Tag: علی امین گنڈاپور

پشاور : خیبرپختونخوا میں صوبائی کابینہ اور پی ٹی آئی تنظیمی عہدوں میں ردوبدل کا امکان ہے ، اس حوالے سے کے پی آج اہم فیصلوں کا اعلان کریں گے۔

خیبرپختونخوا میں صوبائی کابینہ اور پی ٹی آئی تنظیمی عہدوں میں ردوبدل متوقع ہے، ذرائع نے بتایا کہ بانی پی ٹی آئی کی ہدایات وزیراعلیٰ کے پی کو موصول ہوگئیں، آج علی امین گنڈا پور اہم فیصلوں کا اعلان کریں گے۔

اس سے قبل وزیراعلیٰ علی امین گنڈاپور نےعاطف خان،شیرعلی ارباب کوپارٹی عہدوں سے ہٹا دیا تھا ، عاطف خان پی ٹی آئی پشاور ریجن کے صدر اور شیرعلی ارباب ضلع پشاورکے صدر تھے۔

عاطف خان نے برطرف وزیر شکیل خان کے حق میں بیان دیا تھا جبکہ شیرعلی ارباب نےوزیراعلیٰ پر اعتماد سے متعلق اقرار نامے پر دستخط کرنےسے انکار کیا تھا۔

پی ٹی آئی خیبرپختونخوا کے جنرل سیکریٹری علی اصغرخان نے نوٹیفکیشن جاری کردیئے ہیں۔

گذشتہ روز وزیراعلیٰ کےپی علی امین گنڈا پور کی اڈیالہ جیل میں بانی پی ٹی آئی سے ملاقات ہوئی تھی۔

ملاقات میں کے پی میں کرپشن تحقیقات ،جلسے سےمتعلق بھی امور پر بات چیت ہوئی اور بانی پی ٹی آئی نےعلی امین گنڈا پور کو خصوصی ہدایت بھی جاری کیں۔

علی امین گنڈاپور اور بانی پی ٹی آئی کی ملاقات پونے 2 گھنٹے جاری رہی ، ملاقات میں صوبےکی موجودہ صورت حال اور 8 ستمبر کے جلسے سے متعلق بھی گفتگو ہوئی تھی۔

پشاور: گورنر خیبرپختونخوا فیصل کریم کنڈی نے کہا ہے کہ مشورہ ہے کوئی عدم اعتماد لے آئے علی امین گنڈاپور اسمبلی سے اعتماد کا ووٹ لیں۔

گورنر خیبرپختونخوا فیصل کریم کنڈی نے میڈیا سے گفتگو کرتے ہوئے کہا کہ اسلام آباد میں پی ٹی آئی کا جلسہ ہونا تھا جو نہیں ہوا، صبح ساڑھے 7 بجے اعظم سواتی آئے کہ جلسہ ملتوی کردیا گیا ہے، جلسے کے التوا پرعلیمہ خان نے سخت ردعمل دیا کہ کس نےفیصلہ کیا۔

فیصل کریم کنڈی نے کہا کہ جلسے کے لئے بھرپور سرکاری وسائل کا استعمال کیا گیا، جلسے کے لیے لوکل ایڈمنسٹریشن اور ڈپٹی کمشنر نے لوگوں کو سہولت دی۔

گورنر کے پی نے کہا کہ پی ٹی آئی کے لوگ 8 ستمبر کو بھی جلسہ نہیں کرسکیں گے، خیبر پختونخوا میں ہر سطح پر کرپشن ہورہی ہے، خیبر پختونخوا میں ٹرانسفر پوسٹ کی قیمت مقرر ہے، کرپشن کے خلاف احتجاج کرنے والے وزیر شکیل خان کو ہٹا دیا گیا۔

انھوں نے کہا کہ جب شکیل خان نے ایوان میں بات کرنے کا اعلان کیا تو اسمبلی کا اجلاس ملتوی کرایا گیا، سرکاری افسران بھی اپنا رویہ درست کرلیں، ایم پی ایز کے کام نہ روکیں۔

فیصل کریم کنڈی کا کہنا تھا کہ وزیراعلیٰ اپنے ضلع میں امن وامان قائم کرنے میں ناکام ہیں، دہشت گردوں کو اجازت ہے مگر سیاحوں کو آنے کی اجازت نہیں۔

