Tag: عظمیٰ بخاری

لاہور : وزیر اطلاعات پنجاب عظمیٰ بخاری نے جعلی ویڈیو اپلوڈ کرنے پر کہا کہ عام خاتون کے ساتھ ایسا ہو تو اس کے پاس خودکشی کے سوا کیا راستہ بچتا ہے۔

تفصیلات کے مطابق وزیر اطلاعات پنجاب عظمیٰ بخاری نے لاہورہائیکورٹ میں میڈیا سے گفتگو میں کہا کہ چیف جسٹس کی مہربانی میرے کیس پر تمام اعتراضات دور کر دیے، کل سے دوبارہ وہ جعلی ویڈیو اپلوڈ کی جا رہی ہے۔

ان کا کہنا تھا کہ ایک طرف یہ مذمت اوردوسری طرف پیڈاکاؤنٹس کوکہتے ہیں کام جاری رکھو، عام خاتون کے ساتھ ایسا ہو تو اس کے پاس خودکشی کے سوا کیا راستہ بچتا ہے۔

صوبائی وزیر نے کہا کہ سنا تھا ایف آئی اےنے کمیٹی بنا دی ہے، مجھے ہیں پتہ وہ کمیٹی کیا کررہی ہے، حکومتی عہدے پر ہونے کے بعد بھی انصاف مانگنے کے لیے یہاں آئی ہوں۔

لاہور ہائی کورٹ نے صوبائی وزیر اطلاعات کی ایڈیٹڈ تصاویر شوشل میڈیا پر وائرل کرنے کیخلاف درخواست پر آفس اعتراض ختم کرنے کی ہدایت کر دی ہے۔

وزیر اطلاعات کے وکیل نے بتایا کہ ہائیکورٹ آفس سے رابطہ کیا تو معلوم ہوا کہ اعتراض ختم نہیں ہوا. عدالت نے ڈائریکٹر ایف آئی اے لاہور سے کل رپورٹ طلب کر لی۔

وکیل نے استدعا کی کہ صوبائی وزیر کی کردار کشی کرنے پر ایف آئی اے کو فلک جاوید خان سمیت دیگر کیخلاف کارروائی کا حکم دیا جائے۔

لاہور : وزیراطلاعات عظمیٰ بخاری نے خبردار کیا ہے کہ احتجاج اور دھرنےکےنام پرشہریوں کی زندگی اجیرن بنانےکی اجازت نہیں دیں گے۔

تفصیلات کے مطابق لاہور سمیت پنجاب بھر میں دفعہ 144 نافذ کر دی گئی ہے جبکہ معروف شاہراہوں اور چوراہوں پر پولیس کی بھاری نفری بھی تعینات ہے۔

وزیراطلاعات پنجاب عظمیٰ بخاری نے بتایا کہ پنجاب میں دفعہ 144 دہشت گردی کے پیش نظرلگائی گئی، قانون کی خلاف ورزی کرنے والے سے سختی سے نمٹاجائے گا۔

وزیر اطلاعات پنجاب کا کہنا تھا کہ احتجاج ، دھرنےکےنام پرشہریوں کی زندگی اجیرن بنانےکی اجازت نہیں دیں گے، جو جماعت 2014 سے سڑکوں پر ہے 3دن گھروں میں آرام کر لے۔

انھوں نے کہا کہ پی ٹی آئی کی سیاسی تاریخ سڑکوں،چوک چوراہوں کےگرد ہی گھومتی ہے،ملک میں انتشار،افراتفری اورہیجان کی کیفیت پیدا کرنا ہی دھرنا پارٹی کا ایجنڈا ہے۔

صوبائی وزیر نے بانی پی ٹی آئی پر تنقید کرتے ہوئے کہا کہ اڈیالہ جیل میں بیٹھے قیدی کا مشن دھرنوں کے ذریعے ہی اقتدار میں پہنچنا ہے۔

بھوک ہڑتال کے حوالے سے ان کا کہنا تھا کہ آپ لوگوں کو ڈھائی گھنٹے والی بھوک ہڑتال ہی سوٹ کرتی ہے، بھوک ہڑتال کیلئے3 سے 7بجےتک والی ٹائمنگ بہتر ہے۔

وزیر اطلاعات نے مزید کہا کہ دھرناپارٹی کے پاس احتجاج اور دھرنےکےلیے خیبر پختونخوا موجود ہے، کے پی کےعوام کی بدقسمتی ہے،5سال تک پیسہ دھرنوں پرخرچ ہوگا ، مریم نواز نے سستی روٹی دی اور کےپی میں11سال سےانقلابی تقریروں سےپیٹ بھررہے ہیں۔

