Tag: عماد وسیم

پاکستان کرکٹ ٹیم کے سابق آل راؤنڈر عماد وسیم نے پی ایس ایل کے نویں ایڈیشن کے فائنل میں بڑا اعزاز اپنے نام کرلیا۔

اسلام آباد یونائیٹڈ کے لیفٹ آرم اسپنر نے تباہ کن بولنگ کرتے ہوئے پاکستان سپر لیگ کے اب تک ہونے والے فائنلز میں سب سے بہترین بولنگ کا ریکارڈ بنا دیا۔ عماد پی ایس فائنل میں 5 وکٹیں حاصل کرنے والے پہلے بولر بن گئے۔

میچ میں وقفے کے دوران گفتگو کرتے ہوئے عماد کا کہنا تھا کہ یہ بہت اچھی وکٹ تھی میں نے کچھ سلو ون کیے اور مجھے کامیابی ملی، ہم مخالف ٹیم کو 150 تک روکنا چاہتے تھے مگر اسکور اس سے کچھ آگے بڑھ گیا۔

View this post on Instagram

A post shared by Pakistan Super League (@thepsl)

واضح رہے کہ پی ایس ایل 9 کے فائنل میچ میں ملتان سلطانز نے اسلام آباد یونائیٹڈ کو جیت کے لیے 160 رنز کا ہدف دیا ہے۔

کراچی کے نیشنل اسٹیڈیم میں کھیلے جارہے میچ میں ملتان سلطانز نے مقررہ اوورز میں 9 وکٹوں کے نقصان پر 159 رنز بنائے۔

عثمان خان 57 رنز بنا کر نمایاں رہے، کپتان محمد رضوان 26 رنز بنا کر آؤٹ ہوئے، افتخار احمد نے 20 گیندوں پر 32 رنز کی اننگز کھیلی۔

اسلام آباد یونائیٹڈ کی جانب سے عماد وسیم نے پانچ کھلاڑیوں کو پویلین کی راہ دکھائی، اس کے علاوہ کپتان شاداب خان نے تین وکٹیں حاصل کیں۔

اسلام آباد یونائیٹڈ کے کپتان شاداب خان نے کہا ہے کہ ورلڈکپ میں پاکستان ٹیم کو عماد وسیم کی ضرورت ہے۔

پی ایس ایل کے ایلی منیٹر ٹو میں پشاور زلمی کے خلاف فتح کے بعد گفتگو کرتے ہوئے شاداب خان نے کہا کہ عماد وسیم مختلف لیگز میں پرفارمنس دکھا چکے ہیں۔ میں تو چاہتا ہوں کہ عماد وسیم پاکستان ٹیم میں واپس آئیں۔ عماد وسیم کا ہماری ٹیم میں ہونا ہمارے لیے اہمیت رکھتا ہے۔

شاداب خان نے کہا کہ مشکل صورتحال میں پہلے بھی میچز جیت چکے ہیں۔ مثبت سوچ کے ساتھ کھلاڑی کھیل رہے تھے۔ حیدر علی کا دن ہو اورعماد وسیم بغیر کسی خوف کے کھیلے تو جیتنا ہی تھا۔

قومی ٹیم کے آل راؤنڈر نے کہا کہ کراؤڈ کی جانب سے عماد وسیم کے ساتھ نارواسلوک نہیں ہونا چاہیے۔ وہ ایک طویل عرصے تک پاکستان کی نمائندگی کرچکے ہیں۔ حیدر علی کی پرفارمنس میں اتارچڑھاؤ آتا رہا ہے۔ کبھی بھی کھلاڑی کو مایوس نہیں کرنا چاہیے۔

انھوں نے کہا کہ میں اپنی تکنیک پر کام کر رہا ہوں۔ تکنیک کو بہتر بنانے میں وقت درکار ہوتا ہے۔ یقین ہے کہ جلد ہی اس مسئلے کو حل کرلوں گا۔

کپتان اسلام آباد یونائیٹڈ نے کہا کہ شاہین کو ایک سیریز کے نتائج پر کپتانی سے ہٹایا نہیں جاسکتا۔ سیریز جیتیں اور تجربات بھی کرتے رہیں ایسا ممکن نہیں ہوسکتا۔

انھوں نے کہا کہ ورلڈکپ قریب تر ہے اور اس سے قبل مسئلے مسائل حل ہوجانے چاہئیں۔ ماڈرن کرکٹ میں فیلیئر کو قبول کرنا پڑتا ہے۔ ہم پاکستانی فیلیئر قبول کرنے کو تیار نہیں ہوتے ہیں۔

پاکستان کرکٹ ٹیم کے سابق آل راؤنڈر عماد وسیم کا آسٹریلیا کی بگ بیش لیگ( بی بی ایل) کے لیے میلبرن اسٹارز سے معاہدہ ہو گیا۔

میلبرن اسٹارز کے جنرل منیجر بلیئر کراؤچ کے مطابق عماد وسیم بگ بیش میں 25 دسمبر کرسمس کے بعد سے میلبرن اسٹارز کو دستیاب ہوں گے۔

میلبرن اسٹارز کے جنرل منیجر بلیئر کراؤچ کا کہنا ہے کہ عماد وسیم کے پاس ٹی ٹوئنٹی کا وسیع تجربہ ہے، وہ لوور بیٹنگ کے لیت کارآمد ثابت ہوں گے۔

🇵🇰 Welcome to the Stars, Imad!

