Tag: علی امین گنڈا پور

پشاور : وزیراعلیٰ خیبر پختو ںخواہ علی امین گنڈا پور نے بانی پی ٹی آئی کی بہنوں کیساتھ ناروا سلوک کی مذمت کرتے ہوئے کہ وقت آنے پر حساب لیا جائے گا۔
.
تفصیلات کے مطابق وزیراعلیٰ خیبر پختوںخواہ علی امین گنڈا پور نے بانی پی ٹی آئی کی بہنوں، حامد رضا اور دیگر کوحراست میں لیکر ویرانے میں چھوڑ نے کی مذمت کرتے ہوئے کہا کہ بانی پی ٹی آئی کی بہنوں کیساتھ ناروا سلوک ناقابل برداشت ہے، وقت آنےپر حساب لیا جائے گا۔

علی امین کا کہنا تھا کہ حکومت بانی پی ٹی آئی کی دشمنی میں انسانی حقوق کی خلاف ورزیوں کی تمام حدیں پار کر رہی ہے، اس طرح کےغیر انسانی اور غیر قانونی ہتھکنڈے ہمارے حوصلے پست نہیں کر سکتے۔

وزیراعلیٰ کے پی نے کہا کہ حکومت کی فسطائیت کا ڈٹ کر مقابلہ کرتے آرہے ہیں آگے بھی کرتے رہیں گے، بانی پی ٹی آئی نا حق قید ہیں، ان کی رہائی تک ہماری جدو جہد جاری رہے گی۔3

ان کا کہنا تھا کہ بانی کےاہل خانہ اورپارٹی قائدین کو ملاقات کی اجازت نہ دیناانسانی حقوق کی سنگین خلاف ورزی ہے، حکومت کوعدالتی احکامات کی کوئی پرواہ ہے نہ بنیادی انسانی حقوق کا کوئی لحاظ ہے، عدلیہ اپنے احکامات اور انسانی حقوق کی ان خلاف ورزیوں کا نوٹس لے۔

وزیرعلیٰ کے پی نے کہا کہ ملاقات کی اجازت نہ دینااور تشدد کرناحکمرانوں کی بوکھلاہٹ کا منہ بولتا ثبوت ہے، حکومت ہوش کے ناخن لے اور ملک کو انارکی کی طرف لے جانے سے باز آئے۔

پشاور : وزیراعلیٰ خیبرپختونخوا علی امین گنڈا پور  نے افغانوں کو بے دخل کرنے کی مخالفت کرتے ہوئے شہریت دینے کا مطالبہ کردیا۔

تفصیلات کے مطابق وزیراعلیٰ خیبرپختونخوا علی امین گنڈا پور  نے افغانوں کو بےدخل کرنے کی مخالفت کر دی اور کہا ہمارے حکمران تو امریکا، برطانیہ اور کینیڈا کی شہریت لینا چاہتے ہیں، افغان باشندوں کو شہریت دینے میں کیا حرج ہے؟

علی امین کا کہنا تھا کہ پی ٹی آئی دور میں دہشت گردی ختم ہوچکی تھی، موجودہ حکومت کی نااہلی سے صورتحال خراب ہوئی، ماضی میں قبائلی اضلاع میں آپریشن کا کوئی خاطرخواہ نتیجہ نہیں نکلا۔

انہوں نے کہا کہ صوبے کا دوسرا بڑا مسئلہ امن و امن و دہشت گردی کا ہے، یہ حالات خراب کیوں ہوئے، بانی کی دور میں یہ حالت ٹھیک ہوئے تھے، ان کا کہنا تھا کہ صوبے میں دہشت گردی کے بڑھتے ہوئے واقعات میں بیرونی ہاتھ بھی ملوث ہے۔

وزیراعلیٰ کے پی کا کہنا تھا کہ گزشتہ دس سال کے دوران پولیس کے لیے جو اسلحہ خریدا گیا وہ ان کو دیا ہی نہیں گیا، پشاور سمیت چار اضلاع میں سیف سٹی پر دو ارب روپے سے زائد خرچ کیے جائیں گے۔

اسلام آباد : اپوزیشن لیڈر عمر ایوب خان نے علی امین گنڈا پور کو وزارت اعلیٰ سے ہٹانے کی افواہوں کو مسترد کردیا۔

تفصیلات کے مطابق اپوزیشن لیڈرقومی اسمبلی عمر ایوب نے اے آر وائی نیوز سے گفتگو کرتے ہوئے کہا کہ آزادالیکشن کمیشن بنایا جائے، اسپیکرالیکشن کمیشن ارکان کےتقررکیلئےپارلیمانی کمیٹی بنائیں.

