ARYNews.tv | Urdu – Har Lamha Bakhabar

Tag: عراق

  • انسانی اسمگلنگ کے خلاف آگاہی کا دن: شامی خواتین کا بدترین استحصال جاری

    انسانی اسمگلنگ کے خلاف آگاہی کا دن: شامی خواتین کا بدترین استحصال جاری

    نیویارک: ہیومن رائٹس واچ کے مطابق قوانین پر کمزور عمل درآمد کے باعث لبنان میں شامی خواتین کی اسمگلنگ میں اضافہ ہورہا ہے۔

    انسانی اسمگلنگ کے خلاف تحفظ کے عالمی دن کے موقع پر ہیومن رائٹس واچ کی جانب سے جاری کیے جانے والے اعداد و شمار کے مطابق شام میں جاری جنگ کے باعث شامی خواتین کو بے شمار خطرات کا سامنا ہے جن میں سرفہرست ان کی اسمگلنگ اور جنسی مقاصد کے لیے استعمال ہے۔

    syria-3

    شام کے پڑوسی ملک لبنان میں بھی شامی خواتین کی بڑی تعداد کو اسمگل کر کے لایا جاچکا ہے۔ رواں برس مارچ کے مہینے میں قانون نافذ کرنے والے اداروں نے لبنان کے بدنام علاقوں سے 75 شامی خواتین کو بازیاب کیا جو اسمگل کر کے لائی گئی تھیں اور زبردستی جنسی مقاصد کے لیے استعمال کی جارہی تھیں۔

    اقوام متحدہ کے مطابق لبنان میں بڑے بڑے جرائم پیشہ گروہ اور افراد اس جرم میں ملوث ہیں۔ 2015 اور 2016 میں لبنان میں صرف 30 افراد کو گرفتار کیا گیا جو انسانی اسمگلنگ میں ملوث تھے۔

    داعش نے 19 یزیدی خواتین کو زندہ جلا دیا *

    حکام کے مطابق شام میں جنگ شروع ہونے سے قبل بھی لبنان میں شامی خواتین کی اسمگلنگ جاری تھی لیکن جنگ کے بعد اس میں تیزی سے اضافہ ہوگیا ہے۔ جرائم پیشہ افراد اس مقصد کے لیے بچوں کو بھی اغوا کر لیتے ہیں۔

    لبنان کا ایک علاقہ شیز موریس جو اس جرم کی پناہ گاہ ہے کو کئی بار بند بھی کیا گیا، لیکن حکام کی ملی بھگت سے دوبارہ کھول لیا گیا۔

    syria-4

    واضح رہے کہ مشرق وسطیٰ کے ممالک عراق اور شام کے مختلف حصوں پر داعش کے قبضے کے بعد خواتین کا بری طرح استحصال جاری ہے۔ داعش ہزاروں خواتین کو اغوا کر کے انہیں اپنی نسل میں اضافے کے لیے استعمال کر رہی ہے۔

    ان خواتین کی حیثیت جنسی غلاموں کی ہے جو ان جنگجوؤں کے ہاتھوں کئی کئی بار اجتماعی زیادتی اور بدترین جسمانی تشدد کا نشانہ بن چکی ہیں۔

    انسانی حقوق کی وکیل امل کلونی یزیدی خواتین کا کیس لڑیں گی *

    اقوام متحدہ کے مطابق داعش نے اب تک 7 ہزار خواتین کو اغوا کر کے انہیں غلام بنایا ہے جن میں سے زیادہ تر عراق کے یزیدی قبیلے سے تعلق رکھتی ہیں۔

  • بغداد: خود کش دھماکے میں 16 افراد ہلاک

    بغداد: خود کش دھماکے میں 16 افراد ہلاک

    بغداد: عراق کے دارالحکومت بغداد کے شمالی علاقے میں ہونے والے خود کش دھماکے کے نتیجے میں خواتین اور بچوں سمیت 16 افراد جان کی بازی ہار گئے.

