ARYNews.tv | Urdu – Har Lamha Bakhabar

Tag: عمارت

  • کراچی : گرنے والی رہائشی عمارت کی متاثرہ خاتون کا دل دہلا دینے والا انکشاف

    کراچی : گرنے والی رہائشی عمارت کی متاثرہ خاتون کا دل دہلا دینے والا انکشاف

    کراچی : لیاری میں گرنے والی رہائشی عمارت کی متاثرہ خاتون کا دل دہلا دینے والا انکشاف کرتے ہوئے کہا عمارت کئی دنوں سے ہل رہی تھی۔

    تفصیلات کے مطابق تفصیلات کے مطابق کراچی کے علاقے میں لیاری میں 6 منزلہ رہائشی عمارت کے گرنے کا افسوسناک واقعہ پیش آیا۔

    مثاثرہ عمارت کے باہر ایک بھائی چھوٹی بہن اور تین ماہ کی بھانجی کو بچانے کی فریاد کرتارہا جبکہ ایک شخص نے کہا لوگ ملبے میں دبے تھے، ریسکیو کیلئے فون کرتے رہے، گاڑیاں تاخیرسے آئیں۔

    متاثرہ خاتون نے انکشاف کیا عمارت کئی دنوں سے ہل رہی تھی، سب کو پتا تھا لیکن کسی نے فلیٹ نہیں چھوڑا۔

    اس سے قبل عینی شاہد نے بتایا تھا کہ ہم نے دو سال پہلے یہ عمارت چھوڑ دی تھی کیونکہ اس عمارت کی حالت خراب ہورہی تھی، اچانک عمارت گرنے کی آواز سنائی دی جیسے زلزلہ آگیا، لوگوں کی چیخنے کی آوازسنائی دے رہی تھیں۔

    مزید پڑھیں : اچانک عمارت گرنے کی آواز سنائی دی جیسے زلزلہ آگیا، عینی شاہد

    یاد رہے کراچی کے علاقے لیاری بغدادی میں چھے منزلہ رہائشی عمارت گرگئی تھی ، جس کے نتیجے میں سات افراد دب کر جاں بحق اور چار خواتین سمیت آٹھ افراد زخمی ہوگئے تھے۔

    ملبے سے تین ماہ کی بچی کو زندہ نکالا گیا تاہم ملبے میں دبے دیگر افراد کو نکالنے کیلئے امدادی کارروائیاں جاری ہیں۔

    پولیس کا کہنا ہے کہ تیس سے زائد افراد کی ملبے میں دبے ہونے کی اطلاعات ہیں تاہم ریسکیو ٹیمیں مشینری کے ساتھ امدادی کارروائیوں میں مصروف ہیں۔

    حکام کے مطابق خستہ حال عمارت گرنے کے باعث اطراف کی عمارتوں کو بھی نقصان پہنچا اور دیواروں میں دراڑیں پڑگئیں، جس کے بعد عمارت کو خالی کرالیا گیا ہے۔

  • بھارت: حیدرآباد کی عمارت میں خوفناک آتشزدگی، 17 افراد ہلاک

    بھارت: حیدرآباد کی عمارت میں خوفناک آتشزدگی، 17 افراد ہلاک

    بھارت کے شہر حیدرآباد دکن میں تاریخی چار مینار کے قریب رہائشی عمارت میں خوفناک آتشزدگی کے نتیجے میں 17 افراد ہلاک ہو گئے۔

    بھارتی میڈیا کے مطابق آتشزدگی کا واقعہ حیدرآباد کے پرانے شہر کے علاقہ گلزار حوض میں ایک رہائشی عمارت میں اتوار کی صبح پیش آیا۔ 7 افراد زندہ جل کر ہلاک ہوئے جب کہ 10 افراد کی موت دم گھٹنے کے باعث ہوئی۔

    رپورٹ کے مطابق مرنے والوں میں 2 بچے اور چار خواتین بھی شامل ہیں۔ جب کہ متعدد افراد جھلسنے سے زخمی یا دم گھٹنے سے بے ہوش ہوئے۔ انہیں طبی امداد کے لیے مختلف اسپتالوں میں منتقل کیا گیا۔

    تلنگانہ کے وزیراعلیٰ ریونت ریڈی، وزیراعظم مودی نے حادثے پر دکھ کا اظہار کرتے ہوئے متاثرہ خاندانوں کے لیے مالی امداد کا اعلان کیا ہے۔

