Tag: علیم خان

  • ایم 6 اور ایم 10 موٹر ویز کے حوالے سے اچھی خبر

    ایم 6 اور ایم 10 موٹر ویز کے حوالے سے اچھی خبر

    کراچی: وفاقی وزیر علیم خان نے کہا ہے کہ موٹر وے ایم 6 اور ایم 10 اب خواب نہیں، حقیقت بننے جا رہی ہیں۔

    تفصیلات کے مطابق وفاقی وزیر مواصلات عبد العلیم خان نے کراچی آمد پر بزنس کمیونٹی سے اہم ملاقات میں موٹر وے منصوبوں کے حوالے سے بڑے اعلانات کیے ہیں۔

    علیم خان نے کہا کہ ایم 6 منصوبہ اب مزید نظر انداز نہیں ہوگا، ایم سکس اور ایم ٹین موٹر ویز اب خواب نہیں، حقیقت بننے جا رہی ہیں، انھوں نے کہا 400 ارب روپے کی لاگت سے تعمیر ہونے والا یہ منصوبہ اسلامک ڈیولپمنٹ بینک کی مدد سے مکمل کیا جائے گا۔

    وفاقی وزیر نے کہا کراچی کی بزنس کمیونٹی کو بھی دعوت دیتا ہوں کہ اس انقلابی منصوبے میں سرمایہ کاری کریں، علیم خان نے بتایا کہ ایم 10 موٹر وے کی تعمیر سے کراچی پورٹ سے اشیا کی ترسیل کا نظام بہتر ہوگا، اور دونوں موٹر وے منصوبے 2 سال میں مکمل ہوں گے۔


    حیدر آباد سکھر موٹر وے، وفاقی حکومت کی سندھ کے ساتھ نا انصافی کھل کر سامنے آ گئی


    وفاقی وزیر نے لیاری ایکسپریس وے سے ہیوی ٹریفک کی روانی بحال کرنے کے حوالے سے کہا کہ اگلے 15 دن میں وہ وزیر اعظم کو اس سلسلے میں آگاہ کریں۔ وفاقی وزیر مواصلات نے بتایا کہ گزشتہ سال 64 ارب روپے کا ریکارڈ ریونیو کمانے والا نیشنل ہائی وے اتھارٹی، اس سال 110 ارب روپے کا ہدف حاصل کرنے جا رہا ہے۔

  • طے کیا ہے آپس میں مل بیٹھ کر حکومت بنائیں گے، آصف زرداری

    طے کیا ہے آپس میں مل بیٹھ کر حکومت بنائیں گے، آصف زرداری

    آصف زرداری نے دیگر پارٹیوں کے رہنماؤں کے ہمراہ نیوز کانفرنس کرتے ہوئے کہا ہے کہ طے کیا ہے مل کرپاکستان کومشکلات سے نکالیں گے۔

    تفصیلات کے مطابق مسلم لیگ ق کے سربراہ چوہدری شجاعت حسین کے گھر پر ملک کی بڑی سیاسی پارٹیوں کے سربراہوں نے نیوز کانفرنس کی جس میں آصف علی زرداری، شہباز شریف، خالد مقبول صدیقی، شجاعت حسین، علیم خان اور صادق سنجرانی بھی موجود تھے۔

    اس موقع پر سابق صدر آصف زرداری کا کہنا تھا کہ آج حکومت سازی کیلئے ملاقات طے کی گئی تھی۔ طے کیا گیا ہے کہ ہم مل کر پاکستان کو مشکلات سے نکالیں گے۔

    انھوں نے کہا کہ معیشت، دہشت گردی سمیت تمام درپیش مسائل کا حل نکالیں گے۔ مصالحت کے ذریعے چلیں گے، جس میں پی ٹی آئی بھی شامل ہے۔ مصالحت کے تحت چلیں گے تاکہ پاکستان کو کامیاب کرائیں۔ ہمیں معلوم ہے پاکستان کے قرضوں کی کتنی قسطیں ادا کرنی ہیں۔

    آصف زرداری کا کہنا تھا کہ ہم ایک دوسرے کیخلاف الیکشن بھی لڑے۔ الیکشن میں مخالفت ہوتی ہے لیکن ساتھ بیٹھ کر ملک سنبھال سکتے ہیں۔

    پی پی شریک چیئرمین نے کہا کہ پاکستان کیلئے بہتر ہوگا کہ ہم سب کو مل کر چلنا چاہیے۔ ایک ہی بات کہتا ہوں کہ پاکستان کھپے۔

    مسلم لیگ ن کے صدر شہباز شریف نے کہا کہ چوہدری شجاعت کا شکرگزار ہوں انھوں نے سب کو یہاں مدعو کیا۔ ہم سب اس لیے اکٹھے ہوئے کہ قوم کو بتا سکیں ملک کیلئے ایک ہیں۔ الیکشن کا مرحلہ ختم ہوچکا ہے اب نئی پارلیمان وجود میں آنے والی ہے۔

