لاہور : جناح ہاؤس حملہ کیس میں بانی پی ٹی آئی کی ہمشیرہ علیمہ خانم کے بیٹے شیر شاہ نے ضمانت کی درخواست دائر کردی۔
تفصیلات کے مطابق جناح ہاؤس حملہ کیس میں نامزد بانی پی ٹی آئی کی ہمشیرہ علیمہ خانم کے بیٹے شیر شاہ نے ضمانت کی درخواست دائر کی۔

ملزم نے اپنے وکیل کی وساطت سے انسدادِ دہشت گردی عدالت (اے ٹی سی) لاہور میں درخواست جمع کرائی۔

درخواست میں مؤقف اختیار کیا گیا ہے کہ ملزم کو سیاسی بنیادوں پر مقدمے میں ملوث کیا گیا ہے، صرف ویڈیو میں نظر آنا کسی جرم کا ثبوت نہیں بنتا۔

درخواست گزار نے استدعا کی ہے کہ ملزم شیر شاہ کو ضمانت پر رہا کیا جائے۔

مزید ہڑھٰں : جناح ہاؤس حملہ کیس : بانی پی ٹی آئی کا بھانجا جوڈیشل ریمانڈ پر جیل منتقل

یاد رہے شیرشاہ خان کو جناح ہاؤس پر حملے اور دیگر پُرتشدد کارروائیوں میں مبینہ کردار کے الزام میں گرفتار کیا گیا تھا۔

ذرائع کے مطابق ایف آئی آرز میں انکشاف کیا گیا تھا کہ علیمہ خان کے دونوں بیٹے، شیرشاہ خان اور شہر یز خان، 9 مئی کے واقعات میں ملوث تھے، شیرشاہ نے پولیس وین جلانے، سیکیورٹی اہلکاروں پر حملہ کرنے اور سرکاری املاک کو نقصان پہنچانے میں حصہ لیامویڈیو شواہد اور جیو فینسنگ ڈیٹا بھی اس کی موجودگی ثابت کرتے ہیں۔

تحقیقات میں بتایا گیا تھا کہ ملزم ہنگاموں کے بعد بیرونِ ملک فرار ہو گیا اور تقریباً دو سال لندن میں مقیم رہ کر ڈیجیٹل پلیٹ فارمز کے ذریعے مبینہ طور پر ریاست مخالف پروپیگنڈا مہم چلاتا رہا، اسے پاکستان واپسی پر 22 اگست 2025 کو گرفتار کیا گیا۔

راولپنڈی: پاکستان تحریک انصاف کے بانی کی ہمشیرہ علیمہ خانم نے ان سے ملاقات کے بعد کہا ہے بانی پی ٹی آئی کی صحت بہت اچھی تھی۔

اے آر وائی نیوز کے مطابق علیمہ خانم نے اپنی دوسری بہنوں کے ہمراہ کئی ماہ بعد جیل میں بانی پی ٹی آئی سے ملاقات کی ہے، علیمہ خانم کا کہنا تھا کہ عمران خان کی صحت اچھی ہے، تاہم بانی پی ٹی آئی کو آنکھ پر تھوڑا پریشر محسوس ہورہا ہے۔

علیمہ خانم نے کہا کہ جیل میں بانی کی آنکھ کے معائنے کیلئے عدالت میں درخواست دینگے، بانی نے میرے بچوں کا پوچھا کہ کیا انھیں بھی جیل میں ڈال دیا گیا۔

انھوں نے مزید بتایا کہ بانی نے قومی اسمبلی کی کمیٹیوں سے پی ٹی آئی ارکان کو فوری نکلنے کا کہہ دیا، بانی پی ٹی آئی نے پارٹی کو قائمہ کمیٹیوں سے مستعفی ہونے کی ہدایت کی ہے۔

بانی پی ٹی آئی کی ہمشیرہ کا کہنا تھا کہ عمران خان نے سیلاب سے تباہ کاریوں پر دکھ کا اظہار کیا، بشریٰ بی بی کو قید تنہائی میں رکھا گیا ہے، بہنوں کی 4 ماہ بعد بانی پی ٹی آئی سے ملاقات کرائی گئی۔

