Tag: عظمیٰ بخاری

لاہور : وزیراطلاعات پنجاب عظمیٰ بخاری کا کہنا ہے کہ اسموگ کے تدارک کیلئے سارے اقدامات کرلیے لیکن فضاؤں کو کنٹرول نہیں کیا جاسکتا۔

تفصیلات کے مطابق اسموگ نے لاہور کو دنیاکا آلودہ ترین شہر بنا دیا ، فضائی آلودگی کا انڈیکس جوصبح کےوقت ایک ہزار سڑسٹھ پرٹیکولیٹ میٹر تھا وہ ہوا رخ بدلنےکےبعد کم ہوکردوسوتراسی پرآگیاہے۔ اس کے باوجود لاہور فضائی آلودگی میں دنیا میں پہلے نمبر پر ہے۔

وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ اسموگ کے تدارک کیلئے سارے اقدامات کرلیے لیکن فضاؤں کو کنٹرول نہیں کیا جاسکتا۔

صوبائی وزیر کا کہنا تھا کہ بھارت سے جو ہوا آرہی ہے آج اس کے باعث آلودگی میں تشویشناک حد تک اضافہ ہوا، انہیں دیوالی پر آتش بازی کرتے ہوئے بھی تھوڑی احتیاط کرنی چاہیے تھی۔

انھوں نے بتایا پنجاب میں اسکولوں کی چھٹیوں کاابھی کوئی فیصلہ نہیں ہوا۔

خیال رہے فضائی آلودگی کے باعث شہری نزلہ زکام اورگلےکی تکلیف میں مبتلا ہورے ہیں اور آنکھوں میں جلن کی شکایات بھی سامنےآرہی ہیں۔

طبی ماہرین نے شہریوں کو ماسک اور چشمہ پہن کر باہر نکلنے کی ہدایت کی ہے۔

وزیراطلاعات پنجاب عظمیٰ بخاری نے کہا ہے کہ تحریک فساد نے ریاست پاکستان کے خلاف اعلان جنگ کیا ہے۔

پنجاب کی وزیر اطلاعات کا کہنا تھا کہ پاکستان تحریک انصاف ایس سی او اجلاس کے موقع پر پھر سے اسلام آباد پر یلغار کرنے کو تیار ہے، یہ جماعت اپنے ایجنڈے کی تکمیل کے لیے کسی بھی حد تک جاسکی ہے۔

عظمی بخاری نے کہا کہ اسلام آباد ہائیکورٹ نے کہا ہے کہ ایس سی او تک کوئی احتجاج نہیں ہو گا، لیکن انھوں نے کانفرنس کی تاریخوں میں احتجاج کی کال دے دی ہے۔

کل پی ٹی آئی نے خارجہ پالیسی اور خوشحالی کیخلاف اعلان جنگ کیا ہے، ان کی جماعت کا ایک ٹریک ریکارڈ ہے کہ ان کا کپتان ملک و قوم کی خوشحالی اور دوسرے ممالک کے ساتھ اچھے تعلقات کیخلاف ڈٹ کر کھڑا ہے۔

دریں اثنا آئینی ترامیم سے متعلق خصوصی کمیٹی کے اجلاس میں ارکان نے پی ٹی آئی کے پندرہ اکتوبر کے احتجاج کے اعلان پر اظہار تشویش کیا۔

خورشید شاہ کی زیر صدارت خصوصی کمیٹی کا اجلاس ہوا، کمیٹی ارکان نے کہا کہ کیسے ہو سکتا ہے ایک طرف اکٹھے بیٹھ کرترامیم کیلئے اتفاق رائے پیدا کریں اور دوسری طرف ایس سی او کانفرنس کے موقع پر انتشاری سیاست کی جائے۔

اجلاس میں اپوزیشن لیڈر عمرایوب نے کہا کہ احتجاج کرنا ہمارا آئینی حق ہے، حکومت نے فسطائیت کی انتہا کردی، حکومت نے ہمارے کارکنوں کا جینا دوبھر کر رکھا ہے۔

لاہور : وزیراطلاعات پنجاب عظمیٰ بخاری نے ایف آئی اے سائبر کرائم ونگ بند کرنے کا مطالبہ کرتے ہوئے خبردار کیا اگر مجھے انصاف نہ ملا تو پھر کوئی نہیں بچے گا۔