    غیر ملکی خبر رساں ادارے نے اپنی ایک رپورٹ میں عراقی پولیس اوراسپتال ذرائع کے حوالے سے بتایا ہے کہ بغداد سے 80 کلومیٹر دور علاقے خالص کی داخلی چیک پوسٹ پر خود کش دھماکے سے قبل مذکورہ افراد اپنی گاڑیوں میں یہاں سے گزرنے کا انتظار کررہے تھے.

    جائے وقوعہ پر موجود ایک پولیس افسر نے نام ظاہر نہ کرنے کی شرط پر بتایا تھا کہ ‘ہم دھماکے کے بعد گاڑیوں میں موجود لاشوں کو نکالنے کی کوشش کررہے ہیں جن میں بیشتر خواتین اور بچے ہیں’.

    دوسری جانب داعش کے تحت کام کرنے والی نیوز ایجنسی اعماق کے مطابق داعش کے خود کش بمبار نے عراق کے صوبے دیالہ میں ایرانی سرحد کے قریب عراقی فورسز کی ایک چیک پوسٹ کے قریب خود کو دھماکے سے اڑا لیا۔

    *بغداد: داعش کا خود کش حملہ،پندرہ افراد ہلاک

    یاد رہے کہ عراقی فورسز نے ایک سال قبل دیالا کے علاقے میں داعش کو شکست دی تھی اور یہاں پر اپنا قبضہ مستحکم کرلیا تھا لیکن اس کے باوجود بھی مذکورہ علاقے میں دہشت گرد تنظیم داعش کے جنگجوؤں کی موجودگی کا امکان ظاہر کیا جاتا رہا ہے.

    *عراق میں سیکیورٹی چیک پوسٹ پر دھماکہ.7 افراد ہلاک 11 زخمی

    عراقی فورسز نے حالیہ کچھ دنوں سے داعش کے علاوہ عراق میں موجود دیگر عسکری گروپوں کے خلاف کارروائیاں تیز کردی ہیں اور انہیں امریکی فضائیہ کی مدد بھی حاصل ہے.

    دوسری جانب داعش نے گذشتہ کچھ عرصے سے حکومتی فورسز اور ان کی حمایت یافتہ ملیشیا پر حملوں میں اضافہ کردیا ہے.

    واضح رہے کہ رواں ماہ کے آغاز میں بغداد کے وسطی علاقے کی ایک مارکیٹ میں ہونے والے داعش کے خود کش دھماکے میں 292 افراد ہلاک ہوگئے تھے.

  • بغداد: داعش کا خود کش حملہ،پندرہ افراد ہلاک

    بغداد: داعش کا خود کش حملہ،پندرہ افراد ہلاک

    بغداد: عراق کے دارالحکومت بغداد کے شمالی علاقے میں خود کش دھماکے کے نتیجے میں 15 افراد جان کی بازی ہار گئے.

    تفصیلات کے مطابق عراق کے سیکیورٹی اور میڈیکل حکام نے بتایا کہ خود کش دھماکا خادمیہ کے علاقے میں موجود ایک اہم امام بارگاہ کی سیکیورٹی کےلیے قائم چیک پوسٹ پر ہوا،اس حملے میں 29 افراد زخمی بھی ہوئے.

    دہشت گرد تنظیم دوسلت اسلامیہ نے ایک جاری بیان میں خود کش حملے کی ذمہ داری قبول کرتے ہوئے کہا کہ حملے کا نشانہ فوجی اہلکار اور حکومت حامی پیراملٹری فورسز اہلکار تھے.

    *عراق میں سیکیورٹی چیک پوسٹ پر دھماکہ.7 افراد ہلاک 11 زخمی

    یادرہے کہ داعش نے گذشتہ کچھ عرصے سے حکومتی فورسز اور ان کی حمایت یافتہ ملیشیا پر حملوں میں اضافہ کردیا ہے.

    *بغداد: پرہجوم بازار میں کار بم دھماکہ، 64 افراد جاں بحق

    واضح رہے کہ رواں ماہ کے آغاز میں بغداد کے وسطی علاقے کی ایک مارکیٹ میں ہونے والے داعش کے خود کش دھماکے میں 292 افراد ہلاک ہوگئے تھے.

