Tag: علی ترین

لاہور : کارپوریٹ فراڈ کیس میں جہانگیر ترین اور علی ترین کی عبوری ضمانت میں 22 اپریل تک جبکہ منی لانڈرنگ کیس میں جھانگیر ترین کی ضمانت میں 17 اپریل تک توسیع کردی گئی۔

تفصیلات کے مطابق جہانگیر ترین کارپوریٹ فراڈ اور منی لانڈرنگ کیس میں عبوری ضمانت میں توسیع کیلیے عدالت پہنچے ، جہانگیرترین کے ہمراہ 6ارکان قومی اسمبلی اور21ارکان صوبائی اسمبلی بھی عدالت پہنچے۔

ارکان قومی اسمبلی میں راجہ ریاض، سمیع گیلانی،ریاض مزاری،خواجہ شیراز ، مبین عالم اور جاویدوڑائچ جبکہ ارکان پنجاب اسمبلی میں نعمان لنگڑیال، اجمل چیمہ ، عبدالحئی دستی،رفاقت گیلانی ،فیصل جبوانہ،خرم لغاری ، اسلم بھروانہ،نذیرچوہان،آصف مجید ، بلال وڑائچ، عمر آفتاب دھلون،طاہر رندھاوا،زوار وڑائچ، نذیربلوچ شامل تھے۔

پیشی کے موقع پر جہانگیر ترین پر گل پاشی کی گٸی اور کارکنوں نے نعرے بازی بھی کی جبکہ سیکیورٹی کے بھی سخت انتظامات کیے گٸے تھے۔

سیشن کورٹ میں وکیل ایف آئی اے نے کہا جہانگیرترین جےڈی ڈبیلوشوگرملزکےمالک ہیں، ان کے اور ان کے فرزندکےاکاؤنٹ میں اربوں کی غیرقانونی ٹرانزیکشن ہوئی، چینی کی قیمتوں میں مصنوعی اضافےکےالزامات بھی لگے، جس کے بعد کارپوریٹ فراڈ اور منی لانڈرنگ کے تحت مقدمہ درج کیا گیا ہے۔

وکیل جہانگیرترین نے بتایا کہ ایف آئی اےنےکل جہانگیرترین،علی ترین کوبلایاتھا، ایف آئی اےکی طلبی پر جہانگیرترین اورعلی ترین پیش ہوئےتھے، لگ رہا ہےایف آئی اے دوبارہ طلب کرے گا۔

وکیل نے مزید کہا کوروناکےحالات سامنے ہیں،عدالت لمبی تاریخ دے ، جس پر ایڈیشنل سیشن جج نے استفسار کیاکیا ایف آئی اےکوکورٹ کےاختیارپرکوئی اعتراض تونہیں تو وکیل ایف آئی اے نے کہا ہمیں کوئی اعتراض نہیں ہے ، عدالت ملزمان کو انویسٹی گیشن جوائن کرنے کا حکم دے۔

جج حامد حسین کا کہنا تھا کہ ایف آئی اے ہرملزم کاکرداربتائے،انویسٹی گیشن شفاف ہونی چاہیے، تمام ملزمان ایف آئی اے میں شامل تفتیش ہوںم جس کے بعد سیشن عدالت نے کارپوریٹ فراڈ کے مقدمے میں دونوں ملزمان کی عبوری ضمانت میں 22 اپریل تک توسیع کر دی۔

دوسری جانب بینکنگ کورٹ میں جہانگیرترین کے خلاف منی لانڈرنگ کیس کی سماعت ہوئی ، ینکنگ جرائم کورٹ کےجج امیرمحمدخان نےکیس کی سماعت کی۔

عدالت نے استفسار کیا کیا آپ دلائل دینا چاہتے ہیں ، جس پر وکیل جہانگیر ترین نے استدعا کی کہا کورونا کے باعث کیس کی تاریخ لمبی دی جائے،کیس کے دلائل اگلی تاریخ پر کریں گے۔

جہانگیرترین اورعلی ترین کو ایف آئی اےنےطلب کیا ، جس پر جہانگیر ترین اور علی ترین ایف آئی اے میں پیش ہوئے،انویسٹی گیشن جوائن کی ، آئندہ سماعت پرجہانگیرترین،علی ترین ایف آئی اے کو مزید دستاویز فراہم کریں گے۔

جس کے بعد عدالت نےجہانگیرترین کی عبوری ضمانت میں17 اپریل تک توسیع کردی۔

لاہور : چینی اسکینڈل  میں ایف آئی اے نے جہانگیر ترین کے صاحبزادے علی ترین سے چار ارب کےمالیاتی فراڈ سے متعلق ڈیڑھ گھنٹے پوچھ گچھ  کی۔