    شہبازشریف نے کہا کہ ہماری جنگ ملک کو درپیش چیلنجز کےخلاف ہے۔ معیشت کو اپنے پاؤں پر کھڑا کرنا ہے جو سب سے بڑا چیلنج ہے۔ وہ قومیں آگے بڑھتی ہیں جن کی لیڈرشپ ملک کیلئے ایک ہوجائیں۔

    سابق وزیراعظم نے کہا کہ ہم نے ملک کو آگے لے کر جانا ہے، معاشی چیلنجز کا سامنا کرنا ہے۔ آئی ایم ایف معاہدے کی وجہ سے ملک کو معاشی استحکام ملا۔

    انھوں نے کہا کہ ہم نے قرضوں کا معاملہ حل کرنا ہے، مہنگائی کیخلاف جنگ لڑنی ہے۔ معیشت کو بہتر کرنا ہے جو ایک اہم ایجنڈا ہے۔ تقسیم میں منڈیٹ ملا ہے جس کو ہم سب قبول کرتے ہیں۔

    شہباز شریف کا کہنا تھا کہ پیپلز پارٹی کے شکرگزار ہیں کہ انھوں نے ن لیگ کو ووٹ دینے کا فیصلہ کیا۔ چوہدری شجاعت، ایم کیو ایم، علیم خان اور صادق سنجرانی کا بھی شکرگزار ہوں۔ جو پارٹیاں یہاں موجود ہیں یہ ہاؤس کی دوتہائی اکثریت رکھتی ہیں۔

    انھوں نے کہا کہ پی ٹی آئی کے آزاد امیدوار حکومت بنانے کا شوق رکھتے ہیں تو اکثریت لے آئیں۔ پی ٹی آئی اکثریت لے آئے ہم ان کا احترام کریں گے

    سابق وزیراعظم نے کہا کہ جمہور، پارلیمان اور آئینی تقاضہ ہے کہ اکثریتی فیصلےکا احترام کیا جائے۔ ہم اس قابل ہیں کہ ہمارے پاس اکثریت بھی ہے۔

    اس موقع پر ایم کیو ایم کے سربراہ خالدمقبول صدیقی نے کہا کہ ہمارے درمیان اختلافات اور تلخی ہوسکتی ہے لیکن ترجیح پاکستان ہے۔ ہم سب مل کر باہمی تعاون سے پاکستان کو مضبوط کریں گے۔

    خالد مقبول صدیقی نے کہا کہ انتخابات سے پہلے ہی شہبازشریف کا ساتھ دینے کا اعلان کرچکے ہیں۔ ہم اب بھی شہباز شریف کا ساتھ دیں گے، وعدے پورے کرتے ہیں۔

    انھوں نے کہا کہ سیاسی مفادات کو ایک طرف رکھ کر پاکستان کو بچانے کیلئے اقدامات کرنا ہونگے۔ مل کر چلیں گے تو سال کے آخر تک ملک کو بہترصورتحال کی طرف لے جائیں گے۔

    اس موقع پر صادق سنجرانی نے کہا کہ جیسے پہلے اکٹھے تھے کوشش ہے دوبارہ ایک ہوکر ملک کیلئے کام کریں۔ ہماری پارٹی جیسے پہلے شہباز شریف کیساتھ کھڑی تھی اب بھی کھڑی ہے

    استحکام پاکستان پارٹی کے رہنما علیم خان نے کہا کہ چوہدری شجاعت نے ہم سب کو مدعوکیا، شکریہ ادا کرتا ہوں۔ امید کرتا ہوں پاکستان بہتری کی طرف جائے گا

    علیم خان نے کہا کہ غریب کے حالات برے ہیں، مہنگائی میں پسا ہوا ہے۔ عوام کی مشکلات کو حل کرنے کے لیے اپنی ذات سے باہر نکلنا ہوگا۔

    انھوں نے کہا کہ امید کرتا ہوں کہ شہباز شریف کی حکومت احسن طریقے سے فرائض انجام دیگی۔ شہباز شریف کیلئے دعاگو ہوں کہ وہ مسائل حل کرسکیں گے

    اس موقع پر ق لیگ کے سربراہ چوہدری شجاعت حسین نے کہا کہ جمہوریت کو آگے بڑھانے کی کوشش کر رہے ہیں۔ پاکستان کا مفاد نمبر ون پر رکھا جائے، مل کر ساتھ چلنا چاہیے۔ معاشی ایجنڈا سرفہرست رکھنا چاہیے۔

  • مریم نواز اور علیم خان کی کامیابی کے انتخابی نتائج روکنے کی درخواست پر فیصلہ محفوظ

    مریم نواز اور علیم خان کی کامیابی کے انتخابی نتائج روکنے کی درخواست پر فیصلہ محفوظ

    لاہور : لاہور ہائی کورٹ نے این اے 119 سے ن لیگی رہنما مریم نواز اور این اے117سے آئی پی پی کے رہنما علیم خان کے انتخابی نتائج روکنے کی درخواست پر فیصلہ محفوظ کرلیا۔