Details ⬇https://t.co/P9AAny7pYQ pic.twitter.com/Pmy26exMVv

— Melbourne Stars (@StarsBBL) November 30, 2023

بلیئر کراؤچ نے کہا کہ پاکستانی شائقین میلبرن کرکٹ گراؤنڈ میں عماد وسیم، اسامہ میر اور حارث رؤف کو دیکھیں گے۔

پاکستان کے 3 کھلاڑیوں کا بی بی ایل سے معاہدہ

یاد رہے کہ پاکستان کے ابھرتے ہوئے اسٹار فاسٹ بولر زمان خان نے بھی بی بی ایل کا معاہدہ حاصل کر لیا ہے۔ انہیں سڈنی تھنڈر نے سائن کیا ہے۔

واضح رہے کہ عماد وسیم نے 24 نومبر کو سوشل میڈیا پر بیان جاری کرتے ہوئے انٹرنیشنل کرکٹ سے ریٹائرمنٹ کا اعلان کیا تھا۔

عماد وسیم نے لکھا تھا کہ ٹی ٹوئنٹی اور ون ڈے میچز میں پاکستان کی نمائندگی ایک خواب تھا جو سچ ثابت ہوا، پاکستان کرکٹ کے لیے نئی لیڈر شپ اور کوچز کے ساتھ ایک اچھے وقت کا آغاز ہے۔

آل راؤنڈر عماد وسیم نے پوسٹ میں لکھا تھا کہ حالیہ دنوں میں میں اپنے انٹرنیشنل کیریئر کے بارے میں سوچ رہا تھا، میں اس نتیجے پر پہنچا ہوں کہ یہ ریٹائرمنٹ کا اعلان کرنے کا درست وقت ہے ۔

پاکستان کرکٹ ٹیم کے مایہ ناز آل راؤنڈر عماد وسیم انٹرنیشنل کرکٹ سے ریٹائر ہوچکے ہیں اور ان کے اس اچانک فیصلے سے مداح کافی افسردہ ہیں۔

گزشتہ دنوں ریٹائر ہونے والے آل راؤنڈر عماد وسیم کو ورلڈکپ کے لیے ٹیم میں منتخب نہیں کیا گیا تھا جبکہ وہ آل راؤنڈر کی عالمی رینکنگ میں ٹاپ فائیو میں بھی موجود تھے۔ اس کے علاوہ وہ ورلڈ نمبر ون ٹی ٹوئنٹی بولر بھی رہ چکے ہیں۔

عماد کے تمام فارم سے ریٹائرمنٹ کے اعلان کے بعد سوشل میڈیا سائٹ ’ایکس‘ پر آل راؤنڈر کے مداحوں نے دکھ کا اظہار کرتے ہوئے کہا کہ نوجوان کھلاڑیوں کا اس طرح سے چلے جانا بورڈ کی ناکامی ہے۔

انٹرنیشنل کرکٹ سے ان کی ریٹائرمنٹ کے اعلان پر متعدد صارفین نے انھیں ورلڈکپ اسکواڈ میں شامل نہ کرنے کو وجہ قرار دیا اور اس بات کو ذمہ ڈار ٹھہرایا۔

بعض افراد کا کہنا تھا کہ لیگز میں کھلاڑیوں کو کھیلنے کے مواقعے نہیں دیے گئے جس کے سبب پلیئرز انٹرنیشنل کرکٹ سے ریٹائرمنٹ لیتے ہیں۔

آل راؤنڈر پاکستان کرکٹ بورڈ کے سینٹرل کنٹریکٹ یافتہ کھلاڑیوں میں شامل تھے، تاہم کافی عرصے سے ڈومیسٹک سرکٹ نہیں کھیل رہے تھے، جس پر انھیں کافی تنقید کا نشانہ بنایا گیا تھا۔

سوشل میڈیا پر عماد وسیم نے انٹرنیشنل کرکٹ سے اپنی ریٹائرمنٹ کا اعلان کرتے ہوئے کہا تھا کہ کافی سوچ بچار کے بعد ریٹائرمنٹ لینے کا فیصلہ کیا ہے، پاکستان کرکٹ بورڈ کا مشکور ہوں۔ ملک کی نمائندگی کرنا کسی اعزاز سے کم نہیں تھا۔

قومی کرکٹرز عماد وسیم اور محمد عامر سمجھتے ہیں کہ پاکستان کی ٹی ٹوئنٹی ٹیم میں بابراعظم کی جگہ نہیں بنتی۔

