Tag: علی امین گنڈا پور

اسلام آباد : الیکشن کمیشن نے وزیراعلیٰ خیبرپختونخواہ علی امین گنڈا پور کے خلاف درخواست پر مختصر تحریری فیصلہ جاری کردیا۔

تفصیلات کے مطابق وزیراعلیٰ خیبرپختونخواہ علی امین گنڈا پور کے خلاف الیکشن کمیشن میں درخواست دائر کرنے کے معاملے پر الیکشن کمیشن کے دو رکنی بینچ نے مختصر تحریری فیصلہ جاری کردیا۔

فیصلے میں کہا گیا کہ درخواست پر ابتدائی سماعت کی گئی، کمیشن کو بتایا گیا کہ ڈی آئی خان میں 735 کنال علی امین گنڈاپور کے نام پر عارضی طور پر ٹرانسفر کی گئی۔ زمین کے اصل مالک آصف خان تھے۔

الیکشن کمیشن کا کہنا تھا کہ علی امین گنڈاپور کی 2020 کے اثاثوں کی تفصیلات کے مطابق انہوں نے لینڈ کروزر گاڑی اسی زمین کو بیچ کر حاصل کی تھی، غلط بیانی پر علی امین گنڈاپور صوبائی اسمبلی کی نشست کے اہل نہیں

الیکشن کمیشن نے وزیراعلی خیبرپختوانخوا علی امین کو نوٹس جاری کردیا، علی امین گنڈاپور کو 26 مارچ کو ڈسٹرکٹ الیکشن کمشنر کے سامنے پیش ہونے کیلئے نوٹس جاری کیا گیا۔

وزیراعلی خیبرپختوانخوا کیخلاف اثاثے چھپانے کی درخواست الیکشن کمیشن کو موصول ہوئی تھی۔

مظفرآباد : الیکشن کمیشن آزاد کشمیر نے نامزد وزیراعلیٰ کے پی علی امین گنڈا پور کو گرفتار کر کے 28 فروری تک پیش کرنے کا حکم دے دیا۔

تفصیلات کے مطابق الیکشن کمیشن آزاد کشمیر کی جانب سے ڈپٹی کمشنر ڈیڑھ اسماعیل خان کو تحریری مراسلہ جاری کردیا ہے۔

جس میں نامزد وزیراعلی کے پی کے و سابق وزیر امور کشمیر علی امین گنڈا پور کو توہین الیکشن کمیشن میں گرفتار کر کے 28 فروری کو پیش کرنے حکم دیا ہے۔

مراسلہ میں تحریر ہے کہ علی آمین نے آزادکشمیر کے 2021 انتخابات کے دوران ضابطہ اخلاق کی خلاف ورزی کی ، جس کے بعد راجہ ذوالقرنین عابد نے ان کے خلاف الیکشن کمیشن میں درخواست دائر کی تھی، جس میں وہ حاضر نہیں ہوئے لہذا انہیں گرفتار کر کے حاضر کیا جائے۔

مراسلے میں کہا گیا کہ وہ 50 ہزار کے ضمانتی مچلکے جمع کروا کر گرفتاری سے بچ بھی سکتے ہیں۔

سیکرٹری سردار کا کہنا تھا کہ علی امین کو حاضر نہ ہونے پر توہین الیکشن کمیشن میں گرفتار کرنے کے احکامات دیے۔

ڈی آئی خان: پشاور الیکٹرک سپلائی کمپنی (پیسکو) نے سابق وفاقی وزیرعلی امین گنڈاپور کے گھر کی بجلی کاٹ دی ، علی امین گنڈاپور 12 لاکھ روپے کے نادہندہ ہیں۔

تفصیلات کے مطابق سابق وفاقی وزیرعلی امین گنڈاپوربھی پیسکو کے نادہندہ نکلے، پشاور الیکٹرک سپلائی کمپنی (پیسکو) نے سابق وفاقی وزیرعلی امین گنڈاپور کے گھر کی بجلی کاٹ دی۔

پیسکو ذرائع نے بتایا کہ علی امین گنڈاپور 12لاکھ روپے کےنادہندہ ہیں، ان کی رہائش گاہ پرکینٹ اور سٹی فیڈر کے 2کنکشن تھے۔

واپڈا ذرائع کا کہنا تھا کہ علی امین گنڈاپور نے کینٹ فیڈر کے 4لاکھ 60 ہزار آج جمع کرا دئیے ہیں۔