اداکار و ڈائریکٹر اظفر علی اور اداکارہ نوین وقار کے درمیان شادی کے تین سال بعد علیحدگی ہوگئی ہے۔
علیحدگی کے حوالے سے اظفر نے بتایاکہ وہ ایک معروف شخصیت ہیں اور اپنے مداحوں کو آگاہ کرنے اور من گھڑت کہانیاں روکنے کے لیے اُنہوں نے باضابطہ اعلان کردیا۔
اُنہوں نے بتایاکہ ہماری شادی بھی ایک بڑی خبربن گئی تھی اور اب کسی کو بھی اندھیرے میں نہیں رکھناچاہتا، اظفر علی نے بتایاکہ ان کی نوین وقار سے جولائی 2015ءسے علیحدگی ہے اور پھر طلاق کیلئے مقدمہ کردیا جس کا فیصلہ نومبر میں آگیا۔
اظفر کا کہنا تھا کہ بہت سے لوگ مجھے کال کرکے اپنے شو میں فیملی سمیت شریک ہونے کی دعوت بھی دے رہے تھے جس پر اعلان کرنا ضروری سمجھا۔انہوں نے کہاکہ وہ ہرکسی پر واضح کرناچاہتے ہیں کہ ہم علیحدہ ہوچکے ہیں اور اب اس کی ضرورت نہیں ۔
اظفر نے بتایاکہ علیحدگی کا فیصلہ باہمی تھا اور وہ یہ بھی نہیں سمجھتے کہ علیحدگی کے پیچھے موجودوجہ زیادہ اہم ہے ، اتنا ہی کہناچاہتے ہیں کہ ہم اکٹھے نہیں چل سکے ، اگر گھر پر خوشی نہیں ہے تو اسے کھینچنے کی ضرورت نہیں ۔
واضح رہے کہ اظفر نے ٹی وی اسٹار مانی کے ساتھ کامیڈی شو ’سب سیٹ ہے‘ سے شہرت حاصل کی بعد ازاں انہوں نے کئی ڈراموں کو ڈائریکٹ بھی کیا۔ جبکہ نوین وقار نے بطوروی جے اور پھر آر جے اپنے کیریئر کا آغاز کیا لیکن انہوں مشہور ڈرامہ سیریل ہمسفر میں اداکاری کے بعد شہرت حاصل کی۔
