Tag: عظمیٰ بخاری

لاہور : وزیر اطلاعات پنجاب عظمیٰ بخاری نے علیمہ خان پر طنزیہ وار کرتے ہوئے کہا کہ پھپھو کی خواہش پوری نہ ہوسکی، بھتیجے پاکستان نہیں آرہے۔

تفصیلات کے مطابق وزیر اطلاعات پنجاب عظمیٰ بخاری نے علیمہ خان پر تنقید کرتے ہوئے کہا ہے کہ علیمہ خان کی یہ خواہش پوری نہ ہو سکی کہ ان کے بھتیجے 5 اگست کے احتجاج میں شرکت کے لیے پاکستان آئیں، سابق بھاوج نے ہی اپنے بچوں کو پاکستان جانے سے روک دیا ہے۔

میڈیا سے گفتگو میں عظمیٰ بخاری نے کہا کہ جب مہاتما (بانی پی ٹی آئی) کے اپنے بیٹے ہی احتجاج کا حصہ نہیں ہوں گے تو انقلاب کیسے آتا؟

انہوں نے طنزیہ انداز میں کہا کہ 5 اگست کا احتجاج آغاز سے پہلے ہی فلاپ شو ثابت ہو چکا ہے، علیمہ خانم نے خود بھی احتجاج کی ناکامی کی پیشگی اطلاع دے دی ہے، اور اب پی ٹی آئی کی موجودہ قیادت بھی احتجاج کی حامی نہیں رہی۔

وزیر اطلاعات پنجاب نے خیبرپختونخوا میں مالی بے ضابطگیوں پر بھی سخت ردعمل دیا۔ ان کا کہنا تھا کہ بلدیاتی اداروں میں 354 ارب روپے کی کرپشن چارج شیٹ بن چکی ہے، اور وہاں عوام کی فلاح و بہبود پر خرچ ہونے والے فنڈز کی بندربانٹ جاری ہے۔

انھوں نے کہا کہ جو لوگ ہر وقت دوسروں کو چور کہہ کر الزام تراشی کرتے ہیں، وہ خود گزشتہ 12 سال سے کرپشن کے ریکارڈ قائم کر رہے ہیں اور جو افراد نااہلی کا شکار ہو چکے ہیں، وہ اب ناکام بغاوت میں ملوث قرار پائے جا رہے ہیں۔

9 مئی کے واقعات پر گفتگو کرتے ہوئے صوبائی وزیر کا کہنا تھا کہ ان واقعات پر ندامت اور شرمندگی کے بجائے ان کا دفاع کرنا بھی شرمناک ہے، شہداء کے مجسمے جلانے والے افراد قوم کے لیے قابل نفرت بن چکے ہیں۔

لاہور (13 جولائی 2025): پنجاب کی وزیر اطلاعات عظمیٰ بخاری نے کہا ہے کہ پی ٹی آئی کو جلد یا بدیر سیاسی اور جمہوری لوگوں سے ہی بات کرنا ہوگی۔

اے آر وائی نیوز کے مطابق پنجاب کی وزیر اطلاعات عظمیٰ بخاری نے پی ٹی آئی پر ایک بار پھر این آر او مانگنے کا الزام عائد کرتے ہوئے کہا ہے کہ آپ این آر او کے لیے مختلف لوگوں کو پکار رہے ہیں۔ سیاسی مسائل سیاسی طریقہ سے ہی حل ہوتے ہیں۔ جلد یا بدیر انہیں بھی سیاسی اور جمہوری لوگوں سے ہی بات کرنا ہوگی۔

عظمیٰ بخاری نے کہا کہ ایک طرف آپ کہہ رہے کہ سیاست آپ کا کام نہیں، دوسری طرف بات بھی ان سے ہی کرنا چاہتے ہیں۔ یہ تو ٹرمپ کی فون کال کا انتظار کرتے رہے، لیکن وہاں سے مِس کال تک نہیں آئی۔ آج یہ جو کیسز بھگت رہے ہیں، یہ ان کی اپنی ہی مہربانی ہے۔