اسلام آباد: پاکستان تحریک انصاف کی رہنما علیمہ خانم کا کہنا ہے کہ سلمان اکرم راجہ سے کوئی تلخ کلامی نہیں ہوئی، وہ ہمارے وکیل ہیں اور ہمارے خاندان کی طرح ہیں۔

تفصیلات کے مطابق پاکستان تحریک انصاف کے بانی کی ہمشیرہ علیمہ خانم نے میڈیا سے گفتگو کرتے ہوئے کہا کہ سلمان اکرم راجہ سے کوئی تلخ کلامی نہیں ہوئی، وہ ہمارے وکیل اور فیملی کی طرح ہیں، ان کا اپنا ذاتی مسئلہ ہوسکتا ہے۔

صحافی کے سوال پر علیمہ خان کا کہنا تھا کہ ضمنی انتخابات کا معاملہ زیر بحث ضرور ہے، تاہم اس حوالے سے کوئی فیصلہ پارٹی کرے گی۔

انھوں نے مزید کہا کہ گرفتاریوں سے کوئی فرق نہیں پڑتا، سمجھ نہیں آتی بچوں کو کیوں اٹھایا جا رہا ہے، میں نے خود بھی کہا ہے کہ مجھے بھی گرفتار کرلیں۔

دوسری جانب عظمیٰ خان نے کہا کہ بانی نے ملاقات میں واضح طور پر کہا تھا کہ ضمنی الیکشن نہیں لڑنا چاہیے، کیونکہ اس سے پارٹی کو نقصان ہوگا اور کوئی فائدہ نہیں اور اس بات پر زور دیا کہ انتخابات میں جانے سے ناجائز نااہلیوں کو جواز مل جائے گا۔

مزید پڑھیں : سلمان اکرم راجہ کا پارٹی عہدے سے علیحدگی کا فیصلہ

یاد رہے گذشتہ روز سلمان اکرم راجہ نے سیکریٹری جنرل پی ٹی آئی کے عہدے سے علیحدگی کا فیصلہ کیا تھا۔

سماجی رابطے کی ویب سائٹ ایکس پر سلمان اکرم راجہ نے لکھا تھا کہ کل بانی پی ٹی آئی سے عہدے سے علیحدگی کی گزارش کروں گا، پارٹی کے لیے وکالتی خدمات بلامعاوضہ جاری رکھوں گا۔

انہوں نے کہا تھا کہ علی بخاری کے ذریعے بانی سے سیکریٹری جنرل کے عہدے سے دستبردار ہونے کی درخواست کی تھی، لیکن میری درخواست منظور نہ کی گئی جس پر ان کے اعتماد پر شکر گزار ہوں۔

اسلام آباد : تحریک انصاف کے بانی  کی ہمشیرہ علیمہ خانم نے دعویٰ کیا ہے کہ بانی کے بیٹے پاکستانی شہری ہیں، ان کے پاس پاکستان کا آئی ڈی کارڈ ہے۔

تفصیلات کے مطابق تحریک انصاف کے بانی چیئرمین کی ہمشیرہ علیمہ خانم نے عدالت کے باہر میڈیا سے گفتگو کرتے ہوئے حکومت پر تنقید کی اور کہا کہ ” یہ بچوں سے ڈرے ہوئے ہیں۔”

ایک صحافی کی جانب سے جب احتجاج کی قیادت بانی کے بیٹوں کے حوالے سے سوال کیا گیا تو علیمہ خانم نے کہا، "ان کا باپ ہی کافی ہے، بچوں کو قیادت کی ضرورت نہیں۔”

انہوں نے واضح کیا کہ قاسم اور سلیمان پاکستانی شہری ہیں اور ان کے پاس پاکستان کا قومی شناختی کارڈ (CNIC) موجود ہے۔ اس کے باوجود اگر وہ والد سے ملنے پاکستان نہیں آ رہے تو اس کی وجہ کچھ ایسے عناصر ہیں جو نہیں چاہتے کہ وہ پاکستان آئیں۔

