Tag: عراق

  • عید الفطر پر دنیا بھر کی مختلف روایات

    عید الفطر پر دنیا بھر کی مختلف روایات

    عید الفطر مسلمانوں کا ایک اہم مذہبی تہوار ہے جسے پوری دنیا میں بسنے والے مسلمان رمضان المبارک کا مہینہ ختم ہونے پر مناتے ہیں۔ عید الفطر اللہ کی طرف سے روزہ داروں کے لیے ایک انعام ہے۔ پورا مہینہ روزہ رکھنے کے بعد یکم شوال کو عید خوشیوں کا دن ہے۔

    عید الفطر کو میٹھی عید بھی کہا جاتا ہے جو دنیا بھر کے مسلمان بڑے جوش و خروش کے ساتھ مناتے ہیں۔

    قرآن میں حکم دیا گیا ہے کہ، ’رمضان کے آخری دن تک روزے رکھو اور زکواۃ ادا کرو اور عید کی نماز سے پہلے صدقہ فطر ادا کرو‘۔

    دنیا بھر کے مسلمان عید الفطر سمیت مختلف مذہبی تہواروں کو اپنی ثقافتی روایات کے ساتھ مناتے ہیں جس سے ان تہواروں کی رنگینیت میں اضافہ ہوجاتا ہے۔ آئیے دنیا بھر میں عید کے موقع پر مختلف روایات پر ایک نظر ڈالتے ہیں۔

    :تاریخی پس منظر

    عید کے تہوار کو ترقی دینے میں مغل بادشاہ اورنگ زیب عالمگیر نے اہم کردار ادا کیا۔ اورنگ زیب عالمگیر انتہائی مذہبی اور شریعت کا پابند تھا۔ اس نے تخت سنبھالتے ہی غیر اسلامی رسوم کا خاتمہ کیا جو برصغیر میں رائج ہوگئی تھیں۔

    تیمور کے دور میں جشن نوروز اتنی شان و شوکت سے منایا جاتا تھا کہ اس کے آگے عید پھیکی پڑ جاتی تھی۔ عالمگیر نے تخت نشین ہوتے ہی سب سے پہلے جو فرمان جاری کیا تھا وہ یہی تھا کہ نوروز منانے کا سلسلہ ختم کردیا جائے اور اس کی جگہ عید الفطر بھرپور طریقے سے منائی جائے۔

    عالمگیر کا جشن جلوس بھی عموماً انہی ایام میں پڑتا تھا۔ لہٰذا اس کے سبب عید کی رونقیں دوبالا ہوجایا کرتی تھیں۔ یوں برصغیر میں جشن نوروز کے بجائے عید کا تہوار ذوق و شوق اور جوش و خروش سے منایا جانے لگا۔ آنے والے دیگر بادشاہوں نے بھی اس روایت کو برقرار رکھا اور آگے بڑھایا۔

    تمام ممالک میں جہاں مسلمان بستے ہیں یہ تہوار بھرپور انداز میں منایا جاتا ہے۔ شمالی افریقہ، ایران اور مشرق وسطیٰ کے ملکوں میں یہ دن زیادہ تر ’فیملی ڈے‘ کے طور پر منایا جاتا ہے۔

    :پاکستان

    1

    پاکستان میں عید کے موقع پر لوگ صبح ہی نئے کپڑے پہن کر نماز عید کے لیے تیار ہوتے ہیں اور غریب افراد کی مدد کے لیے نماز سے قبل صدقہ فطر کی ادائیگی کرتے ہیں۔ عید کے موقع پر کئی روز تک تعطیلات ہوتی ہیں۔ پاکستان میں ابھی تک عید کارڈز دینے کی خوبصورت روایت نے مکمل طور پر دم نہیں توڑا ہے۔

    پاکستان میں عید پر بچوں کو بڑوں کی جانب سے پیسوں کی شکل میں عیدی کا تحفہ دیا جاتا ہے اور انہیں اپنی یہ رقم مرضی سے خرچ کرنے کی اجازت ہوتی ہے۔