ان کا کہنا تھا کہ علی امین گنڈاپور بطور وزیراعلیٰ آئے، تو پنجاب نے انہیں ویلکم کیا۔ وہ اگر گنز لے کر آئیں گے تو اس کی اجازت نہیں مل سکتی۔ وہ اگر پنجاب کی ترقی، خوشحالی اور سکون کو آگ نہ لگائیں تو ہمیں جلسے کی اجازت دینے پر بھی اعتراض نہیں۔

پنجاب کی وزیر نے وزیراعلیٰ کے پی علی امین گنڈاپور کو کڑی تنقید کا نشانہ بناتے ہوئے کہا کہ یہ کئی بار احتجاج کا اعلان کر چکے، لیکن کہیں بھی احتجاج نہیں ہوا۔ وہ 90 دن کی بات تو اپنی نوکری بچانے کے لیے کر رہے ہیں جب کہ حقیقت یہ ہے کہ علی امین گنڈاپور ماضی میں بھی اپنے کارکنوں کو چھوڑ کر بھاگ گئے تھے۔

عظمیٰ بخاری نے مزید کہا کہ وزیراعلیٰ کے پی نے پنجاب میں صفائی اور لوگوں کو سہولتیں دیکھی ہونگی۔ خیبر پختونخوا اور پنجاب میں گڈ گورننس کا فرق بھی دیکھ لیا ہوگا۔ علی امین اپنی کابینہ کے ساتھ پنجاب کا مطالعاتی دورہ کریں۔ ہم انہیں اور ان کی کابینہ کو بتائیں گے کہ پشاور میں صفائی کیسی کرنی ہے۔

وزیر اطلاعات پنجاب کا کہنا تھا کہ جتنا ظلم پی ٹی آئی نے پاکستان پر کیا، کبھی کسی اور سیاسی جماعت نے نہیں کیا۔ سیاستدان پھانسی چڑھ گئے، موت کی چکیوں میں رہے، لیکن ملک کے خلاف کوئی بات نہیں کی۔ انہوں نے 9 مئی کیا اور آئی ایم ایف کو خطوط لکھے کہ یہ ملک کے خلاف ہیں۔

واضح رہے کہ وزیراعلیٰ خیبر پختونخوا علی امین گنڈاپور پی ٹی آئی کے دیگر رہنماؤں کے ہمراہ پنجاب پہنچ چکے ہیں۔ آج لاہور میں پریس کانفرنس کرتے ہوئے انہوں نے کہا کہ پی ٹی آئی کی سیاسی تحریک کا آغاز گزشتہ روز سے ہو چکا ہے جو 90 روز تک جاری رہے گی۔ ہر شہر اور گلی میں تحریک چلائیں گے۔

https://urdu.arynews.tv/gandapur-pti-90-days-movement-13-07-2025/

لاہور:وزیر اطلاعات پنجاب عظمیٰ بخاری نے رمضان پیکج آڈٹ رپورٹ سے متعلق میڈیا رپورٹس کی تردید کرتے ہوئے کہا ایک انکوائری کمیٹی تشکیل دی جارہی ہے۔

تفصیلات کے مطابق وزیر اطلاعات پنجاب عظمیٰ بخاری نے رمضان پیکج آڈٹ رپورٹ سے متعلق میڈیا رپورٹس کی تردید کرتے ہوئے کہا کہ رمضان پیکج سے متعلق ایسی کوئی رپورٹ وزیراعلیٰ پنجاب تک نہیں آئی۔

صوبائی وزیر کا کہنا تھا کہ ایسی کوئی آڈٹ رپورٹ آئی تو وزیراعلیٰ نے کہا ہے ہم پوری تفتیش کریں گے۔

انھوں نے بتایا کہ حکومت بننے کے چند دن بعد پہلے سےموجود ڈیٹاکے تحت امدادی اشیا دی گئیں، وزیراعلیٰ نےکہامیں پبلک منی کی کسی کوبھی خوردبرد کی اجازت نہیں دوں گی۔

وزیر اطلاعات پنجاب نے مزید کہا کہ اس میں کوئی بھی ملوث ہوا اس کو سخت سے سخت سزا ملے گی، اس حوالے سے ایک انکوائری کمیٹی بھی تشکیل دی جارہی ہے۔