علیمہ خانم نے مزید کہا، "کبھی رانا ثناء اللہ کہتے ہیں کہ اگر قانون سے باہر نکلے تو گرفتار کر لیں گے، حکومت کی یہ دھمکیاں ان کے خوف کی علامت ہیں۔”

انہوں نے موجودہ صورتحال پر تبصرہ کرتے ہوئے کہا، "اب تک 80 ایف آئی آرز کاٹ چکے ہیں، لیکن ہم ہر صورتحال کے لیے تیار ہیں۔”

اسلام آباد : اسلام آباد ہائیکورٹ نے علیمہ خان اور رؤف حسن کا نام سفری پابندیوں کی فہرست سے نکالنے کا حکم دے دیا۔

تفصیلات کے مطابق اسلام آباد ہائی کورٹ نے علیمہ خان کا نام سفری پابندی کی فہرست سے نکالنے کی سماعت ہوئی، وکیل علی بخاری ، خالدیوسف چوہدری اورنیاز اللہ نیازی عدالت پیش ہوئے۔

جسٹس خادم حسین سومرو نے علیمہ خان کی درخواست پر فیصلہ سنایا، جس میں ان کا نام پاسپورٹ کنٹرول لسٹ اور پی این آئی ایل سے نکالنے کا حکم دیتے ہوئے بیرون ملک جانے کے لیے ٹرائل کورٹ سے رجوع کرنے کا حکم دے دیا۔

دوسری جانب اسلام آباد ہائی کورٹ نے پی ٹی آئی کے سابق سیکرٹری اطلاعات رؤف حسن کا نام پاسپورٹ کنٹرول لسٹ سے نکالنے کا حکم دیا۔

عدالت نے رؤف حسن کا نام پی سی ایل میں شامل کرنے کا حکم غیر قانونی اور بدنیتی پر مبنی قرار دیا۔

جسٹس انعام امین منہاس نے رؤف حسن کا نام پی سی ایل سے نکالنے کی درخواست منظور کر لی اور بیرون ملک سفر کی اجازت کے لیے ٹرائل کورٹ سے رجوع کی ہدایت کی۔

عدالت نے کہا کہ ٹرائل کورٹ رؤف حسن کی درخواست پر قانون کے مطابق جلد فیصلہ کرے، عوکیل کے مطابق رؤف حسن کینسر surviver ہیں، جنہیں چیک اپ کے لیے یو کے جانا ہے اور پٹیشنر پر ایف آئی اے کا مقدمہ ہے جس میں وہ ضمانت پر ہیں۔

اسلام آباد ہائی کورٹ کے مطابق وکیل نے دلائل دیے کہ محض مقدمہ درج ہونے پر کسی کا نام پی سی ایل میں شامل کرنا بلا جواز ہے، ان کا ہر چھ ماہ بعد یو کے میں چیک اپ ہوتا ہے۔

فیصلے میں کہنا تھا کہ عدالت کو بتایا گیا کہ ایف آئی اے نے 24 جولائی 2024 کو پٹیشنر کا نام پی سی ایل میں شامل کرنے کی سفارش کی، ڈی جی امیگریشن اینڈ پاسپورٹس نے 26 اگست 2024 کو نام پی سی ایل میں شامل کر دیا۔

عدالت نے مزید کہا کہ کریمنل کیس زیر التوا یا تفتیش جاری ہونا پٹیشنر کا نام پی سی ایل میں شامل کرنے کا جواز نہیں، پٹیشنر اپنے خلاف درج مقدمہ میں ضمانت پر ہے اور ریاست نے ضمانت منسوخی دائر نہیں کی۔

فیصلے میں مزید کہا گیا کہ وفاقی حکومت سے رؤف حسن پر سفری پابندیاں عائد کرنے کی منظوری نہیں لی گئی، پاسپورٹ رولز کے مطابق ملک میں داخلے اور روانگی کو ریگولیٹ کرنے کی اتھارٹی وفاقی حکومت کے پاس ہے۔