Tag: علی ظفر

  • بھارتی بھونڈے گانے کے بعد کیا علی ظفر ورلڈکپ کے لیے نیا ترانہ بنا رہے ہیں؟

    بھارتی بھونڈے گانے کے بعد کیا علی ظفر ورلڈکپ کے لیے نیا ترانہ بنا رہے ہیں؟

    پاکستان کے عالمی شہرت یافتہ گلوکار علی ظفر نے مداحوں کو خوشگوار حیرت میں مبتلا کرتے ہوئے آئی سی سی کرکٹ ورلڈکپ 2023 کے لیے نیا ترانہ جاری کرنے کا عندیہ دے دیا۔

    آئی سی سی کی جانب سے ورلڈکپ کا آفیشل ترانہ جاری کرنے کے بعد علی ظفر کا یہ ردعمل سامنے آیا ہے۔ ورلڈکپ کے لیے ریلیز ہونے والا حالیہ گانا جس کے بول ’دل جشن بولے‘ ہے، اسے سن کر اکثر شائقین کی کافی مایوسی کا سامنا کرنا پڑا ہے۔

    سوشل میڈیا پلیٹ فارم ’ایکس‘ پر اپنی پوسٹ میں علی ظفر نے لکھا کہ ’پی سی بی اور وہ تمام بڑے برانڈز جو انھیں اسپانسر کرتے ہیں اس کے ذمہ دار ہیں۔ ان کے پاس مارکیٹنگ کے پیشہ ور افراد موجو ہیں جو ان کی رہنمائی کرتے ہیں۔‘

    ان کا اشارہ اس بات کی طرف تھا کہ اگر کوئی یادگار گانا بنایا جاتا ہے تو اس کے پیچھے اجتماعی کوششیں کارفرما ہوتی ہیں جس میں مختلف اسٹیک ہولڈرز اپنا حصہ ڈالتے ہیں۔

    گلوکار اور اداکار کا کہنا تھا کہ ’اگر میرے ملک کو میری ضرورت ہے، تو میں ہمیشہ حاضر ہوں۔ لیکن میرے اپنے خیالات ہیں اور میرا کام کرنے کا اپنا انداز ہے۔‘

  • علی ظفر پر جنسی ہراسگی کا الزام : میشا شفیع نے میڈیا ٹاک میں غلط بیانی کا اعتراف کرلیا

    علی ظفر پر جنسی ہراسگی کا الزام : میشا شفیع نے میڈیا ٹاک میں غلط بیانی کا اعتراف کرلیا

    لاہور : ہتک عزت کیس میں میشا شفیع کی طرف سے اپ لوڈکی گئی تصویرعدالت میں پیش کردی گئی ، میشا شفیع نے نے اعتراف کیا کہ 2021 سے پہلے عدالت کے نہ بلانے کا بیان غلطی سے دیا۔

    تفصیلات کے مطابق لاہور کی سیشن عدالت میں گلوکار علی ظفر کی جانب سے میشا شفیع کے خلاف ہتک عزت کیس پر سماعت ہوئی۔

    ایڈیشنل سیشن جج خان محمود نے دعویٰ پر سماعت کی۔ گلوکار علی ظفر عدالت میں پیش ہوئے۔

    علی ظفر کے وکیل عمر طارق گل نے ویڈیو لنک کے ذریعے میشا شفیع پر جرح کی۔

    وکیل نے جرح کے دوران نشاندہی کی کہ آپ نے ایک تصویر عدالت میں پیش کی، جس کو آپ نے جنسی ہراسگی کا ثبوت قرار دیا ، یہ تصویر آپ نے اپنے فیس بک اکاونٹ پر خود اپ لوڈ کی، اس کا کیپشن لکھا کہ آج رات پارٹی ہو گی۔

    ایڈووکیٹ نے پوچھا کہ جو تصویر آپ کیپشن کے ساتھ اپ لوڈ کر رہی ہیں، اس کیسے جنسی ہراسگی کا ثبوت کہہ سکتی ہیں۔