    دریں اثنا پرانے حیدرآباد شہر کے علاقے میلار دیوپلی میں تین منزلہ ایک اور رہائشی عمارت میں آتشزدگی کا واقعہ پیش آیا۔ تاہم عمارت کے مکین خطرہ محسوس کرتے ہوئے چھت پر چلے گئے اور سب کو بحفاظت ریسکیو کر لیا گیا۔

    ابتدائی رپورٹ کے مطابق آگ لگنے کی وجہ شارٹ سرکٹ بتائی جا رہی ہے۔ تاہم ایک ہی دن دو عمارتوں میں آتشزدگی کے واقعات کی تحقیقات جاری ہیں۔

  • امریکا کا ایسا قصبہ جس کی تمام آبادی ایک عمارت میں مقیم ہے

    امریکا کا ایسا قصبہ جس کی تمام آبادی ایک عمارت میں مقیم ہے

    دنیا بھر میں ہزاروں قصبے موجود ہیں لیکن کوئی بھی امریکی ریاست الاسکا کے Whittier جیسا منفرد نہیں ہوگا۔

    اس قصبے کو ایک ہی چیز دوسرے قصبے سے منفرد بناتی ہے اور وہ یہ ہے کہ یہاں کی تمام آبادی ایک ساتھ ایک ہی عمارت میں مقیم ہیں۔

    جی ہاں واقعی لگ بھگ 300 افراد کی آبادی پر مشتمل اس قصبے کے 85 فیصد رہائشی ایک 14 منزلہ عمارت میں مقیم ہیں۔

    اسی عمارت کے اندر پوسٹ آفس، پولیس اسٹیشن کریانے کی دکانیں اور تہہ خانے میں چرچ بھی موجود ہیں۔

    اس قصبے تک رسائی بھی کافی مشکل ہے عموماً یہاں پہنچنے کے لیے کشتی یا ایک سرنگ سے گزر کر پہنچا جاسکتا ہے۔

    ایمازون کے جنگل میں 31 روز لاپتہ رہنے والے شخص پر کیا گزری؟

    اس رہائشی عمارت کی تعمیر 1974 میں ہوئی تھی اور یہ بنیادی طور پر سرد جنگ کے عہد کی ایک فوجی بیرک ہے، لیکن سوال یہاں یہ ہے کہ رہائشی ایک ہی عمارت میں کیوں رہتے ہیں؟

    اس قصبے کے 97 فیصد رقبے کی ملکیت الاسکا ریل روڈ کے پاس ہے اور اسی وجہ سے وہاں کوئی بھی گھر تعمیر نہیں ہو سکا۔

    رہائشیوں کے مطابق اس عمارت کی تعمیر اس لیے ہوئی تاکہ رہائشیوں کو باہر نکلنے کی ضرورت ہی نہ ہو اور ہر چیز انہیں ایک چھت کے نیچے مل جائے۔

    اگر اس قصبے میں باہر سے کوئی آتا ہے تو اسے بھی رہنے کے لیے اسی عمارت کا رخ کرنا ہوتا ہے۔

  • 4 منزلہ عمارت خوفناک دھماکے کے ساتھ زمین بوس، ہولناک ویڈیو

    4 منزلہ عمارت خوفناک دھماکے کے ساتھ زمین بوس، ہولناک ویڈیو

    نئی دہلی: بھارتی دارالحکومت نئی دہلی میں ایک خستہ حال عمارت اچانک زمین بوس ہوگئی، واقعے میں کوئی جانی نقصان نہیں ہوا۔

    سوشل میڈیا پر وائرل ویڈیو میں دیکھا جاسکتا ہے کہ 4 منزلہ عمارت سے آوازیں آرہی ہیں اور راہ چلتے افراد عمارت سے دور ہٹ رہے ہیں۔

    اس کے بعد اچانک عمارت زمین بوس ہوجاتی ہے۔

    پولیس کے مطابق مذکورہ عمارت اپنی خستہ حالی کی وجہ سے پہلے ہی خالی کردی گئی تھی لہٰذا واقعے میں کوئی جانی نقصان نہیں ہوا۔