    تفصیلات کے مطابق لاہور ہائی کورٹ میں این اے 119 سے مریم نواز کی کامیابی کے انتخابی نتائج روکنے کی درخواست پر سماعت ہوئی۔

    جسٹس علی باقر نجفی کی عدالت میں آزاد امیدوارشہزاد فاروق کےوکیل نےدلائل دیتے ہوئے کہا کہ مریم نواز فارم 45 کے مطابق ہار چکی ہیں، ریٹرنگ افسر نے مبینہ طور پر مریم نواز کو فاتح قرار دیا۔

    وکیل درخواست گزار کا کہنا تھا کہ فارم 45 کے نتائج ہمارے پاس موجود ہیں،عدالت فارم 45 کے مطابق نتائج جاری کرنے کا حکم دے، جس کے بعد عدالت نے درخواست کے قابل سماعت ہونے پر فیصلہ محفوظ کرلیا۔

    دوسری جانب لاہور ہائی کورٹ میں این اے117 سے آئی پی پی کے رہنما علیم خان کی کامیابی کے خلاف درخواست کی سماعت ہوئی۔
    لاہور ہائیکورٹ جسٹس علی باقر نجفی نےدرخواست قابل سماعت ہونے پرفیصلہ محفوظ کرلیا

    لاہورہائیکورٹ میں آزاد امیدوار علی اعجاز کی جانب سے درخواست دائرکی گئی، جس میں مؤقف اپنایا گیا کہ علیم خان فارم 45 کے مطابق ہار چکے ہیں،علیم خان نے مبینہ ملی بھگت سے فارم 47 میں خود کو فاتح قرار دیا۔

    درخواست میں استدعا کی گئی کہ عدالت فارم 45 کے مطابق نتائج جاری کرنے کا حکم دے اور الیکشن کمیشن کو حتمی نتیجہ جاری کرنے سے روکنے کا حکم دے ساتھ ہی این اے 177 کا نتیجہ کالعدم قرار دے۔

  • الیکشن 2024 پاکستان : علیم خان اور عطا تاڑر کی کامیابی ہائی کورٹ میں چیلنج

    الیکشن 2024 پاکستان : علیم خان اور عطا تاڑر کی کامیابی ہائی کورٹ میں چیلنج

    لاہور : استحکام پاکستان پارٹی کے رہنما علیم خان اور مسلم لیگ ن کے رہنما عطا تاڑر کی کامیابی کو ہائیکورٹ میں چیلنج کردیاگیا۔

    تفصیلات کے مطابق این اے117سے استحکام پاکستان پارٹی کے رہنما علیم خان کی کامیابی کو لاہورہائیکورٹ میں چیلنج کردیاگیا۔

    درخواست میں ریٹرننگ افسر،الیکشن کمیشن سمیت دیگرکوفریق بنایا گیا ہے اور موقف اختیار کیا گیا کہ علیم خان فارم 45 کے مطابق ہار چکے ہیں، مبینہ ملی بھگت سے فارم 47 میں علیم خان کو فاتح قرار دیاگیا۔

    درخواست میں استدعا کی گئی کہ عدالت فارم 45 کےمطابق نتائج جاری کرنے کا حکم دے اور الیکشن کمیشن کوحتمی نتیجہ جاری کرنے سے روکنے کا حکم دے۔

    این اے127لاہور سے بھی ن لیگی رہنما عطا تاڑر کی کامیابی کو ہائیکورٹ میں چیلنج کردیاگیا، پی ٹی آئی کےحمایت یافتہ آزاد امیدوار ظہیر عباس کھوکھر نے درخواست دائر کی۔

    درخواست میں ریٹرننگ افسر، الیکشن کمیشن سمیت دیگر کو فریق بنایا اور مؤقف اختیار کیا کہ عطاتارڑفارم45کےمطابق ہارچکےہیں،ملی بھگت سےفارم47میں فاتح قراردیاگیا، ہمارے پولنگ ایجنٹ کو پولیس نے ریٹرننگ افسر آفس سے باہر نکال دیا۔

    درخواست میں کہنا تھا کہ میری عدم موجودگی میں حلقےکارزلٹ جاری کیاگیا،فارم 45 کے نتائج ہمارے پاس موجود ہیں، استدعا ہے کہ فارم 45 کے مطابق نتائج جاری کرنے کا حکم دے، الیکشن کمیشن کو حتمی نتیجہ جاری کرنے سے روکنے کاحکم دے اور عدالت دوبارہ گنتی کا حکم دے اور فارم 47 کا نتیجہ کالعدم قرار دے۔

  • NA-117 لاہور سے آئی پی پی کے عبد العلیم خان نے میدان مار لیا

    NA-117 لاہور سے آئی پی پی کے عبد العلیم خان نے میدان مار لیا

    ملک بھر میں عام انتخابات 2024 کے لیے ووٹنگ کا وقت ختم ہونے کے بعد ووٹوں کی گنتی جاری ہے اور ساتھ ہی غیرحتمی و غیر سرکاری نتائج آنے کا سلسلہ برقرار ہے۔