عمر ایوب خان نے علی امین گنڈا پور کو وزارت اعلیٰ سے ہٹانے کی افواہوں کو مسترد کرتے ہوئے کہا کہ کے پی میں کوئی تبدیلی نہیں آرہی،علی امین بہادرآدمی ہےوہ لیڈ کررہا ہے۔

ان کا کہنا تھا کہ پارلیمنٹ میں ہمیں بات نہیں کرنے دیتے ، ہمارےسوالوں کے جواب بھی نہیں دیتے۔

اپوزیشن لیڈر نے مزید کہا کہ ہمارے پاس احتجاج کے سوا کوئی چارہ نہیں ، آئین اور قانون کی پابندی کریں، کسی کی حمایت نہ کی جائے۔

لاہور : وزیر اطلاعات پنجاب عظمیٰ بخاری نے وزیراعلی کے پی علی امین گنڈا پور کو چیلنج دیتے ہوئے کہا بتائیں انہوں نے خیبرپختونخوا کے لیے کیا کیا؟

تفصیلات کے مطابق وزیر اطلاعات پنجاب عظمیٰ بخاری نے پریس کانفرنس کرتے ہوئے کہا کہ 8 فروری کی اہمیت سیاسی تاریخ میں اہمیت کی حامل ہے، آج کے دن کو پاکستان کی تعمیر و ترقی کیساتھ جوڑا جا رہا ہے، آج پاکستانی قوم تعمیر و ترقی منا رہے ہیں۔

وزیر اطلاعات پنجاب کا کہنا تھا کہ گزشتہ سال الیکشن سے پہلے ملک میں کیا حالات تھے، گزشتہ سال افراتفری کا عالم تھا، عدالتوں پر حملے ہو رہے تھے، دھمکیاں دی جارہی تھیں آئی ایم ایف کو خط لکھوائے جارہے تھے۔

عظمیٰ بخاری نے کہا کہ 8 فروری کو شہباز شریف کو حکومت ملی اور پاکستان کو ڈیفالٹ سے نجات ملی، پنجاب میں مریم نواز کی حکومت بنی لوگوں کو سکون ملا، پنجاب کی عوام کو اپنا گھر اپنی چھت دی صاف ستھرا ماحول دیا، بچوں کواسکالر شپس، لیپ ٹاپ ملے، نئے اسپتال بن رہے ہیں سولر پروگرام دیا گیا، 54 ارب روپے کا ریلیف دے کرعوام کو سہولیات دی گئیں۔

ان کا کہنا تھا کہ ایک جماعت یوم سیاہ منارہی ہے ان کے اعمال بھی سیاہ ہیں، ایک صوبے میں 12 سال سے ان کی حکومت ہے، خیبرپختونخوا کی عوام کو فتنہ فساداورانتشارملا۔

صوبائی وزیر نے کہا کہ آج صوابی میں جلسہ ہے، جو نئے صدر بنے انہوں نے بھی بڑی رقم مانگ لی، سرکاری وسائل کا بھرپور استعمال کرتے ہوئے ملازمین کی حاضری لگوائیں گے، صحافیوں سےگزارش کروں گی کہ آج آپ نے حلقوں میں جا کر دیکھنا ہے کتنے لوگ نکلے، عوام کسی بھی احتجاج میں دلچسپی نہیں رکھتی۔

وزیر اطلاعات پنجاب نے علی امین گنڈاپور کو چیلنج کرتے ہوئے کہا کہ آج صوابی جلسے میں اپنی کارکردگی بتائیں، خیبرپختونخوا کیلئے کیا کیا؟ وزیراعظم شہباز شریف کی حکومت میں پاکستان میں ترقی اور خوشحالی آئی۔