    موقع کے وقت وہاں موجود راہ گیر بھی خوش قسمتی سے محفوظ رہے۔

  • مالدیپ: رہائشی عمارت میں آتشزدگی سے 9 بھارتی شہریوں سمیت 10 افراد ہلاک

    مالدیپ: رہائشی عمارت میں آتشزدگی سے 9 بھارتی شہریوں سمیت 10 افراد ہلاک

    مالدیپ میں غیر ملکیوں کی رہائشی عمارت میں آتشزدگی کا واقعہ پیش آیا ہے جس کے باعث دس افراد ہلاک اور متعدد زخمی ہو گئے ہیں۔

    بھارتی میڈیا رپورٹ کے مطابق آگ مالدیپ کے دارالحکومت مالے کی ایک رہائشی عمارت میں لگی جس کی بالائی منزل سے دس افراد کی جھلسی ہوئی لاشیں برآمد ہوئیں ہلاک ہونے والوں میں نو بھارتی اور ایک بنگلادیشی شہری شامل ہے۔

    حکام کا کہنا ہے کہ آگ متاثرہ عمارت میں زیادہ تر تارکین وطن مزدور رہائش پذیر تھے۔

    جس عمارت میں آگ لگی اسکے گراونڈ فلور پر ایک گیراج قائم تھا جہاں سے شروع ہونے والی آگ نے پوری عمارت کو اپنی لپٹ میں لے لیا۔

    این ڈی ایم اے مالدپ نے ایک ٹویٹ میں بتایا کہ واقعے میں بے گھر ہونے والے افرد کیلئے مفانو اسٹیڈیم میں قیام کا بندوبست کیا گیا ہے اور انکو فوری ریلیف اور مدد فراہم کی جارہی ہے۔

  • 3 سالہ بچہ 29 ویں منزل سے گر کر ہلاک

    3 سالہ بچہ 29 ویں منزل سے گر کر ہلاک

    امریکی شہر نیویارک میں ایک 3 سالہ بچہ ہائی رائز بلڈنگ کی 29 ویں منزل سے گر کر ہلاک ہوگیا، پولیس واقعے کی تفتیش کر رہی ہے۔

    امریکی میڈیا کے مطابق اندوہناک حادثہ نیویارک کے علاقے مین ہٹن کی ایک بلند و بالا عمارت میں پیش آیا، 3 سالہ بچہ 29 ویں منزل کی کھڑکی سے پھسلا اور تیسری منزل پر موجود ایک شیڈ پر جا گرا۔

    بچے کو فوری طور پر اسپتال پہنچایا گیا جہاں ڈاکٹرز نے اس کی موت کی تصدیق کردی۔

    عینی شاہدین کا کہنا ہے کہ انہوں نے بچے کی ماں کو چیختے چلاتے ہوئے سیکیورٹی بوتھ کی طرف بھاگتے ہوئے دیکھا جس کے بعد انہیں حادثے کا علم ہوا، اس وقت وہاں موجود ہر شخص تیسری منزل پر بچے تک پہنچنا چاہتا تھا۔

    ایک پڑوسی کے مطابق حادثے سے چند لمحے قبل انہوں نے والدین کو آپس میں بحث و تکرار میں الجھے سنا تھا، بچے کے والدین کے درمیان بحث روزانہ کا معمول تھی۔

    پولیس حادثے کی مزید تفتیش کر رہی ہے، اس بات کی بھی تفتیش کی جارہی ہے کہ آیا یہ محض حادثہ تھا یا پھر واقعے کے وقت کوئی بالغ شخص بچے کے قریب کھڑا تھا۔

  • ڈزنی لینڈ میں روبوٹ عمارت سے جا ٹکرایا، خوفناک ویڈیو

    ڈزنی لینڈ میں روبوٹ عمارت سے جا ٹکرایا، خوفناک ویڈیو

    امریکی ریاست کیلی فورنیا کے ڈزنی لینڈ میں ایک شو کے دوران خوفناک حادثہ پیش آیا جس میں ایک روبوٹ عمارت سے ٹکرایا اور شیشے توڑتا ہوا نیچے آ گرا۔

    کیلی فورنیا کے ڈزنی لینڈ میں نئے کھولے گئے اوینجرز کیمپس کو اس وقت عارضی طور پر بند کرنا پڑا جب وہاں ایک ناخوشگوار واقعہ پیش آیا۔

    کیمپس میں ایک شو پیش کیا جارہا تھا جس میں اوینجرز ایکشن میں دکھائی دینے والے تھے، اس کے لیے قد آدم روبوٹ تیار کیے گئے تھے۔