    اس پر میشا شفیع نے جواب دیا کہ انہیں یاد نہیں، تصویر دیکھ کر کچھ بتائیں گی۔

    عدالت میں میشا شفیع کے فیس بک اکاونٹ پر تصویر بھی کھول کر دکھائی گئی، میشا شفیع نے تسلیم کیا کہ یہ اکاونٹ ان کا ہی ہے، جس سے تصویر اپ لوڈ ہوٸی۔

    علی ظفر کے وکیل نے یہ بھی پوچھا کہ آپ نے پاکستان آ کر کہا تھا کہ آپ کو عدالت نے 2021 سے کبھی نہیں بلایا، کیا آپ نے جان بوجھ کر غلط بیانی کی۔

    جس پر میشا شفیع نے کہا کہ میڈیا سے گفتگو میں غلطی سے یہ جملہ اُن کے منہ سے نکل گیا ہو گا۔

    عدالت نے میشا شفیع پر ویڈیو لنک سے جرح کے لیے وکلا کو یکم مارچ کو طلب کرتے ہوٸے سماعت ملتوی کر دی۔

    خیال رہے جنسی طورپر ہراساں کا الزام عائد کرنے پر علی ظفر نے میشا شفیع کے خلاف ہتک عزت کا دعوی دائر کررکھا ہے۔

  • علی ظفر نے کترینہ کیف کو کیا سکھایا؟ گلوکار نے بتادیا

    علی ظفر نے کترینہ کیف کو کیا سکھایا؟ گلوکار نے بتادیا

    پاکستان کے نامور گلوکار اور  اداکار علی ظفر کا کہنا ہے جب فلم کے لیے بھارت گیا تو کترینہ کیف کا اردو کا استاد میں تھا کیونکہ انہیں اردو نہیں آتی تھی۔

    لاہور میں ہونے والے پاکستان لٹریچر فیسٹیول کے دوران میٹ دی اسٹار سیشن میں گفتگو کرتے ہوئے علی ظفر کا کہنا تھا میں ایک علإی گھرانے سے تعلق رکھتا ہوں، گھر میں ہمیشہ گھر میں پروگریسو گفتگو ہوتی تھی۔

    اداکار و گلوکار کا کہنا تھا خوبیاں، خامیاں ہر کسی میں ہوتی ہیں اس لیے اچھے اور برے میں نہیں، درمیان میں دیکھنا چاہیے، میرے والد پوچھتے تھے زندگی میں کیا کرو گے اگر سی ایس ایس نہیں کرنا؟ لیکن مجھے بچپن سے پتہ تھا کہ میں کیا بننا چاہتا ہوں۔

    علی ظفر کا کہنا تھا کہ میں یہ نہیں چاہتا تھا کہ میری گاڑی اور نمبر پلیٹ دیکھ کر لوگ میری عزت کریں، میں چاہتا تھا کہ لوگ میرے کام کی وجہ سے میری عزت کریں، طیفا ان ٹربل اس لیے بنائی تاکہ پاکستان کو فخر ہو، پاکستان میں بہت ٹیلنٹ ہے۔

    علی ظفر نے کہا کہ میں نے کترینہ کیف کو کہا کہ شادی اپنی اپنی، نہ وہ شادی میں آئیں، نہ میں گیا، کترینہ کیف بہت محنتی اداکارہ ہیں اور کام پر فوکس کرتی ہیں، میں کترینہ کیف کا اردو کا استاد تھا کیونکہ ان کو اردو نہیں آتی تھی۔

  • علی ظفر کی تجاویز ایلون مسک کے دل کو بھا گئیں

    علی ظفر کی تجاویز ایلون مسک کے دل کو بھا گئیں

    کراچی: معروف گلوکار علی ظفر نے سماجی رابطے کی ویب سائٹ ٹویٹر کو بہتر بنانے کے لیے اپنی تجاویز پیش کیں جو ٹویٹر کے نئے مالک ایلون مسک کو بے حد پسند آئیں۔

