Tag: علی محمد خان

اسلام آباد: وزیر مملکت برائے پارلیمانی امور علی محمد خان کا کہنا ہے کہ حکومت کو ہاری ہوئی اپوزیشن سے کوئی خطرہ نہیں ہے۔

اے آر وائی نیوز کے پروگرام ’پاور پلے‘ میں گفتگو کرتے ہوئے وزیر مملکت علی محمد خان نے کہا کہ نیب ہمارے اختیار میں نہیں ہے، نیب ہم سے ڈکٹیشن لیتا تو پاکستان کی جیلیں بھری ہوتیں۔

علی محمد خان نے کہا کہ بلاول کو بڑے زرداری سے سوال کرنا چاہئے کہ سرے محل کیا ہے، بلاول کو والد سے پوچھنا چاہئے کہ آپ نے سوئس بینکس کو خط کیوں نہیں لکھا۔

انہوں نے کہا کہ کرپشن کے مقدمات ہم کیسے معاف کرسکتے ہیں، ہم نے اگر کوئی ایسی پیش کش کی تو وہ ہمارا آخری دن ہوگا، عمران خان کرپشن کیسز پر این آر او نہیں دیں گے۔

ایک سوال کے جواب میں علی محمد خان نے کہا کہ پشاور بی آر ٹی جلد مکمل ہونے کے قریب ہے۔

وزیر مملکت کا کہنا ہے کہ ہمارا مقابلہ اپوزیشن سے نہیں بلکہ خود سے ہے، ہم عوام سے وعدے کرکے آئے ہیں اسے پورا کریں گے۔

علی محمد خان نے کہا کہ حکومت کو ہاری ہوئی اپوزیشن سے کوئی خطرہ نہیں ہے، اپوزیشن والے ہارے ہوئے کھلاڑی ہیں، اے پی سی ہارے ہوئے کھلاڑیوں کی شام غریباں ہے۔

اسلام آباد: وزیر مملکت برائے پارلیمانی امور علی محمد خان کا کہنا ہے کہ ہماری پہلی ترجیح ہیلتھ سسٹم کی استعداد بڑھانا ہے۔

تفصیلات کے مطابق وزیرمملکت برائے پارلیمانی امور علی محمد خان نے کہا کہ وفاقی حکومت کی جانب سےمعاشی ریلیف پیکج کا اعلان کیاگیا ہے،آج کے پی حکومت کی جانب سے بھی ریلیف پیکج کا اعلان کیا گیا ہے۔

علی محمد خان کا کہنا تھا کہ پہلی کوشش ہے فرنٹ لائن پر لڑنے والوں کو سامان پورا کیا جائے، ڈاکٹرز، نرسز، پیرامیڈیکل اسٹاف کاحفاظتی سامان پورا کیاجا رہاہے،ہماری پہلی ترجیح ہیلتھ سسٹم کی استعداد بڑھانا ہے۔

وزیر مملکت نے کہا کہ مستحقین کے لیے بھی حکومت کی جانب سے اقدامات کر رہے ہیں،کرونا جیسی وبا سے لڑنے کے لیے احتیاط ہی ہمارے پاس بڑا ہتھیار ہے۔

وزیراعظم کا لاک ڈاؤن کے دوران گرفتار افراد کو رہا کرنے کا حکم

اس سے قبل وزیراعظم عمران خان نے اینکر پرسنز سےگفتگو کرتے ہوئے کہا تھا کہ ہم اپنے وسائل کے مطابق ہی فیصلے کر رہے ہیں، کرونا کے خلاف جنگ متحد ہوکر جیت سکتے ہیں۔

وزیراعظم کا کہنا تھا کہ کرونا وائرس کا پھیلاؤ روکنے کے لیے فنڈ قائم کر رہا ہوں جس کے ذریعے بھی مستحقین کو رقم دی جائےگی۔ انہوں نے لاک ڈاؤن کے دوران گرفتار افراد کو رہا کرنے کا حکم بھی دیا۔

اسلام آباد: وزیر مملکت برائے پارلیمانی امور علی محمد خان نے وفاقی وزیر توانائی عمر ایوب کے پیپلزپارٹی سے متعلق بیان کا دفاع کرنے سے انکار کردیا۔

اے آر وائی نیوز کے پروگرام میں بات کرتے ہوئے علی محمد خان نے کہا کہ اسمبلی میں عمرایوب کےبیان کادفاع نہیں کروں گا، سیاسی اختلاف اپنی جگہ مگر تہذیب کا دامن نہیں چھوڑنا چاہیے، سیاسی لیڈران کی ہمیشہ عزت کی اور ایسا ہی رویہ چاہتےہیں۔

انہوں نے کہا کہ گزشتہ30،35سال قومی خزانےکو لوٹا گیا ہم سے15ماہ کاحساب لےسکتےہیں، نیب کی جانب سےکسی کیس کو منطقی انجام تک نہ پہنچنا الگ بحث ہے تاہم نیب اورحکومت کےگٹھ جوڑ کےدعوؤں کو مستردکرتا ہوں۔

علی محمدخان کا کہنا تھا کہ نیب سےمتعلق اپوزیشن کو اعتراض ہےتو سپریم کورٹ چلےجائیں، چینی آٹےبحران پر عمران خان واضح کہہ چکے ہیں ذمہ داروں کو سزائیں ملیں گی۔

واضح رہے کہ 3 روز قبل قومی اسمبلی میں تقریر کے دوران عمر ایوب نے پیپلزپارٹی کی کرپشن پر بات کرتے ہوئے کہا تھا کہ ایک صدر ہوتے تھے جو مسٹر ٹین پرسنٹ مشہور تھے جس پر پی پی اراکین طیش میں آگئے اور عمر ایوب کے سامنے کھڑے ہوگئے۔

عمر ایوب بھی اپنے بیان پر ڈٹ گئے اور آج بھی جلسے میں کہا کہ پرسنٹیج گنوانے پر پیپلزپارٹی کو تکلیف ہوتی ہے، پہلی بار ملک میں ایماندار وزیراعظم آیا ہے جو چوروں اور لٹیروں کو نہیں چھوڑے گا۔