    :ترکی

    2
    ترک صدر احمد داؤد اوغلو نماز عید کے بعد ۔ فائل فوٹو

    ترکی میں عید کے موقع پر بزرگوں کے دائیں ہاتھ کو بوسہ دے کر ان کی تکریم کی جاتی ہے۔ بچے اپنے رشتہ داروں کے ہاں جاتے ہیں اور عید کی مبارکباد دیتے ہیں جہاں انہیں تحائف ملتے ہیں۔ عید کے موقع پر ترک ’بکلاوا‘ نامی مٹھائی تقسیم کرتے ہیں۔

    :سعودی عرب

    3
    نماز عید کے بعد سعودی نوجوان جشن مناتے ہوئے

    عرب قدیم دور میں عید کے پکوانوں میں کھجوریں، شوربے میں بھیگی ہوئی روٹی، شہد، اونٹنی، بکری کا دودھ اور روغن زیتون میں بھنا ہوا گوشت استعمال کرتے تھے مگر وقت گزرنے کے ساتھ ساتھ ان کے کھانوں میں تبدیلی آتی گئی۔ اب عرب ممالک میں قدیم روایات کے ساتھ جدید کھانے بھی رواج پاگئے ہیں۔ عید کے روز عربوں کی سب سے پختہ روایت اعلیٰ اور قیمتی لباس زیب تن کر کے رشتے داروں اور دوستوں کے گھر جا کر ملنا ہے۔

    عید پر بچوں کو تحفوں سے بھرے بیگ دیے جاتے ہیں۔ یہ بھی ایک روایت ہے کہ لوگ عید کے روز بڑی مقدار میں چاول اور دوسری اجناس خریدتے ہیں جو وہ غریب خاندانوں کے گھروں کے باہر چھوڑ آتے ہیں۔ شام کے وقت عید کے میلے اس تہوار کی رونق کچھ اور بڑھا دیتے ہیں۔

    سعودی عرب میں دیہاتوں میں اونٹوں کی ریس کا بھی رواج ہے۔

    :ایران

    5
    خواتین کی نماز عید کا اجتماع

    ایران میں عید الفطر کو ’عید فطر‘ کہا جاتا ہے۔

    :مصر

    Untitled-4

    مصر میں عید الفطر کا تہوار 4 روز تک منایا جاتا ہے۔ عید کے دن کے آغاز پر بڑے بچوں کو لے کر مساجد کا رخ کرتے ہیں جبکہ خواتین گھر میں اہتمام کرتی ہیں۔ عید کی نماز کے بعد ہر کوئی ایک دوسرے کو عید کی مبارک باد دیتا ہے۔

    پہلے دن کو خاندان دعوتوں میں مناتے ہیں جبکہ دوسرے اور تیسرے دن سینما گھروں، تھیٹروں اور پبلک پارکس کے علاوہ ساحلی علاقوں میں ہلا گلا کیا جاتا ہے۔ بچوں کو عام طور پر نئے کپڑوں کا تحفہ دیا جاتا ہے جبکہ خواتین اور عورتوں کے لیے بھی خصوصی تحائف کا اہتمام کیا جاتا ہے۔

    :ملائیشیا

    8

    ملائیشیا میں عید کی تقریبات رسم و رواج کی وجہ سے بڑی رنگین ہوجاتی ہیں۔

    ملائیشیا میں عید کا مقامی نام ’ہاری ریا عید الفطری‘ ہے جس کا مطلب ہے منانے والا دن۔ ملائیشیا میں عید کے دن لوگ خصوصی رنگ برنگے لباس زیب تن کرتے ہیں اور گھروں کے دروازے ہمیشہ کھلے رکھے جاتے ہیں تاکہ خاندان، ہمسائے اور دوسرے ملنے والے لوگ آجا سکیں۔