تفصیلات کے مطابق ایف آئی اے کی جانب سے چینی سٹہ مافیا کیخلاف مقدمات پر شوگر ملوں سے تفتیش جاری ہے ، جہانگیر ترین کے صاحبزادے علی ترین ایف آئی اےکے دفتر پہنچ گئے، اس موقع پر پولیس کی بھاری نفری دفترکے باہر تعینات ہیں۔

ایف آئی ا ے ٹیم نے جہانگیر ترین کے بیٹے علی ترین سے 4ارب کے مبینہ مالیاتی فراڈ سے متعلق ڈیڑھ گھنٹے تک پوچھ گچھ کی ، علی ترین پانچ سوالات کے دستاویزی جواب اپنے ساتھ لائے تھے۔

یاد رہے ایف آئی اے نے جہانگیر ترین کو2 اور علی ترین کو ایک کیس میں تفتیش کیلئے طلب کیا تھا ، نوٹس میں کہا گیا تھا کہ علی ترین نے والد سے ملکر شیئر ہولڈرزکیساتھ فراڈ کیا ، گنے کے کاروبارکو خود سے طے کردہ قیمت4.85ارب روپےمیں بیچا اور اس ٹرانزکشن سے آپ کے خاندان کو شیئر ہولڈ کی قیمت پرفائدہ ہوا۔

ایف آئی اے نے علی ترین کو5 سوالات کے جوابات ساتھ لانے کی ہدایت کی تھی ، سوال میں کہا تھا کہ جےکےایف ایس ایل چینی کے کاروبار کو کیوں بیچاگیا، گنےکا کاروبار بیچنے کیلئے کیا، کہیں اشتہار دیا تھا اور کتنے ممکنہ خریداروں نے کمپنی سے رابطہ کیا اور کیا قیمت لگائی۔

ایف آئی اے نے سوال کیا کہ کمپنی ریکارڈ کےمطابق جےکےایف ایس ایل کو 2013میں326ملین کانقصان ہوا، نقصان کے باوجود گنے کا کاروبار کئی گناہ زیادہ قیمت پر جےڈی ڈبلیو کو بیچاگیا، گنے کاکاروبار بیچنے کی قیمت 4.35ارب روپےکیسے لگائی گئی دستاویز دیں اور جےکےایف ایس ایل نے4.35ارب روپے کہاں استعمال کئے ، اس کی منی ٹریل دیں۔

ذرائع کا کہنا تھا کہ علی ترین کوطلبی کےنوٹسزدفتراوررہائش گاہ لاہورپرتعمیل کرائے گئے، اس سے پہلےمتعدد بارعلی ترین طلبی کے باوجودپیش نہ ہوئے تھے۔

خیال رہے ایف آئی اے نے جہانگیر ترین کو بھی آج سہ پہر 3بجے طلب کررکھاہے تاہم جہانگیر ترین اور ان کے بیٹے نے10 اپریل تک ضمانت قبل از گرفتاری کرارکھی ہے۔

اسلام آباد: تحریک انصاف کے رہنما جہانگیر ترین کے صاحبزادے ایف آئی اے کے سامنے پیش نہ ہوئے۔

تفصیلات کے مطابق تحریک انصاف کے رہنما جہانگیر ترین اور ان کی فیملی کے خلاف منی لانڈرنگ کیس کی تحقیقات میں ان کے صاحبزادے علی ترین ایف آئی اے کے سامنے پیش نہ ہوئے۔

علی خان ترین کا کہنا تھا کہ ذاتی طور پر ایف آئی اے کے سامنے پیش نہیں ہوسکتا،میں اس وقت لندن میں ہوں اور والد کی دیکھ بھال کر رہا ہوں،میرے والد جہانگیر ترین کا لندن میں علاج جاری ہے۔

انہوں نے مزید کہا کہ ایف آئی اے کے سوالات کے جواب کے لیے مناسب وقت درکار ہے۔

ایف آئی اے نے جہانگیرخان ترین اور علی خان ترین کو طلب کر لیا

اس سے قبل گزشتہ روز ایف آئی اے نے تحریک انصاف کے رہنما جہانگیر ترین اور ان کے بیٹے علی ترین کو طلب کیا تھا۔

یاد رہے کہ رواں سال کے آغاز میں پیدا ہونے والے چینی بحران پر ایف آئی اے کی تحقیقاتی رپورٹ میں انکشاف کیا گیا تھا کہ ملک میں چینی بحران کا سب سے زیادہ فائدہ تحریک انصاف کے رہنما جہانگیر ترین، وفاقی وزیر خسرو بختیار کے بھائی اور مونس الہیٰ کو ہوا تھا۔

چینی بحران رپورٹ سامنے آنے کے بعد جہانگیر ترین نے اپنے اوپر لگے الزامات کو مسترد کر دیا تھا اور وفاقی وزیر خسرو بختیار کی وزارت بھی تبدیل کر دی گئی تھی۔