    غیر سرکاری نتائج کے مطابق این اے 117 لاہور سے آئی پی پی کے عبد العلیم خان 72519 ووٹ لے کر کامیاب ہوگئے، جبکہ انڈیپنڈنٹ امیدوار علی اعجاز 31586 ووٹ حاصل کرکے دوسرے پر نمبر رہے۔

    دوسری جانب این اے 127 لاہور سے مسلم لیگ (ن) کے عطا تارڑ 98210 ووٹ لیکر کامیاب ہوگئے، جبکہ انڈیپنڈنٹ امیدوارملک ظہیر عباس نے 82230 ووٹ حاصل کئے۔بلاول بھٹو زرداری 15005ووٹ لیکر تیسرے نمبر پر رہے۔

    ق لیگ کے چوہدری سالک حسین نے گجرات سے صوبائی اور قومی اسمبلی کی نشستوں پر پرویز الہٰی اور ان کی اہلیہ قیصرہ الہٰی کو شکست دے دی ہے۔

    چوہدری شجاعت کے صاحبزادے چوہدری سالک حسین نے گجرات سے پنجاب اسمبلی کے حلقہ پی پی 32 پر اپنے ماموں اور سابق وزیر اعلیٰ پنجاب چوہدری پرویز الہٰی کو شکست دی ہے جب کہ قومی اسمبلی کے حلقہ این اے 64 سے پرویز الہٰی کی اہلیہ قیصرہ الہٰی کو بھی ہرا دیا ہے۔

    الیکشن 2024 پاکستان: قومی اسمبلی کا مکمل غیر حتمی، غیر سرکاری نتائج

    غیر سرکاری اور غیر حتمی نتائج کے مطابق قومی اسمبلی کے حلقہ این اے 64 گجرات سے ق لیگ کے چوہدری سالک حسین ایک لاکھ 5 ہزار 205 ووٹ لے کر کامیاب قرار پائے ہیں جب کہ ان کے مدمقابل پی ٹی آئی کی حمایت یافتہ آزاد امیدوار قیصرہ الہٰی 80 ہزار 946 ووٹ لے کر دوسرے نمبر پر رہیں۔

  • پی ٹی آئی کے بہت سے آزادامیدوار جیت کر استحکام پاکستان پارٹی کا حصہ بن جائیں گے، علیم خان کا دعویٰ

    پی ٹی آئی کے بہت سے آزادامیدوار جیت کر استحکام پاکستان پارٹی کا حصہ بن جائیں گے، علیم خان کا دعویٰ

    پاکستان استحکام پارٹی کے رہنما علیم خان نے دعویٰ کیا ہے کہ پی ٹی آئی کے بہت سے آزادامیدوار جیت کراستحکام پاکستان پارٹی کا حصہ بن جائیں گے۔

    تفصیلات کے مطابق پاکستان استحکام پارٹی کے رہنما علیم خان نے اے آر وائی نیوز کے پروگرام الیونتھ آور میں وسیم بادامی کو انٹرویو دیتے ہوئے کہا کہ شاید نشان نہ ہونے کی وجہ سے بڑی جماعت کے امیدوار متحرک نہیں اور بہت سے امیدوار پہلی بار الیکشن میں حصہ لےرہےہیں۔

    بیرسٹرگوہرکاپی ٹی آئی سےکوئی تعلق نہیں تھا

    بیرسٹرگوہر کے حوالے سے علیم خان کا کہنا تھا کہ بیرسٹرگوہر کا پی ٹی آئی سے کوئی تعلق نہیں تھا، بیرسٹر گوہر ایک سال پہلے پیپلز پارٹی کے فعال ممبر تھے، پی ٹی آئی میں کوئی فعال ممبر نہیں تھا کہ وہ چیئرمین بن سکے، وکیل کو ہی چیئرمین بنانا تھا تو حامد خان بھی تھے۔

    چیئرمین ایسے شخص کو بنایا گیا جس کاپی ٹی آئی سےکوئی لینا دینا نہیں

    بیرسٹرگوہر کو چیئرمین بنانے کے سوال پر آئی پی پی رہنما نے کہا کہ پارٹی سے وفاداررہنے والوں کوعہدے،ٹکٹس دینے چاہیے تھے، چیئرمین ایسے شخص کو بنایا گیا جس کاپی ٹی آئی سےکوئی لینا دینا نہیں، وسیم اکرم پلس کے چکر میں چیئرمین بنایا گیا تو پھر یہ فارمولاصحیح تھا۔

