Tag: عسکری قیادت

راولپنڈی: پاکستانی عسکری قیادت کی جانب سے یوم دفاع کے موقع پر شہدا اور لواحقین کو خراج عقیدت پیش کرتے ہوئے کہا کہ پوری قوم شہدا کی قربانیوں کو سلام پیش کرتی ہے۔

تفصیلات کے مطابق مسلح افواج کے شعبۂ تعلقاتِ عامہ (آئی ایس پی آر) کی جانب سے بیان میں کہا گیا ہے کہ چیئرمین جوائنٹ چیفس آف اسٹاف کمیٹی، سروسز چیفس اور افواج پاکستان نے اٹھاون ویں یوم دفاع و شہداء پر پیغام میں شہدا اور ان کے لواحقین کو زبردست خراج عقیدت پیش کیا۔

چیئرمین جوائنٹ چیفس آف اسٹاف کمیٹی نے اپنے پیغام میں کہا ہے کہ چھ ستمبر انیس سو پینسٹھ کو حق و باطل کے معرکے نے ثابت کیا کہ غیور قوم اپنی سرحدوں کی حفاظت کر نے کے لئے ہمہ وقت تیار ہے۔

عسکری قیادت کا کہنا تھا کہ ہزاروں بیٹوں نے اپنی جانوں کا نذرانہ پیش کرتے ہوئے پاک سرزمین کے دفاع کو ناقابلِ تسخیر بنایا، آج پوری قوم اُن کی قربانیوں کو سلام پیش کرتی ہے، ہم بطور قوم تمام شہداکی قربانیوں کےمقروض ہیں۔

آئی ایس پی آر کے مطابق شہدانےپاکستان کےپرچم کی سربلندی کیلئےجانوں کےنذرانےپیش کیے، پاکستان کونقصان پہنچانےکی ہرکوشش کامنہ توڑجواب دیاجائے گا، مسلح افواج ہرطرح کےاندرونی وبیرونی خطرات کیخلاف پرعزم ہیں۔

راولپنڈی : عسکری قیادت نے یوم تکریم شہدائے پاکستان کے موقع پر شہدا کو خراج عقیدت پیش کرتے ہوئے کہا کہ شہدا کی لازوال قربانیوں کو کم تر کرنے کی کسی کو بھی اجازت نہیں دی جا سکتی۔

تفصیلات کے مطابق پاک فوج کے شعبہ تعلقات عامہ آئی ایس پی آر کی جانب سے یوم تکریم شہدائے پاکستان پر پیغام جاری کیا گیا۔

جس میں یوم تکریم شہدائے پاکستان کے موقع پر عسکری قیادت نے شہدا کو خراج عقیدت پیش کیا ، چیئرمین جوائنٹ چیفس اسٹاف کمیٹی، ریٹائرڈافسران اور سول سوسائٹی کی جانب سے شہدا کو خراج عقیدت پیش کیا گیا۔

آئی ایس پی آر کی جانب سے پیغام میں کہا گیا کہ شہدا نے مادر وطن کی حفاظت میں اپنی جانوں کی عظیم قربانیاں دیں، شہدا نے قربانی دے کر ملکی سالمیت اورمادروطن کی حرمت کی حفاظت کی۔

پاک فوج کے ترجمان کا کہا تھا کہ شہداکی لافانی قربانیاں آئندہ نسلوں اورہم وطنوں کیلئےمشعل راہ ہیں، دشمن کے پروپیگنڈے کے باوجودقوم شہداکی قربانیوں کو نہیں بھلاسکتی۔

ترجمان کا کہنا تھا کہ شہداکی مادروطن کے لئے قربانیاں لازوال ہیں، وطن کی سالمیت،خودمختاری اوروقارکےلئےشہدانےعظیم قربانیاں دیں، آج پوری قوم کیلئے شہدا کو یاد کرنے اور خراج عقیدت پیش کرنے کا دن ہے۔

آئی ایس پی آر نے مزید کہا کہ شہدا نے پاکستان کے نظریات کوبرقراررکھنےکیلئےجانیں نچھاورکیں، شہداپاکستان ہمارےہیرواورعظیم اثاثہ ہیں، شہداکی لازوال قربانیوں کو کم ترکرنےکی کسی کوبھی اجازت نہیں دی جا سکتی۔

ترجمان پاک فوج کا کہنا تھا کہ قوم فخر اور عزم کرتی ہے کہ ملک قابل فخرخاندانوں کا مقروض رہے گا، کچھ بھی ہو جائے، شہدا ہمارا فخر تھے، ہیں اور رہیں گے۔