Tag: علامہ ڈاکٹر طاہرالقادری

علامہ ڈاکٹر طاہرالقادری نے شفاف نجکاری کے لئے پندرہ نکاتی فارمولا پیش کردیا، علامہ ڈاکٹر طاہرالقادری کا کہنا ہے کہ قوم کو مسلم لیگ ن کا کمیشن قبول ہوگا نہ منشا گروپ کو نوازنے کی پالیسی قبول ہوگی۔

لاہور میں وڈیو لنک سے نیوز کانفرنس سے خطاب کرتے ہوئے ڈاکٹر طاہرالقادری نے حکومت کی طرف سے قومی اداروں کی نجکاری کو خوب آڑے ہاتھوں لیا، انہوں نے کہا کہ 1997 میں مسلم لیگ ن کی حکومت نے بینظیر بھٹو کے سابقہ دور حکومت میں پی ٹی سی ایل کی نجکاری کو شفاف بنانے والے حسین لوائی کو سزا دی اور اب بھی ان سے اچھائی کی توقع نہیں۔ 

  پاکستان عوامی تحریک کے سربراہ نے کہا کہ قومی ادارے ملک کا اثاثہ ہیں، نجکاری کے عمل اور ممکنہ خریداروں کو میڈیا کے ذریعے زیر بحث لایا جائے، منشا گروپ کو خفیہ طریقے سے نہ نوازا جائے، ڈاکٹر طاہرالقادری نے نجکاری کمیشن کے ارکان کی اہلیت کو چیلنج کرتے ہوئے غیر متنازع ججوں اور ایماندار ماہرین پر مشتمل کمیشن کی تشکیل کا مطالبہ کیا۔