تفصیلات کے مطابق وزیراطلاعات پنجاب عظمیٰ بخاری نے لاہور ہائی کورٹ کے باہر میڈیا سے گفتگو میں کہا کہ تاریخ تاریخ کھیل رہے ہیں،اکاؤنٹ ڈھونڈانامیراکام نہیں، یہ ہمارے ملک کا حال ہے میں پیچھے نہیں ہٹوں گی،آخری سانس تک لڑوں گی۔

وزیراطلاعات پنجاب کا کہنا تھا کہ ہمیں ڈیپ فیک وڈیو بنانی نہیں آتی، بشریٰ بی بی کی اب تک ایسی وڈیو نہیں آئی، میں بھی اپنے لوگوں کو چھٹی دے دوں گی کہ آپ بھی یہی کرو۔

انھوں نے کہا کہ سوشل میڈیاپرجو لکھ رہا ہے اسے کچھ نہیں معلوم جوشیئرکررہاہےاسےبھی نہیں معلوم، ڈیجیٹل دہشت گردوں کی ہمت بڑھ گئی،انہیں معلوم ہے پکڑے نہیں جائیں گے۔

صوبائی وزیر کا کہنا تھا کہ یہ بہت لمبی جنگ ہےجولڑنی پڑےگی، سائبر کرائم کے پاس ایکسپرٹس ہی نہیں ہیں ، کل کوئی اور بچی ہوگی اس کا شکار ہوگی۔

انھوں نے وزیراعظم سے ایف آئی اے سائبر کرائم ونگ بند کرنے کا مطالبہ کرتے ہوئے کہا کہ سائبرکرائم والوں کو کچھ نہیں پتہ وہ صرف تنخواہ لئے جارہے ہیں اور تنخواہیں بٹور رہے ہیں۔

انھوں نے بتایا کہ میرے بیٹے کے ساتھ تصویریں لگا کر شیئرکی جارہی ہیں ، جب سے یہ فتنہ پارٹی سامنے آئی ہے، سوشل میڈیا کایہ گند سامنے آیا ہے، میں ہرحد تک جاؤں گی ، سپریم کورٹ چیف جسٹس تک جاؤں گی، بتاؤں گی دہشتگرد9مئی کی خواتین کوانصاف مل جاتاہےہمیں کیوں نہیں، اگر مجھے انصاف نہ ملا تو پھر کوئی نہیں بچے گا۔

لاہور : وزیراطلاعات پنجاب عظمیٰ بخاری کا ٹوئٹر ایکس پر پابندی ختم کرنے کے حوالے سے اہم بیان سامنے آگیا۔

تفصیلات کے مطابق وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ ر:پوری دنیامیں سوشل میڈیاکیلئےقوانین موجودہیں ،پاکستان میں سوشل میڈیاکےاستعمال کیلئےقواعدوضوابط نہیں، شکایت آنےپرایف آئی اےکہتاہےپراسس پرعمل ہوگا،پراسس ہےکیا؟

وزیر اطلاعات پنجاب نے ایکس پر پابندی کے خاتمے کے حوالے سے کہا کہ سول شل میڈیا کی سائٹس کیلئےقوائدوضوابط بن جائیں گےتوایکس پرپابندی ختم کردی جائے گی۔

ان کا کہنا تھا کہ پاکستان میں ڈیجیٹل دہشت گردی سےکوئی محفوظ نہیں، اوورسیزمیں بیٹھ کرجوانقلابی بننے والےاس ملک کےخلاف ایک پوسٹ کرکےدکھائیں، ملک سےباہر بیٹھ کرڈیجٹل دہشت گردی نہیں چلےگی۔

صوبائی وزیر نے کہا کہ ملک میں پگڑیاں اچھالنےکیلئےشوشل میڈیاکااستعمال ہوتاہے، ہم سوشل میڈیاکیخلاف نہیں لیکن مثبت مقاصدکیلئے کام کریں۔

ان کا مزید کہنا تھا کہ ہماری کچھ عدالتوں کوپتا نہیں چل رہاکہ نومئی کیاتھا، بانی پی ٹی آئی کیلئےکہاجاتاکہ بچہ سمجھ کرمعاف کردو، بانی پی ٹی آئی بچہ نہیں ہیں اورنہ ہی انہیں معافی ملےگی۔