    کئی امیدواروں نے جیت کرآئی پی پی میں شامل ہونے کا یقین دلایا

    علیم خان نے دعویٰ کیا کہ پی ٹی آئی کےبہت سےآزادامیدوارجیت کراستحکام پاکستان پارٹی کا حصہ بن جائیں گے، بہت سے آزاد امیدوار ہیں جن کے ساتھ ہم نے کام کیا ہے، وہ رابطے میں بھی ہیں،کئی امیدواروں نےجیت کرآئی پی پی میں شامل ہونے کا یقین دلایا ہے۔

    بلاول بھٹوکوپنجاب میں ویلکم کرتے ہیں

    پنجاب میں سیاسی جماعتوں کے حوالے سے رہنما آئی پی پی کا کہنا تھا کہ پی ٹی آئی کےانٹراپارٹی الیکشن میں سقم تھے، کوئی سیاسی جماعت پنجاب آتی ہےاورفعال ہوتی ہےتوخوشی ہے، بلاول بھٹوکوپنجاب میں ویلکم کرتےہیں، بلاول بھٹونےلاہورمیں اچھا جلسہ کیا ہے۔

    کوئی بھی جلسہ گاہ پیسوں کے زورپر نہیں بھری جاسکتی

    سیاسی جماعتوں کے جلسوں سے متعلق سوال پر انھوں نے کہا کہ کوئی بھی جلسہ گاہ پیسوں کے زورپر نہیں بھری جاسکتی، پی ٹی آئی کے مینار پاکستان کے 4 جلسوں کا انچارج تھا، لوگ اپنی مرضی اورجذبےکےتحت پی ٹی آئی جلسےمیں آتےتھے۔

    میری نظرمیں پی ٹی آئی قیادت سے9مئی کابلنڈرہوا ہے

    سانحہ نو مئی پر علیم خان کا کہنا تھا کہ 9مئی کےکیسزمیں ملوث نہ ہونےوالوں کوماحول مل رہاہے، میری نظرمیں پی ٹی آئی قیادت سے9مئی کابلنڈرہواہے۔

    ہر کسی پر تنقید ہوسکتی ہے کوئی مقدس گائے نہیں ہے

    پاکستان استحکام پارٹی کے رہنما نے مزید کہا کہ سیاست سمیت ہرچیزمیں ایک ریڈلائن ہونی چاہیے، اختلاف رائے بنیادی ہے لیکن اس کی بھی ایک لائن ہونی چاہیے، ہر کسی پر تنقید ہوسکتی ہے کوئی مقدس گائے نہیں ہے، کسی کے گھرمیں گھس کر آگ لگا دی جائے تو یہ اظہار رائے نہیں، میرانہیں خیال کہ 9مئی کے واقعات پارٹی لیڈرشپ کے بغیر ہوئے ہیں۔

    9مئی میں جوبھی ملوث ہیں طریقہ کارکےمطابق ان سب کو سزا ہونی ہے

    ان کا کہنا تھا کہ بانی پی ٹی آئی جیل میں تھےتوان کی قیادت توموجود تھے، ثبوت آچکے ہیں کہ کس کوکہاں سے ہدایات دی جارہی تھیں، بہت سےلوگ جوملوث تھےجیل میں کچھ مفروربھی ہیں، 9مئی میں جوبھی ملوث ہیں طریقہ کارکےمطابق ان سب کو سزا ہونی ہے اور جو 9مئی میں ملوث نہیں ہیں انہیں بالکل سزانہیں ہونی چاہیے۔

    لوگوں کو دباؤ میں آئی پی پی میں شامل کرایا گیا تو کیسےمان لوں 

    آئی پی پی شامل ہونے والے لوگوں کے حوالے سے سوال پر علیم خان نے کہا کہ لاہور سے پی ٹی آئی کے صرف 3 لوگ آئی پی پی میں آئے، پی ٹی آئی کے 42 لوگوں نے پارٹی نہیں چھوڑی، کہتےہیں لوگوں کو دباؤ میں آئی پی پی میں شامل کرایاگیا تو کیسےمان لوں، پی ٹی آئی سے 100 سے بھی کم لوگ ملک بھر میں آئی پی پی میں آئے، پی ٹی آئی کے پاس توہزاروں لوگ تھے پھر 100 سے کم کیوں آئے۔

    فواد چوہدری کو ہم نے کہا تھا پارٹی میں خود شامل نہیں ہونا چاہتے تونہ آئیں

    رہنما آئی پی پی نے بتایا کہ فواد چوہدری کو ہم نے کہا تھا پارٹی میں خود شامل نہیں ہونا چاہتے تونہ آئیں، پی ٹی آئی کےلوگ نہیں آتےتوہمیں کوئی فرق نہیں پڑتا، فوادچوہدری کوآج بھی نہیں پتہ کہ انہوں نے کرنا کیا ہے۔

    بانی پی ٹی آئی کیساتھ تھا تو بھی کنفیوز نہیں تھااورچھوڑنےکےبعد بھی

    انھون نے مزید کہا کہ بانی پی ٹی آئی کیساتھ تھا تو بھی کنفیوز نہیں تھااورچھوڑنےکےبعد بھی ، فواد چوہدری کو تو کہا تھا کہ ویسے بھی دوستی ہے سفارش کرکے ہی بچالیتے اور فوادچوہدری کوآئی پی پی کواستعمال کرنےکی ضرورت ہی پیش نہ آتی۔