  • پیرس : عراقی فوج کی مدد میں اضافہ کریں گے،صدر فرانسوا اولاند

    پیرس : عراقی فوج کی مدد میں اضافہ کریں گے،صدر فرانسوا اولاند

    پیرس : فرانسیسی صدر فرانسوا اولاند نے اعلان کیا ہے کہ فرانس اپنے آپ کو دولت اسلامیہ کہلانے والی شدت پسند تنظیم کے خلاف جنگ میں عراقی فورسز کی مدد میں اضافہ کرے گا.

    تفصیلات کے مطابق فرانس کی جانب سے عراقی سیکورٹی فورسز کو بھاری آرٹلری آئندہ چند ہفتوں میں فراہم کر دی جائے گی اور ستمبر کے آخر تک خطے میں فرانسیسی جہاز بردار بحری جہاز بھی پہنچا دیا جائے گا.

    فرانسیسی صدر نے یہ اعلان ایسے وقت کیا ہے جب پچھلے ہفتے ہی نیس میں ایک شخص نے ٹرک سے 84 افراد کچل دیے،دولت اسلامیہ نے اس حملے کی ذمہ داری قبول کرتے ہوئے ڈرائیور کو اپنا ’سپاہی‘ قرار دیا.

    صدر اولاند نے ڈیفنس کونسل کے اجلاس میں میں نے فیصلہ کیا کہ داعش کے خلاف اتحاد کا حصہ ہونے کے باعث عراقی سکیورٹی فورسز کو ہتھیار فراہم کیے جائیں گے،یہ ہتھیار اگلے ماہ عراق پہنچا دیے جائیں گے.

    واضح رہے کہ فرانسیسی صدر کا کہنا تھا کہ فرانس عراق اور شام میں اپنے اتحادیوں کی حمایت جاری رکھے گا لیکن کارروائیوں کے لیے فوج نہیں بھیجی جائے گی.

  • پاکستان سب سے زیادہ مہاجرین کی میزبانی کرنے والے ممالک میں شامل

    پاکستان سب سے زیادہ مہاجرین کی میزبانی کرنے والے ممالک میں شامل

    اسلام آباد: آکسفیم انٹرنیشنل کی جانب سے جاری کی جانے والی ایک رپورٹ کے مطابق پاکستان سب سے زیادہ پناہ گزینوں کی میزبانی کرنے والے ممالک میں سے ایک ہے۔ دیگر ممالک میں اردن، ترکی، لبنان، جنوبی افریقہ اور مقبوضہ فلسطین شامل ہیں۔

    رپورٹ میں بتایا گیا ہے کہ غیر مستحکم معاشی حالات کے باوجود اردن، ترکی، پاکستان، لبنان، جنوبی افریقہ اور مقبوضہ فلسطین دنیا کے تمام مہاجرین اور سیاسی پناہ گزینوں میں سے 50 فیصد حصہ کی میزبانی کر رہے ہیں۔ ان ممالک کا عالمی معیشت میں صرف 2 فیصد حصہ ہے۔

    دوسری جانب دنیا کے 6 امیر ترین ممالک دنیا میں موجود صرف 9 فیصد مہاجرین کی میزبانی کر رہے ہیں جبکہ عالمی معیشت میں ان کا حصہ تقریباً نصف ہے۔

    ref-1

    ان 6 ممالک میں امریکا، چین، جاپان، جرمنی، فرانس اور برطانیہ شامل ہیں جن میں مہاجرین کی تعداد 21 لاکھ ہے۔ حال ہی میں جرمنی نے دیگر ممالک کے مقابلے میں مزید پناہ گزینوں کو ملک میں داخلے کی اجازت دے دی ہے۔

    آکسفیم کی جانب سے جاری کیے جانے والے تجزیہ میں کہا گیا ہے کہ یہ اعداد و شمار امیر اور غریب ممالک کے درمیان بڑھتے ہوئے طبقاتی فرق کو ظاہر کر رہے ہیں۔

