اسلام آباد : بانی پی ٹی کی ہمشیرہ علیمہ خان کا کہنا ہے کہ 190 ملین پاؤنڈ کیس کا فیصلہ ہائیکورٹ کو 2 سماعتوں میں ہی پھینک دینا چاہیے۔

تفصیلات کے مطابق بانی پی ٹی آئی کی ہمشیرہ علیمہ خان نے عدالت میں پیشی کے موقع پر میڈیا سے گفتگو کرتے ہوئے کہا کہ بانی پی ٹی آئی فیصلہ سن کرہنس پڑے تھے اور کہا اچھا 14 سال سزا ہے اس سے زیادہ ہوجاتی، جس پر وکلا نے بتایا یہ زیادہ سے زیادہ ہے۔

ان کا کہنا تھا کہ نبی کریم ﷺ کی زندگی پرتعلیم دینے کا خواب بانی کاجرم ہے، اتنا خراب فیصلہ ہے جب یہ ہائیکورٹ جائے گا تو دو سماعتوں میں ہی اسے باہر پھینک دینا چاہئے۔

مزید پڑھیں : ایک ماہ پہلے ہی پتا تھا سزا سنائی جائے گی ، علیمہ خان

عمران خان کی ہمشیرہ نے کہا کہ بانی پی ٹی آئی چاہتے تھے 23 تاریخ کو فیصلہ سنایا جائے، سزا میں کہا ہے القادر یونیورسٹی میں رشوت لی گئی لیکن 190 ملین پاؤنڈ سپریم کورٹ کے پاس ہے بانی پی ٹی آئی کے پاس نہیں۔

انھوں نے مزید کہا کہ جج نے فلاحی ادارے کو حکومت کے حوالے کردیا، القادریونیورسٹی میں سیرت نبیﷺپڑھایا جارہا ہے۔

راولپنڈی : بانی پی ٹی آئی کی ہمشیرہ علیمہ خان کا کہنا ہے کہ ایک ماہ پہلے ہی پتا تھا سزا سنائی جائے گی بانی پی ٹی آئی جیسی شخصیت کو سزا پر تکلیف ہوئی۔

تفصیلات کے مطابق 190 ملین پاوںڈ کیس میں بانی پی ٹی آئی کو سزا کے بعد ہمشیرہ علیمہ خان نے میڈیا سے گفتگو کرتے ہوئے کہا کہ آج اس نظام پر بہت دکھ ہوا، ایک ماہ سے پتا تھا سزا سنائی جائے گی لیکن بانی پی ٹی آئی جیسی شخصیت کو سزا پر تکلیف ہوئی۔

مزید پڑھیں : 190 ملین پاؤنڈ ریفرنس ، بانی پی ٹی آئی کو 14 اور بشریٰ بی بی کو 7 سال قید کی سزا

علیمہ خانم کا کہنا تھا کہ بانی نے کہا آج جو ہوا تاریخ میں پہلے بھی ہوچکا ہے، سزا اس لیےدی گئی کہ یونیورسٹی بنائی کیوں، فیصلہ ہائی کورٹ میں چیلنج کریں گے۔

گذشتہ روز بانی پی ٹی آئی کی ہمشیرہ نے اسلام آباد ہائیکورٹ میں گفتگو کرتے ہوئے کہا کہ القادرٹرسٹ احمقانہ کیس ہے، دعا کرتے ہیں بانی پی ٹی آئی کو کل سزا ہوجائے اور کیس جیل سے نکل کر باہر آجائے۔

ان کا کہنا تھا کہ اتنی تاریخیں ڈالی ہیں ہم تو صرف تاریخیں بھگت رہے ہیں، بانی پی ٹی آئی کو کریڈٹ ملنا چاہیے سارے کیسز کا سامنا کر رہے ہیں ، کوئی پاس ہوگا کوئی فیل، اب بانی پی ٹی آئی نے سب کو امتحان میں ڈالا ہوا ہے۔

راولپنڈی : بانی پی ٹی آئی، بشریٰ بی بی، علیمہ خان اورعلی امین گنڈاپور کے خلاف ایک اورمقدمہ درج کرلیا گیا، جس میں 200 افراد کو بھی نامزد کیا ہے۔

تفصیلات کے مطابق بانی پی ٹی آئی، بشریٰ بی بی، علیمہ خان اورعلی امین گنڈاپور کے خلاف ایک اورمقدمہ درج کرلیا گیا۔

مقدمہ تھانہ دھمیال پولیس نےدہشت گردی اوردیگردفعات کے تحت درج کیا گیا، مقدمےمیں عارف علوی، اسد قیصر، عمر ایوب،حماد اظہر سمیت 200 افراد کو بھی نامزد کیا ہے۔

ایف آئی آر مجموعی طور پر14 دفعات کےتحت درج کی گئی ہے اور متن میں لکھا گیا کہ ملزمان نے چکری روڈ پر ٹائر جلا کر سڑک بلاک کردی اور ملزمان نے اشتعال انگیز نعرے بازی کرکے خوف و ہراس پھیلایا۔

مزید پڑھیں : بانی پی ٹی آئی کی ہمشیرہ علیمہ خان پر تھانہ ٹیکسلا میں مقدمہ درج

مقدمے میں کہا گیا کہ ملزمان نے پولیس پر پتھراؤ کیا،آتشی اسلحے سے فائرنگ کی اور علیمہ خان نے بانی پی ٹی آئی کی طرف سے24 نومبر کے احتجاج کا پیغام دیا۔

متن میں کہنا تھا کہ بشریٰ بی بی کی ایما پر لوگ مشتعل ہوئےاورسڑکوں پرنکلے اور ملزمان نےدفعہ 144 کے نفاذکےباوجود امن و امان میں خلل ڈالا۔

اس سے قبل بانی پی ٹی آئی کی بہن علیمہ خان کے خلاف انسداد دہشت گردی ایکٹ کے تحت تھانہ ٹیکسلا میں مقدمہ درج کیا گیا تھا، ایف آئی آر میں سابق صدر مملکت عارف علوی، وزیر اعلیٰ خیبر پختونخوا، شہریار ریاض، حماد اظہر، اور اسد قیصر کو بھی نامزد کیا گیا ہے۔

مقدمے میں ڈکیتی، اقدام قتل اور تعزیرات پاکستان کی دیگر دفعات شامل کی گئی ہیں، ایف آئی آر کے متن میں لکھا گیا تھا کہ بانی پی ٹی آئی نے علیمہ خان کے ذریعے عوام کو 24 نومبر کے احتجاج کا پیغام دیا تھا۔