Tag: عطا تارڑ

ٹوبہ ٹیک سنگھ: وفاقی وزیراطلاعات عطا تارڑ نے کہا ہے کہ پیپلزپارٹی کےساتھ مل بیٹھ کر کینال کا مسئلہ حل کرینگے، سیاست نہیں ہونی چاہیے۔

وفاقئ وزیر اطلاعات عطا تارڑ نے میڈیا سے گفتگو کرتے ہوئے کہا کہ کوئی صوبہ دوسرے صوبے کا پانی کا حق نہیں لے سکتا، کینال انتظامی معاملہ ہے اس پر سیاست نہیں ہونی چاہیے، شرجیل میمن نے بھی کہا ہے کہ معاملہ افہام و تفہیم سے حل ہونا چاہیے۔

عطا تارڑ نے کہا کہ شرجیل میمن کا بیان خوش آئند ہے، پیپلزپارٹی اتحادی ہے، ان کے پاس آئینی عہدے ہیں، اتحاد کا تقاضہ ہے کہ مسئلے پر مل بیٹھ کر بات کریں۔

انھوں نے کہا کہ پانی کی منصفانہ تقسیم کا قانون موجود ہے، کسی کی حق تلفی نہیں ہوگی، کینال انتظامی مسئلہ ہے اور انتظامی طریقے سے ہی حل کرنا چاہیے، شہباز شریف کی قیادت میں ٹیم ورک کی طرح کام کیا ہے۔

وزیراطلاعات نے کہا کہ ملکی معیشت کی بحالی میں آرمی چیف اور ایس آئی ایف سی کا کردار ہے، پاکستان کے دشمن شرطیں لگا رہے تھے کہ کب ڈیفالٹ ہورہے ہیں۔

عطا تارڑ کا کہنا تھا کہ آئی ایم ایف آج پاکستان کی معیشت کی تعریف کررہا ہے، اللہ کا شکر ہے کہ ڈیفالٹ کے دہانے سے اٹھ کر استحکام کی جانب آئے، پاکستان ایک بار پھر اڑان بھرنے کو تیار ہے۔

وفاقی وزیراطلاعات نے کہا کہ پی ٹی آئی نے قوم کو تقسیم کرنے کی کوشش کی لیکن خود تقسیم ہوگئی، پی ٹی آئی نے انتشار اور تباہی کے علاوہ کچھ نہیں کیا۔

انھوں نے کہا کہ وزیراعظم کی قیادت میں پاکستان کی ترقی کا سلسلہ جاری رہےگا، پی ٹی آئی سے اس وقت بات چیت ہوتی نظر نہیں آرہی۔

عطا تارڑ کا مزید کہنا تھا کہ پی ٹی آئی کو بات چیت کا موقع دیا گیا لیکن اس نے راہ فرار اختیار کی، آرمی چیف جنرل عاصم منیر کی تقریر سے بھارت اور پی ٹی آئی کو تکلیف ہوئی ہے۔

وفاقی وزیر برائے اطلاعات عطا تارڑ کا کہنا ہے کہ اداروں پر حملہ کرنا پی ٹی آئی کا پرانا وطیرہ ہے۔

قومی اسمبلی میں اظہار خیال کرتے ہوئے وفاقی وزیر عطا تارڑ نے کہا کہ کرم میں لاشیں پڑی تھیں یہ اسلام آباد پر دھاوا بول رہے تھے، کسی کو ہاؤس ڈکٹیٹ کرنے کی اجازت نہیں دی جائے گی۔

انہوں نے کہا کہ ہاؤس ایسے نہیں چلے گا، عمر ایوب کو اداروں کی کردار کشی پر شرم آنی چاہیے، عمر ایوب کس دادا کے پوتے ہیں جو روز یہاں کھڑے ہوکر منافقت کرتے ہیں۔

وفاقی وزیر نے کہا کہ پی ٹی آئی قیادت آپس میں دست و گریباں ہے، عمر ایوب نے حکومت کو تاحال کسی لاپتا فرد کی تفصیلات فراہم ہیں کیں، وہ بتائیں کرم میں حالات کیوں خراب ہوئے ہیں۔

عطا تارڑ نے کہا کہ ملک سے باہر بیٹھے پی ٹی آئی کے لوگ سوشل میڈیا پروپیگنڈا کرتے ہیں، منافقت کی سیاست نہیں چلے گی۔

دوسری جانب خواجہ آصف نے کہا کہ ہمیں کہا جاتا ہے کہ مذاکرات کےخلاف ہیں یہ خود مذاکرات کےخلاف ہیں یہ کہتے ہیں حکومت کے پاس اختیارات نہیں ہیں یہ جن کےپاس اختیارات سمجھتے ہیں پھر ان سے ہی بات کر لیں۔

انہوں نے کہا کہ یہ لوگ تو کہتے تھے کہ ہم سےبات نہیں کریں گے اب کیوں بات کر رہے ہیں یہ لوگ بتائیں نا کہ یہ مذاکرات کیلئے کیوں تیار ہو گئے ہیں ہم ان سے مذاکرات کر رہے ہیں اور یہ ہمیں بلیک میل کر رہے ہیں۔