    ٹویٹر کے سربراہ ایلون مسک اور پاکستانی گلوکار علی ظفر کے درمیان ٹویٹر پلیٹ فارم کو مزید بہتر بنانے پر گفتگو ہوئی، دراصل ایلون مسک نے ٹویٹر کو بہتر بنانے کے لیے مشورے مانگے جس پر علی ظفر سمیت دنیا بھر کے صارفین نے مختلف مشورے دیے۔

    علی ظفر نے اپنی تجاویز پیش کرتے ہوئے کہا کہ تخلیق کاروں کو لائیکس اور فالوورز کی جنگ سے نکل کر زیادہ سے زیادہ مراعات دی جائیں۔ انہیں اپنی الگ آن لائن ڈیجیٹل دنیا قائم کرنے کی آزادی دی جائے، جہاں وہ جو مرضی تخلیق کریں، مختلف چیزوں کو سیکھیں اور نت نئی تخلیق کریں، اپنے ہم خیال لوگوں سے مل کر سیکھیں اور اس سے کمائیں۔

    انہوں نے مزید کہا کہ ٹویٹر کے الگورتھمز کو بھی بہتر بنایا جائے تاکہ مختلف ممالک کے ہم خیال لوگ ایک جگہ جمع ہوسکیں اور ایک دوسرے سے اپنا مواد شیئر کرسکیں اور اسی مناسبت سے سرمایہ کار ان پر سرمایہ کاری کرسکیں۔

    جیسے کہ امریکا میں بیٹھا ہوا شخص صرف امریکا سے ٹویٹ کیا جانے والا مواد ہی نہ دیکھے، بلکہ جاپان میں تخلیق کیا جانے والا مواد بھی اس تک پہنچے۔

    ٹویٹر کے سربراہ ایلون مسک علی ظفر کے خیالات اور تجاویز سے متاثر اور متفق دکھائی دیے۔

    انہوں نے کہا کہ یہ درست ہے کہ الگورتھمز کو تبدیل کرنے کی ضرورت ہے، جاپان میں نصف سے زائد نوجوان صارفین کے پاس حیرت انگیز اور منفرد مواد ہے لیکن وہ جاپان سے باہر کبھی نہیں دیکھا گیا۔

  • ہرجانہ کیس: علی ظفر کی میشا شفیع کا پاسپورٹ عدالتی تحویل میں لینے کی درخواست

    ہرجانہ کیس: علی ظفر کی میشا شفیع کا پاسپورٹ عدالتی تحویل میں لینے کی درخواست

    لاہور : اداکار و گلوکار علی ظفر نے ہرجانہ کیس میں میشا شفیع کا پاسپورٹ عدالتی تحویل میں لینے کی درخواست کردی۔

    تفصیلات کے مطابق لاہور کی سیشن عدالت میں میشا شفیع کیخلاف علی ظفر کے ہرجانہ کیس کی سماعت ہوئی۔

    میشا شفیع جرح کے لیے عدالت میں پیش نہ ہوئیں اور جوڑوں کے درد کی وجہ سے حاضری معافی کی درخواست دائر کردی۔

    درخواست میں مؤقف اپنایا کہ آج عدالت میں پیش ہوناتھامگر جوڑوں کےدردکی وجہ سےایسانہ ہوسکا، عدالت کیس کی سماعت میشا شفیع کی طبیعت ٹھیک ہونے تک ملتوی کرے۔

    دوران سماعت علی ظفر نے میشا شفیع کاپاسپورٹ عدالتی تحویل میں لینے اور حاضری مچلکےجمع کرانےکی درخواست کردی۔

    وکیل علی ظفر عمر گل نے کہا کہ میشا شفیع جان بوجھ کر عدالتی کارروائی سے بچنا چاہ رہی ہیں، وہ پہلے بھی جرح مکمل کرائے بغیر باہر چلی گئیں۔