    شو میں اسپائیڈر مین کی انٹری ہوا میں قلابازیاں لگاتے ہوئے ہوئی جس میں اسے اپنے جال کے ذریعے چھلانگیں لگاتے ہوئے عمارت کی چھت پر لینڈ کرنا تھا۔

    لیکن کسی خرابی کی وجہ سے روبوٹک اسپائیڈر مین ہوا میں اڑتا ہوا آیا اور چھت پر لینڈ کرنے کے بجائے عمارت سے ٹکرا کر شیشے توڑتا ہوا نیچے گرا، اس کے ساتھ ہی وہاں موجود لوگوں کی چیخیں نکل گئیں۔

     

    View this post on Instagram

     

    A post shared by Darren L. (@mdglee_szm)

    روبوٹ کے نیچے گرتے ہی شو روک دیا گیا جبکہ کیمپس بھی عارضی طور پر بند کردیا گیا جسے بعد ازاں دوبارہ کھول دیا گیا۔

    واقعے کی ویڈیو سوشل میڈیا پر بے حد وائرل ہورہی ہے۔

  • زیر تعمیر عمارت پر خوفناک حادثہ، سریے نوجوان کے جسم کے آر پار ہوگئے

    زیر تعمیر عمارت پر خوفناک حادثہ، سریے نوجوان کے جسم کے آر پار ہوگئے

    ریاض: سعودی عرب میں ایک زیر تعمیر عمارت پر کام کرنے والے نوجوان کے ساتھ خوفناک حادثہ پیش آیا، اونچائی سے گرنے کے بعد اس کے جسم میں سریے آر پار ہوگئے۔

    سعودی ویب سائٹ کے مطابق مکہ میں زیر تعمیر عمارت کے عارضی اسٹرکچر سے گرنے والے سعودی نوجوان کے جسم سے سریے آر پار ہو گئے۔ نوجوان کو فوری طور پر آپریشن کے لیے اسپتال میں داخل کردیا گیا۔

    سعودی نوجوان کو پہلے کنگ فیصل اسپتال لے جایا گیا جہاں اس کا ابتدائی طبی معائنہ کیا گیا، سریے نوجوان کے سینے میں گھس کر جسم کے پار ہوگئے تھے۔ فوری طور پر اسے مکہ کنگ عبد اللہ میڈیکل سٹی ایمرجنسی وارڈ پہنچا دیا گیا۔

    وہاں اسپیشلسٹ سرجنز کی ٹیم نے فوری آپریشن کا فیصلہ کیا اور کئی ایکسرے کیے گئے۔

    سعودی ڈاکٹر، ڈاکٹر عمرو کی قیادت میں سرجنز کی ٹیم نے دل کے اطراف میں خون صاف کیا، پھر سرجنوں کی دوسری ٹیم نے ڈاکٹر ایہاب الحسینی کی قیادت میں نوجوان کا آپریشن کیا۔

    آپریشن کے بعد نوجوان کو انتہائی نگہداشت کے شعبے میں منتقل کردیا گیا، اب اس کی حالت خطرے سے باہر ہے۔

    خیال رہے کہ کنگ عبد اللہ سٹی مکہ میں اسپیشلسٹ سرجن سینٹر اس طرح کے پیچیدہ اور نادر آپریشنز میں کمال رکھتا ہے۔

    میڈیکل سٹی عالمی معیار کا ہے جہاں جدید ترین مشینیں اور اعلیٰ استعداد و تجربے کے مالک ڈاکٹرز تعینات ہیں، کنگ عبد اللہ میڈیکل سٹی مقامی شہریوں، مقیم غیر ملکیوں اور زائرین کو صحت کی سہولتیں فراہم کرنے کے لیے قائم کیا گیا ہے۔

  • ساری رات جاگ کر ویب سیریز دیکھنے والے نوجوان نے 75 افراد کی جان بچالی

    ساری رات جاگ کر ویب سیریز دیکھنے والے نوجوان نے 75 افراد کی جان بچالی

    کم عمر نوجوانوں کو ساری رات جاگنے اور اسمارٹ فون پر سرچنگ کرنے پر والدین سے کئی باتیں سننی پڑ جاتی ہیں تاہم ایسے ہی ایک نوجوان کی اس عادت نے 75 افراد کی جان بچا لی۔