لاہور : وزیرِ اطلاعات پنجاب عظمیٰ بخاری کی ایڈیٹڈ تصاویر سوشل میڈیا پر وائرل کرنے کیخلاف درخواست دائر کردی گئی۔

تفصیلات کے مطابق لاہور ہائی کورٹ میں وزیرِ اطلاعات پنجاب عظمیٰ بخاری کی ایڈیٹڈ تصاویر سوشل میڈیاپروائرل کرنے کیخلاف درخواست دائر کردی گئی۔

وزیرِ اطلاعات پنجاب نے پی ٹی آئی کی فلک جاوید خان کیخلاف درخواست دائر کی ، جس میں کہا کہ پی ٹی آئی سوشل میڈیا ایکٹوسٹ فلک جاوید نے تصاویر ایڈٹ کرکے وائرل کیں ، پیکا ایکٹ کے تحت فلک جاوید ودیگر کیخلاف کارروائی کیلئےایف آئی اے کودرخواست دی۔

درخواست میں کہا کہ ایف آئی اے نے فلک جاوید خان سمیت دیگر کیخلاف کارروائی نہیں کی ، درخواست گزار کی سوشل میڈیا پر کردار کشی کی گئی،بنیادی حقوق پامال ہوئے۔

وزیرِ اطلاعات پنجاب نے استدعا کی عدالت ایف آئی اے کو فلک جاوید خان سمیت دیگر کیخلاف کارروائی کا حکم دے۔

بعدازاں لاہور ہائی کورٹ نے وزیرِ اطلاعات پنجاب کی ایڈیٹڈ تصاویر سوشل میڈیا پروائرل کرنےکیخلاف درخواست میں ترامیم کی ہدایت کر دی۔

چیف جسٹس نے کہا کہ آپ ملزم کانام ای سی ایل میں ڈالنے کیلئےمتعلقہ حکام کو درخواست دیں ،جب تک آپ تفتیش میں شامل نہیں ہونگی تفتیش کیسے ہو سکتی ہے، آپ وہاں جا کر درخواست دیں ،یہ عدالت کا کام نہیں کہ آپ کے معاملےکی نگرانی کریں۔

عدالت کی ڈائریکٹر ایف آئی اے کو درخواست لینے کی ہدایت کردی۔

لاہور : وزیراطلاعات پنجاب عظمیٰ بخاری نے وزیراعلیٰ کےپی کی دھمکی پر ردعمل دیتے ہوئے کہا کہ گنڈاپور صاحب، آپ کی بھی الٹی گنتی شروع ہوچکی ہے۔

تفصیلات کے مطابق وزیراطلاعات پنجاب عظمیٰ بخاری نے وزیراعلیٰ کےپی علی امین کے بیان پر ردعمل دیتے ہوئے کہا کہ 9مئی کےمقدمات میں اشتہاری شخص ہمیں دھمکیاں دے رہا ہے، جو وزیراعلیٰ افسران کو اینٹ مارنے کا کہے اس کی ذہنی حالت پر پہلے ہی شک تھا۔

عظمیٰ بخاری کا کہنا تھا کہ آپ کی ذہنی حالت دیکھتےہوئےان دھمکیوں پر ترس ہی کھاسکتےہیں، 3 دن قبل یہی علی مین وزیراعظم کے سامنےمنتیں ترلے کر رہے تھے اور آج وہی علی امین گنڈاپوروفاق اورپنجاب کودھمکیاں دےرہے ہیں۔

وزیراطلاعات پنجاب نے کہا کہ وفاق،پنجاب کودھمکیاں دینےکی بجائےاپنےصوبےکےعوام کاسوچیں، آپ چوری شدہ مینڈیٹ پرشارٹ ٹرم وزیراعلیٰ ہیں۔

ان کا مزید کہنا تھا کہ دھمکیاں دیتے آپ کا لیڈر آج 4مقدمات میں مجرم ثابت ہوچکا ہے، اب گنڈاپور صاحب، آپ کی بھی الٹی گنتی شروع ہوچکی ہے۔

لاہور: وزیراطلاعات پنجاب عظمیٰ بخاری کا کہنا ہے کہ وزیراعلیٰ پنجاب مریم نواز پر الزامات پر شاندانہ گلزارکیخلاف ایف آئی اے میں شکایت درج کرادی ہے، ان کو بھاگنے نہیں دیں گے۔

