Tag: عزیزآباد

کراچی : شہر قائد میں موٹرسائیکل لفٹرز نے وارداتوں کیلئے باریش حلیہ بنالیا ، موٹر سائیکل چوری کی واردات کی سی سی ٹی وی سامنے آگئی۔

تفصیلات کے مطابق کندھے پر رومال، چہرے پر سفید داڑھی اور سر پر سفید ٹوپی، موٹر سائیکل لفٹرز نے وارداتوں کے لیے نیا حلیہ بنالیا۔

کراچی کے علاقے عزیزآباد بلاک 8 میں موٹرسائیکل چوری کی واردات ہوئی ، واردات کی سی سی ٹی وی فوٹیج منظرعام پر آگئی ہے۔

فوٹیج میں دیکھا جاسکتا ہے موٹرسائیکل لفٹرز نے پہلے ایک چکر لگایا پھر واپس آئے، ایک ملزم نے اتر کر گلی کا جائزہ لیا پھر ہدف کی جانب گیا۔

ملزمان اپنی موٹر سائیکل میں چوری کے اوزار ساتھ لائے تھے، ملزمان نے پارکنگ میں کھڑی ایک موٹرسائیکل کھولنے کی کوشش کی تاہم کوشش پر ناکامی ہوئی تو دوسری موٹرسائیکل کی طرف گیا اندر کھڑی موٹرسائیکل پر چابی لگائی تو کامیاب ہوگئے۔

کراچی: عزیزآباد میں پرانی رنجش کی بنا پر جھگڑے کے بعد شراب فروشوں نے فائرنگ کرکے نوجوان کو قتل کردیا۔

تفصیلات کے مطابق عزیزآباد میں جھگڑے کے بعد فائرنگ کرکے ملزمان نے نوجوان کو قتل کردیا، پولیس کا کہنا ہے کہ فائرنگ کا واقعہ پرانی رنجش کی بنا پر پیش آیا، دونوں گروپ میں پہلے بھی جھگڑے ہوتے رہے ہیں۔

مقتول کے اہلخانہ نے میڈیا سے گفتگو کرتے ہوئے بتایا کہ ملزمان شراب فروش کرتے ہیں اور ہر وقت مسلح رہتے ہیں۔ ملزمان اپنے ساتھیوں کے ساتھ آئے اور گولیاں چلادیں۔

اہلخانہ نے بتایا کہ ڈیڑھ سال پہلے چرچ کے آگے بچوں میں شورشرابہ کی وجہ سے لڑائی ہوئی تھی، ملزمان سے صلح صفائی بھی ہوچکی تھی، آج صبح دوبارہ چرچ کے باہر جھگڑا ہوا تھا۔

میڈیا سے گفتگو میں اہلخانہ نے الزام لگایا کہ پولیس ملزمان کا ساتھ دیتی ہے۔ پولیس کا کہنا ہے کہ فرار ملزم کی گرفتاری کی کوششیں جاری ہیں۔