خواجہ آصف کا کہنا تھا کہ یہ ایوان کی کارروائی چلنے نہیں دے رہے ایوان کو چلانا ان کی بھی ذمہ داری ہے یہ ایوان کی کارروائی میں خلل ڈال رہے ہیں تو ہمیں مذاکرات بھی روک دینے چاہیے اگریہ ہمیں مذاکرات کےلیے بےاختیار سمجھتے ہیں تو ان سے مذاکرات ہر گز نہیں کرنے چاہیے۔

خیبر پختونخوا حکومت کے ترجمان بیرسٹر ڈاکٹر سیف نے وفاقی وزیر عطا تارڑ کی پریس کانفرنس پر انہیں کرارا جواب دیا ہے۔

خیبر پختونخوا حکومت کے ترجمان بیرسٹر ڈاکٹر سیف نے وفاقی وزیر اطلاعات ونشریات عطا تارڑ کی گزشتہ روز پریس کانفرنس میں کے پی حکومت پر عائد الزامات پر کرارا جواب دیتے ہوئے اپنا ردعمل ظاہر کیا ہے۔

بیرسٹر ڈاکٹر سیف نے کہا کہ عطا تارڑ روز کوئی ایسی بات کرتے ہیں، جس سے ان کی نا اہلی عیاں ہو جاتی ہے۔ کل کے پی کی معیشت پر بات کر کے معیشت دانوں کی ہنسی نکال دی۔ وفاقی وزیر نے وفاقی حکومت کا وائٹ پیپر کاپی کر کے خیبر پختونخوا حکومت کے کھاتے میں ڈال دیا۔

انہوں نے کہا کہ کے پی کے قرضے وفاق کے مقابلےاونٹ کے منہ میں زیرے کے برابر بھی نہیں۔ ہمارے صوبے کا کُل قرضہ 725 ارب ہے جبکہ وفاقی حکومت تو ہر مہینے ہی اتنا قرض لے لیتی ہے۔

ترجمان کے پی حکومت نے مزید کہا کہ شہباز شریف کے دو سالہ اقتدار میں قرض 27 ہزار ارب روپے بڑھا ہے جب کہ خیبر پختونخوا کا قرض بھی وفاقی حکومت کی نا اہلی کی وجہ سے بڑھا ہے۔
بیرسٹر سیف نے کہا کہ عطا تارڑ دو نوکریاں کرتا ہے اور شہباز ومریم کی نا اہلیاں چھپاتا پھر رہا ہے۔ کے پی میں گزشتہ 9 ماہ میں صحت کارڈ پر 7 لاکھ 80 ہزار سے زائد مریضوں کا علاج ہو چکا۔

واضح رہے کہ گزشتہ روز وفاقی وزیر اطلاعات عطا تارڑ نے پریس کانفرنس کرتے ہوئے کے پی حکومت پر سنگین الزامات عائد کیے تھے۔ انہوں نے کہا تھا کہ خیبر پختونخوا میں بیڈ گورننس اور کرپشن کے ساتھ مالی بے ضابطگیاں بھی ہیں۔ صحت کیلیے مختص فنڈز کو وفاق پر چڑھائی کیلیےاستعمال کیا گیا۔

اسلام آباد: وفاقی وزیر برائے اطلاعات عطا تارڑ کا کہنا ہے کہ پی ٹی آئی پاکستان اور فوج کو کمزور کرنا چاہتی ہے۔

اے آر وائی نیوز کے مطابق وفاقی وزیر عطا تارڑ نے نیوز کانفرنس کرتے ہوئے کہا کہ پاکستان میں انتشار پھیلانے والے کسی شخص کو نہیں چھوڑیں گے، فیصلہ کن کارروائی کرکے مثال قائم کریں گے۔

انہوں نے کہا کہ ٹارگٹڈ مہم کے ذریعے صحافیوں کو نشانہ بنایا جارہا ہے، ان کی تفصیلات شیئر کی جارہی ہیں، نقصان پہنچانے کا ارادہ ہے۔

عطا تارڑ نے کہا کہ بطور وزیر اطلاعات اس کا نوٹس لیا ہے۔

انہوں نے کہا کہ پی ٹی آئی نے فوجی کمپنیوں کی مصنوعات کے بائیکاٹ کی اپیل تو کردی، لیکن انہوں نے کبھی اسرائیلی کمپنیوں کے بائیکاٹ کی بات نہیں کی۔

وفاقی وزیر نے کہا کہ یہ لوگ فلسطین کے حق میں ہونے والی اے پی سی میں بھی شریک نہیں ہوئے تھے، گولڈاسمتھ کی فنڈنگ لینے کی یہ مجبوریاں ہیں، یہ ملکی مصنوعات کے پیچھے پڑے ہیں، جو سستی ہیں اور عوام استعمال کرتے ہیں، آئندہ بھی کریں گے۔