تفصیلات کے مطابق وزیراطلاعات پنجاب عظمیٰ بخاری نے میڈیا سے گفتگو کرتے ہوئے کہا کہ اسمبلی کےتقدس کا خیال رکھنا سب ارکان کا فرض ہے، اداروں کیخلاف ہرزہ سرائی کرنیوالوں کوبرداشت نہیں کیا جائے گا۔

وزیراطلاعات پنجاب کا کہنا تھا کہ شاندانہ گلزار نے مریم نوازپرالزام لگایا کہ ان کی کوئی آڈیوہے، شاندانہ گلزارآڈیولیکرآئیں اور ثبوت پیش کریں، جو کچھ شاندانہ گلزار نے کہا اس کاثبوت دیں ورنہ قانون کا سامنا کریں۔

عظمیٰ بخاری نے کہا کہ اب ایسا نہیں ہوگاکہ جس کاجودل کرےوہ الزام لگادے، پی ٹی آئی کےسیاسی گد اوچھی حرکتیں چھوڑ دیں، اب عورت کارڈ نہیں چلے گا میرٹ پر بات ہوگی۔

انھوں نے بتایا کہ شاندانہ گلزارکیخلاف ایف آئی اےمیں شکایت درج کرادی ہے، ایف آئی اے نے شاندانہ گلزار کو طلب کیا ہے وہ مریم نواز کی مبینہ آڈیو دیں، شاندانہ گلزار کو بھاگنے نہیں دیں گے۔

وزیراطلاعات پنجاب نے تنقید کرتے ہوئے کہا کہ پی ٹی آئی نے ہمیشہ لاشوں پر سیاست کی ہے، ظل شاہ مرحوم کی لاش پرسازش کی کوشش کی گئی، درخواست کرتی ہوں فیک ویڈیوبنانا، الزام لگانا اور پروپیگنڈاکرنابند کریں۔

لاہور : مسلم لیگ ن کی رہنما عظمیٰ بخاری کا کہنا ہے کہ مریم نواز ہماری ریڈلائن ہےتوہین کی اجازت نہیں دیں گے، اپوزیشن مریم نواز سے متعلق تہذیب کے ساتھ گفتگو کرے۔

تفصیلات کے مطابق مسلم لیگ ن کی رہنما عظمیٰ بخاری نے پنجاب اسمبلی کے باہر میڈیا سے گفتگو کرتے ہوئے کہا کہ آج پنجاب کی تاریخ کااہم دن ہے، سیاسی عمل،محنت اورجدوجہد کے نتیجےمیں ایک خاتون وزیراعلیٰ پنجاب بننےجارہی ہے۔

عظمیٰ بخاری کا کہنا تھا کہ 12کروڑکےصوبےکی وزیراعلیٰ ایک خاتون بننےجارہی ہیں، مریم نوازعام آدمی کی زندگی میں بہتری لائیں گے، رمضان میں عام آدمی کو ریلیف کیلئے مریم نواز تمام ارکان کی ڈیوٹیاں لگائیں گی۔

ن لیگی رہنما نے خبردار کیا کہ اپوزیشن مریم نوازسے متعلق پارلیمنٹ میں تہذیب کے ساتھ گفتگو کرے، اپوزیشن پارلیمانی اقدارکےاندررہے ،چھوٹی موٹی موسیقی لگی رہتی ہے، مریم نواز کی توہین کی اجازت نہیں دیں گے ،یہ ہماری ریڈلائن ہے، مریم نوازہرفورم پرفعال کرداراداکریں گی۔

ان کا کہنا تھا کہ فلور آف دی ہاؤس میں تہذیب کے ساتھ میڈم چیف منسٹر پر کی جانے والی تنقید سرآںکھوں پر، تنقید پرہم اپنی اصلاح کریں گے لیکن پوائنٹ اسکورنگ کیلئے توہین کی اجازت نہیں ہوگی، ہمیں اپنا دفاع کرنا اور جواب دینا اچھی طرح آتا ہے۔

عظمیٰ بخاری نے بتایا کہ ہمارے دورمیں کوئی سیاسی قیدی نہیں ہوگا لیکن اداروں میں بغاوت کرانےکی کوشش کرنے والوں کو معاف نہیں کرپائیں گے،

میاں اسلم سے متعلق ن لیگی رہنما کا کہنا تھا کہ میاں اسلم کواسمبلی آنےکی ہمت خودکرنی پڑے گی،گاڑی ہم بھجوادیں گے، میاں اسلم کی ایوان میں جو زبان تھی وہ میں نےبھی بھگتی ہے، ان کو شوق تھا بہادر بننے کا اب ہمت کریں۔