Tag: عفان وحید

شوبز انڈسٹری کے معروف اداکار عفان وحید نے انکشاف کیا ہے کہ لندن میں مداحوں نے رنبیر کپور سمجھ کر ان کے ساتھ تصاویر بنوائیں۔

ڈرامہ سیریل ’دو بول‘ کے اداکار عفان وحید نے حال ہی میں نجی ٹی وی کے شو میں شرکت کی جہاں مختلف سیگمنٹ میں گیم کے دوران سوالات پوچھے گئے۔

میزبان نے عفان وحید کو زندگی سے متعلق سچ بتانے کو کہا جس کے جواب میں انہوں نے کہا کہ ایک قصہ سنا سکتا ہوں جب میں لندن میں پروجیکٹ کے سلسلے میں گیا تھا۔

انہوں نے کہا کہ لندن میں ریسٹورنٹ سے باہر نکلا جہاں بہت سارے لوگ تھے ان میں سے چند بھارتی میرے پاس آئے اور کہا کہ آپ بالی ووڈ اداکار رنبیر کپور ہیں جس پر میں نے بھی ہاں میں ہاں ملا دی اور مداح مجھے رنبیر کپور سمجھ کر تصاویر بنوانے لگے۔

عفان وحید نے سلیبرٹی کا نام نہیں لیا اور کہا کہ لوگ ٹرول کریں گے اور کہیں گے کہ کہاں وہ اور کہاں میں اس لیے نام نہیں لوں گا۔

پروگرام میں موجود آغا علی نے بتایا کہ وہ رنبیر کپور تھے جس کا نام یہ نہیں بتانا چاہ رہے ہیں۔

پاکستان شوبز انڈسٹری کے معروف اداکار عفان وحید نے کہا ہے کہ شوبز انڈسٹری میں اتنا کام کرنے کے بعد بھی کوئی میری قدر نہیں کرتا۔

پاکستان کے معروف اداکارہ عفان وحید گزشتہ کئی سالوں سے پاکستان شوبز انڈسٹری کا حصہ ہیں انہوں نے اس دوران متعدد ڈراموں میں کام کیا، ماڈل کی ایک پرانی ویڈیو سوشل میڈیا پر وائرل ہورہی ہے جس میں انہوں نے پاکستان ڈرامہ انڈسٹری کا بڑا راز فاش کیا ہے۔

انہوں نے کہا کہ میں فطرتاً نمائشی نہیں ہوں اور ایسا شخص ہونے کی وجہ سے میں اسپاٹ لائٹ میں رہنا پسند نہیں کرتا، جب میں نے اپنے کیرئیر کا آغاز کیا تو مجھے اداکاری کی اے بی سی بھی نہیں آتی تھی، جب مجھے اداکاری کی پیشکش ہوئی تو میرے والد نے مجھے اداکاری کرنے کا مشورہ دیا۔

ایک پیشہ کے طور پر اداکاری کے بارے میں بات کرتے ہوئے انہوں نے کہا کہ اداکاری ایک تھکا دینے والا کام ہے، یہ آسان نہیں ہے، یہاں ہم مزدور ہیں، عفان نے اس بات کی وضاحت کرتے ہوئے کہا کہ کیوں کہ اداکاروں کو مسلسل کئی محاذوں پر لڑنا پڑتا ہے۔

انہوں نے مزید کہا کہ مجھے اسکرپٹ پسند نہ بھی ہو تو بھی میں اپنی پوری کوشش سے اس سین میں جان ڈالنے کی کوشش کرتا ہوں، اس انڈسٹری میں اتنا کام کرنے کے بعد بھی اتنی عزت نہیں ملتی جتنی مجھے ملنی چاہیے۔

اداکار کا مزید کہنا تھا کہ لیکن مجھے میرے ڈراموں کی وجہ سے میرے فینز سے بہت پیار ملتا ہے، مجھے انڈرریٹ کہا جاتا ہے کیونکہ میں اس قسم کا انسان ہوں، اور میں اس ’انڈرریٹیڈ‘ لفظ کو بطور تعریف لیتا ہوں۔

واضح رہے کہ اداکار عفان وحید نے اے آر وائی ڈیجیٹل کے ڈراموں ’دوبول‘ اور ’غلطی‘ میں مرکزی کردار ادا کیا تھا جبکہ انہوں نے دیگر کئی ڈراموں میں بھی اداکاری کے جوہر دکھائے۔