Tag: عرب میڈیا

غزہ میں جنگ بندی کیلئے نئی امریکی تجویز سامنے آئی ہے، اسرائیلی وزیراعظم نیتن یاہو نے نئی امریکی تجویز سے اتفاق کرلیا ہے۔

عرب میڈیا کے مطابق اسرائیل کے وزیراعظم نیتن یاہو نے اسیروں کے اہلخانہ کو بتایا اسرائیل نے جنگ بندی کی نئی تجویز قبول کرلی ہے، نیتن یاہو نئی جنگ بندی تجویز کے ساتھ آگے بڑھنے کےلیے تیار ہیں۔

جنگ بندی پر حماس کی آرا سے متعلق عرب میڈیا نے بتایا کہ حماس نئی امریکی تجویز کا مطالعہ کررہا ہے، حماس کا کہنا ہے کہ جنگ بندی تجویز کا مطالعہ کرکے ایسا فیصلہ کرینگے جس میں فلسطینیوں کا مفاد ہو۔

غزہ جنگ بندی : دوحہ میں دوبارہ مذاکرات، حماس کی تصدیق

اس سلسلے میں‌ امریکی ایلچی اسٹیووٹکوف نے کہا کہ غزہ میں ممکنہ جنگ بندی سے متعلق پُرامید ہوں جبکہ الجزیرہ ٹی وی کا کہنا ہے کہ نئی امریکی تجویز میں 60 دنوں کی جنگ بندی شامل ہے۔

نئی تجویز کے مطابق 10 زندہ اسرائیلی شہریوں کی رہائی اور 18 لاشوں کی واپسی ہوگی، جنگ بندی معاہدے کے تحت اسرائیل 1100 سے زائد فلسطینی قیدیوں کو رہا کریگا۔

اسرائیل غزہ میں فوج کی تعداد کم کریگا اور انسانی امداد کی فراہمی میں اضافہ کرےگا، تجویز کے مطابق اسرائیل غزہ کی حکومتی ذمہ داری ایک آزاد فلسطینی کمیٹی کو منتقل کریگا۔

https://urdu.arynews.tv/gaza-ceasefire-israels-claim-is-false/

سعودی جنرل اتھارٹی برائے شماریات نے اس سال عازمین حج کی سعادت حاصل کرنے والے کے اعداد و شمار جاری کردیئے۔

عرب میڈیا کے مطابق سعودی وزیر حج و عمرہ ڈاکٹر توفیق الربیعہ کا کہنا تھا حاجیوں کی تعداد اندازے سے بہت کم رہی، اس سال 2023 (1444 ہجری) حج میں 150 ممالک سے 18 لاکھ 45  ہزار مرد و خواتین عازمین نے حج کی سعادت حاصل کی۔

سعودی ادارہِ شماریات کے مطابق حاجیوں کی تعداد اندازے سے بہت کم رہی، کورونا پابندیاں مکمل ختم ہونے کے بعد اس بار 25 لاکھ سے زائد عازمین حج کی توقع تھی۔

اعداد و شمار کے مطابق  ایک لاکھ 84 ہزار عازمین سعودی عرب سے ہی تھے، اس سال سب سے زیادہ ایشیائی ممالک سے عازمین مملکت پہنچے جبکہ عرب ممالک عازمین  کی تعداد کے حوالے سے دوسرے نمبر پر رہے

اس سال حجاج کی کل تعداد 18 لاکھ 45 ہزار 45 رہی، ان میں 16 لاکھ60 ہزار 915 عازمین بیرون ملک سے آئے اور سعودی شہر میں مقیم غیر ملکیوں کی تعداد 1 لاکھ 84 ہزار 130 رہی۔

رپورٹ کے مطابق داخلی، خارجی عازمین کی کل تعداد میں مرد عازمین کی تعداد 9 لاکھ 69 ہزار 694 تھی، خواتین کی تعداد 8 لاکھ 75 ہزار 351 رہی۔

عرب ممالک سے 21 فیصد،  ایشیائی ممالک سے 63.5 فیصد افریقی ممالک سے 13.4 فیصد جبکہ یورپ، امریکہ، آسٹریلیا سے عازمین کی تعداد 2.1 فیصد عازمین سعودی عرب پہنچے۔

واضح رہے کورونا سے پہلے 2019 میں 25 لاکھ عازمین نے حج کی سعادت حاصل کی تھی۔