    یہ واقعہ بھارتی ریاست مہاراشٹر میں پیش آیا جہاں ساری رات جاگ کر ویب سیریز دیکھنے والے 18 سالہ نوجوان نے بروقت درجنوں افراد کو ہوشیار کردیا جب اس نے عمارت کو گرتا ہوا محسوس کیا۔

    کنال موہت نامی یہ نوجوان اس رات ایک ویب سیریز دیکھ رہا تھا جب 4 بجے کے قریب اس نے اپنے گھر کے کچن کی چھت کو جھڑتے ہوئے دیکھا۔ کنال نے فوراً اپنے گھر والوں کو نیند سے جگایا اور عمارت میں رہائش پذیر دیگر افراد کو بھی الرٹ کیا۔

    اس دوران عمارت کے مختلف حصے گرنا شروع ہوگئے تاہم عمارت مکمل طور پر منہدم ہونے سے پہلے تمام افراد بحفاظت باہر نکل آئے۔

    عمارت میں تقریباً 75 کے قریب افراد رہائش پذیر تھے جو کنال کے سو جانے کی ضرورت میں موت کی وادی میں جاسکتے تھے۔ خود کنال بھی اگر سو رہا ہوتا تو دوبارہ کبھی نیند سے نہ اٹھتا۔

    مقامی حکام کا کہنا ہے کہ اس عمارت کو 9 ماہ قبل خطرناک قرار دیا گیا تھا اور رہائشیوں سے کہا گیا تھا کہ وہ اس عمارت کو خالی کردیں۔

    تاہم یہاں رہنے والے نہایت غریب ہیں اور کسی دوسری جگہ منتقل ہونے کی استطاعت نہیں رکھتے۔

    واقعے کے بعد کنال مقامی افراد کے درمیان ہیرو کی حیثیت اختیار کر گیا، یقیناً اس کے والدین اب اسے رات بھر جاگنے پر کبھی لیکچر نہیں دیں گے۔

  • اےآروائی نیوز نے زمین بوس ہونے والی عمارت کی زمین کا نقشہ حاصل کرلیا

    اےآروائی نیوز نے زمین بوس ہونے والی عمارت کی زمین کا نقشہ حاصل کرلیا

    کراچی: شہر قائد کے علاقے کورنگی میں زمین بوس ہونے والی 4 منزلہ عمارت کی زمین کا نقشہ اے آروائی نیوز نےحاصل کرلیا۔

    تفصیلات کے مطابق کراچی میں کورنگی کراسنگ اللہ والا ٹاؤن کے قریب 4 منزلہ عمارت غیر قانونی طور پر پلے گراؤنڈ کی زمین پر بنائی گئی تھی۔اے آروائی نیوز نے زمین بوس ہونے والی عمارت کی زمین کا نقشہ حاصل کر لیا۔

    سندھ بلڈنگ اتھارٹی نے عمارت غیر قانونی ہونے کے باوجود کوئی ایکشن نہ لیا۔

    ایس بی سی اے حکام کا کہنا ہے کہ رفاعی پلاٹ 22596 اسکوائر یارڈ پر مشتمل تھا، یہ رفاعی پلاٹ پلے گراؤنڈ تھا، رفاعی پلاٹ کے نقشے کے مطابق ایک حصے پر غیرقانونی تعمیرات تھیں، پلے گراؤنڈ کے حصے پر اور بھی غیر قانونی تعمیرات ہیں۔

    کراچی: 4منزلہ رہائشی عمارت گرگئی، ملبے سے 7افراد کی لاشیں نکال لی گئی

    واضح رہے کہ کورنگی کے علاقے اللہ والا ٹاؤن میں رہائشی عمارت زمین بوس ہوگئی جس کے ملبے سے 7 افراد کی لاشیں نکال لی گئی جبکہ ملبے تلے کئی افراد کے دبے ہونے کا خدشہ ہے۔

    عمارت گرنے کے بعد علاقہ مکینوں نے فوری طور پر اپنی مدد آپ کے تحت ریسکیو کارروائیاں شروع کیں تاہم بعدازاں ریسکیو ٹیموں کے رضا کار بھی جائے وقوعہ پر پہنچ گئے جس کے بعد عمارت کے ملبے تلے دبے افراد کو نکالے جانے کا عمل جاری ہے۔