Tag: علمائےکرام

اسلام آباد: کرونا وائرس سے متعلق علمائےکرام نے حکومتی احکامات پر عملدرآمد کی یقین دہانی کرا دی۔

تفصیلات کے مطابق ایوان صدر میں صدر مملکت ڈاکٹر عارف علوی کی زیرصدارت اجلاس میں تمام مکاتب فکر کے علما نے شرکت کی۔صدر عارف علوی نے جامعة الازہر کے فتوے سے علمائے کرام کو آگاہ کیا۔

اعلامیے کے مطابق علمائے کرام سے درخواست کی گئی کہ نماز جمعہ گھروں میں پڑھنے پر زور دیا جائے۔

صدر ڈاکٹر عارف علوی کا کہنا ہے کہ کرونا وائرس سے بچاؤ کا واحد راستہ سماجی احتیاطی فاصلہ اختیار کرنا ہے، علمائے کرام کرونا سے بچاؤ کے لیے احتیاطی تدابیر اختیار کرائیں۔انہوں نے کہا کہ جامعة الازہر کے فتوے کی روشنی میں کردار ادا کیا جائے۔

دوسری جانب علمائےکرام نے حکومتی احکامات پر عملدرآمد کی یقین دہانی کرا دی۔ علمائےن کرام نے بتایا کہ مذہبی اجتماعات کو منسوخ،مدرسہ طلبہ کو چھٹی دے دی ہے۔

کرونا سے نمٹنے کےلیے چین کا پاکستان میں طبی ماہرین بھیجنے کا اعلان

کرونا وائرس سے نمٹنے کے لیے چین نے پاکستان میں طبی ماہرین کی ٹیم بھیجنے کا اعلان کر دیا۔

واضح رہے کہ پاکستان میں بھی کورونا وائرس کی وبا تیزی سے پھیل رہی ہے اور متاثر افراد کی تعداد 1106 تک جا پہنچی ہے ، سب سے زیادہ کیسز صوبہ سندھ میں رپورٹ ہوئے جبکہ وائرس سے اب تک 8 افراد جاں بحق اور 21 مریض صحت یاب ہوچکے ہیں۔

اسلام آبا: وزیراعظم عمران خان کا کہنا ہے کہ کرونا وائرس سے متعلق آگاہی کے لیے علمائےکرام ہی مؤثرکردار ادا کرسکتے ہیں۔

تفصیلات کے مطابق وفاقی دارالحکومت اسلام آباد میں وزیراعظم عمران خان کی زیرصدارت کرونا وائرس سے متعلق اجلاس ہوا جس میں وفاقی وزیر برائے مذہبی امور نورالحق قادری اور علمائے کرام نے شرکت کی۔ اجلاس میں وزیر اعظم کو کونسل کی سفارشات سے آگاہ کر دیاگیا۔

اس موقع پر وزیراعظم عمران خان کا کہنا تھا کہ علما مساجد سے احتیاطی تدابیر اختیار کرنے کی تلقین کریں، آگاہی کے لیے علمائے کرام ہی مؤثر کردار ادا کرسکتے ہیں۔

وزیراعظم نے کہا کہ موجودہ صورت حال میں ہر کسی کوذمہ داری ادا کرنا ہوگی، حکومت کرونا کے تدارک کے لیے ہر ممکن وسائل بروئے کار لا رہی ہے۔انہوں نے مزید کہا کہ پاکستانی قوم کا ہر آفت سے مقابلہ ہمیشہ بے مثال رہا ہے، موجودہ صورت حال قومی یکجہتی کا تقاضا کرتی ہے۔

پاکستان کرونا وائرس کی دلدل میں پھنس گیا تو مشکل صورتحال ہوگی، وزیراعظم

اس سے قبل وزیراعظم عمران خان کا کہنا تھا کہ پاکستان کرونا وائرس کی دلدل میں پھنس گیا تو مشکل صورت حال ہوگی ، ہمارے پاس صحت کی سہولیات نہیں ہیں ، نازک صورت حال کا سامنا کرنے والے ہمارے جیسے ممالک کو قرض معافی جیسی سہولت فراہم ہونی چاہیے۔