معروف بھارتی گلوکار سونو نگم نے کہا ہے کہ ان کی پاکستانی گلوکار علی ظفر سے تقریباً ہر ہفتے باتی ہوتی ہے، وہ اچھے شخص ہیں۔
بالی ووڈ کے گلوکور سونو نگم جو اپنی سریلی آواز کی وجہ سے انڈسٹری میں خاص مقام رکھتے ہیں انھوں نے اپنے پاکستانی گلوکار علی ظفر کے بہترین تعلق کا انکشاف کیا ہے، حالیہ دنوں میں وائرل ہونے والی ویڈیو کلپ وہ علی ظفر کی شخصیت کی تعریف کرتے ہوئے نظر آرہے ہیں۔
سونو نگم کا کہنا تھا کہ علی ظفر بہت پیارا آدمی ہے، اس سے ہر ہفتہ یا دو ہفتہ بعد میری بات ہوتی ہے، وہ بہت ہی اچھا شخص ہے۔
بھارتی فلم انڈسٹری کے کئی یادگار اور مشہور گانوں کو اپنی آواز دینے والے ویٹرن گلوکار کا مزید کہنا تھا کہ جو ہمارے ذہن کے لوگ ہوتے ہیں، ہمارا ان سے پیار رہتا ہے۔
حال ہی میں سونو نگم نے میزبان فریدون شہریار کو انٹرویو دیا تھا جس میں انھوں نے ایک اور پاکستانی گلوکار عطا اللہ عیسیٰ خیلوی کا شکریہ ادا کیا اور اپنے خصوصی جذبات کا اظہار کیا تھا۔
سونو نگم کا کہنا تھا کہ یقینی طور وہ میری زندگی میں بہت اہمیت رکھتے ہیں، جب میرا کیریئر ان کے گانوں سے شروع ہوا، تو انہوں نے مجھے فون کیا اور کہا، ‘مسٹر سونو، میں پاکستان سے عطا اللہ عیسیٰ خیلوی ہوں، اور میں آپ کو بتانا چاہتا ہوں کہ آپ نے اسے بہت اچھا گایا تھا۔’
یہ بات قابل ذکر ہے کہ بھارتی گلوکار نے اپنے کیریئر کا آغاز عطا اللہ کے مشہور گانے ’اچھا سلا دیا تو نے میرے پیار کا‘ سے کیا اور اپنی کامیابی کا سہرا بھی لیجنڈ گلوکار کو دیا تھا۔
واضح رہے کہ بھارتی گلوکار نے اپنے کیریئر کا آغاز عطا اللہ کے مشہور گانے ’اچھا صلہ دیا تو نے میرے پیار کا‘ سے کیا تھا۔
https://urdu.arynews.tv/sonu-nigam-thanks-atta-ullah-eesa-khelwi/
