Tag: علی امین گنڈاپور

پشاور: وزیراعلیٰ خیبرپختونخوا علی امین گنڈاپور نے مالی طور پر کمزور ٹی ایم ایز ملازمین کو 2 مہینوں کی تنخواہ اور پنشن کی ادائیگیوں کیلئے فنڈز جاری کرنے کا فیصلہ کرلیا۔

تفصیلات کے مطابق وزیر اعلیٰ خیبر پختونخواعلی امین گنڈاپور کی زیر صدارت محکمہ بلدیات کااجلاس ہوا، جس میں وزیراعلیٰ نے ٹی ایم اے ملازمین کیلئے رمضان میں بڑے ریلیف کا اعلان کردیا۔

وزیراعلیٰ نے مالی طورپر کمزورٹی ایم ایزملازمین کی تنخواہ،پنشن ادائیگیوں کیلئےفنڈزجاری کرنے کا فیصلہ کرتے ہوئے متعلقہ حکام کوڈیڑھ ارب روپے ترجیحی بنیادوں پرجاری کرنے کی ہدایت کردی۔

وزیراعلیٰ کےپی نے کہا کہ ملازمین کو 2 مہینوں کی تنخواہیں،پنشنز اداکی جائیں تاکہ ان ملازمین کورمضان کے دوران اور عید پر کوئی مالی مشکلات کا سامنا نہ ہو۔

علی امین گنڈاپور کا کہنا تھا کہ ٹی ایم ایزملازمین کوکئی مہینوں سےتنخواہوں، پنشنز دائیگیوں کامسئلہ درپیش ہے، رمضان اورعید کیلئے ان ملازمین کوتنخواہوں،پنشنزکی ادائیگی کابندوبست کیاجائے۔

اسلام آباد : ڈسٹرکٹ اینڈ سیشن کورٹس اسلام آباد نے علی امین گنڈاپور کو اشتہاری قرار دینے کا ٹرائل کورٹ کا حکم کالعدم قرار دے دیا۔

تفصیلات کے مطابق اسلام آباد ڈسٹرکٹ اینڈ سیشن جج شاہ رخ ارجمند نے علی امین گنڈاپور کی نظر ثانی درخواست پر سماعت کی۔

درخواست گزار وکیل راجہ ظہورالحسن اور پراسیکیوٹر محمد سلمان خان عدالت پیش ہوئے، وکیل نے استدعا کی کہ سرکاری مصروفیات کے باعث علی امین گنڈاپور عدالت پیش نہیں ہوسکتے،استثنی دیاجائے۔

عدالت نے علی امین امین گنڈاپور کی حاضری سے استثنی کی درخواست عدالت نے منظور کرلی اور وکلاء کے دلائل سننے کے بعد عدالت نے علی امین گنڈاپور کو اشتہاری قرار دینے کا حکم کالعدم قرار دے دیا۔

علی امین گنڈاپور کے خلاف تھانہ بہارہ کہو میں اسلحہ اور شراب برآمدگی کا کیس درج ہے، درخواست گزار50 ہزار روپے کے مچلکے جمع کروائیں اور ایک مقامی ضامن دیں ،عدالت نے کیس واپس ٹرائل کورٹ کو بھجواتے ہوئے سماعت 14 مارچ تک ملتوی کردی۔

یاد رہے جوڈیشل مجسٹریٹ نے مسلسل عدم پیشی پر علی امین گنڈاپور کو اشتہاری قرار دیا تھا، پراسس سرور نے نوٹسز تعمیل نہیں کرائے اور ملزم کو موصول نہ ہوسکے۔

پشاور : نو منتخب وزیراعلیٰ علی امین گنڈاپور نے تمام ارکان سے کرپشن نہ کرنے کا قرآن پاک پرحلف لیا اور کہا ارکان کھڑے ہو قرآن پرحلف دیں نہ کرپشن کریں گے نہ کرنے دینگے اور جوکرپشن کرے گا ہم اسےنہیں چھوڑیں گے۔

تفصیلات کے مطابق پاکستان تحریک انصاف کے رہنما علی امین گنڈاپور نے وزیراعلیٰ خیبر پختونخواہ منتخب ہونے کے بعد اسمبلی سے خطاب میں کہا کہ کرپشن ایسا ناسور ہے جو اس ملک کی تباہی کا باعث ہے ، تمام ممبران اسمبلی قرآن پر حلف اٹھائیں نہ کرپشن کریں گے نہ کرپشن کرنے دینگے ،تمام اراکین حلف اٹھائیں جو کرپشن کرےگا ہم اسے نہیں چھوڑیں گے۔