    عمر گل کا کہنا تھا کہ میشا شفیع نے کورونا اور بیٹی کی بیماری کا بتا کر واپس آنے سے انکار کیا اور اس بار بھی عدالت میں پیش ہونے کے لیے نہیں آئیں۔

    وکیل علی ظفر نے مزید بتایا کہ میشا شفیع کا شوہر کئی ماہ پاکستان میں رہامگر جرح کیلئےعدالت پیش نہیں کیا گیا ، سپریم کورٹ میں یقین دہانی کے باوجود میشا شفیع کا شوہر واپس چلا گیا۔

    درخواست میں کہا گیا کہ میشا شفیع نے سپریم کورٹ میں حقائق چھپا کر ویڈیو لنک سےجرح کی درخواست کی ، میشا شفیع نے 19،18اکتوبر کوپیش ہونے کی یقین دہانی کرائی مگر اب نئی درخواست آگئی۔

    وکیل عمر گل نے کہا کہ میشا شفیع بار بار عدالت میں پیشی سے بچنے کے لیے عذر تراشتی رہی ہیں اور اس بار بھی خدشہ ہے میشا شفیع جرح مکمل کرائے بغیر پاکستان سے چلی جائیں گی۔

    علی ظفر کے وکیل کا کہنا تھا کہ عدالت حکم دے کہ میشا شفیع جرح مکمل کرائے بغیر کینیڈا واپس نہ جائے اور میشا شفیع کا پاسپورٹ تحویل میں لینے ،ضمانتی مچلکے دینےکا حکم دے۔

  • مادھوری بھی علی ظفر کی مداح نکلیں

    مادھوری بھی علی ظفر کی مداح نکلیں

    معروف بالی ووڈ اداکارہ مادھوری ڈکشٹ پاکستانی گلوکار علی ظفر کی مداح نکلیں، علی ظفر کے گانے پر مادھوری کے رقص کی ویڈیو سوشل میڈیا پر وائرل ہوگئی۔

    بالی ووڈ کی خوبصورت اداکارہ اور رقاصہ مادھوری ڈکشٹ نے حال ہی میں سماجی رابطے کی ویب سائٹ انسٹاگرام پر اپنی نئی ویڈیو پوسٹ کی۔

    ویڈیو میں وہ پاکستانی گلوکار علی ظفر کے پرانے گانے سن رے سجنیا پر رقص کر رہی ہیں۔

    مادھوری نے ویڈیو پر کیپشن لکھا، تم سے ہی ہم کو پیار ہے۔

    مداحوں نے مادھوری کے رقص کی بہت تعریف کی اور اس پر تعریفی تبصرے کیے۔

    یاد رہے کہ مادھوری سوشل میڈیا پر خاصی متحرک ہیں اور اکثر اپنے رقص کی ویڈیوز شیئر کرتی رہتی ہیں۔ وہ امریکا میں رقص کا اسکول بھی چلا رہی ہیں۔

  • افریقی سوشل میڈیا اسٹار علی ظفر کے گانے پر جھوم اٹھے

    افریقی سوشل میڈیا اسٹار علی ظفر کے گانے پر جھوم اٹھے

    معروف پاکستانی گلوکار علی ظفر کا گانا جھوم گو کہ کئی سال پہلے ریلیز کیا گیا تھا لیکن وہ اب ایک بار پھر سے مشہور ہورہا ہے۔

    عالمی شہرت یافتہ سوشل میڈیا اسٹار کلی پال بھی علی ظفر کے گانے پر جھوم اٹھے۔

    تنزانیہ سے تعلق رکھنے والے سوشل میڈیا اسٹار کلی پال اور ان کی بہن نے اس مرتبہ پاکستان کے معروف گلوکار علی ظفر کے مشہور گانے جھوم کا انتخاب کیا اور اس پر لپسنگ ویڈیو بنائی۔