    عید پر روایتی آتش بازی کا مظاہرہ بھی کیا جاتا ہے۔ اس آتش بازی کو دیکھنے کے لیے چھوٹے بڑے بچے، عورتیں بازاروں کا رخ کرتے ہیں۔ ملائیشیا میں عید کے موقع پر بچوں کو عیدی دی جاتی ہے جیسے ’دوت رایا‘ کہا جاتا ہے۔

    یہاں عید پر خصوصی ڈش کے طور پر ناریل کے پتوں میں چاول پکائے جاتے ہیں جسے مقامی زبان میں ’کٹو پٹ‘ کہا جاتا ہے۔

    :انڈونیشیا

    انڈونیشیا میں عید کو مختلف ناموں سے جانا جاتا ہے، مثلاً ’ہری رایا‘، ’ہری اوتک‘، ’ہری رایا آئیڈیل‘ اور ’ہری رایا پوسا‘۔ ہری رایا کے معنی خوشی کا دن کے ہیں۔ عید پر انڈونیشیا اور ملائیشیا میں سب سے زیادہ چھٹیاں ملتی ہیں۔ آخری عشرے میں بینک، سرکاری اور نجی ادارے بند ہوتے ہیں۔

    انڈونیشیا میں عید سے قبل رات کو ’تیکرائن‘ کہا جاتا ہے۔ اس رات لوگوں کے ماشا اللہ کہنے سے ماحول گونج اٹھتا ہے جبکہ گلیوں اور بازاروں میں نعرہ تکبیر بھی لگائے جاتے ہیں۔

    اس موقع پر گھروں کے دروازوں اور کھڑکیوں میں موم بتیاں، لالٹینیں اور دیے جلا کر رکھے جاتے ہیں جو بہت خوبصورت نظارہ پیش کرتے ہیں۔

    :فلسطین

    7

    فلسطین میں عید کے موقع پر ’کک التماز‘ نامی گوشت کی میٹھی ڈش تیار کی جاتی ہے جو گرما گرم کافی کے ساتھ مہمانوں کو پیش کی جاتی ہے۔

    :بنگلہ دیش

    9

    دیگر مسلمان ممالک کی طرح یہاں بھی دن کا آغاز نماز سے ہوتا ہے اور اس کے بعد رشتہ داروں سے ملاقاتیں ہوتی ہیں۔ عید کے موقع پر زکوٰة اور فطرانہ بھی دیا جاتا ہے۔

    بنگلہ دیش میں عید کے روز شیر خورمہ بنتا ہے جسے ’شی مائی‘ کہا جاتا ہے۔ عید پر نئے لباس پہنے جاتے ہیں جبکہ گھروں میں خصوصی دعوتوں کا اہتمام ہوتا ہے اور خواتین اپنا ایک ہاتھ مہندی سے سجاتی ہیں۔

    :عراق

    10
    عراق میں عید کے موقع پر ہونے والا فیسٹیول

    عراق میں لوگ صبح نماز عید ادا کرنے سے پہلے ناشتے میں بھینس کے دودھ کی کریم اور شہد سے روٹی کھاتے ہیں۔

    :افغانستان

    11
    عید الفطر افغانستان کے مسلمانوں کے لیے خصوصی اہمیت کا حامل دن ہے جسے تین دن تک پورے جوش و خروش سے منایا جاتا ہے۔ پشتو بولنے والی برادری عید کو ’کوچنائی اختر‘ پکارتے ہیں۔

    عید کے موقع پر مہمانوں کی تواضع کرنے کے لیے جلیبیاں اور کیک بانٹا جاتا ہے جسے ’واکلچہ‘ کہا جاتا ہے۔ افغانی عید کے پہلے دن اپنے گھروں پر پورے خاندان کے ساتھ وقت گزارتے ہیں۔

