Tag: عرشی شاپنگ سینٹر

کراچی: عرشی شاپنگ سینٹر سے دکانداروں کو بچا ہوا سامان نکالنے کی اجازت مل گئی۔

تفصیلات کے مطابق عرشی شاپنگ مال میں آگ لگنے کا واقعہ پیش آیا تھا جس نے فلیٹس کو بھی اپنی لپیٹ میں لے لیا تھا، اب شاپنگ سینٹر سے دکانداروں کو بچا ہوا سامان نکالنے کی اجازت مل گئی۔

پولیس حکام کا کہنا ہے کہ دکانداروں نے محفوظ بچا ہوا سامان نکالنا شروع کردیا اس دوران فائر بریگیڈ کو اسٹینڈ بائی رکھا گیا ہے جبکہ پولیس اہلکار سیکیورٹی پر تعینات ہیں۔

پولیس حکام نے بتایا کہ دکاندار سامان کی فہرست تیار کررہے ہیں،  ڈی سی آفس اور 1122 نمائندے بھی موجود ہیں اب تک سامان چوری ہونے کی کوئی شکایات سامنےنہیں آئی۔

عرشی شاپنگ مال میں جاں بحق ہونے والے 5ویں شخص کی شناخت ہوگئی

اس کے علاوہ  آگ سے متاثرہ ہونے والے فلیٹ کے مکینوں کو رہائش کی اجازت تو مل گئی ہے لیکن فلیٹ کے مکینوں کی زندگی کی جمع پونجی جل کر راکھ ہو گئی۔

فلیٹ کے مکین کہتے ہیں کہ ہمارے فلیٹ مکمل جل گئے، ہم ایک لمحہ پر روڈ پر آگئے، ہر سیاسی جماعت کے رہنماوں نے فلیٹ کا دورہ تو کیا مگر کوئی اقدامات نہیں اٹھائے گئے۔

فلیٹ کے مکینوں نے حکومت سے مطالبہ کیا کہ فلیٹ کی بحالی ومرمت میں ہماری مدد کی جائے۔

واضح رہے کہ عائشہ منزل کے قریب عرشی شاپنگ سینٹر میں خوفناک آتش زدگی کے نتیجے میں 5 افراد جاں بحق ہو گئے تھے جبکہ 1 شخص جھلس کر شدید زخمی ہوا تھا۔

کراچی :سندھ بلڈنگ کنٹرول اتھارٹی نے آتشزدگی سے متاثرہ عرشی شاپنگ سینٹر کی عمارت کو رہائش کے قابل قرار دے دیا اور کہا رہائشی فلیٹس کی بنیادوں کو کوئی نقصان نہیں پہنچا۔

تفصیلات کے مطابق سندھ بلڈنگ کنٹرول اتھارٹی کی ٹیم عرشی مال پہنچی ، 6رکنی ٹیم نے شاپنگ سینٹرکی عمارت کے متاثرہ حصوں کا معائنہ کیا، ایس بی سی اے نے کہا کہ معائنے کے بعد عمارت کو کلیئر قرار دینےکا فیصلہ کیا جائے گا۔

کے ڈی اے اور ایس بی سی اے افسران نے جائے حادثے کا معائنہ مکمل کیا ، جس کے بعد ایڈیشنل ڈی جی ایس بی سی اے نے ڈی جی اےایس بی سی اے کو رپورٹ پیش کردی۔

ایڈیشنل ڈی جی ایس بی سی اے بینش شبیر نے کہا کہ رہائشی فلیٹس کی بنیادوں کوکوئی نقصان نہیں پہنچا، جس کے بعد کمیٹی نےعمارت کورہائش کے قابل قرار دےدیا۔

بینش شبیر کا کہنا تھا کہ متاثرہ عمارت کےگراؤنڈ فلور کی بنیادیں اور پلر پر مرمت کی ضرورت ہے، گراونڈ فلور پر قائم 10دکانیں مکمل طور پر جل گئیں جبکہ 3دکانوں کو اسٹرکچر بری طرح متاثر ہوا ہے۔

انھوں نے بتایا کہ عمارت مخدوش نہیں ہے، عمارت رہائش کے قابل ہے اس کی حتمی رپورٹ بنائی جارہی ہے، متاثرہ عمارت کے مکینوں کو رہائش کے حوالے سےسہولت فراہم کردی جائے۔

عمارت کو ڈی سیل کرنے کیلئے ڈی جی ایس بی سی اے کا ادارے کے دیگر افسران سے رابطہ کرلیا ہے۔

یاد رہے کراچی عائشہ منزل کے قریب عرشی شاپنگ سینٹر میں آگ لگنے سے پانچ افراد جاں بحق ہوگئے جبکہ چوہتر اپارٹمنٹس اور سو سے زائد دکانوں کو نقصان پہنچا۔

گذشتہ شام عرشی شاپنگ سینٹر کی ایک دکان میں آگ لگی دیکھتے ہی دیکھتے شعلوں نے پوری عمارت کو لپیٹ میں لے لیا تھا، عینی شاہدین کے مطابق فائربریگیڈ پندرہ سےبیس منٹ تاخیرسے پہنچنے پر آگ نے مزید شدت اختیار کی، تاہم آگ لگنے کی وجہ اب تک معلوم نہیں ہوسکی۔

