Tag: عماد وسیم

لاہور: پاکستان کرکٹ ٹیم کے آل راؤنڈر عماد وسیم نے اپنی شادی میں وزیر اعظم سمیت دیگر اہم شخصیات اور کھلاڑیوں کو مدعو کرلیا۔

تفصیلات کے مطابق فاسٹ باولر حسن علی کے بعد آل راونڈر عماد وسیم اب دلہا بننے کی تیاری کررہے ہیں اس ضمن میں تمام معاملات حتمی مراحل میں بھی داخل ہوچکے۔

ذرائع کے مطابق عماد وسیم نے شادی کی تقریب کے دعوت نامے ارسال کرنا شروع کردیے، آل راؤنڈر نے وزیر اعظم عمران خان، سینیٹر فیصل جاوید خان، تحریک انصاف کے ترجمان اور وزیراعظم کے معاونِ خصوصی نعیم الحق کو شرکت کے لیے کارڈ بھیجا۔

علاوہ ازیں عماد وسیم نے چیئرمین پی سی بی احسان مانی، پاکستان کرکٹ بورڈ کے چیف ایگزیکٹو آفیسر وسیم خان، سابق کپتان وسیم اکرم اور شاہد آفریدی کو بھی دعوت نامہ بھیج دیا۔

عماد وسیم کی اہلیہ کا تعلق لندن سے ہے تاہم وہ شادی کے بعد اسلام آباد میں رہائش اختیار کریں گی، دونوں کی شادی والدین کی رضامندی سے ہورہی ہے، ثانیہ اشفاق بزنس گریجویٹ ہیں۔

ذرائع کے مطابق آل راؤنڈر عماد وسیم کا نکاح 24 اگست اور رخصتی 26 اگست کو ہوگی، ذرائع کا کہنا ہے کہ شادی میں قومی کرکٹرز کی شرکت بھی متوقع ہے،  عماد وسیم کاؤنٹی کرکٹ میں ناتنگھم شائر کی نمائندگی کررہے ہیں مگر وہ شادی کے لیے  چھٹیاں لے کر شادی کے بعد ٹیم کو دوبارہ جوائن کریں گے۔

راولپنڈی: قومی ٹیم کے آل راؤنڈر عماد وسیم نے ٹیم میں گروپ بندی کی افواہوں کو مسترد کردیا، شاداب خان نے کہا کہ سیمی فائنل میں نہ پہنچنے کا دکھ ہے۔

تفصیلات کے مطابق راولپنڈی کرکٹ اسٹیڈیم میں آل راؤنڈر عماد وسیم اور شاداب خان نے مشترکہ پریس کانفرنس کی، عماد وسیم نے کہا کہ ورلڈ کپ میں پوری ٹیم ایک ہوکر پاکستان کے لیے کھیل رہی تھی، کپتانی کی دوڑ میں شامل نہیں ہوں۔

عماد وسیم نے کہا کہ ٹیم نے آخری چار میچز میں اچھا پرفارم کیا، ٹیم میں گروپ بندی ہوتی تو میں بھی نہ کھیلتا، ورلڈ کپ میں اسپنرز کی کارکردگی بری نہیں تھی۔

آل راؤنڈر عماد وسیم کا کہنا تھا کہ بھارت سے میچ کے بعد ٹیم نے اچھا کم بیک کیا، کرکٹ پر بات کرنی چاہئے ذاتیات پر حملہ نہیں کرنا چاہئے، بھارت سے میچ کو لوگ جنگ کی طرح لیتے ہیں۔

مزید پڑھیں: کپتانی چھوڑنے کا ارادہ نہیں، حتمی فیصلہ بورڈ کرے گا، سرفراز احمد

انہوں نے کہا کہ میرے سرفراز کے ساتھ اچھے تعلقات ہیں، بھارت سے میچ کے بعد سرفراز احمد نے میٹنگ بلائی سب نے اپنی رائے دی تھی، میٹنگ میں سرفراز نے کہا ہمیں کم بیک کرنا ہے۔

عماد وسیم نے کہا کہ افغانستان کے میچ میں پیش آنے والا واقعہ افسوسناک تھا، رن ریٹ کا زیادہ فرق نہ ہوتا تو سیمی فائنل میں ہوتے، 400 رنز کا فرق ختم کرنا مشکل تھا، نیوزی لینڈ کے خلاف میچ میں رن ریٹ بہتر کرنے کا موقع تھا۔