    :امریکہ

    12

    امریکہ میں مسلمان عید کی نماز کی ادائیگی کے لیے اسلامک سینٹرز میں اکٹھے ہوتے ہیں اور اس موقع پر پارک میں بھی نماز کی ادائیگی ہوتی ہے۔ مخیر حضرات اس موقع پر بڑی بڑی پارٹیوں کا بھی اہتمام کرتے ہیں۔

    اسلامک سینٹرز میں عید ملن پارٹیوں کا انعقاد ہوتا ہے۔ عید کی تقریبات 3 دن تک جاری رہتی ہے۔ بڑے بچوں کو عیدی دیتے ہیں جبکہ خاندان آپس میں تحائف کا تبادلہ بھی کرتے ہیں۔

    :برطانیہ

    13
    برطانوی وزیر اعظم ڈیوڈ کیمرون اسلامک سینٹر میں مسلمانوں سے عید ملتے ہوئے ۔ فائل فوٹو

    برطانیہ میں عید الفطر قومی تعطیل کا دن نہیں مگر یہاں بیشتر مسلمان صبح نماز ادا کرتے ہیں۔ اس موقع پر مقامی دفاتر اور اسکولوں میں مسلم برادری کو حاضری سے استثنیٰ دیا جاتا ہے۔ جنوبی ایشیائی مرد جبہ اور شیروانی میں ملبوس نظر آتے ہیں جبکہ خواتین شلوار قمیض سے عید کا آغاز کرتی ہیں اور مقامی مساجد میں نماز ادا کر کے دوسروں سے ملا جاتا ہے۔

    عید کے موقع پر مسلمان اپنے رشتے داروں اور دوستوں سے میل ملاقات کر کے عید کی مبارکباد دیتے ہیں جبکہ اپنے پیاروں میں روایتی پکوان اور مٹھائیاں بھی تقسیم کی جاتی ہیں۔

    :چین

    14

    سرکاری اعداد و شمار کے مطابق عوامی جمہوریہ چین میں مسلمانوں کی آبادی 1 کروڑ 80 لاکھ ہے۔ عید کے روز مسلم اکثریتی علاقوں میں سرکاری چھٹی ہوتی ہے۔ ان علاقوں کے رہائشی مذہب سے بالاتر ہو کر ایک سے تین روز تک کی سرکاری چھٹی کر سکتے ہیں۔

  • بغداد : بم دھماکے میں ملوث پانچ مجرموں کو پھانسی دے دی گئی

    بغداد : بم دھماکے میں ملوث پانچ مجرموں کو پھانسی دے دی گئی

    بغداد: عراق کے دارالحکومت میں ہونے والے بم دھماکے میں ملوث پانچ مجرموں کو پیر کے روز پھانسی دے دی گئی،دھماکے میں دو سو سے زائدافراد جان کی بازی ہار گئے تھے.

    تفصیلات کے مطابق وزارت انصاف کا کہنا تھا کہ دھماکے میں جاں بحق ہونے والے افراد کے لواحقین کا جاننا ضروری ہے کہ وزارت انصاف مجرموں کو سزا دینے کے لیے اپنا کام کررہی ہے جنہوں نےعراقیوں کا خون بہایا ہے.

    یاد رہے کہ وزارت انصاف نے بغداد میں اتوار کو دھماکے میں جاں ہونے والے افراد کے لواحقین سے تعزیت کی تھی.

    عراق کے دارالحکومت بغداد کی مارکیٹ میں دھماکہ اس وقت کیا گیا تھا جب لوگوں کی بہت بڑی تعداد مارکیٹ میں خریداری میں مصروف تھے،دھماکے میں دو سو سے زائد افراد جان کی بازی ہار گئے تھے دھماکے کی ذمہ داری دولت اسلامیہ نے قبول کی تھی.

    یاد رہےگذشتہ سال اردن کے پائلٹ کا طیارہ حادثے کے باعث شام میں گر کر تباہ ہوا گیاتھا،تاہم حادثے میں محفوظ رہنے والے پائلٹ کو داعش نے زندہ جلا دیا تھا جس کے بعد اردن کی حکومت نےدو جہادی قیدیوں کو پھانسی دی تھی.