لاہور : وزیر اطلاعات پنجاب عظمیٰ بخاری نے وزیراعلی کے پی علی امین گنڈا پور کو چیلنج دیتے ہوئے کہا بتائیں انہوں نے خیبرپختونخوا کے لیے کیا کیا؟

تفصیلات کے مطابق وزیر اطلاعات پنجاب عظمیٰ بخاری نے پریس کانفرنس کرتے ہوئے کہا کہ 8 فروری کی اہمیت سیاسی تاریخ میں اہمیت کی حامل ہے، آج کے دن کو پاکستان کی تعمیر و ترقی کیساتھ جوڑا جا رہا ہے، آج پاکستانی قوم تعمیر و ترقی منا رہے ہیں۔

وزیر اطلاعات پنجاب کا کہنا تھا کہ گزشتہ سال الیکشن سے پہلے ملک میں کیا حالات تھے، گزشتہ سال افراتفری کا عالم تھا، عدالتوں پر حملے ہو رہے تھے، دھمکیاں دی جارہی تھیں آئی ایم ایف کو خط لکھوائے جارہے تھے۔

عظمیٰ بخاری نے کہا کہ 8 فروری کو شہباز شریف کو حکومت ملی اور پاکستان کو ڈیفالٹ سے نجات ملی، پنجاب میں مریم نواز کی حکومت بنی لوگوں کو سکون ملا، پنجاب کی عوام کو اپنا گھر اپنی چھت دی صاف ستھرا ماحول دیا، بچوں کواسکالر شپس، لیپ ٹاپ ملے، نئے اسپتال بن رہے ہیں سولر پروگرام دیا گیا، 54 ارب روپے کا ریلیف دے کرعوام کو سہولیات دی گئیں۔

ان کا کہنا تھا کہ ایک جماعت یوم سیاہ منارہی ہے ان کے اعمال بھی سیاہ ہیں، ایک صوبے میں 12 سال سے ان کی حکومت ہے، خیبرپختونخوا کی عوام کو فتنہ فساداورانتشارملا۔

صوبائی وزیر نے کہا کہ آج صوابی میں جلسہ ہے، جو نئے صدر بنے انہوں نے بھی بڑی رقم مانگ لی، سرکاری وسائل کا بھرپور استعمال کرتے ہوئے ملازمین کی حاضری لگوائیں گے، صحافیوں سےگزارش کروں گی کہ آج آپ نے حلقوں میں جا کر دیکھنا ہے کتنے لوگ نکلے، عوام کسی بھی احتجاج میں دلچسپی نہیں رکھتی۔

وزیر اطلاعات پنجاب نے علی امین گنڈاپور کو چیلنج کرتے ہوئے کہا کہ آج صوابی جلسے میں اپنی کارکردگی بتائیں، خیبرپختونخوا کیلئے کیا کیا؟ وزیراعظم شہباز شریف کی حکومت میں پاکستان میں ترقی اور خوشحالی آئی۔

پنجاب کی وزیر اطلاعات عظمیٰ بخاری نے کہا ہے کہ مذاکرات کا بخار تو پی ٹی آئی کو چڑھا تھا مریم نواز کو عوام کی خدمت سے ہی فرصت نہیں ہے۔

پنجاب کی وزیر اطلاعات عظمیٰ بخاری نے مشیر کے پی بیرسٹر سیف کے بیان پر ردعمل دیتے ہوئے کہا ہے کہ آپ کا لیڈر اور اس کا خاندان سرٹیفائیڈ کرپٹ ہے، نواز شریف کا قصور نہیں۔ مذاکرات کا بخار بھی پی ٹی آئی کو ہی چڑھا تھا، مریم نواز کو تو عوام کی خدمت سے ہی فرصت نہیں ہے۔ حقیقت یہ ہے کہ نواز شریف اور مریم نواز کا ذکر کیے بغیر آج بھی آپ کی سیاست نا مکمل ہے۔