    آکسفیم نے اپنی رپورٹ میں زور دیا ہے کہ ترقی یافتہ ممالک مزید پناہ گزینوں کو اپنے ملک میں داخلے کی اجازت دیں اور اس مقصد کے لیے ترقی پذیر میزبان ممالک کی معاونت کریں۔

    ref-2

    آکسفیم انٹرنیشنل کی ایگزیکٹو ڈائریکٹر ونی بیانما نے اس بارے میں گفتگو کرتے ہوئے کہا، ’یہ ایک شرمناک عمل ہے کہ کئی حکومتیں ایسے افراد کو اپنے ملکوں سے واپس بھیج رہی ہیں جنہیں جان جانے کا خطرہ ہے اور ان کے پاس کوئی محفوظ مقام نہیں۔ یہ لوگ جبراً اپنے گھروں سے بے دخل کیے گئے ہیں‘۔

    انہوں نے کہا کہ غریب ممالک ان مہاجرین کی حفاظت کی ذمہ داری اٹھائے ہوئے ہیں جبکہ یہ پوری دنیا کی مشترکہ ذمہ داری ہے۔

    واضح رہے کہ تنازعوں، جنگ اور تشدد کے باعث 65 ملین سے زائد افراد اپنی رہائش کو چھوڑ کر کہیں اور منتقل ہوچکے ہیں۔ ان میں سے ایک تہائی حصہ سیاسی پناہ گزینوں اور مہاجرین پر مشتمل ہے جبکہ زیادہ تر اپنے ہی وطن میں بے گھر ہو چکے ہیں۔

  • عراق پر حملہ ،ٹونی بلیئر کے خلاف درخواست دائر

    عراق پر حملہ ،ٹونی بلیئر کے خلاف درخواست دائر

    بغداد: عراق میں ایٹمی ہتھیاروں کی غلط اطلاع فراہم کرنے پر سابق برطانوی وزیراعظم ٹونی بلیئر کے خلاف عالمی فوجداری عدالت میں درخواست دائرکردی گئی۔

    امریکا اور اتحادیوں کی جانب سے عراق پر حملہ برطانوی ایجنسیوں کی جانب سے عراق میں موجود ایٹمی ہتھیاروں کی غلط اطلاع پر کیا گیا ،درخواست گزار بیرسٹر ظفراللہ نے عالمی فوجداری عدالت میں درخواست دائر کردی ۔

    درخواست گزار کے مطابق سابق برطانوی وزیراعظم ٹونی بلیئر نے عراق میں تیل کے ذخائر پر قبضہ کے لیے کیمیائی ہتھیاروں کی غلط افواہ پھیلائی ،برطانیہ اور اتحادیوں کا عراق پر حملہ انسانی حقوق کے عالمی منشور کی سنگین خلاف ورزی ہے۔

    درخواست میں کہا گیا ہے کہ عراق میں ہزاروں بے گناہوں کو بے دردی سے قتل کر دیا گیا ، 13 سال گزار جانے کے باوجود جنگی جرائم کی تفتیش مکمل نہ ہو سکی ، ٹونی بلئیر کے خلاف عالمی فوجداری عدالت میں مقدمہ چلا کر سزا دی جائے ۔

  • موصل : داعش نےاہم کمانڈرعمرشیشانی کی ہلاکت کی تصدیق کردی

    موصل : داعش نےاہم کمانڈرعمرشیشانی کی ہلاکت کی تصدیق کردی

    موصل : شدت پسند تنظیم داعش سے منسلک ایک نیوز ایجنسی نے تنظیم کے اہم کمانڈر عمر شیشانی کی ہلاکت کی تصدیق کر دی ہے.

    تفصیلات کے مطابق دولت اسلامیہ سے منسلک عمق نامی نیوز ایجنسی کا کہنا ہے کہ عمر شیشانی عراق کے شہر موصل کے جنوبی قصبے میں امریکی فضائی حملے میں ہلاک ہوئے.

    عمر شیشانی کا اصل نام ترکان باتراشویلی تھا،تاہم وہ عمر دی چیچن کے نام سے مشہور ہوا،عمر شیشانی کے بارے میں کہا جاتا تھا کہ وہ داعش سربراہ ابو بکر البغادی کا قریبی فوجی مشیر تھا.

