لاہور : عسکری ٹاورحملہ کیس میں یاسمین راشدسمیت دیگرکیخلاف ٹرائل شروع ہوگیا، خدیجہ شاہ اور یاسمین راشد نے استدعا کی کہ وکیل سےملاقات کرنی ہے عدالت بلوایا جائے۔
تفصیلات کے مطابق لاہور کی انسداددہشت گردی عدالت میں عسکری ٹاور حملہ کیس کی سماعت ہوئی ، انسداد دہشت گردی عدالت کی جج عبہر گل خان نے کس کی سماعت کی۔
عمرسرفرازچیمہ ،یاسمین راشد،خدیجہ شاہ سمیت دیگر ملزمان کی ویڈیولنک پر حاضری مکمل کی گئی۔
خدیجہ شاہ اور یاسمین راشد نے استدعا کی کہ وکیل سےملاقات کرنی ہےعدالت بلوایا جائے ، خدیجہ شاہ نے کہا کہ میں وکیل سےمل کر اپنا وکالت نامہ دہنا چاہتی ہوں، جس پر فاضل جج کا کہنا تھا کہ پریشان نہ ہوں آپ کو جیل سے عدالت بلا لیتے ہیں۔
عدالت کا کہنا تھا کہ اب تک تمام ضمانت حاصل کرنے والےملزمان کی حاضری مکمل نہیں ہوئی ، سب ملزمان کی حاضری مکمل ہونے پر چالان کی کاپیاں تقسیم کی جائیں گی، چالان کی کاپیاں تقسیم ہونے کے بعد فرد جرم عائد کی جائے گی، گلبرگ پولیس نے ملزمان کیخلاف چالان جمع کرا رکھا ہے/