عظمیٰ بخاری نے کہا کہ اڈیالہ کے قیدی کو نواز شریف نے نہیں کہا تھا کہ 9 مئی اور 26 نومبر کی بغاوت کرو۔ اس کو ڈیل کی کوئی امید نظر نہیں آئی، اس لیے ہی مذاکرات ختم کرنے کا اعلان کیا۔

انہوں نے مزید کہا کہ چور دروازے اور امپائر کی انگلی پر چلنے والا شخص بات چیت پر یقین نہیں رکھتا۔ جس کی پوری زندگی بیساکھیوں کے سہارے گزری ہو، وہ کبھی لیڈر نہیں بن سکتا۔ کوچ کی ڈائریکشن پر چلنے والا فراڈیا کوچ کے پکڑے جانے کے بعد سیاسی یتیم ہو چکا ہے۔

پنجاب کی وزیر اطلاعات کا یہ بھی کہنا تھا کہ جو اپنے علاوہ کسی کو اہمیت نہیں دیتا، ایسے شخص سے بات چیت کرنا بھی وقت کا ضیاع ہے۔ یہ خود ہی کہتا تھا کہ چوروں، ڈاکوؤں اور دہشت گردوں کی جگہ جیل میں ہوتی ہے۔ آج 9 مئی کے دہشتگرد اور توشہ خانہ کے چور این آر او کیلیے چور دروازے تلاش کر رہے ہیں۔

واضح رہے کہ خیبر پختونخوا حکومت کے مشیر بیرسٹر محمد سیف نے پی ٹی آئی اور حکومت کے مذاکرات میں ناکامی پر جاری بیان میں کہا ہے کہ نواز شریف اور مریم اپنے مشن میں کامیاب ہو گئے اور ان کا گروپ مذاکرات کی ناکامی پر خوشی سے پھولے نہیں سما رہا۔

https://urdu.arynews.tv/pti-barrister-saif-dialogue-failed-claimed-nawaz-sharif/

لاہور: وزیر اطلاعات پنجاب عظمیٰ بخاری کا کہنا ہے کہ فتنہ اس وقت اڈیالہ جیل میں موجود ہے۔

لاہور میں میڈیا سے گفتگو کرتے ہوئے وزیر اطلاعات پنجاب عظمیٰ بخاری نے کہا کہ پہلے سول نافرمانی کی کال دی جو مس کال ثابت ہوئی، فتنہ اس وقت اڈیالہ جیل میں ہے دوست ملک بھی جانتے ہیں فتنہ کون ہے۔

انہوں نے کہا کہ برسر اقتدار جو کہتے تھے این آر او نہیں دیں گے آج گھٹنوں کے بل این آر او مانگ رہے ہیں۔

عظمی بخاری نے کہا کہ ایک شخص کی سازش ہے کہ اداروں اور ملک کو نقصان پہنچانا ہے۔ ادھر تو پھونکوں تعویزوں اور گنڈوں کی حکومت تھی۔ جلاؤ گھیراؤ کے باوجود پاکستان آگے بڑھ رہا ہے۔کہتا رہا این آر او نہیں دو اب گھٹنوں پر این آر او مانگ رہا ہے۔

انہوں نے کہا کہ اب وہ کہتا ہے کہ مجھ سے جیل میں نہ ملو بلکہ مجھے کسی طرح این آر او کرکے باہر نکالو۔قوم کے بچے غلیلیں بنائیں اور اسلحہ لہرائیں لیکن ان کے اپنے بچے لندن میں عیاشیاں کررہے ہیں۔

وزیر اطلاعات نے کہا کہ علی امین گنڈا پور اور ان کی کابینہ کرپشن میں ملوث ہے۔ خیبرپختونخوا میں نئی بھرتی وزیرتعلیم میٹرک فیل تھے۔ کے پی میں مساجد کے نام پر 26 نومبر سے پہلے 2 ارب روپے بٹورے گئے۔ 12 سال سے نالائق شخص کی حکومت کی وجہ سے تکالیف میں اضافہ ہو رہا ہے۔

عظمیٰ بخاری نے مزید کہا کہ ان لوگوں کو صرف یہ فکر ہے کہ خان کو اڈیالہ جیل میں بھنا مرغی کا گوشت مل رہا ہے یا نہیں۔