  • بغداد:دو دھماکوں میں ہلاک افراد کی تعداد 125 ہوگئی، 150 زخمی

    بغداد:دو دھماکوں میں ہلاک افراد کی تعداد 125 ہوگئی، 150 زخمی

    بغداد: عراق کے دارالحکومت بغداد میں ہونے والے دو بم دھماکوں میں 125 افراد جاں بحق اور 150 سے زائد زخمی ہوگئے، داعش نے دھماکوں‌ کی ذمہ داری قبول کرلی۔

    اطلاعات کے مطابق پہلا دھماکا مرکزی ڈسٹرکٹ کرادہ میں ایک ریستوارن اور مصروف بازار میں ہوا، اس وقت وہاں بہت سارے افراد رمضان کی خریداری میں مصروف تھےجب کہ دوسرا دھماکا کچھ دیر بعد دارالحکومت کے شمال میں واقع شیعہ اکثریتی علاقے میں ہوا۔زخمیوں اور لاشوں کو فوری طور پر اسپتال منتقل کیا گیا۔

    بین الاقوامی خبررساں ایجنسی کے مطابق ہلاک شدگان میں بچوں کی بھی بڑی تعداد شامل ہے،دھماکے کی وجہ سے بازار کی اہم سڑک پر آگ پھیل گئی اور اتوار کی صبح بھی وہاں آگ لگی ہوئی تھی، پاس کی کئی عمارتیں بری طرح متاثر ہوئی ہیں۔

    عراقی میڈیا کے مطابق وزیر اعظم حیدر العبادی جب صبح وہاں پہنچے تو مشتعل ہجوم نے ان کا راستہ روک لیا۔عراقی سول حکام کے مطابق داعش فلوجہ کو بغداد پر حملوں کے لیے ‘‘لانچنگ پیڈ’’ کی طرح استعمال کرتی رہی ہے۔

    عراقی وزارت داخلہ کا کہنا ہے کہ مارکیٹ میں ہونے والے بم دھماکوں کی ذمہ داری دولت اسلامیہ عراق و شام (داعش) نے قبول کر لی ہے۔

    واضح رہے کہ گذشتہ دنوں عراق کے شہر فلوجہ میں فضائی حملے میں داعش کے 250 جنگجو مارے گئے اور یہ کاروائی اب تک کی سب سے بڑی کارروائی تھی۔

  • بغداد: عراقی فوج نے فلوجہ کا کنٹرول حاصل کرلیا

    بغداد: عراقی فوج نے فلوجہ کا کنٹرول حاصل کرلیا

    بغداد: عراقی فوج نے داعش کے جنگجووں کو شکست دے کر فلوجہ کا کنٹرول حاصل کرلیا،فوج نے پانچ ہفتے تک جاری رہنے والی جھڑپوں کے بعد فلوجہ کا کنٹرول حاصل کیا.

    تفصیلات کے مطابق عراق میں دولت اسلامیہ کے جنگجووں کے زیرقبضہ اہم شہر فلوجہ کا کنٹرول عراقی فوج نے سنبھال لیا ہے.

    عراقی وزیراعظم حیدر العبادی کاکہناہےکہ سرکاری فوجوں نے پانچ ہفتے کی جنگ کے بعد دوبارہ فلوجہ کا کنٹرول حاصل کرلیا ہے.

    منگل کو شروع ہونے والی جھڑپیں بدھ کی دوپہر تک جاری رہیں،جسکے بعد داعش کےجنگجو شہر سے باہر نکل گئے.

    یاد رہے فلوجہ کے قریب ہائی وے پر متعددجنگجووں کی لاشیں ملی ہیں،سرکاری فوج نے دعوی کیاہے کہ لاشیں سعودی جنگجووں کی ہیں.

