ہر انسان کا کوئی نہ مشغلہ اور شوق ہوتا ہے جو وہ فارغ وقت میں اپناتا ہے۔ کچھ افراد کے شوق ان پر اس قدر حاوی ہوجاتے ہیں جس کے بعد وہ زندگی میں کچھ اور کرنے کے قابل نہیں رہتے۔

مشہور شخصیات اور فلمی ستارے بھی اس سے مبرا نہیں۔ ویسے تو فلمی صنعت میں تمام افراد کا پہلا شوق اداکاری ہوتا ہے جس کے لیے وہ جان توڑ محنت کرتے ہیں تب ہی کامیاب ہوپاتے ہیں، لیکن ان کے علاوہ بھی ان کے کچھ ایسے شوق اور مشغلے ہوتے ہیں جن کا علم لوگوں کو کم ہی ہوتا ہے۔

آج ہم آپ کو دنیا بھر میں مقبول فلمی شخصیات کے ایسے ہی کچھ شوق بتا رہے ہیں جنہیں جان کر آپ حیران رہ جائیں گے۔

معروف گلوکار علی ظفر کھانے کے بے حد شوقین ہیں۔ وہ اکثر و بیشتر مختلف کھانے کھاتے ہوئے اپنی تصاویر سوشل میڈیا پر پوسٹ کرتے رہتے ہیں۔

ڈراموں کی معروف اداکارہ سائرہ شہروز کو کتے پالنے کا بے حد شوق ہے۔

بالی ووڈ کنگ شاہ رخ خان کو مختلف گیجٹس جمع کرنے کا بے حد شوق ہے۔ ان کے گھر کی ایک منزل صرف مختلف اقسام کے گیجٹس اور ویڈیو گیمز رکھنے کے لیے مختص ہے۔

ودیا بالن کو شاعری کا شوق ہے۔ وہ اپنے دوستوں اور قریبی عزیزوں کو اکثر و بیشتر اپنے اشعار سناتی رہتی ہیں۔

سلمان خان کو پینٹنگ کا بے حد شوق ہے۔

کنگنا رناوٹ کو کھانے پکانے کا بے حد شوق ہے۔ وہ مختلف کھانے پکا کر اپنے قریبی دوستوں کو کھلاتی ہیں۔

دپیکا پڈوکون کو بیڈ منٹن کھیلنے کا بہت شوق ہے۔ وہ اپنے زمانہ طالب علمی میں ایک بہترین کھلاڑی رہ چکی ہیں۔ انہیں یہ شوق اپنے والد سے ورثے میں ملا ہے جو بھارت کے ایوارڈ یافتہ مشہور بیڈ منٹن کھلاڑی ہیں۔

رنبیر کپور کو فوٹوگرافی کا شوق ہے۔

سونم کپور شاپنگ کی بے حد شوقین ہیں۔

ہالی ووڈ کی معروف اداکارہ انجلینا جولی کو خنجر جمع کرنے کا شوق ہے۔ بقول ان کے، انہیں ان کی والدہ نے بچپن میں خنجروں اور بلیڈوں سے متعارف کروایا۔ ان کی والدہ انہیں کوئی خنجر دینے سے پہلے اس کی نوک کند کردیا کرتی تھیں تاکہ وہ اپنے آپ کو کوئی نقصان نہ پہنچا سکیں۔

مشہور اداکار جونی ڈیپ کو باربی ڈولز جمع کرنے کا بے حد شوق ہے۔

ہالی ووڈ کی متمول گلوکارہ اور ماڈل پیرس ہلٹن کو مینڈکوں کے پیچھے بھاگنے کا بے حد شوق ہے۔ وہ انہیں پکڑ کر ایک بالٹی میں جمع کرتی ہیں۔

مشہور اینی میٹڈ فلم ’ٹوائے اسٹوری‘ میں شیرف ووڈی کے کردار کے لیے اپنی آواز دینے والے ٹام ہینکس کو پرانے ٹائپ رائٹر جمع کرنے کا شوق ہے۔

فلم ’دا فالٹ ان اور اسٹارز‘ میں مرکزی کردار ادا کرنے والی شیلائن ووڈلے اپنی ذاتی استعمال کی اکثر اشیا گھر میں تیار کرتی ہیں کیونکہ یہ ان کا شوق ہے۔ وہ ٹوتھ پیسٹ اور چہرے پر استعمال کی جانے والی مختلف کریمیں خود ہی تیار کرتی ہیں۔

معروف گلوکار علی ظفر نے اپنے انسٹا گرام اکاؤنٹ پر ایک تصویر شیئر کی ہے جس میں وہ ماضی کی مشہور ہالی ووڈ اداکارہ مارلن منرو کی شباہت رکھنے والی کسی خاتون کے ساتھ نظر آرہے ہیں۔

وہ خاتون کون ہیں؟ نہ خود علی ظفر نے بتایا، نہ کوئی پہچان سکا۔

Guess who I met?

A photo posted by Ali Zafar (@ali_zafar) on Aug 20, 2016 at 1:56pm PDT

#marilyn

A photo posted by Ali Zafar (@ali_zafar) on Aug 20, 2016 at 1:57pm PDT

علی ظفر آج کل امریکا اور کینیڈا کے دورہ پر ہیں اور ان کی تصاویر دیکھ کر لگ رہا ہے کہ وہ وہاں ہالی ووڈ فلم انڈسٹری کے لوگوں سے بھی مل رہے ہیں۔

انہوں نے مشہور امریکی ڈرامہ ’سیریز گیم آف تھرونز‘ میں اپنی پسندیدہ اداکار سوفی ٹرنر سے بھی ملاقات کی جو سیریز میں سانسا اسٹارک کا کردار ادا کر رہی ہیں۔

Game of Thrones fan? A photo posted by Ali Zafar (@ali_zafar) on Aug 22, 2016 at 12:13am PDT

علی ظفر نے اس ملاقات کی تصویریں اپنے انسٹا گرام پر شیئر کیں اور بظاہر یوں محسوس ہورہا ہے جیسے وہ گیم آف تھرونز کے مداحوں کو حسد میں مبتلا کر رہے ہیں۔

#NYC. C u all tomorrow at Shaheen Plaza, Hicksville, NY A video posted by Ali Zafar (@ali_zafar) on Aug 6, 2016 at 3:14pm PDT

امریکا جانے سے قبل انہوں نے ایک دلچسپ ویڈیو بھی شیئر کی تھی جس میں وہ اپنے مداحوں کو نیویارک جانے کا بتا رہے ہیں۔

لاہور: اداکار و گلوکار علی ظفر نے کہا ہے کہ فنکار کسی بھی ملک کا قیمتی اثاثہ ہوتے ہیں۔

اداکار و گلوکار علی ظفر نے کہا ہے کہ فنکار کسی بھی ملک کا قیمتی اثاثہ ہوتے ہیں ، فن اور فنکار کو سرحدوں کے اندر قید نہیں کیاجاسکتا ،جہاں اچھا اورمعیاری کام ملے گا فنکار ادھر کار خ ضرور کریگا ۔

ایک انٹرویو کے دوران علی ظفر نے کہا کہ پاکستان فلم انڈسٹری کا مستقبل بہت روشن ہے اور وطن عزیز میں معیاری اور جدید تقاضوں سے ہم آہنگ پروڈکشن کی بدولت انڈسٹری روز بروز ترقی کی منازل طے کررہی ہے جو بڑی حوصلہ افزا بات ہے ۔