پشاور: وزیراعلیٰ کے پی علی امین گنڈاپور نے کہا اداروں سے درخواست ہے نیوٹرل ہوجائیں، لوگ سمجھ رہے ہیں حکومت کو لانے والے آپ ہیں۔

تفصیلات کے مطابق وزیراعلیٰ کے پی علی امین گنڈاپور نے خطاب کرتے ہوئے کہا کہ ہمارے صوبے کا کلچر ہے پیار سے مانگو تو جان بھی دیتےہیں۔

علی امین نے بتایا کہ اییکس کمیٹی کےاجلاس میں چیزیں منظورہوئیں، ایپکس کمیٹی اجلاس میں تمام ادارے موجودتھے، اجلاس میں تمام چیزیں متفقہ طورپرمنظور ہوئی ہیں، جوبھی پالیسی ہوگی اس پر عملدرآمد کیا جائے گا۔

موجودہ حکومت کے حوالے سے ان کا کہنا تھا کہ وفاقی حکومت اندرکچھ اورباہرکچھ اورہے، ان کایہی کردار ہے ہمارا اور پارٹی کا کردار سب کے سامنے ہے، وفاق سےصوبےکاپیسہ نکال کررہوں گا۔

وزیراعلیٰ کے پی نے کہا کہ یہ لوگ نکمےہیں جس چیزکوہاتھ لگاتےہیں تباہ ہوجاتی ہے، اداروں سےدرخواست ہے نیوٹرل ہو جائیں، لوگ سمجھ رہےہیں حکومت کولانےوالے آپ ہیں۔

انھوں نے کہا کہ ہم نےکبھی بھی اقتدارکیلئےسیاست نہیں کی، دوبڑےصوبوں میں الیکشن کرانے کیلئے آئینی طور پر اسمبلیاں تحلیل کیں، ہم نے آئین کی پاسداری کی انہوں نے آئین توڑا۔

وزیراعلیٰ نے بتایا کہ معاشی حوالےسے ملک کے حالات اچھے نہیں، ملک میں دہشت گردی میں اضافہ ہوا، پی ٹی آئی نے اپنے دور میں عوام کو ریلیف دیاتھا، ہمارے دور میں پیٹرول کی قیمت بہت کم تھی۔

پشااور : وزیراعلیٰ خیبرپختونخوا علی امین گنڈاپور نے پی ٹی آئی پر پابندی کے فیصلے پر ردعمل دیتے ہوئے کہا کہ حکومت سیاسی میدان میں بانی اور پی ٹی آئی کا کسی صورت مقابلہ نہیں کر سکتی۔

تفصیلات کے مطابق وفاقی حکومت کے پی ٹی آئی پر پابندی کے فیصلے پر وزیراعلیٰ خیبرپختونخوا کا ردعمل سامنے آگیا ، جس میں انھوں نے کہا کہ وفاقی حکومت مینڈیٹ چور ہےاورجعلی طریقے سے قابض ہے، کس بنیاد پر حکومت پارٹی پر پابندی لگائے گی؟ ملک کی مقبول ترین سیاسی جماعت پرپابندی کافیصلہ حکومت کی خواہش سے زیادہ کچھ نہیں۔

وزیراعلیٰ خیبرپختونخوا کا کہنا تھا کہ حکومت سیاسی میدان میں بانی اور پی ٹی آئی کا کسی صورت مقابلہ نہیں کر سکتی، فسطائیت اورتمام حربوں باوجودحکومت کو منہ کی کھانی پڑھ رہی ہے، کیایہ ملک صرف ان کاہےکہ یہ جو دل میں آئے فیصلے کریں؟

انھوں نے کہا کہ سپریم کورٹ نےآئین کےمطابق مخصوص نشستوں پرفیصلہ کیا، حکومت کو سپریم کورٹ کےفیصلے پرتکلیف ہو رہی ہے، اس حکومت نےخودماضی میں سپریم کورٹ پر حملہ کیا تھا۔

وزیراعلیٰ کے پی کا مزید کہنا تھا کہ الیکشن ٹریبونل اورمستقبل میں آنیوالےفیصلوں سےان کادھڑن تختہ ہوجائے گا ، حکومت کو اپنا خاتمہ نظر آرہا ہے اس لئے بوکھلاہٹ میں احمقانہ بیانات دے رہے ہیں، ہم نے پہلے بھی ان کا مقابلہ کیا اورآئندہ بھی کریں گے۔