علی امین گنڈاپور کا کہنا تھا کہ یہ لوگ باہرسےآکرلوٹ کرواپس چلےجاتےہیں، ہم یہاں پرنیاقانون بنائیں گےکوئی چوری کریگااس کیخلاف ہم جہاد کرینگے۔

نو منتخب وزیراعلیٰ نے کہا کہ قرآن پرحلف اٹھائیں ناکرپشن کرینگےناکسی کوکرنے دیں گے اور جوکرپشن کرےگاہم اسےنہیں چھوڑیں گے، پختونخواہ کی عوام کوپیغام دے رہاہوں کرپشن کیخلاف جہادکریں، کسی کی جرات نہیں آپ سےپیسےمانگےرشوت لے، رشوت لینے اور دینے والا دونوں جہنمی ہیں۔

علی امین گنڈاپور نے تمام ارکان سے کرپشن نہ کرنے کا قرآن پاک پرحلف لیا اور کہا ارکان کھڑےہوقرآن پرحلف دیں نہ کرپشن کریں گے نہ کرنے دینگے اور جو کرپشن کرے گاہم اسےنہیں چھوڑیں گے۔

نو منتخب وزیراعلیٰ نے مزید کہا کہ میں دیکھتا ہوں کس میں پیسے لوٹنےکی جرات ہے، اگر ہم نے یہ جہاد کرلیا تو90 فیصد مسائل حل ہو جائیں گے۔

دہشت گردی کے حوالے سے علی امین گنڈاپور کا کہنا تھا کہ ہم سب سےپہلےدہشت گردی ختم کریں گے، کوئی قوم بغیرامن کے ترقی نہیں کرسکتی، ہم نے سب سے پہلے اپنے لوگوں اور بچوں کو محفوظ کرنا ہے، ہماری قوم عوام نے قربانیاں دیں اور شہادتیں دیں، امید ہے اللہ ہماری نیت،قربانیوں کودیکھ کرہم پررحم فرمائے،اللہ سےدعاہےدہشت گردی کرنےوالوں کےذہنوں کوبدلے۔

انھوں نے مزید کہا کہ قرضے لیکر قومیں ترقی نہیں کرتی ،ہمیں اپنےپیروں پرکھڑاہوناہے، جنہوں نےپیسہ لوٹا،کمایا، کھایا ہے لیکن حکومت کا ساتھ نہیں دے رہے، غیر قانونی کان کنی کی کسی کو اجازت نہیں ہوگی ،جوبھی مائننگ کررہا ہے اگر حکومت کو حق نہیں دیں گے توبند کرائیں گے ،اپنے لئے اپنے بچوں کیلئے کمائیں مگر اس عوام کو اس کا حق دیاجائے۔

علی امین گنڈاپور نے مزید بتایا کہ کے پی کی معدنیات سے کے پی کے عوام کو حق دلایاجائے ، حکومت کاایک پرسنٹیج ہوگا جو آپ کو بھرنا پڑے گا، برابری کی بنیادپرایساقانون بنے گاجو سب کے لئے ہوگا۔

نو منتخب وزیراعلیٰ نے ایوان کو پیغام دیتے ہوئے کہا تیار رہو ، حق نہ ملا تو ساڈا حق اتھے رکھ، پاکستان ہماراملک ہے ہمیں اس بات کی خوشی ہے، ہم نے ریاست مدینہ کے ماڈل کو فالو کرنا ہے، یکم رمضان سے کےپی عوام کو ہیلتھ کارڈ ملناشروع ہوجائیں گے۔

انھوں نے بتایا کہ غریبوں کیلئے جو پناہ گاہیں بنائی تھیں وہ بند ہیں دوبارہ کھول دی جائیں گی ، اپنا ایمان مضبوط کریں خوف کا بت توڑ دیں ورنہ حقیقی آزادی نہیں ملےگی، آج میں جویہاں کھڑاہوں ایمان کیساتھ کھڑاہوں،آپ لوگ یہاں پرایمان کیساتھ بیٹھےہیں۔

علی امین گنڈاپور کا کہنا تھا کہ اللہ ہم سے خوش تب ہونگے جب ہم اس کی مخلوق کی مدد کرینگے ، اوورسیز پاکستانی ہمارا بڑا اثاثہ ہیں، اوورسیز پاکستانیوں کےمسائل حل کرنے کیلئے صوبائی حکومت کمیشن بنائے گی ہم عوام کے مینڈیٹ سے آئے ہیں عوام کیلئے قانون سازی کریں گے۔

پشاور : نو منتخب وزیراعلیٰ خیبر پختونخواہ علی امین گنڈاپور نے ایف آئی آر بغیرثبوت درج ایف آئی آرختم کرنے کیلئے ہفتے کی مہلت دیتاہوں، اصلاح نہیں کی تو سزا کیلئے تیار ہو جائیں۔