    لوگ ایم پی اے،ایم این اے بننے کیلئے پارٹیاں تبدیل کرتےہیں

    علیم خان کا کہنا تھا کہ لوگ ایم پی اے،ایم این اے بننے کیلئے پارٹیاں تبدیل کرتےہیں، آئی پی پی میں شامل ہونے والے لوگ اپنےحلقوں کی سیاست دیکھتے ہیں، کچھ نشستوں پرمسلم لیگ ن کیساتھ سیٹ ایڈجسٹمنٹ ہوئی ہے، غلام سرورنےدونشستیں جیتی ہوئی ہیں،خواجہ آصف کو اچھا لگے یا نہیں، غلام سروراور ان کے بیٹے ایم این اےکی نشستیں نکال چکےہیں، غلام سرور کو حلقے کےعوام پسند کرتے ہیں۔

    سیاسی جلسوں میں ہونے والی باتوں کو سیاسی طور پر لینا چاہیے

    ساست دانوں کی ایک دوسرے پر تنقید پر آئی پی پی رہنما نے کہا کہ سیاسی جلسوں میں ہونے والی باتوں کو سیاسی طور پر لینا چاہیے، ایسے ن لیگ کے کئی امیدوار ہیں جونواز شریف کے بارے میں کیا کہتے تھے، سیاست کوذاتی دشمنی سےالگ رکھنا چاہیے، ایسے کئی سیاستدان ہیں جو الزامات سیاسی طور پر لگاتے ہیں، ن لیگ کیساتھ اتحاد ہے ایسی بات نہیں کرنا چاہتا کہ تلخیاں پیداہوں۔

    بانی پی ٹی آئی کے پاس ایک ہی پروگرام تھا کہ لوگوں کوجیل میں ڈالو

    بانی پی ٹی آئی سے متعلق ان کا کہنا تھا کہ بانی پی ٹی آئی کیلئے پرویز الٰہی اتنی سختیاں برداشت کررہےہیں توبڑی بات ہے، بانی پی ٹی آئی کے پاس ایک ہی پروگرام تھا کہ لوگوں کوجیل میں ڈالو، جوبھی وسیم اکرم پلس کےسامنےکھڑاہوتاتھااسےجیل ڈال دیا جاتا تھا، سبطین خان اورمیں نے 100 دن جیلیں کاٹی ہیں، جس کیساتھ جو کرتے ہیں وہی بعد میں بھگتتےہیں۔

    بزداردورمیں پنجاب میں کرپشن کابازارگرم کیا گیا

    عثمان بزدار کے حوالے سے علیم خان نے بتایا کہ بانی پی ٹی آئی نے پنجاب میں بزداراور کے پی میں گورا بزدار لگادیاتھا، پنجاب کی تاریخ میں پہلی مرتبہ اے سی اور ڈی سی پیسوں پر لگتے تھے، بانی پی ٹی آئی کوکہا پیسےدےکرتعیناتیاں کراتا ہوں تو کہا بزدارکیخلاف ہو، بزداردورمیں پنجاب میں کرپشن کابازارگرم کیاگیا۔

    بانی پی ٹی آئی کومعاشی طورپر کرپٹ نہیں سمجھتا تھا

    انھوں نے کہ بانی پی ٹی آئی کومعاشی طورپر کرپٹ نہیں سمجھتاتھا، بانی پی ٹی آئی کے وزیراعظم بننےکےبعدبہت سی تبدیلیاں آئیں اور گھڑی کی بات نہیں اس اصول کی بات ہے جس پرلوگ آپ کیساتھ تھے، بانی پی ٹی آئی نےاپنی ذات پرپیسےنہیں بھی لگائے تو آنکھیں بند کی تھیں، میں بانی پی ٹی آئی کی ذات کیلئےایک روپیہ نہیں دیا،پارٹی کیلئے معاشی سپورٹ کی۔

  • صدر آئی پی پی علیم خان کی نون لیگ سے سیٹ ایڈجسٹمنٹ کی تردید

    صدر آئی پی پی علیم خان کی نون لیگ سے سیٹ ایڈجسٹمنٹ کی تردید

    لاہور : صدر استحکام پاکستان پارٹی علیم خان نے نون لیگ سے سیٹ ایڈجسٹمنٹ کی تردید کردی اور کہا جہانگیر ترین اور شہبازشریف کی ملاقات خیرسگالی تھی، لین دین کی بات نہیں ہوئی۔

    تفصیلات کے مطابق استحکام پاکستان پارٹی کے صدر اور سابق صوبائی وزیر علیم خان نے اے آر وائی نیوز کے پروگرام ‘اعتراض ہے’ میں گفتگو کرتے ہوئے کہا کہ ن لیگ کیساتھ کوئی لینےدینےکی بات نہیں ہوئی، سیٹ ایڈجسٹمنٹ سےمتعلق سی ای سی میں بھی کوئی بات نہیں ہوئی۔