نجی ٹی وی کے پروگرام میں بابراعظم متعلق گفتگو کرتے ہوئے سابق آل راؤنڈر عبدالرزاق کا کہنا تھا کہ مجھے اختیار ملے تو بابراعظم کو صرف ٹیسٹ کا کپتان بناؤں گا۔ اس موقع پر عماد اور محمد عامر کا کہنا تھا کہ ٹی ٹوئنٹی ٹیم میں بابراعظم کی جگہ نہیں بنتی۔

عماد وسیم کے مطابق آئندہ چیمپیئن ٹرافی کیلئے ٹیم میں تبدیلیاں ہونی چاہئیں اور اس بات میں بھی کوئی شک نہیں کہ ٹیم میں گروپنگ بھی ہوتی ہے۔

بھارت نیوزی لینڈ سیمی فائنل پر تبصرہ کرتے ہوئے قومی ٹیم کے آل راؤنڈر نے کہا کہ اگر کوئی ٹیم سیمی فائنل میں بھارت کو ہراسکتی ہے تو وہ نیوزی لینڈ ہے جب کہ محمد عامر کا موقف تھا کہ آج بھارت فاتح رہے گا۔

واضح رہے کہ بھارت میں ہونے والے آئی سی سی ورلڈکپ 2023 میں شکست کے بعد بابراعظم تینوں فارمیٹ کی کپتانی چھوڑ چکے ہیں انھوں نے سوشل میڈیا پر اس بات کا اعلان کیا تھا۔

بابر کا مزید کہنا تھا کہ وہ بطور کھلاڑی پاکستان کرکٹ ٹیم کو دستیاب رہیں گے اور جو بھی کپتان بنے گا اسے بھرپور سپورٹ کریں گے۔

سابق پاکستانی آل راؤنڈر عبدالرزاق نے اپنے خیالات کا اظہار کرتے ہوئے کہا ہے کہ ورلڈکپ کے لیے عماد وسیم اور محمد عامر کو پاکستان ٹیم میں ہونا چاہیے تھا۔

نجی چینل کے اسپورٹس شو میں ان کا کہنا تھا کہ آسٹریلیا اور افغانستان کے درمیان ورلڈ کپ میں جو میچ ہوا وہ تاریخی تھا۔ عبدالرزاق نے آسٹریلوی آل راؤنڈر گلین میکس ویل کی تاریخ سار اننگز کی بھی تعریف کی۔

پاکستان ٹیم کے سابق آل راؤنڈر عبدالرزاق نے ہمارے دماغ پر کپتانی چڑھ جاتی ہے جب کہ آج میکس ویل اپنے کپتان کو گائیڈ کررہا تھا۔

پاکستانی ٹیم کے حوالے سے گفتگو کرتے ہوئے عبدالرزاق نے کہا کہ کیچ میچ جیتاتے ہیں، عماد وسیم اور محمد عامر جیسے کرکٹرز کو پاکستان ٹیم میں ہونا چاہیےتھا۔

ایک سوال کے جواب میں عبدالرزاق نے بتایا کہ قومی کرکٹ ٹیم کے سابق کامیاب قائد سرفراز احمد ان کے پسندیدہ کپتان تھے۔

پاکستان کرکٹ ٹیم کے آل راؤنڈر عماد وسیم نے ورلڈ کپ میں پاکستان کے سو اہم میچز سے قبل بڑی پیشگوئی کی ہے۔

نجی چینل کے اسپورٹس شو میں آل راؤنڈر عماد وسیم نے کہا کہ پاکستان کی فیلڈنگ اچھی ہوئی ہے، پاکستان انگلینڈ اور نیوزی لینڈ سے جیت سکتا ہے۔

انہوں نے کہا کہ بھارت اور پاکستان کے میچ کا پریشر کچھ اور ہی ہوتا ہے لیکن اگر ہماری ٹیم اسی فارم میں رہی تو ہم دونوں میچز آسانی سے جیت سکتے ہیں۔

سابق کرکٹر عبد الرزاق نے گزشتہ روز بھارت اور سری لنکا کے درمیان ہونے والے مقابلے پر بات کرتے ہوئے کہا کہ سری لنکا کا پہلے بیٹنگ نہ کرنے کا فیصلہ ٹھیک تھا، سری لنکا کی بولنگ،بیٹنگ، فیلڈنگ اچھی نہیں تھی۔

یاد رہے کہ ورلڈکپ کے 33 ویں میچ میں بھارت نے سری لنکا کو یکطرفہ مقابلے میں 302 رنز کے بڑے مارجن سے شکست دے کر سیمی فائنل کے لیے کوالیفائی کرلیا۔

واضح رہے کہ پاکستانی ٹیم نے ورلڈ کپ میں 7 میچز کھیلے ہیں جن میں تین میں کامیابی حاصل ہوئی اور چار میچز میں شکست کا سامنا کرنا پڑا۔

پاکستانی ٹیم پوائنٹس ٹیبل پر 6 پوائنٹس کے ساتھ پانچویں نمبر پر موجود ہے، پاکستان کو سیمی فائنل میں پہنچنے کے لیے دوسری ٹیموں کی شکست اور رن ریٹ کا انتظار کرنا پڑے گا۔