پاکستان شوبز انڈسٹری کی معروف اداکارہ عریشہ رضی کے ہاں بیٹے کی پیدائش ہوئی ہے اداکارہ نے اپنے بیٹے کا نام بھی بتادیا۔
عریشہ رضی ایک نوجوان پاکستانی اداکار ہیں جنہوں نے شوبز انڈسٹری میں بطور چائلڈ آرٹسٹ شہرت حاصل کی اور بعد میں مین اسٹریم پاکستانی میڈیا میں ایک ممتاز اداکارہ کے طور پر سامنے آئیں۔
عریشہ رضی 2024 میں شادی کے بندھن میں بندھنے کے بعد کے بعد سے شوبز سے وقفہ لے لیا ہے تاہم اداکارہ نے 12 فروری 2025 کو سوشل میڈیا پر اپنے حاملہ ہونے کی خوشخبری دی تھی اور بتایا تھا کہ وہ جلد ماں بننے والی ہیں۔
View this post on Instagram
اب اداکارہ نے سوشل میڈیا کے ذریعے ہی خوشی کی خبر شیئر کی ہے عریشہ نے بتایا کہ ان کے ہاں بیٹے کی پیدائش ہوئی ہے۔
فوٹو اینڈ شیئرنگ ایپ انسٹاگرام پر اداکارہ نے اپنے اور شوہر کے ہمراہ بیٹے کے ہاتھ اور پیر کی تصویر پوسٹ کی اور کیپشن میں بیٹے کا نام بھی بتایا ہے۔
اداکارہ نے لکھا کہ اپنے بچے عبدل دایان کا تعارف کراتے ہوئے ہمارے دل محبت سے بھر گئے ہیں، الحمد للّٰہ، ہماری چھوٹی سی نعمت دنیا میں آگئی ہے جس نے ہمیں 2 سے 3 افراد پر مشتمل فیملی بنادیا ہے۔
عریشہ نے مداحوں سے دعاؤں کی درخواست کرتے ہوئے کہا کہ ہماری زندگی کے نئے اور خوبصورت باب پر ہمیں دعاؤں میں یاد رکھیں۔
واضح رہے کہ اداکارہ عریشہ رضی خان گزشتہ سال کے آغاز میں رشتہ ازدواج میں منسلک ہوگئیں تھی، عبداللہ فرخ نامی شخص کےساتھ رشتہ ازدواج میں منسلک ہونے کے بعد عریشہ رضی سب کی توجہ کا مرکز بنی رہیں جبکہ انہوں نے شادی کے بعد عمرے کی سعادت بھی حاصل کی۔
