Tag: عرفان صدیقی

اسلام آباد: مسلم لیگ (ن) کے سینیٹر عرفان صدیقی کا کہنا ہے کہ پاکستان تحریک انصاف (پی ٹی آئی) کو اپنے مطالبات پیش کرنے کا حق ہے۔

عرفان صدیقی نے اپنے ایک بیان میں کہا کہ شنگھائی تعاون تنظیم (ایس سی او) کے موقع پر پی ٹی آئی کا احتجاج کی کال واپس لینا مثبت قدم تھا، الحمدللہ ایس سی او کا اجلاس کامیاب رہا۔

(ن) لیگی سینیٹر نے کہا کہ ایسا کوئی قدم نہیں اٹھانا چاہیے جو ملکی وقار کے خلاف ہو۔

انہوں نے کہا کہ معیشت بہتر اور ملک ترقی کر رہا ہے جبکہ مہنگائی میں کمی ہو رہی ہے، سیاسی انتشار تمام بیماریوں کی جڑ ہوتی ہے، پی ٹی آئی کا بڑا احسان ہے کہ احتجاج کی کال واپس لی، انہوں نے عوام پر بھی بڑا احسان کیا ہے۔

پی ٹی آئی کا ملک بھر میں احتجاج کا اعلان

ان کا کہنا تھا کہ پی ٹی آئی نے نجانے کل کس بات پر احتجاج کی دوبارہ کال دے دی ہے؟

عرفان صدیقی نے اپنے بیان میں پارلیمنٹ لاجز میں اختر مینگل کے کمرے کے محاصرے کی مذمت کی۔ انہوں نے کہا کہ جو کچھ ہوا یہ ہمارے لیے باعث شرمندگی ہے، اس اقدام کی نہ ماضی میں حمایت کی جاسکتی تھی اور نہ حال میں۔

قبل ازیں، عرفان صدیقی نے اپنے بیان میں کہا تھا کہ مجوزہ ڈرافٹ میں موجود نوے فیصد شقوں پر اتفاق رائے ہو چکا ہے، ترمیم کل سینیٹ میں پیش کر دی جائے گی۔

(ن) لیگی سینیٹر کا کہنا تھا کہ آئینی عدالت بنے گی یا بنچ اس پر بھی بات چیت ہو چکی ہے لیکن اعلان خصوصی کمیٹی کرے گی۔

اسلام آباد : مسلم لیگ ن کے رہنما عرفان صدیقی کا کہنا ہے کہ بانی پی ٹی آئی جس دروازے پردستک دےرہےہیں ، وہاں سے جواب نہیں آئے گا، مذاکرات تو سیاستدانوں سے کرنے ہوں گے۔

تفصیلات کے مطابق مسلم لیگ ن کے سینئر رہنما عرفان صدیقی نے بانی پی ٹی آئی کے معافی مانگنے کے اعلان پر ردعمل دیتے ہوئے کہا کہ پہلے احساس ہوکہ کوئی غلط کام کیا ہے، پھر معافی کالفظ آتا ہے۔

ن لیگی رہنما کا کہنا تھا کہ بانی پی ٹی آئی نو مئی واقعات سے متعلق عجیب موقف اپناتےہیں، وہ کہتے ہیں میں نے احتجاج کاکہاتھا، اگرآپ کاآدمی باہرنہیں نکلاتوجو16لوگ جاں بحق ہوئےوہ کون تھے؟

انھوں نے کہا کہ بانی پی ٹی آئی غلط جگہ جارہے ہیں، وہ جس دروازےپردستک دےرہے ہیں وہاں سے کوئی جھانکنے کو تیار نہیں۔

مسلم لیگ ن کے رہنما کا کہنا تھا کہ بانی پی ٹی آئی کہتےتھےیہ چورہیں،ڈاکوہیں ان سےبات نہیں کروں ، کچھ بھی کرلیں بانی پی ٹی آئی کوبات سیاستدانوں سے کرنا پڑے گی۔

انھوں نے بتایا کہ 2014 کے دھرنے کے دوران نوازشریف اورمیں ہیلی کاپٹرپرجارہےتھے، اُس وقت نوازشریف نےکہامجھے دھرنے کی جگہ تو دکھاؤ، ہم نےاس وقت دیکھاکہ دھرنےمیں تو100سےبھی کم لوگ موجودتھے۔

ن لیگی رہنما نے کہا کہ معاملات ہمیشہ مذاکرات سے ہی آگے بڑھتے ہیں، بانی پی ٹی آئی کومذاکرات کی بیسیوں پیش کش کی ہیں ، ان کومحموداچکزئی اور کبھی کسی اور کا سہارانہیں لیناچاہیے، بانی پی ٹی آئی کی کوئی سیاسی حکمت عملی ہوتی تو وہ کوئی راستہ تلاش کرتے، ابھی تو بانی پی ٹی آئی کیخلاف کوئی کارروائی ہوئی ہی نہیں۔

ان کا کہنا تھا کہ بانی پی ٹی آئی جواب دیں کہ کس نےاپنےپیروکاروں کوڈھائی سو مقامات پرحملے کا کہا تھا؟

بھوک ہڑتال کے حوالے سے ن لیگی رہنما نے کہا کہ پی ٹی آئی بھوک ہڑتال پرہے،جب ان کاکیمپ دیکھاتو5لوگ بیٹھےہوئےتھے، راستہ بنانےکیلئےسوچ سمجھ اور شعور سے کام لیں۔