Tag: عطاتارڑ

اسلام آباد : وزیراعظم کے معاون خصوصی عطاتارڑ کا کہنا ہے کہ فیصلے سے ثابت ہوگیا چیئرمین پی ٹی آئی سرٹیفائیڈ چور ہے، وہ صادق و امین نہیں رہے۔

تفصیلات کے مطابق وزیراعظم کے معاون خصوصی عطاتارڑ نے چیئرمین پی ٹی آئی کی گرفتاری پر ردعمل دیتے ہوئے کہا کہ عوامی نمائندوں نے گوشواروں میں اثاثے ظاہرکرنےہوتےہیں، اثاثے ظاہر نہ کرنے پر 3 سال قید اور جرمانے کی سزا ہے۔

عطاتارڑ کا کہنا تھا کہ باربارمعافی کی درخواستوں کو منظور کیاگیاہے، چیئرمین پی ٹی آئی کو صفائی کیلئےمواقع بھی فراہم کیاگیا۔

وزیراعظم کے معاون خصوصی نے کہا کہ توشہ خانہ تحائف کو بیچا گیا اور ڈیکلیئر نہیں کیا گیا تھا، چیئرمین پی ٹی آئی کرپٹ پریکٹسز کے مرتکب ہوئے، انھوں نے غلط ڈیکلیئریشن جمع کرائی اثاثے چھپائے، ثابت ہوگیا چیئرمین پی ٹی آئی سرٹیفائیڈ چور ہے۔

انھوں نے بتایا کہ چیئرمین پی ٹی آئی کو باربار صفائی کا موقع دیاگیا، انھوں نے مقدمے سے بچنےکیلئے بہانے بنائے۔

عطاتارڑ نے تنقید کرتے ہوئے کہا کہ چیئرمین پی ٹی آئی نے تجوری بھری اور معیشت کا بیڑا غرق کیا، انھوں نے اپنےدورمیں مخالفین کو نشانہ بنایا۔

معاون خصوصی کا کہنا تھا کہ فیصلے میں واضح لکھا ہے کہ چیئرمین پی ٹی آئی کرپشن میں ملوث ہیں اور فیصلے سے ثابت ہوگیا کہ چیئرمین پی ٹی آئی صادق و امین نہیں رہے۔

اسلام آباد : وزیراعظم کے معاون خصوصی عطاتارڑ کا کہنا ہے کہ کوئٹہ میں عبدالرزاق کو آج صبح ٹارگٹ کرکے شہید کر دیا گیا، وہ چیئرمین پی ٹی آئی کیخلاف غداری کا مقدمہ لڑرہا تھا، آپ کو وکیل کے قتل کا جواب دینا ہوگا۔

تفصیلات کے مطابق وزیراعظم کے معاون خصوصی عطاتارڑ نے پریس کانفرنس کرتے ہوئے کہا کہ عبدالرزاق شر نے چیئرمین پی ٹی آئی کیخلاف درخواست دائر کی تھی ، عبدالرزاق کو آج صبح ٹارگٹ کرکے شہید کر دیا گیا۔

عطاتارڑ کا کہنا تھا کہ اس کیس نے اگلی کچھ تاریخوں میں منطقی انجام تک پہنچناتھا ، چیئرمین پی ٹی آئی کے خلاف سنگین غداری کا مقدمہ ہے اور عبدالرزاق شرغداری کے کیس میں درخواست گزارتھے۔

وزیراعظم کے معاون خصوصی نے کہا کہ یہ کیس بلوچستان ہائیکورٹ میں زیرسماعت ہے آج کوئٹہ ایئرپورٹ روڈ کے پاس دو موٹر سائیکل سواروں نے عبدالرزاق شرکونشانہ بنایا، یہ واقعہ اسوقت کیوں پیش آیاجب مقدمہ سماعت کیلئےمقررتھا اور سینئروکیل امان اللہ کنرانی عبدالرزاق کو اسسٹ کر رہے تھے۔

ان کا کہنا تھا کہ کسی وکیل کی ٹارگٹ کلنگ انصاف کا قتل ہے، آرٹیکل 5 اور 6 کے حوالے سے عبدالرزاق شرپیروی کررہےتھے، وکیل کے قتل کامقدمہ درج ہوگا اورمکمل تفتیش ہوگی۔

چیئرمین پی ٹی آئی کو مخاطب کرتے ہوئے عطاتارڑ نے کہا کہ وکیل کو اس لئے قتل کیا گیا کہ وہ آپ کیخلاف غداری کا مقدمہ لڑرہا تھا، آپ کو وکیل کے قتل کا جواب دینا ہوگا۔

معاون خصوصی نے مزید کہا کہ آپ کو باقی کیسز میں اسٹے آرڈر اور ریلیف مل جاتاہے، غداری کیس میں آپ نے اسمبلیاں توڑی تھیں، عدم اعتماد تحریک کے بعد آپ نے اسمبلیاں توڑی تھیں، آپ کوپتاہےاسمبلیاں توڑکرآئین کی خلاف ورزی کی ہے، آپ نےغداری کی ہے۔

ان کا کہنا تھا کہ کوئٹہ میں وکیل کا خون بہایاہے چیئرمین پی ٹی آئی کو اس کاجواب دیناہوگا، نامزدگی کےبعدگرفتاری مطلوب ہوئی تووہ بھی ہوگی۔