    واضح رہے کہ داعش کے جنگجووں نے خلافت کے اعلان سے چھ ماہ پہلے دوہزار چودہ کے وسط میں فلوجہ پر قبضہ کرلیا تھا.

  • خلیج عرب:امریکی بحریہ بھی عراق میں داعش کیخلاف سرگرم

    خلیج عرب:امریکی بحریہ بھی عراق میں داعش کیخلاف سرگرم

    بغداد: امریکی بحریہ بھی داعش کے خاتمے کےلیے میدان میں آگئی،امریکی نیوی کےجنگی طیاروں نے خلیج عرب سے پہلی بار عراق میں داعش کے ٹھکانوں کونشانہ بنایا.

    تفصیلات کے مطابق عراق میں داعش کے خاتمے کےلیے امریکی اور اتحادی افواج کی زمینی و فضائی کارروائیاں جاری ہے،لیکن دوسالوں میں پہلی بار امریکی بحریہ کے جنگی شپ یو ایس ایس باکسر اور جنگی طیارے یو ایس ایس ہیری نے بھی عراق کے شہر فلوجہ میں داعش کے ٹھکانوں پر بمباری شروع کردی ہے.

    امریکی کموڈر کا کہنا ہے کہ امریکی بحریہ کا داعش کےخلاف آپریشن کامیابی سے جاری اور اب تک بحریہ کے جنگی طیارے ایک سو ستر سے زائد مرتبہ عراق کے شمالی علاقوں میں داعش کے ٹھکانوں بر حملہ کرچکے ہیں.

    یاد رہے اس سے قبل گذشتہ ماہ عراقی شہرفلوجہ میں امریکی اتحادکی فلوجہ میں فضائی کارروائی کےدوران داعش کاکمانڈرماہرالبلادی مارا گیا تھا.

  • عراقی فورسز کی کاروائی،فلوجہ کےقریبی علاقے داعش سے آزاد کروالیے

    عراقی فورسز کی کاروائی،فلوجہ کےقریبی علاقے داعش سے آزاد کروالیے

    بغداد: عراقی فورسز کی داعش کے دہشت گردوں کےخلاف پیش قدمی جاری ہے،تازہ کارروائی میں فلوجہ کےقریب مزید علاقے دہشت گردوں سے آزاد کروالیےگئے.

    تفصیلات کے مطابق داعش کےجنگجووں سے فلوجہ کاقبضہ چھڑانےکےلیےعراقی فوج کی پیش قدمی کا سلسلہ جاری ہے،داعش کے جنگجووں کے خلاف عراقی فورسز نے کاروائی کرکے فلوجہ کے قریبی علاقوں کو داعش سے آزاد کروالیا.

    عراقی فورسزنے علاقے پرقومی پرچم لہرادیاہے اورفورسزفلوجہ کی جانب پیش قدمی جاری رکھےہوئےہیں.

    آپریشن کے کمانڈر عبدالوہاب السعدی کاکہناہےکہ حکومتی افواج اتحادی ملیشیاکےہمراہ فلوجہ کوآئندہ چند دنوں میں واگزارکرانےکےلیے پُرعزم ہیں.

    یاد رہے اس سے قبل گذشتہ دنوں عراقی فوج نےفلوجہ کےنواحی قصبےصقلاویہ کو دہشت گرد تنظیم داعش سے آزاد کروالیا تھا،صقلاویہ پر دوہزار چودہ میں داعش کے جنگجووں نے قبضہ کیا تھا.

    *عراقی فوج نےفلوجہ کےنواحی قصبےصقلاویہ کو داعش سے آزاد کروالیا

    عراقی فورسز نے سرکاری عمارت سے داعش کا پرچم ہٹا کر عراق کا قومی پرچم بھی لہرا دیاتھا،فورسز کوداعش کے خلاف جنگ میں ایران نواز ملیشیا کی مدد بھی حاصل ہے.