اسلام آباد : وزیراعلیٰ خیبر پختوںخواہ علی امین گنڈا پور نے بانی پی ٹی آئی کی منتقلی سے متعلق تجویز کا انکشاف کیا، جس میں بتایا بانی کو کہاں منتقل کیا جانا تھا۔

تفصیلات کے مطابق وزیراعلیٰ خیبر پختوںخواہ علی امین گنڈا پور نے نجی ٹی وی کے پروگرام میں  خصوصی گفتگو کرتے ہوئے کہا کہ بانی کے فالورز کی قدر کرتا ہوں اور تنقید بھی برداشت کرتا ہوں ، وزیراعلیٰ ہوں میرے آفیشل رابطے ہوتے رہتے ہیں۔

وزیراعلیٰ خیبر پختونخواہ کا کہنا تھا کہ ہمارے 4 اکتوبر کے بعد باضابطہ رابطے شروع ہوئے، تجویز تھی کہ بیٹھ کر بات ہونی چاہیے اور بانی پی ٹی آئی کے ساتھ بیٹھ کربات کریں تو بہتر ہوگا۔

انھوں نے انکشاف کیا کہ بانی پی ٹی آئی کو نتھیاگلی ، گورنر ہاؤس، بنی گالہ یا وزیراعلیٰ ہاؤس منتقل کرنے کی تجویز تھی، لیکن ایسا نہیں تھا کہ بانی پی ٹی آئی خود کہیں جانا چاہتے تھے۔

علی امین نے بتایا کہ بانی پی ٹی آئی نے کہا تھا بات کرنی ہے تو یہیں کریں اور ظاہرسی بات ہےبانی کےساتھ بیٹھ کرہی معاملات حل ہونے ہیں، بانی چاہتےہیں ان کی منتقلی سےپہلے ان کے کارکنوں کو رہا کیا جائے۔

وزیراعلیٰ کے پی کا کہنا تھا کہ 26 نومبرسے بانی کی منتقلی کیلئے 80 فیصد معاملات طے ہوگئے تھے اور 26 نومبر کے بعد بانی پی ٹی آئی کی منتقلی کیلئے 90 فیصد تک پہنچ گیا تھا، مجھ سمیت دیگرلوگ بھی بانی پی ٹی آئی کی منتقلی کیلئے کام کر رہےہیں۔

انھوں نے مزید کہا کہ بانی پی ٹی آئی کی اجازت کےبغیروہاں سے کوئی بات نہیں کرتا، معاملات طےکرنےکیلئےبانی پی ٹی آئی اوراسٹیبلشمنٹ سے ملوں گا۔

لاہور: پنجاب کی سینئروزیر مریم اورنگزیب نے انکشاف کیا بشریٰ بی بی کی شکایتوں پر علی امین گنڈاپور کو عہدے سے ہٹایا گیا ہے۔

تفصیلات کے مطابق مسلم لیگ (ن) کی ترجمان اور پنجاب کی سینئروزیر مریم اورنگزیب نے علی امین گنڈا پور کو عہدے سے ہٹانے پر ردعمل دیتے ہوئے کہا کہ صوبائی صدارت سے ہٹاکرعلی امین کووفاق کی اکائیوں کو کمزور کرنے کی وفاداری کا انعام دیا گیا ہے۔

ن لیگی ترجمان کا کہنا تھا کہ بانی پی ٹی آئی کی فطرت میں کسی کے ساتھ وفاداری ہے ہی نہیں، ایک صوبے کے وزیراعلیٰ کو دوسرے صوبے پر چڑھائی کاحکم دیکر استعمال کر کے فارغ کردیا۔

انھوں نے کہا کہ بانی پی ٹی آئی ہر دوست ، کارکن اور ساتھی کو استعمال کر کے ٹشو پیپر کی طرح پھینک دیتا ہے، لوگوں کو ملک کے خلاف سازش کیلئے استعمال کر کے بے یارو مددگار چھوڑ دیتا ہے۔

صوبائی وزیر کا کہنا تھا کہ بانی پی ٹی آئی نے وفاداری کرنے والوں کی کمر میں چھرا گھونپنے کی روایت پھر دہرائی ہے، بشریٰ بی بی کی شکایتوں پر علی امین گنڈاپورکو عہدے سے ہٹا دیا گیا۔

