Tag: علامہ طاہرالقادری

لاہور: علامہ طاہرالقادری نے کنٹینرز لگانے کو حکمرانوں کی شکست قرار دیتے ہوئے کہا ہے کہ شریف خاندان امریکہ فرارہونے کی تیاریاں کرچکا ہے ۔

علامہ ڈاکٹر طاہرالقادری کی زیر صدارت اتحادی جماعتوں کا اجلاس منعقد ہوا، جس میں حکومت کی طرف سے رکاوٹیں کھڑی کئے جانے کے بعد کی صورت حال کا جائزہ لیا گیا، ڈاکٹر طاہرالقادری نے کہا کہ حکمران امریکہ روانہ ہونے کے لئے ملازمین کے ویزوں کے لئے درخواست دے چکے ہیں۔

انہوں نے کہا کہ حکمران نفسیاتی جنگ ہار چکے ہیں، کارکن انقلاب کی تیاری کریں، ای سی ایل پر نام حکمرانوں کا آئے گا ۔ میڈیا سے گفتگو میں علامہ راجہ ناصر عباس نے کہا کہ یوم شہدا بھرپور طریقے سے منایا جائے گا، چودھری برادران کا کہنا تھا کہ روکاوٹیں کچھ نہیں بگاڑ سکتیں۔ کارکن نکلیں گے، پاکستان عوامی تحریک کے کارکنوں کی بڑی تعداد ڈاکٹر طاہرالقادری کے گھر کے باہر جمع ہوچکی ہے، جو انقلاب کے نعرے کے لئے تیار ہیں۔