    واضح رہےکہ بائیس مئی کوعراقی وزیراعظم نےفلوجہ کوداعش سے آزاد کرانے کیلئےآپریشن کا اعلان کیاتھا۔

  • بغداد : فلوجہ میں داعش کے خلاف عراقی فوج کی کاروائی

    بغداد : فلوجہ میں داعش کے خلاف عراقی فوج کی کاروائی

    بغداد: عراق کے شہرفلوجہ پر قبضےکےلیے عراقی فوج کی کارروائیوں میں شدت آگئی،عراقی فوج اور داعش کے جنگجووں میں لڑائی جاری ہے.

    تفصیلات کے مطابق عراقی دارالحکومت سے صرف پچاس کلومیٹر فاصلے پر واقع فلوجہ شہر پر داعش جنگجو 2014 سے قابض ہیں.

    گذشتہ روز عراقی افواج نے فلوجہ کےجنوب میں ایک چوکی پر قبضہ کرلیا تھا،عراقی فوج کے ہمراہ داعش کےخلاف برسرپیکار ایران نوازملیشیا نے فلوجہ کے شمالی قصبےصقلاویہ پرقبضہ کیا تھا.

    عراقی فوج کی جانب سے فلوجہ کے مسلسل محاصرے کی وجہ سے شہر میں خوراک کی قلت پیداہوگئی ہے،جس کی وجہ سے شہری فاقہ کشی پر مجبور ہیں،جبکہ شہریوں کو داعش کی جانب سے لڑنے پر بھی مجبور کیا جارہا ہے.

    یاد رہےگذشتہ دنوں عراقی شہرفلوجہ میں امریکی اتحادکی فضائی کارروائی کےدوران داعش کاکمانڈرماہرالبلادی ہلاک ہوگیاہے.

  • فلوجہ:عراقی افواج نے داعش کی کھودی ہوئی سرنگیں ناکارہ بنادی

    فلوجہ:عراقی افواج نے داعش کی کھودی ہوئی سرنگیں ناکارہ بنادی

    بغداد: عراقی افواج نے فلوجہ میں داعش کی کھودی ہوئی سرنگوں کا جال دریافت کرکے ناکارہ بنادیا.

    تفصیلات کے مطابق عراق کے شہر فلوجہ میں عراقی افواج کی پیش قدمی کا سلسلہ جاری ہے،داعش کے جنگجوؤں سے تازہ جھڑپ کے بعد عراقی افواج نے شہر کے مغربی حصے میں داعش کی جانب بچھائے گئے زمینی سرنگوں کے جال کو دریافت کرکے ناکارہ بنادیا ہے.

    عراقی فوج کے ترجمان کے مطابق داعش کی جانب سے کھودی گئی یہ سرنگیں ان کے فرار ہونے کا راستہ اور چھپ کر عراقی فوج کو نشانہ بنانے کا ذریعہ تھی.

    عراقی افواج نے گزشتہ روز لڑائی میں ستر سے زائد داعش کے جنگجوؤں کو مارنے کا دعوٰی کیا ہے،اتحادی افواج کے مطابق فلوجہ میں داعش کو پسپائی کا سامنا ہے.

    یاد رہےاس سے قبل عراقی شہرفلوجہ میں امریکی اتحادکی فضائی کارروائی میں داعش کااہم کمانڈر ماہرالبلادی مارا گیا تھا.

    امریکی ترجمان کرنل اسٹیووران نے بتایاکہ داعش کے ہیڈکوارٹرزاورشہرمیں ماہرالبلادی کی موجودگی کی خفیہ اطلاع ملی تھی،جس کے بعدکارروائی کی گئی.

    واضح رہے کہ دو دن قبل عراقی فورسزاورکردملیشیا نےفلوجہ کےقریب قصبےکوتین دن لڑائی کےبعددہشت گرد تنظیم داعش سے آزادکرالیاتھا.