انھوں نے مزید کہا کہ جس نے جتنی بڑی قربانی دی بانی پی ٹی آئی نے اس سے اتنی ہی بڑی احسان فراموشی کی۔

سینئیر صوبائی وزیر کا کہنا تھا کہ علی مین گنڈاپور نے بانی پی ٹی آئی کیلئےہر انتشاری مہم میں بڑھ چڑھ کر حصہ لیا، آج کوئی پُرانا دوست ، عہدے دار، ساتھی کارکن بانی پی ٹی آئی ساتھ کھڑا نہیں ہے۔

اسلام آباد : چیئرمین پبلک اکاؤنٹس کمیٹی جنید اکبر خان کا علی امین گنڈا پور کے وزیراعلیٰ رہنے یا نہ رہنے کے حوالے سے اہم بیان آگیا۔

تفصیلات کے مطابق چیئرمین پبلک اکاؤنٹس کمیٹی جنید اکبر خان نے اے آر وائی نیوز کے پروگرام ‘سوال یہ ہے’ میں گفتگو کرتے ہوئے کہا کہ علی امین گنڈاپور نے کٹھن وقت میں پارٹی کی قیادت کی، جب کوئی پارٹی قیادت سنبھالنے کو تیار نہیں تھاعلی امین نےقیادت سنبھالی۔

چیئرمین پبلک اکاؤنٹس کمیٹی کا کہنا تھا کہ بانی پی ٹی آئی مطمئن ہوں گے توعلی امین گنڈاپوروزیراعلیٰ رہیں گے، بانی پی ٹی آئی مطمئن نہیں ہوں گے تو علی امین وزیراعلیٰ نہیں رہیں گے۔

انھوں نے کہا کہ آٹھ فروری کے بعد دیکھیں گے پارٹی سیٹ اپ تبدیل کرنا ہےیا نہیں۔

رہنما پی ٹی آئی کا کہنا تھا کہ کوشش ہوگی ہر ضلع کا دورہ کروں، علی امین گنڈپور کو وقت نہیں ملا، علی امین گنڈا پور ذمہ داریوں کے باعث ہر ضلع کا دورہ نہیں کرسکے۔

راولپنڈی : بانی پی ٹی آئی نےعلی امین گنڈا پور کی جگہ کِسے بطور صدر پی ٹی آئی کے پی نامزد کیا؟ نام سامنے آگیا۔

تفصیلات کے مطابق بانی پی ٹی آئی عمران خان نے علی امین گنڈا پور کی جگہ جنید اکبر کو پی ٹی آئی کے پی کا صدر نامزد کر دیا۔

سلمان اکرم راجہ نے جنیداکبر کی بطور صدر پی ٹی آئی کے پی نامزدگی کی تصدیق کر دی، جنید اکبراور عاطف خان کی آج اڈیالہ جیل میں بانی پی ٹی آئی سے ملاقات بھی ہوئی۔

ان کا کہنا تھا کہ جنیداکبرکابطورصدرپی ٹی آئی کےپی تعیناتی کانوٹیفکیشن جلدجاری ہوگا۔

مزید پڑھیں : پی ٹی آئی رہنما جنید اکبر خان چیئرمین پی اے سی منتخب

گذشتہ روز پاکستان تحریک انصاف (پی ٹی آئی) کے رکن قومی اسمبلی جنید اکبر خان کو چیئرمین پبلک اکاؤنٹس کمیٹی (پی اے سی) منتخب کیا گیا تھا۔

طارق فضل چوہدری کی جانب سے جنید اکبر خان کا نام تجویز کیا گیا تھا، سینیٹر افنان اللہ، نارا قاسم، ریاض فتیانہ، وجیہہ قمر، جنید انوار اور سردار یوسف نے نام کی تائید کی جبکہ عمر ایوب، شبلی فراز، ڈاکٹر شاہ منصب علی نے بھی رضامندی ظاہر کی تھی۔

پی ٹی آئی رہنما عامر ڈوگر نے بتایا تھا کہ چیئرمین پی اے سی کے انتخاب میں ایک سال لگا اس کی ذمہ دار حکومت ہے، وزیر اعظم شہباز شریف کو چیئرمین بنایا گیا تو کوئی پینل نہیں مانگا گیا تھا۔