    رہنمااستحکام پاکستان پارٹی کا کہنا تھا کہ اتحاد ہوں گے یا تنہا الیکشن لڑناہےیہ فیصلےسی ای سی میں ہوں گے، سینٹرل ایگزیکٹوکمیٹی سےرہنمائی لےکرہی اتحاد کا فیصلہ ہوگا۔

    جہانگیر ترین اور شہباز شریف ملاقات کے حوالے سے علیم خان نے کہا کہ جہانگیرترین بیمارتھےتوشہبازشریف ان سےملاقات کیلئےآئےتھے اور جہانگیر ترین اب شہبازشریف کےپاس ملاقات کیلئےگئے، یہ خیرسگالی کی ملاقاتیں ہوتی ہیں کسی ایجنڈےکی ملاقات نہیں تھی، کسی ایجنڈےکی ملاقات ہوگی تو پہلے 30 رکنی سی ای سی میں جائیں گے۔

    نواز شریف اور چوہدری شجاعت کی ملاقات سے متعلق سابق صوبائی وزیر کا کہنا تھا کہ چوہدری شجاعت ایک عام سیاستدان نہیں خاص ہیں، نواز شریف چوہدری کےپاس گئےہیں تواچھی بات ہے، سیاسی اختلاف کوسیاسی رکھناچاہیےذاتی نہیں بناناچاہیے، سیاسی جماعت اتحادمیں جاتی رہتی ہیں یہ سیاست کاحصہ ہے، سیاسی جماعتوں کےاتحادبنناکوئی غلط بات نہیں ہے۔

    انھوں نے مزید کہا کہ پاکستان کی معیشت کوسیاست سےدوررکھناچاہیے، کوئی بھی حکومت آئےسیاست کرےمعیشت کوسیاست زدہ نہ کرے۔

  • ‘موٹر سائیکل والوں کے لیے پیٹرول کی قیمت آدھی ہوگی’

    ‘موٹر سائیکل والوں کے لیے پیٹرول کی قیمت آدھی ہوگی’

    کامونکی: استحکام پاکستان پارٹی کے رہنما علیم خان نے اعلان کرتے ہوئے کہا کہ ہماری حکومت آئی تو 300موٹرسائیکل والوں کے لیے پیٹرول کی قیمت آدھی ہوگی اور 300 یونٹ تک بجلی مفت دیں گے۔

    تفصیلات کے مطابق کامونکی میں استحکام پاکستان پارٹی کے رہنما علیم خان نے ورکرکنونشن سے خطاب کرتے ہوئے کہا کہ الیکشن میں کچھ لوگ آئیں گے اورعوام کو تسلیاں دیں گے،ع ان لوگوں نے7،7 مرتبہ باریاں لیں،40سال حکومت کی، جولوگ باریاں لیتے رہےہیں ان کوانجام تک پہنچائیں گے۔

    علیم خان کا کہنا تھا کہ چیئرمین پی ٹی آئی نےلوگوں کی امیدکوتوڑا،ملکی نظام سےاعتماداٹھ گیا، اس ملک میں سب کچھ ہےصرف اچھے لیڈروں کی کمی ہے۔

    رہنما استحکام پاکستان پارٹی نے تنقید کرتے ہوئے کہا کہ سندھ میں ایک گاؤں کی تصویردیکھی ،ندی سے ایک کتااوربچہ پانی پی رہے تھے، عوام کی حالت اس لیئے ایسی ہے کیونکہ حکمران چور ہیں۔

    ان کا کہنا تھا کہ اس ملک کو لوٹا ہے، جن کوہم ایماندارسمجھتے تھے، ان کےکرتوت آپ سب پڑھ رہے ہوں گے۔

    علیم خان نے اعلان کیا کہ امیروں کی بجلی کی قیمت ڈبل کریں گے اورغریبوں کومفت دیں گے ،300 یونٹ تک بجلی مفت دیں گے، غریبوں کو ملنے والی مفت بجلی کی قیمت امیراداکریں گے۔

    رہنما آئی پی پی نے کہا کہ موٹرسائیکل والوں کےلیے پیٹرول کی قیمت آدھی ہوگی اور بڑی گاڑیوں والوں کےلیے پیٹرول کی قیمت دگنی ہوگی۔

    ان کا مزید کہنا تھا کہ ہماری حکومت آئی توہریونین کونسل میں ایک ڈسپنری قائم کریں گے ،چھوٹی چھوٹی بیماریوں کےلیے عوام کو اسپتال نہیں جانا پڑے گا جبکہ ہماری حکومت آئی تومزدوروں کی ماہانہ تنخواہ 50ہزارمقررکریں گے،نوجوانوں کونوکریاں ملیں گی، بلاسود قرضے دیےجائیں گے۔