  • بغداد:امریکی اتحاد کی فلوجہ میں فضائی کارروائی، داعش کمانڈرہلاک

    بغداد:امریکی اتحاد کی فلوجہ میں فضائی کارروائی، داعش کمانڈرہلاک

    بغداد: عراقی شہرفلوجہ میں امریکی اتحادکی فضائی کارروائی میں داعش کااہم کمانڈرہلاک ہوگیا، رواں ماہ امریکی فضائی کاروائی میں داعش کا دوسرا اہم کمانڈر مارا گیا ہے.

    تفصیلات کے مطابق عراقی شہرفلوجہ میں امریکی اتحادکی فضائی کارروائی،امریکی فوج کاکہنا تھاکہ دوروزقبل امریکی اتحادکی فلوجہ میں فضائی کارروائی کےدوران داعش کاکمانڈرماہرالبلادی ہلاک ہوگیاہے.

    امریکی ترجمان کرنل اسٹیووران نے بتایاکہ داعش کے ہیڈکوارٹرزاورشہرمیں البلادی کی موجودگی کی خفیہ اطلاع ملی تھی،جس کے بعدکارروائی کی گئی۔

    کرنل اسٹیووران کاکہناتھاکہ چاردنوں میں امریکی اتحاد نےعلاقے میں بیس مرتبہ فضائی کارروائی کی جس دوران دہشتگرد تنظیم کےستر جنگجوہلاک ہوگئے.

    یادرہے رواں ماہ عراق کے صوبہ انبار میں امریکی قیادت میں اتحادی فضائی حملے میں داعش کا کمانڈر اپنے تین ساتھیوں سمیت مارا گیا.

    پیٹاگون کے ترجمان کے پیٹرکک کےمطابق ابوواہب عراق میں القاعدہ کا سابق رکن تھا،جس نے بعد میں داعش میں شمولیت اختیار کرلی تھی، داعش کے کمانڈر کو متعدد ویڈیوز میں بھی دیکھا گیا تھا جس میں لوگوں کو قتل کیا جارہا تھا.

    ابو واہب صرف صوبہ انبار کا ہی لیڈر نہیں تھا بلکہ داعش کی اہم قیادت میں سے تھا، داعش کا کمانڈر اپنے ساتھیوں سمیت گاڑی میں جارہا تھا اسی دوران اس کو نشانہ بنایا گیا تھا.

    واضح رہے کہ بغداد فوج کے ترجمان کرنل اسٹیو کا کہنا تھا کہ 2015 کے آغاز سے اب تک 40 لوگوں کو نشانہ بنایا جاچکا ہے جس میں داعش اور القاعدہ کے سہولت کار، سیل رہنما اور منصوبہ ساز شامل تھے.

  • عراقی افواج کا داعش کے خلاف کاروائی کا تیسرا روز

    عراقی افواج کا داعش کے خلاف کاروائی کا تیسرا روز

    بغداد:عراق میں فلوجہ کے قبضے کے لیے عراقی افواج کی دہشت گرد تنظیم داعش کے خلاف کاروائی تیسر ے روز میں داخل ہوگئی.

    تفصیلات کے مطابق عراق کے مغربی شہر فلوجہ کو داعش کے قبضے سے آزاد کرانے کےلیے عراقی افواج کی کارروائیاں تیسرے روز میں داخل ہوگئی.

    حاشید شابی گروپ بھی عراقی فوج کے شانہ بشانہ داعش کے جنگجوؤں کے مقابلے پر آگیا، جس سے فلوجہ میں عراقی افواج کی کامیابی کا امکان بڑھ گیا ہے.

    فلوجہ کے کئی علاقوں میں عراقی افواج اور داعش کے جنگجوؤں کے درمیان لڑائی جاری ہے، بعض مقامات پر داعش کی پسپائی کی اطلاعات ہیں.

    عراقی حکومت نے فلوجہ کے شہریوں کو ہدایت کی ہے وہ محفوظ مقامات پر منتقل ہوجائیں اور گھروں سے باہر بلاضرورت نکلنے سے گریز کریں.