     

    View this post on Instagram

     

    A post shared by Kili Paul (@kili_paul)

    کلی پال نے علی ظفر کے گانے کے لیے پسندیدگی کا اظہار کرتے ہوئے اپنی پوسٹ کے کیپشن میں جھوم کو ماسٹر پیس قرار دیتے ہوئے اپنی پوسٹ میں انہیں ٹیگ بھی کیا۔

  • علی ظفر کے خلاف سوشل میڈیا مہم کا معاملہ،  میشا شفیع کی درخواست مسترد، جرمانہ عائد

    علی ظفر کے خلاف سوشل میڈیا مہم کا معاملہ، میشا شفیع کی درخواست مسترد، جرمانہ عائد

    لاہور : لاہور ہائی کورٹ نے میشاء شفیع کی علی ظفر کی مدعیت میں درج ایف آئی اے کا مقدمہ خارج کرنے کی درخواست جرمانے کے ساتھ مسترد کر دی۔

    تفصیلات کے مطابق لاہور ہائی کورٹ کے جسٹس طارق سلیم شیخ نے میشا شفیع سمیت دیگر کی درخواستوں پر محفوظ فیصلہ سنادیا۔

    عدالت نے اپنے مختصر فیصلے میں میشا شفیع سمیت 6 افراد کی درخواستیں جرمانے کے ساتھ خارج کر دیں، عدالت نے میشا شفیع سمیت درخواست گزاروں کو جرمانہ بھی کیا۔

    ملزمان نے علی ظفر کی مدعیت میں ایف آئی اے کے مقدمے کو چیلنج کررکھا تھا، عدالت نے وکلاء کے دلائل مکمل ہونے کے بعد فیصلہ محفوظ کیا تھا۔

    میشا شفیع کی جانب سے ایڈوکیٹ ثاقب جیلانی جبکہ علی ظفر کی جانب سے ایڈوکیٹ عمر طارق نے دلائل مکمل کیے تھے، ایف آئی اے نے علی ظفر کی درخواست پر سائبر کرائم دفعات کے تحت مقدمہ درج کر رکھا ہے ۔

    درخواستوں میں موقف اختیار کیا گیا تھا کہ ایف آئی اے نے حقائق کے برعکس مقدمہ درج کیا،ایف آئی اے نے ملزمان کا موقف لیے بغیر مقدمہ درج کیا،عدالت ایف آئی اے کی جانب سے درج مقدمہ خارج کرنے کا حکم دے۔

    جس پر علی ظفر کے وکیل نے عدالت کو بتایا کہ ملزمان کے خلاف قانون کے مطابق مقدمہ درج ہوا ملزمان ایف آئی اے کی جانب سے طلب کیے جانے کے باوجود پیش نہیں ہوٸے، ملزمان نے سوشل میڈیا پر علی ظفر کے خلاف منفی مہم چلا کر بدنام کرنے کی کوشش کی،عدالت ملزمان کی دائر درخواستیں خارج کرے۔

  • علی ظفر کی جانب سے  ہتک عزت کیس: میشا شفیع کی عدالت میں پیش ہونے کی یقین دہانی

    علی ظفر کی جانب سے ہتک عزت کیس: میشا شفیع کی عدالت میں پیش ہونے کی یقین دہانی

    لاہور : علی ظفر کی جانب سے ہتک عزت کیس میں گلوکاری میشا شفیع نے عدالت میں پیش ہونے کی یقین دہانی کروا دی اور کہا 16 دسمبر سے 20 دسمبر تک پاکستان میں ہیں اور عدالت میں پیش ہوں گی۔

    تفصیلات کے مطابق لاہور ہائی کورٹ میں علی ظفر کی جانب سے میشا شفیع کے خلاف ہتک عزت کیس کی ، علی ظفر کی جانب سے میشا شفیع کو طلب کرنے کی درخواست پر جواب جمع کرادیا گیا۔

