں ایجنسی کے مطابق نیٹو نےعراقی سیکیورٹی فورسز کی تربیت اور تعاون بھی روک دیا، کارروائیاں بند کرنے کا اعلان عراق میں نیٹو پر راکٹ حملوں کے بعد کیا گیا۔

جنرل قاسم سلیمانی کے قتل کا بدلہ عسکری طریقے سے لیں گے، آیت اللہ خامنہ ای

اس سے قبل ایران کے سپریم لیڈر آیت اللہ سیّد علی خامنہ ای کا کہنا تھا کہ جنرل قاسم سلیمانی کے قتل کا بدلہ عسکری طریقے سے لیں گے۔

بغداد: عراق میں ہونے والے حکومت مخالف مظاہروں کے بعد صدر نے قبل از وقت انتخابات کا عندیہ دیتے ہوئے کہا ہے کہ وزیر اعظم عادل عبدالمہدی استعفیٰ دینے کے لیے تیار ہیں۔

غیر ملکی خبررساں ادارے کی رپورٹ کے مطابق عراقی صدر برھم احمد صالح نے جمعے کے روز اپنے خطاب میں قبل از وقت پارلیمانی انتخابات کا عندیہ دیتے ہوئے کہا کہ وزیر اعظم اپنا عہدہ چھوڑنے پر راضی ہوگئے۔

برھم احمد کا کہنا تھا کہ مسائل کا حل طاقت، تشدد کے استعمال میں نہیں بلکہ بات چیت سے ہی ممکن ہے۔

مزید پڑھیں: عراق میں حکومت مخالف مظاہروں میں 30 افراد جاں بحق

اُن کا کہنا تھا کہ  وزیراعظم متبادل امیدوار دستیاب ہونے کی صورت میں عہدہ چھوڑنے پر راضی ہیں تاکہ ملک میں جاری مظاہرے ختم ہوں اور امن و امان قائم کیا جاسکے۔

عراقی صدر کا کہنا تھا کہ ملک کی موجودہ صورتحال کے پیش نظر سیاسی و مذہبی جماعتوں سے ملاقات کر کے مشاورت کی، نیا انتخابی قانون آئندہ ہفتے پارلیمان میں پیش کردیا جائے گا جس سے شفاف الیکشن کی راہ ہموار ہوگی اور جیسے ہی قانون منظور ہوگا عام انتخابات کی تاریخ کا اعلان کردیا جائےگا۔

یاد رہے کہ عراق کے مختلف شہروں میں گزشتہ ماہ سے مظاہرے جاری ہیں، مختلف واقعات میں اب تک 250 سے زائد افراد ہلاک ہوچکے ہیں، مظاہرین کا مطالبہ ہے کہ وزیر اعظم فوری طور پر عہدہ چھوڑیں اور ملک میں 60 روز کے اندر نئے انتخابات کرائے جائیں۔

عراق میں سرکاری فورسز اور جنگجوؤں کے درمیان دو مغربی شہروں میں لڑائی میں چونتیس افراد ہلاک اور درجنوں زخمی ہوگئے۔

غیر ملکی خبر رساں ادارے کے مطابق جنگجوؤں نے دو شہروں پر قبضہ کر رکھا ہے، عراق میں عہدیداروں کا کہنا ہے کہ سرکاری فورسز نے اتوار کو رمادی کے علاقے میں فضائی حملے بھی کئے، جنگجوؤں نے رمادی اورفلوجہ شہر پر گذشتہ ہفتے قبضہ کرکے کنٹرول سنبھال لیا۔

دوسری جانب عراقی وزیراعظم نور المالکی نے فلوجہ کے شہریوں اور قبائلی سرداروں سے عسکریت پسندوں کے خلاف مزاحمت کی اپیل کی ہے، وزیر اعظم نوری المالکی نے کہا کہ مسلم انتہا پسندوں کو شہر سے نکالنے کی کوششیں کی جائیں۔

امریکہ کے وزیر خارجہ جان کیری نے اتوار کو کہا تھا کہ القاعدہ کے حامی جنگجوؤں کے خلاف حکومت کی کاروائی میں امریکہ معاونت کرے گا۔