اسلام آباد: چیئرمین پاکستان علماء کونسل علامہ طاہر اشرفی نے کہا ہے کہ قمر جاوید باجوہ نے بتایا دورہ روس کے لیے سابق وزیر اعظم کو ہماری تائید حاصل ہے۔
اے آر وائی نیوز کے ہیڈآف انویسٹی گیشن سیل نعیم اشرف سے خصوصی گفتگو کرتے ہوئے چیئرمین پاکستان علماء کونسل علامہ طاہر اشرفی نے کہا کہ جب یہ سیاستدان پر سکون ہوں تویہ اپنی قوم اور ہمارا احساس نہیں کرتے ہیں، ہمارے قریب ترین اسلامی ممالک اور روس کی ایلیٹ سے رابطے ہیں۔
طاہر اشرفی کا کہنا تھا کہ قمر جاوید باجوہ سے سابق وزیر اعظم کے دورہ روس پر پوچھا کہ کیا اس میں آپکی مرضی شامل ہے؟ جس پر قمر جاوید باجوہ نے بتایا دورہ روس کے لیے سابق وزیر اعظم کو ہماری تائید حاصل ہے۔
علامہ طاہر اشرفی کا کہنا تھا کہ چیئرمین پی ٹی آئی کو معاملات بہتر کرنے کے بڑے مواقع ملے لیکن ان پر اعتبار کون کرے، چیئرمین پی ٹی آئی کے قریبی دوست اور بڑے منصب پر فائز شخص نے معاملات بہتر کرنے کی کوشش کی۔
’’چیئرمین پی ٹی آئی کو ریلیف دلانے کی یہ کوشش دوست ممالک سے کی گئی، اس شخصیت سے یہی سوال ہوا کیا آپ چیئرمین پی ٹی آئی کی گارنٹی دیتے ہیں لیکن اس شخص نے بھی کہا چیئرمین پی ٹی آئی کی گارنٹی نہیں دے سکتا‘‘۔
علامہ طاہر اشرفی نے اے آر وائی نیوز سے گفتگو کرتے ہوئے کہا کہ یہ اب وہی بتائیں گے گھر والے کسی قریبی شخصیت کی گارنٹی کو مانتے ہیں یا نہیں، چیئرمین پی ٹی آئی سے کچھ غلطیاں ہوئیں، وہ جذباتی آدمی ہیں، جو چیئرمین پی ٹی آئی کو اتاترک سے اوپر کہتے تھے وہی سب سے پہلے چھوڑ کر گئے۔
علامہ طاہر اشرفی نے کہا کہ میں چیئرمین پی ٹی آئی کو کہتا تھا آپ کو تباہ کرنے والے یہ ہیں جو ذہن سازی کرتے ہیں، پی ٹی آئی دور حکومت میں ہمارے عالمی دنیا سے تعلقات بہت خراب ہوئے، کچھ خرابی سابق وزیر اعظم نے کی باقی جلتی پر تیل کا کام شاہ محمودقریشی کرتے تھے۔
علامہ طاہر اشرفی نے مزید کہا کہ پی ڈی ایم کے آنے نہ آنے سے دوست ممالک سے تعلقات میں فرق نہیں پڑتا، گزشتہ چند برسوں میں آپ کو جو اسلامی دنیا سے مل رہا ہے وہ فوج کی وجہ سے ہے۔
طاہر اشرفی نے کہا کہ الیکش سے متعلق سوال پر کہا کہ الیکشن کمیشن کو بھی نہیں پتہ الیکشن کب ہونے ہیں اگر موجودہ سیٹ اپ نے ڈلیور کرلیا تو قوم کو الیکشن سے غرض نہیں، اگر امن وامان کا مسئلہ بھی ٹھیک نہ ہوا تو پھر الیکشن کیسے ہوں گے۔
علامہ طاہر اشرفی کا کہناتھا کہ الیکشن کو وقت لگےگا، الیکشن فروری سے تو آگے ہی جائیں گے، پنجاب اور کے پی میں الیکشن نہ کرا کر روایت قائم کردی گئی۔
انہوں نے کہا کہ بہت سی چیزوں کا گواہ ہوں اور آج پہلی بار انکشافات کررہا ہوں، مسلم حکمران نے مجھے کہا آپکے سیاستدان پھنستے ہیں تو ہمارے دروازے پر منتیں کرتے ہیں۔
چیرمین پاکستان علماٰ بورڈ&نمائندہ خصوصی برائے اسلامی دنیاعلامہ طاہر اشرفی نے بڑا دعوی کردیا۔کہاالیکشن کمیشن بھی نہیں جانتا کہ انتخابات کب ہوں گے۔ فروری سےتواگےہی جانےہیں۔اگرموجودہ سیٹ اپ ڈلیور کرگیاتوقوم کو انتخابات سےغرض نہیں کہاں گیاوہ ائین جب دو صوبوں میں انتخابات نہیں کرواسکے pic.twitter.com/EoFV4dCjVx
— Naeem Ashraf Butt (@NaeemAshrafBut2) August 31, 2023
