Tag: علامہ اقبال انٹرنیشنل ایئرپورٹ

لاہور : علامہ اقبال انٹرنیشنل ایئرپورٹ پر منشیات کی بھاری کھیپ اسمگل کرنے کی کوشش ناکام بنادی گئی۔

تفصیلات کے مطابق لاہور میں علامہ اقبال انٹرنیشنل ایئرپورٹ پر کسٹم حکام نے منشیات اسمگلنگ کی بڑی کوشش ناکام بناتے ہوئے 15 کلوگرام سے زائد منشیات برآمد کر لی، جس کی بین الاقوامی مارکیٹ میں مالیت تقریباً 3 کروڑ 10 لاکھ روپے بتائی جا رہی ہے۔

کسٹم حکام کا کہنا تھا کہ بنکاک سے آنے والی تھائی ایئرلائن کی پرواز کے ذریعے ایک غیر ملکی مسافر لاہور پہنچا ،کلکٹر کسٹمز ایئرپورٹس طاہر حبیب چیمہ کو خفیہ اطلاع ملی تھی، جس کے بعد مشکوک مسافر کی آمد و رفت پر کڑی نظر رکھی گئی۔

حکام نے کہا کہ ملزم بین الاقوامی آمد کے گرین چینل سے بغیر سامان گزر گیا، تاہم کچھ دیر بعد وہ اپنا سامان لینے کے لیے دوبارہ انٹرنیشنل آرائیول ہال میں آیا۔

کسٹم ٹیم نے فوری کارروائی کرتے ہوئے سامان کی تلاشی لی، جس پر بیگ سے 15 کلوگرام سے زائد اعلیٰ معیار کی منشیات برآمد ہوئی۔

ملزم کو حراست میں لے کر اس کے خلاف ایف آئی آر درج کر لی گئی ہے، جبکہ پاکستان میں موجود اس کے ممکنہ ساتھیوں کی تلاش کے لیے کارروائی شروع کر دی گئی ہے۔

حکام نے کہا ہے کہ ایئرپورٹس پر اسمگلنگ کی ہر کوشش کو ناکام بنانے کے لیے جدید ٹیکنالوجی اور خفیہ اطلاعات کا مؤثر استعمال جاری رکھا جائے گا۔

لاہور : پاکستانی عمرہ زائرین کو پولیو ویکسین سرٹیفکیٹ نہ ہونے پر آف لوڈ کر دیا گیا، سعودی عرب نے مسافروں کیلئے پولیو ویکسین سرٹیفکیٹ ہونا لازم قرار دیا ہے۔

تفصیلات کے مطابق سعودی عرب جانے والے مسافروں کو پولیو ویکسین کے معاملے پر عمرے کی ادائیگی کیلئے جانیوالے متعدد زائرین کو سفر کی اجازت نہیں دی گئی۔

ذرائع نے بتایا کہ لاہورایئرپورٹ پرسعودی عرب جانیوالے متعدد مسافروں کو بورڈنگ کارڈ جاری نہیں ہوئے اور پولیوویکسین سرٹیفکیٹ نہ ہونے پر مسافروں کو آف لوڈ کیا گیا۔

ذرائع کا کہنا تھا کہ علامہ اقبال انٹرنیشنل ایئرپورٹ پر 100سے زائد عمرہ زائرین کو آف لوڈ کیا گیا، جس پر زائرین نے احتجاج کیا۔

24گھنٹوں کے دوران ملک بھر کے ایئر پورٹ سے سیکڑوں مسافر آف لوڈ کیے گئے، کیونکہ سعودی ایوی ایشن گاکا کی جانب سے مسافروں کیلئے پولیو ویکسین سرٹیفکیٹ ہونا لازم قرار دیا ہے۔

یاد رہے اس سے قبل سعودی عرب نے عمرہ یا حج کے لیے مملکت جانے والے پاکستانی مسافروں سے نیسیریا گردن توڑ بخار کی ویکسینیشن کی شرط ختم کردی تھی۔

سعودی جنرل اتھارٹی آف سول ایوی ایشن (GACA) نے جمعرات کو مختلف ممالک کے مسافروں کے لیے ایک نیا سرکلر جاری کیا تھا۔

لاہور : شارجہ سے قیمتی موبائل فونز اسمگل کرنے کی کوشش ناکام بنادی گئی ، اور مسافروں سے 97 موبائل فون برآمد کرلئے۔

تفصیلات کے مطابق علامہ اقبال انٹرنیشنل ایئرپورٹ لاہور پر کسٹمز نے کارروائی کرتے ہوئے شارجہ سے لاہور اسمگل کیے گئے ستانوے قیمتی موبائل فونز برآمد کرلئے۔

حکام نے دو ملزمان کو گرفتار کر لیا گیا ہے اور مقدمہ درج کیا جا رہا ہے، برآمد نان پی ٹی اے فونز کی مالیت 3 کروڑ سے زائد ہے۔

یاد رہے ملتان ایئرپورٹ پر کسٹم حکام نے کارروائی کرتے ہوئے مسافر سے 25 موبائل برآمد کئے تھے ، ملزم زاہد احمد دبئی سے ملتان پہنچا تھا ، جن کی مالیت ایک کروڑ روپے تھی تاہم ملزم نے کپڑوں کے نیچے جیکٹ میں موبائل فون چھپا رکھے تھے۔

اس سے قبل ایف ائی اے امیگریشن سیل کے عملے نے کراچی ایئر پورٹ پر کارروائی کرتے ہوئے ملائشیا جانے والے مسافر کے موبائل فون سے 47 سے زائد ویزے برآمد کر لیے تھے۔

لاہور : علامہ اقبال انٹرنیشنل ایئرپورٹ پر دھند کے باعث پروازوں کا شیڈول شدید متاثرہے ، جس سے مسافروں کو پریشانی کا سامنا ہے۔

تفصیلات کے مطابق پنجاب میں دھند کی شدت برقرارہے۔ آج بھی بارہ پروازیں منسوخ کی گئیں جبکہ چھ پروازوں کومتبادل ایئرپورٹس منتقل کردیا گیا۔

علامہ اقبال انٹرنیشنل ایئرپورٹ پر پروازوں کا شیڈول شدید متاثر ہے اور دھند کے باعث کئی پروازیں تاخیر کا بھی شکار ہیں۔

نجی ایئرلائن کی جدہ لاہورپروازکوکراچی میں لینڈنگ کرائی گئی جبکہ دبئی ملتان، دمام، کویت سے سیالکوٹ کی تین پروازوں کواسلام آباد میں اتارا گیا۔

بحرین اورکراچی سے لاہور کی دو پروازوں کوبھی اسلام آباداتاراگیا جبکہ پی آئی اے کی لاہورکراچی دوپروازیں منسوخ کردی گئیں۔

سعودی ایئرلائن کی جدہ لاہور، نجی ایئرلائن کی اسلام آباد کراچی کی دو اورشارجہ کی ایک پروازمنسوخ کردی گئی۔

اس کے علاوہ نجی ایئرلائن کی ملتان جدہ دوپروازیں، کراچی دمام اورگوادرکی تین پروازیں منسوخ ہوئیں، گزشتہ روزلاہور، اسلام آباد، کراچی اورپشاورکی سینتیس پروازیں منسوخ کی گئیں۔