تفصیلات کے مطابق پاکستان تحریک انصاف کے رہنما علی امین گنڈاپور نے وزیراعلیٰ خیبر پختونخواہ منتخب ہونے کے بعد اسمبلی سے خطاب میں کہا کہ میں اللہ کا عاجزی کے ساتھ شکر گزار ہوں ، بانی پی ٹی آئی نے مجھ پر اعتبار کیا، وعدہ کرتاہوں کے پی عوام کی خدمت کروں گا۔

علی امین گنڈاپور کا کہنا تھا کہ ایک پارٹی کا 17سال سے کارکن ہوں، میں ایک پارٹی کاکارکن اور صدر بھی ہوں ،ہماری پارٹی ، لیڈر شپ ،ورکرز کیساتھ جو ظلم ہوا اسکی تاریخ نہیں ملتی۔

نو منتخب وزیراعلیٰ خیبر پختونخواہ نے کہا کہ بانی پی ٹی آئی کیخلاف جعلی مقدمات بنائے گئے ، بانی پی ٹی آئی نے ہمیشہ پاکستان ، کشمیر، ریاست مدینہ کی بات کی، کارکنوں نے ظلم ، جبر برداشت کیا، ہماری خواتین آج بھی جیلوں میں ہیں۔

ان کا کہنا تھا کہ لیول پلیئنگ فیلڈ تو دور بلکہ ہمیں فیلڈ میں ہی نہیں آنےدیا گیا، ہمیں پرامن احتجاج کےلئے بھی باہر نہیں آنےدیاگیا، فلسطینیوں پرمظالم کیخلاف احتجاج کیلئے بھی ہمیں باہر نہیں آنےدیا لیکن ہم اپنا حق لینا بھی جانتے ہیں اور چھیننا بھی جانتے ہیں۔

الیکشن میں دھاندلی کے حوالے سے علی امین گنڈاپور نے کہا کہ الیکشن میں دھاندلی ہوئی میں سب سے پہلے اپنے آپ اور صوبے کو پیش کرتاہوں، ہمیں حق لینے کی کوشش کی گئی مگر ہم آج آپ کےسامنے کھڑے ہیں، جو سمجھتا ہے ہمیں حق نہیں دی جاسکتا تو یہ اس کی بھول ہے، ہم انشااللہ اپناحق لیکررہیں گے،یہ ریاست کی بھی ذمہ داری ہے اور ریاست کافرض بنتاہےکہ ہمیں ہماراحق دیاجائے۔

نو منتخب وزیراعلیٰ کا کہنا تھا کہ سب سےپہلےہمارے حلقےکھولوجومینڈیٹ چوری ہوادنیاکےسامنےلاؤ، ہم کےپی سےشروعات کرتےہیں،مینڈیٹ چوری کرناآئین،قوم سےغداری ہے، ووٹ قوم کی امانت ہےہمیں اس کاامین بنناہے۔

انھوں نے کہا کہ آج پوری قوم جان گئی ہے کہ سلیکٹڈ کون ہیں، یہ اقتدارمیں آتے ہیں پیسہ چوری کرتے ہیں اور واپس باہر چلے جاتے ہیں، چاپے جو بھی چوری کرے گا ہم اس کے خلاف جہاد کریں گے۔

علی امین گنڈاپور نے چیف الیکشن کمشنر سے استعفے کامطالبہ کرتے ہوئے کہا کہ انتخابات میں جو دھاندلی ہوئی الیکشن کمیشن اپنی ذمہ داری میں ناکام ہوا، چیف جسٹس سے درخواست ہے غیرجانبدار کمیشن بنائے اور عوام کو انصاف دیں۔

انھوں نے بتایا کہ عدالتوں سے ہمارے80 فیصدکاغذات مستردہوئے، الیکشن کمیشن اپنی ذمہ داری میں ناکام ہوا ہے، ہم حکومت کیلئے نہیں ایک مقصد کےلئے سیاست کرتے ہیں۔

نو منتخب وزیراعلیٰ نے کہا کہ جس ایف آئی آر کا ثبوت نہیں وہ ایک ہفتے کےاندر ختم ہونی چاہیے، ایف آئی آر ختم کرنے کیلئے مہلت دے رہا ہوں، اصلاح نہیں کی تو سزا کیلئے تیارہوجائیں۔

9مئی کے حوالے سے ان کا کہنا تھا کہ یہ دیکھاجائے 9مئی کا بینفشری کون ہے ،آپ دیکھیں9مئی کےبینفشری کون ہیں اسکافائدہ کس کوہواہے، ہم اپنے ملک کے آئین اورقانون کےمطابق چلنےکاعہدکرتےہیں، ہماری سیاست اپنی قوم ،بچوں اورمستقبل کیلئےہے۔