    یاد رہے کہ امریکی وزارت دفاع نے رواں برس مارچ میں عمر شیشانی کو شام کے شمال مشرقی علاقے میں ایک فضائی حملے میں ہلاک کرنے کی تصدیق کی تھی، پینٹاگان کے مطابق عمر شیشانی کی ہلاکت امریکی فضائی حملے کے نتیجےمیں شدید زخمی ہونے کے بعد ہوئی تھی.

    امریکی وزارت دفاع کے مطابق امریکی فضائیہ کا یہ حملہ رواں برس چار مارچ کو شام کے شمال مشرقی علاقے شدادی میں اس وقت کیا گیا جب عمر شیشانی وہاں دولت اسلامیہ کے جنگجوؤں کی تربیت کے لیے موجود تھے.

    واضح رہے کہ امریکہ نے گذشتہ سال عمرشیشانی کے سر کی قیمت پچاس لاکھ ڈالر مقرر کی تھی.

  • عراق میں سیکیورٹی چیک پوسٹ پر دھماکہ.7 افراد ہلاک 11 زخمی

    عراق میں سیکیورٹی چیک پوسٹ پر دھماکہ.7 افراد ہلاک 11 زخمی

    بغداد : عراق کے دارالحکومت بغداد میں ایک سکیورٹی چیک پوسٹ پر ہونے والے کار خودکش بم دھماکے میں 7 افراد ہلاک جب کہ 11زخمی ہو گئے ہیں۔

    غیر ملکی خبر رساں ایجینسی کے مطابق بغداد کے شمال میں واقع راشدیہ کے علاقہ میں واقع سیکیورٹی چیک پوسٹ پر ایک خودکش بمبار نے بارود سے بھری گاڑی ٹکرا کر چیک پوسٹ کو اڑادیا۔دھماکے سے بڑے پیمانے پر تباہی پھیل گئی اور سات افراد لقمہ اجل بن گئے۔

    دھماکے سے زخمی افراد کو قریبی اسپتال منتقل کیا گیا جہاں اسپتال نے 7 افراد کی ہلاکت کی تصدیق کرتے ہوئے بتایا کہ دھماکے سے زخمی ہونے والے 11 افراد کو طبی امداد دی جا رہی ہے جس میں 5 زخمیوں کی حالت تشویشناک ہے۔

    برطانوی خبررساں ادارے کے مطابق فوری طور پر اس حملے کی ذمہ داری کسی نے قبول نہیں کی تاہم دھماکے کی نوعیت اور طریقہ واردات سے اندازہ لگانا مشکل نہیں کہ یہ دھماکہ بھی ایسےشدت پسند تنظیم داعش نے کرایا ہو جوعراقی دارالحکومت بغداد سمیت ملک کے مختلف حصوں میں اس قسم کے بم حملوں میں ملوث رہی ہے اور ذمہ داری بھی قبول کرتی رہی ہے۔

    یاد رہے اسی علاقے میں گزشتہ منگل کو بھی ایک دھماکہ کیا گیا تھا جس میں 9 افراد ہلاک ہو گئے تھے۔

    علاوہ ازیں 3 جولائی کو عراق کے ضلع وسطی کرادہ میں ایک خونریز بم دھماکہ میں 292افراد جاں بحق ہو گئے تھے یہ دھماکہ عراق میں گزشتہ 13 سال سے جاری کشیدگی کے دوران ہونے والا سب سے بھیانک اور خونریز حملہ تھا۔

    واضح رہے کہ امریکی حمایت یافتہ عراقی آرمی کی جانب سے حالیہ دنوں میں داعش کے خلاف کچھ پیشرفت نظر آئی ہے جس میں اس نے عراقی شہر رمادی کا قبضہ شدت پسند تنظیم سے چھڑالیا ہے لیکن ناقدین کا کہنا ہے وہاں صورتحال تاحال ابتر ہے۔

  • امریکا کا عراق میں مزید فوجی بھیجنے کا اعلان

    امریکا کا عراق میں مزید فوجی بھیجنے کا اعلان

    بغداد : امریکی وزیر دفاع ایشٹن کارٹر نے کہا ہے کہ عراق میں داعش سے جنگ میں امریکا عراقی فورسز کی مدد کے لیے مزید 560 فوجی بھیجے گا.