عطا تارڑ نے کہا کہ فوج کے افسران اور جوان روز شہید ہو رہے ہیں، امن کے لیے قربانیاں دے رہے ہیں، جو کوئی بھی فوج اور سلامتی کے اداروں کو کمزور کرتا ہے، وہ پاکستان کے مخالف ملکوں کے پروپیگنڈے کے ساتھ ہوتا ہے، ایک ہی جماعت فوج کو کمزور کرنا چاہتی ہے تاکہ کوئی بیرونی قوتیں کوئی فائدہ اٹھاسکیں۔

انہوں نے یہ بھی کہا کہ 9 مئی بھی اسی سلسلے کی سازش تھی کہ فوج پر حملے کرو، انہیں اتنا کمزور ثابت کردیا جائے کہ دشمن کو بھی آسانی ہوسکے۔

خیبر پختونخوا حکومت کے ترجمان بیرسٹر سیف نے کہا ہے کہ مراد سعید احتجاج میں موجود تھے اور گرفتار نہیں ہوئے تو پھر یہ نااہلی ہوگی۔

تفصیلات کے مطابق وفاقی وزیر اطلاعات عطا تارڑ کے بیان کے بعد بیرسٹر سیف کا کہنا تھا کہ مراد سعید کی موجودگی کا دعویٰ مضحکہ خیز ہے، عطا تارڑ جھوٹ بول رہے ہیں، مراد سعید احتجاج میں موجود تھے اور گرفتار نہیں ہوئے تو پھر یہ نااہلی ہوگی۔

انھوں نے کہا کہ اس نااہلی پر نااہل ٹولے کا نام گنیز بک آف ورلڈ میں لکھنا چاہیے، ہزاروں کارکن گرفتار ہوئے لیکن مراد سعید آنکھوں سے اوجھل تھا یہ کیسے ہوسکتا ہے؟

بیرسٹر ڈاکٹر سیف نے کہا کہ مراد سعید کی خیبر پختونخوا میں موجودگی سے متعلق عطا تارڑ جھوٹ بول رہے ہیں، مراد سعید خیبر پختونخوا میں کہیں پربھی نہیں ہے،عطا تارڑ جھوٹ نہ بولیں۔

ترجمان کےپی حکومت بیرسٹر سیف کا مزید کہنا تھا کہ عطا تارڑ ایک جھوٹ کو چھپانے کے لئے 100 جھوٹ بول رہے ہیں۔

وفاقی وزیر اطلاعات عطا تارڑ کا کہنا ہے کہ پی ٹی آئی جس شخص کا کہہ رہی ہے وہ کنٹینر پر نماز نہیں پڑھ رہا تھا بلکہ ٹک ٹاک بنا رہا تھا۔

اے آر وائی نیوز کے مطابق وفاقی وزیر اطلاعات عطا تارڑ نے نیوز کانفرنس کرتے ہوئے کہا کہ تحریک انصاف لاشوں کی سیاست کر رہی ہے، فرار کی شرمندگی سے بچنے کے لیے جھوٹا پراپیگنڈا کیا جارہا ہے، سوشل میڈیا پر پرانی لاشیں اور تصویر شیئر کی جارہی ہیں۔

انہوں نے کہا کہ  یہ سڑک پر جو جنازہ دیکھتے ہیں پی ٹی آئی کا جھنڈا ڈال دیتے ہیں، یہ کہتے ہیں نماز پڑھنے والے کو کنٹینر سے پھینک کر ماردیا گیا اس کی ویڈیو آگئی ہے وہ زندہ ہے اور وہ نماز نہیں پڑھ رہا تھا بلکہ ٹک ٹاک بنارہا تھا۔

وفاقی وزیراطلاعات  نے کہا کہ آپ کے لوگ اے کے 47 سے فائرنگ کر رہے تھے، تمام ٹی وی چینلز نے ان کو بھاگتے ہوئے دکھایا،جو رینجزر والے شہید ہوئے آپ نے ان کی ویڈیوز تو نہیں پوسٹ کیں، تین روز ہوگئے پی ٹی آئی سکیورٹی فورسز کی فائرنگ کی ویڈیو اب تک سامنے نہیں لائی۔

عطا تارڑ کا کہنا تھا جھوٹے بیانیے سے معیشت ڈی ریل نہیں ہوگی، کوئی منطقی انجام سے نہیں بچے گا اور غلط اعداد و شمار  پھیلانے والوں کو جواب دینا ہوگا۔

دوسری جانب نائب وزیراعظم اسحاق ڈار کا کہنا ہے مظاہرین کی اموات کا جھوٹا بیانیہ مضحکہ خیز ہے۔

انہوں نے کہاکہ نام نہاد مظاہرین بھاری اسلحہ اور آنسو گیس کے شیل لے کر آئے، ہجوم افراتفری پھیلانے اور قتل کرنے پر تلا ہوا تھا، قانون نافذ کرنے والے اداروں نے صبر اور ضبط کا مظاہرہ کیا۔