  • ‘جب تک بزداراور فرح گوگی کی گرفتاری نہیں ہوتی شواہد سامنے نہیں آئیں گے’

    ‘جب تک بزداراور فرح گوگی کی گرفتاری نہیں ہوتی شواہد سامنے نہیں آئیں گے’

    لاہور : استحکام پاکستان پارٹی کے صدر علیم خان کا کہنا ہے کہ جب تک بزداراور فرح گوگی کی گرفتاری نہیں ہوتی شواہدسامنےنہیں آئیں گے۔

    تفصیلات کے مطابق استحکام پاکستان پارٹی کے صدر علیم خان نے کہا ہے کہ بہت سے دوست ہمارے ساتھ رابطے میں ہیں، آج بھی قصو ر سےایک گروپ پارٹی شامل ہوا ہے، استحکام پاکستان پارٹی میں پورے پنجاب سے لوگ شامل ہوں گے۔

    علیم خان کا کہنا تھا کہ تکبر اللہ کوپسند نہیں ، جس کویہ عادت لگ جائےاسکاحال چیئرمین پی ٹی آئی جیساہوتا ہے، چیئرمین پی ٹی آئی کی گرفتاری مکافات عمل ہے،جو بویاوہ کاٹا۔

    انھوں نے کہا کہ سب کوچور کہا، اپنی تجوری ہیروں اور گھڑیوں سے بھری، چیئرمین پی ٹی آئی کی کرپشن کا یہ قطرہ ہے، ابھی بہت کچھ سامنے آنا ہے۔

    صدر آئی پی پی کا کہنا تھا کہ جب تک بزداراور فرح گوگی کی گرفتاری نہیں ہوتی شواہدسامنےنہیں آئیں گے، اگر کرپشن کے شواہد کے لئے کسی فورم پر بلایا گیا تو ہم پیش ہوں گے ۔

  • کرپشن کا بازار چیئرمین پی ٹی آئی کے گھر جا کر ختم ہوتا تھا، علیم خان کے سنسنی خیز انکشافات

    کرپشن کا بازار چیئرمین پی ٹی آئی کے گھر جا کر ختم ہوتا تھا، علیم خان کے سنسنی خیز انکشافات

    لاہور: استحکام پاکستان پارٹی (آئی پی پی) نے کہا ہے کہ کرپشن کا بازار چیئرمین پی ٹی آئی کے گھر جا کر ختم ہوتا تھا، چیئرمین پی ٹی آئی، ان کی اہلیہ، فیض حمید، اور فرح خان کا کرپٹ ٹولہ معاملات چلاتا تھا۔

    تفصیلات کے مطابق اے آر وائی نیوز کے پروگرام ’خبر مہر بخاری کے ساتھ‘ میں گفتگو کرتے ہوئے صدر استحکام پاکستان پارٹی علیم خان نے سنسنی خیز انکشافات کیے ہیں۔ علیم خان نے کہا کرپٹ فائیو کا جو ٹولہ ہے اس میں فیض حمید بھی شامل تھے، فیض حمید کی الگ لائن بن گئی تھی وہ سمجھتے تھے آرمی چیف بن جائیں گے۔

    انھوں نے کہا ’’چیئرمین پی ٹی آئی پر ان کی اہلیہ کا مکمل کنٹرول ہے، مؤکل کے ذریعے یا ڈائریکٹ اس کا علم نہیں۔‘‘

    علیم خان نے کہا ’’مجھے نہیں معلوم ہو سکتا ہے کہ باجوہ بھی فیض حمید کو آرمی چیف بنانا چاہتے ہوں، فیض حمید بطور ڈی جی سی جو کام کر رہے تھے ہم اس کا حصہ رہے ہیں، اہم ملاقاتوں کے لیے چیئرمین پی ٹی آئی میری یا جہانگیر ترین کی گاڑی استعمال کرتے تھے۔‘‘

    علیم خان نے کہا ’’چیئرمین پی ٹی آئی جنرل عاصم منیر کو بھی فیض حمید سمجھ رہے تھے، جب وہ ڈی جی آئی ایس آئی تھے تو چیئرمین پی ٹی آئی سے ملاقات کی تھی، جنرل عاصم منیر نے بشریٰ بی بی کے کرپشن کے ثبوت سامنے رکھے، دکھائے گئے ثبوت دستاویزی اور آڈیو دونوں ہیں، چیئرمین پی ٹی آئی نے کہا کہ وہ اپنی حدیں پار کر رہے ہیں، جنرل نے کہا آپ کا ذاتی ملازم نہیں ملک کے لیے کام کرتا ہوں۔‘‘

    علیم خان کے مطابق اعظم خان نے اپنی پسند کا ایک بندہ آئی بی میں رکھوایا جو پسند کی رپورٹ دیتا تھا، اعظم خان وہی پسند کی رپورٹ چیئرمین پی ٹی آئی کو دیتا تھا، کسی شخص کو عہدے سے نکالنے کے لیے وہی پسند کی رپورٹ لی جاتی تھی۔