    تفصیلات کےمطابق امریکی وزیردفاع ایشٹن کارٹر نے اپنے دورہ عراق کے دوران عراقی وزیراعظم حیدر العبادی کے ساتھ ملاقات کی جس میں داعش کے خلاف جاری فوجی کارروائی پر تبادلہ خیال کیا گیا.

    امریکی وزیر دفاع نے عراقی وزیراعظم سے ملاقات میں عندیہ دیا کہ امریکی فوج القیارہ فوجی بیس کو موصل شہر پر قبضے کی مہم میں استعمال کر سکتی ہے اور شدت پسند تنظیم داعش کے خلاف جنگ میں معاونت کے لیے مزید 560 امریکی فوجی عراق بھیجے جائیں گے.

    عراق میں معاونت کےلیے بھیجے جانے والے فوجیوں میں انجینئرز، لاجسٹک اہلکاروں سمیت دیگر شامل ہیں جو عراقی فوج کو ملک کے دوسرے بڑے شہر موصل کا کنٹرول دوبارہ حاصل کرنے میں مدد کریں گے.

    واضح رہے کہ امریکی وزیر دفاع ایشٹن کارٹر کا کہنا تھا کہ فوجی اہلکار بھیجنے کا مقصد داعش کے خلاف جنگ میں بغداد کی معاونت کرنا ہے جب کہ فوجی دستوں کو جلد بغداد روانہ کیا جائے گا جس کے بعد عراق میں امریکی فورسز کی تعداد چار ہزار چھ سو سینتالیس ہوجائے گی.

  • بغداد: مزار پر خودکش حملے میں 30 افراد جاں بحق

    بغداد: مزار پر خودکش حملے میں 30 افراد جاں بحق

    بغداد: عراق کے دارالحکومت بغداد میں ایک مزار پر خودکش حملے میں 30 افراد جاں بحق جبکہ 50 سے زائد افراد زخمی ہوگئے۔ حملہ کی ذمہ داری داعش نے قبول کرلی۔

    غیر ملکی میڈیا کے مطابق افسوسناک واقعہ بغداد کے شمالی علاقے بلاد میں واقع سید محمد مزار پر پیش آیا جہاں خودکش بمبار نے اپنی گاڑی مزار کے مرکزی دروازے سے ٹکرا دی۔ دھماکے کے بعد قریب موجود دیگر دہشت گردوں نے بھی اندھا دھند گولیاں اور مارٹر گولے برسا دیے۔

    پالمیرا کے تاریخی کھنڈرات، داعش کے ہاتھوں تباہی سے قبل ، اور بعد میں *

    عید کے موقع پر مزار پر زائرین کی بڑی تعداد موجود تھی۔ ذرائع کے مطابق اموات میں اضافے کا خدشہ ہے۔

    واضح رہے کہ رواں ہفتہ یہ بغداد میں داعش کی جانب سے کیا جانے والا دوسرا حملہ ہے۔ عید سے 2 روز قبل ایک پرہجوم بازار میں بھی خوفناک بم دھماکہ کیا جاچکا ہے۔ دھماکے میں اب تک 292 افراد کی ہلاکت کی تصدیق کی جاچکی ہے۔

    داعش نے 19 یزدی خواتین کو زندہ جلا دیا *

    داعش کے خلاف عراق اور شام میں امریکا اور اتحادیوں کی کارروائیاں بھی جاری ہیں۔ ترکی کو اتحاد میں شامل ہونے کے بعد رواں ماہ مختلف دہشت گرد حملوں کا سامنا بھی کرنا پڑ رہا ہے جس میں استنبول کے اتاترک ایئرپورٹ پر 3 خودکش حملے بھی شامل ہیں۔ دہشت گردی کے بدترین واقعہ میں 36 افراد جاں بحق ہو گئے تھے۔