کراچی : عائشہ منزل پر عرشی شاپنگ سینٹر کی متاثرہ رہائشی خاتون پھٹ پڑی اور کہا کراچی جل رہا ہے مررہا ہے کوئی پوچھنےو الا نہیں۔

تفصیلات کے مطابق کراچی میں عائشہ منزل پر واقع عرشی شاپنگ سینٹرمیں  لگنے والی آگ سے کئی افراد بے گھر ہوکر سڑک پر آگئے، مکینوں نے رات کھلے آسمان تلے گزاری۔

اس صورتحال میں عرشی مال کی متاثرہ رہائشی خاتون پھٹ پڑی اور روتے ہوئے کہا کہ سب سے زیادہ ٹیکس دہنے والا شہر یتیم ہے، یہاں کوئی گھر محفوظ نہیں گیس نہیں آتی مگر کراچی والے پورا بل بھرتے ہیں، بجلی کے ایکسٹرا بل بھرتے ہیں، کراچی جل رہا ہے مررہا ہے کوئی پوچھنےو الا نہیں۔

رہائشی خواتین کا کہنا تھا کہ ہمیں کوئی امداد نہیں چاہیے، ہمیں ہمارے گھروں میں جانے دیا جائے، اپارٹمنٹس میں نہیں جانے دیا جارہا۔

متاثرین نے کہا کہ عمارت سیل کیوں ہے ؟ کل سے خیموں میں بیٹھے ہوئے ہیں، سرد موسم میں مریضوں کی دوائیاں، بچوں کے کپڑے اور دیگر ضروری اشیا کیلیے محتاج ہیں۔

متاثرہ افراد کا کہنا ہے کہ بھاری بھرکم ٹیکس لئے جاتے ہیں لیکن کوئی والی وارث نہیں، انتظامیہ اپنی کارروائی تیز کرے، ہمیں گھروں تک رسائی دے۔

خیال رہے کراچی کےعلاقےعائشہ منرل پرشاپنگ مال میں آتشزدگی سےعمارت کھنڈرمیں تبدیل ہوگئی، جس کے بعد عمارت کو سیل کردیاگیا ہے۔

کراچی : عرشی شاپنگ مال میں خوفناک آتشزدگی کے نتیجے میں جاں بحق افراد کی تعداد 5 ہوگئی جبکہ متاثرہ عمارت کو سیل کردیا گیا ہے۔

تفصیلات کے مطابق کراچی میں عائشہ منزل پر عرشی شاپنگ مال میں لگنے والی خوفناک آگ کے نتیجے میں قیمتیں جانیں لاپرواہی کی بھینٹ چڑھ گئیں۔

شاپنگ سینٹر کی عمارت سے ایک اور لاش نکال لی گئی ہے ، جس کے بعد جاں بحق افرادکی تعداد5ہوگئی، ریسکیوحکام نے بتایا کہ لاش عمارت کی پہلی منزل سے ملی ، جیسے سول اسپتال برنس وارڈ منتقل کردیا گیا ہے۔

دوسری جانب شاپنگ پلازہ اور عمارت میں لگنےوالی آگ پرمکمل طورپرقابوپالیاگیا ہے، جس کے بعد کولنگ کا عمل اور ریسکیوسرچ آپریشن بھی مکمل ہوگیا ہے۔

ریسکیوحکام نے بتایا کہ عمارت کےگراؤنڈ فلوراورمیزنائن فلورکوشدیدنقصان ہواہے جبکہ عمارت کوآگ کےنتیجےمیں کافی نقصان پہنچاہے۔

حکام کا کہنا تھا کہ آگ پر قابو پانے میں فائر بریگیڈ کے ایم سی، پاک بحریہ سمیت اسنارکل کی نے حصہ لیا ، آگ لگنے کےباعث لاکھوں کاسامان ،کئی موٹرسائیکلیں اورگاڑیاں بھی جل گئیں۔

ایس بی سی اے حکام نے کہا ہے کہ عرشی سینٹرکی عمارت کو سیل کردیاگیاہے، عمارت سیل کرنے کا مقصدکوئی شخص اندرداخل نہ ہوسکے، کمیٹی عمارت کےمعائنےکےبعدرپورٹ پیش کرےگی ، معائنہ کےبعدعمارت کا فیصلہ ہوگاکہ یہ استعمال کے قابل ہےیانہیں تاہم عرشی سینٹرسےمنسلک علاقےمیں حفاظتی طور پر بجلی منقطع ہے۔

یاد رہے گزشتہ روز عائشہ منزل پر عرشی شاپنگ مال کی دکان میں آگ بھڑک اٹھی تھی، جس نے رہائشی عمارت کوبھی لپیٹ میں لے لیا، ۔ شہری عمارت کی چھت پر چڑھ کر بچاؤ بچاؤ چلاتے رہے جبکہ عمارت کے سامنے کھڑی گاڑیاں اور موٹرسائیکلیں بھی جل کر راکھ ہوگئیں۔

اطلاع ملنے پر فائر بریگیڈ کی سات گاڑیوں اور اسنار کل نے آگ بجھائی جبکہ پاک بحریہ کی ٹیموں نے بھی آگ بجھانے کے کام میں حصہ لیا ، عینی شاہدین نے بتایا فائر بریگیڈ پندرہ سے بیس منٹ تاخیر سے پہنچنے پر آگ نے مزید شدت اختیار کی۔