دوسری جانب لیگ اسپنر شاداب خان نے کہا کہ میگا ایونٹ میں ہماری کارکردگی اچھی رہی، سیمی فائنل میں نہ پہنچنے کا دکھ ہے، ہم نے دو سیمی فائنلسٹ ٹیموں کو ہرایا، آسٹریلیا ٹائٹل جیتنے کے لیے فیوریٹ ہے۔

لندن: پاکستانی آل راؤنڈر عماد وسیم نے ورلڈ کپ کے بعد شادی کرنے کا فیصلہ کرلیا۔

تفصیلات کے مطابق ورلڈ کپ کے بعد قومی کرکٹ ٹیم کے آل راؤنڈر عماد وسیم نے شادی کرنے کا فیصلہ کرلیا، برطانیہ میں مقیم دوشیزہ سے پاکستانی کرکٹر کی شادی ہورہی ہے۔

کارڈف میں پیدا ہونے والے عماد وسیم والدین کی پسند سے شادی کررہے ہیں، رواں سال اگست میں پاکستانی کرکٹر کے سر پر سہرا سجنے کا امکان ہے۔

مزید پڑھیں: عماد وسیم کی شاندار بیٹنگ، پاکستان نے افغانستان کو شکست دے دی

واضح رہے کہ ورلڈ کپ میں افغانستان کے خلاف میچ میں عماد وسیم نے شاندار کارکردگی کا مظاہرہ کرتے ہوئے ٹیم کی جیت میں اہم کردار ادا کیا تھا۔

ہیڈنگلے میچ کے ہیرو عماد وسیم نے ناقابل شکست 49 رنز بنائے تھے اور دو وکٹیں بھی حاصل کی تھیں۔

یاد رہے کہ ورلڈ کپ میں پاکستان اپنا آخری گروپ میچ کل بنگلہ دیش کے خلاف کھیلے گا اور ہفتے کو قومی ٹیم کے وطن واپسی کے امکانات ہیں۔

لاہور: کراچی کنگز کے کپتان عماد وسیم نے کہا ہے کہ پی ایس ایل سے نئے لڑکوں کو قومی ٓٹیم میں آنے کا پلیٹ فارم ملتا ہے، کوشش کریں گے اس بار زیادہ اچھا کھیل سکیں۔

تفصیلات کے مطابق اے آر وائی نیوز کے پروگرام ’اسپورٹس روم‘ میں گفتگو کرتے ہوئے عماد وسیم نے کہا کہ پی ایس ایل فور میں کوشش کریں گے اچھی کارکردگی دکھائیں، کراچی کنگز کے زیادہ تر کھلاڑی قومی ٹیم میں کھیلتے ہیں۔

عماد وسیم نے کہا کہ کالن انگرام اچھا کھلاڑی اور کپتان ہے، میں فٹ ہوں کوشش ہے فٹنس کو برقرار رکھوں، بڑے ناموں سے ٹیم نہیں ہوتی، میدان میں کارکردگی دکھانی پڑتی ہے۔

کپتان کراچی کنگز نے کہا کہ کراچی میں میچ ہوگا امید ہے عوام سپورٹ کرنے آئے گی، شہر قائد میں کھیلنے کے لیے بہت پرجوش ہیں۔

مزید پڑھیں: کراچی کنگز: عماد وسیم کپتان، انگرام نائب کپتان مقرر

واضح رہے کہ کراچی کنگز کے مالک سلمان اقبال نے ٹویٹ کرتے ہوئے کہا تھا کہ کراچی کنگز کے کپتان عماد وسیم برقرار ہیں گے جبکہ کولن انگرام نائب کپتان ہوں گے۔

یاد رہے کہ پاکستان سپر لیگ سیزن فور کے شیڈول کا اعلان کیا جاچکا ہے، پی ایس ایل کا چوتھا ایڈیشن 14 فروری سے 17 مارچ تک ہوگا۔

پی ایس ایل فور کے 4 میچز ابو ظبی میں ہوں گے جبکہ شارجہ اور دبئی میں بھی میچز ہوں گے۔ آخری 8 میچز پاکستان میں ہوں گے جن میں 3 میچ لاہور اور 5 میچ کراچی میں ہوں گے۔

لاہور میں ہونے والے میچز 9، 10 اور 12 مارچ کو ہوں گے جبکہ 7، 10، 13 اور 15مارچ کو میچز کراچی میں ہوں گے۔ پی ایس ایل فور کا فائنل 17 مارچ کو کراچی کے نیشنل اسٹیڈیم میں کھیلا جائے گا۔