Tag: علی ظفر

علی ظفرایک بار پھر پاکستان کے پرکشش ترین مرد قراردے دیے گئے، پرکشش ترین ایشائی مردوں میں علی ظفرتیسرے نمبرپرہیں۔

مسلسل نو برس سے علی ظفرپاکستان کے پرکشش ترین مرد قرارپارہے ہیں۔ کوئی اورسلیبرٹی علی ظفرکی جگہ نہیں چھین سکی،آن لائنگ پولنگ میں لاکھوں دلوں کی دھڑکن علی ظفرپھرسب پربازی لے گئے علی ظفرایشیا کے بھی تیسرے سب سے پرکشش مرد قرارپائے۔

پہلے نمبر پرہیں برطانیہ میں رہنے والے مقبول گلوکار زین ملک ہیں بائیس سال کے زین ملک نے یہ پوزیشن بالی ووڈ اسٹار ریتک روشن سے چھینی ہے۔

زین ملک اس لسٹ میں سب سے کم عمر پرکشش مرد کے طور پر بھی سامنے آئے۔اگر بات ٹاپ فائیو کی کی جائے تو دو ہندوستانی ٹیلی ویژن اداکار برن دوبتی اور ویون ڈیسینا بھی اس لسٹ میں شامل ہیں۔

ریتک روشن پچھلے سال ایشیا کے پرکشش ترین مرد کااعزاز لے اڑے تھے ایشیا کے دوسرے پرکشش ترین مردوں میں فواد خان چھٹے ، سلمان خان ساتویں شاہد کپور آٹھویں اور شاہ رخ نویں نمبر پر ہیں۔

پاکستان کے ناموراداکار بھارت میں بھی شہرت کی بلندیوں کو چھو رہے ہیں لیکن فواد خان اور ماہرہ خان جیسے بلند شہرت اداکار فحش مناظرفلمانے سے مسلسل انکار کرتے آرہے ہیں جس کی اطلاعات عوام کو کم ہی ملتی ہیں۔

حالیہ دنوں پاکستانی اداکار فواد خان ، علی ظفر اور ماہرہ خان نے اپنی آنے والی فلموں میں فحش مناظر فلمانے سے ایک بار پھر انکار کردیا ہے۔

ماہرہ خان

پاکستانی اداکارہ ماہرہ خان نے شاہ رخ خان اورنوازالدین صدیقی کے ساتھ اپنی آنے والے فلم ’رئیس‘ میں فحش مناظرفلمانے سے انکار کیا ہے۔

ایک رپورٹ کے مطابق ماہرہ خان نے نواز الدین صدیقی کے ہمراہ جس منظر کو فلمانے سے انکار کیا ہے وہ کافی حد تک جنسی تشدد کے مناظر پر مبنی تھا اور ماہرہ خان ایسا کوئی بھی منظر فلمانے کے لئے راضی نہیں ہیں جس سے پاکستان میں انکے مداحوں کی نظر میں ان کی ساکھ متاثر ہو چاہے اس فلم میں کنگ خان ہی کیوں نہ موجود ہیں۔

فواد خان

ممبئی مرر نابی بھارتی اخبارکی ویب سائٹ کے مطابق پاکستانی اداکار فواد خان نے پاکستان میں موجود اپنے مداحوں کے جذبات کو مدںظررکھتے ہوئے اپنی آئندہ آنے والی فلم میں خوبرو بھارتی اداکارہ عالیہ بھٹ کے ہمراہ بے باک مناظر فلمانے سے انکار کیا ہے۔

رپورٹ میں کہا گیا ہے کہ فواد خان فلم کے دوران جسمانی قربت کے مناظر کی فلم بندی کے حق میں نہیں ہیں لہذا ان کے مشہورپاکستانوں ڈراموں میں بھی اس قسم کے مناظرکو نہیں فلمایا گیا حالانکہ وہ رومانوی ڈرامے تھے۔

علی ظفر

نامور گلوکار اور اداکار علی ظفر بھی بھارت میں فلم لینے سے قبل یہی شرط رکھتے ہیں کہ ان کے کردار کے لئے بوس و کنار کے مناظر نہیں رکھے جائیں گے۔

ان کا کہنا ہے کہ مجھے ہمیشہ اس بات کا خیال رہتا ہے کہ میرے وطن پاکستان میں اخلاقی اقدار کا معیار بے حد بلند ہے اوریہاں کے ناظرین اس قسم کے بے باک مناظر پسند نہیں کرتے۔