    میشا شفیع کی جانب سےان کے وکیل نے جواب جمع کرایا ، جس میں کہا گیا کہ ایک پروفیشنل آرٹسٹ ہوں ، کام کی وجہ سے مختلف ممالک کا سفر کرنا ہوتا ہے، جس ملک جاتی ہوں اپنے ذریعہ معاش کے لیے ہی جاتی ہوں۔

    گلوکارہ نے یقین دہانی کرواٸی کہ وہ 16 دسمبر سے 20 دسمبر تک پاکستان میں ہیں اور عدالت میں پیش ہوں گی ، ان چار دنوں میں علی ظفر کے وکلا جرح مکمل کر سکتے ہیں تاہم بیس دسمبر کے بعد واپس چلی جاٸیں گی۔

    میشا شفیع نے جواب میں مزید کہا کہ پہلے ویڈیو لنک پر جرح کی درخواست دی، جس پر عدالت نے فیصل محفوظ کر رکھا ہے اب وہ ویڈیو لنک کے ذریعے جرح کی درخواست پر زور نہیں دینا چاہتیں۔

    جواب میں کہا گیا کہ میشا شفیع کے خاوند کینیڈا میں بچوں کی دیکھ بھال کے لیے رکے ہوٸے ہیں وہ پیش نہیں ہو سکتے لہذا ان کے بیان پر جرح ویڈیو لنک کے ذریعے ہی کی جاٸے ۔

    کیس کی مزید سماعت تین دسمبر کو ہو گی جس میں علی ظفر کے وکلا میشا شفیع کی والدہ اداکارہ صبا حمید پر جرح مکمل کریں گے۔

  • اماں آپ کا شکریہ: صدارتی اعزاز پانے کے بعد علی ظفر کا ٹویٹ

    اماں آپ کا شکریہ: صدارتی اعزاز پانے کے بعد علی ظفر کا ٹویٹ

    کراچی: معروف گلوکار علی ظفر صدارتی اعزاز برائے حسن کارکردگی پانے کے بعد اپنی والدہ کے بے حد مشکور ہوئے اور ٹویٹر پر ان کا شکریہ ادا کیا۔

    تفصیلات کے مطابق معروف گلوکار علی ظفر کو گزشتہ روز صدارتی اعزاز برائے حسن کارکردگی نوازا گیا، سماجی رابطے کی ویب سائٹ ٹویٹر پر اپنے ٹویٹ میں علی ظفر نے اس موقع کی تصاویر پوسٹ کیں۔

    علی ظفر نے لکھا کہ جب آپ کے پیارے آپ کی کامیابیوں پر خوش ہوتے ہیں تو اس سے زیادہ قیمتی شے اور کوئی نہیں۔

    انہوں نے خاص طور پر اپنی والدہ کا شکریہ ادا کرتے ہوئے لکھا کہ مجھے آج بھی وہ دن یاد ہیں جب میری والدہ تقریری مقابلوں کے لیے گھنٹوں مجھے تیاری کرواتی تھیں تاکہ میں لوگوں کے درمیان بولنے کا اعتماد حاصل کر سکوں۔

    گلوکار نے اپنی والدہ کا بے حد شکریہ ادا کیا۔

    علی ظفر نے گزشتہ روز کی تصاویر بھی پوسٹ کیں جس میں وہ صدارتی تمغہ حاصل کر رہے ہیں، جبکہ اپنے والدین اور اہلیہ کے ساتھ بھی تصاویر شیئر کیں۔

    ایک اور ٹویٹ میں انہوں نے اس اعزاز کے لیے مداحوں کی دعاؤں، سپورٹ اور نیک خواہشات کا شکریہ ادا کیا۔ انہوں نے کہا کہ وہ اپنے ملک، اس کے لوگوں اور فن و ثقافت کی ترویج کے لیے ہر ممکن قدم اٹھائیں گے۔