Tag: عمران خان

لندن : بانی پی ٹی آئی آکسفورڈ یونیورسٹی کے چانسلر کی دوڑ سے باہر ہوگئے ، چانسلر کیلئے 38 امیدواروں کے نام جاری کردیئے گئے۔

تفصیلات کے مطابق آکسفورڈ یونیورسٹی نے چانسلر کیلئے 38امیدواروں کے نام جاری کر دیئے ہیں، امیدواروں میں بانی پی ٹی آئی شامل نہیں۔

یونیورسٹی کے چانسلر کےانتخابا ت کیلئے ووٹنگ کاپہلا مرحلہ 28اکتوبر کوہوگا ،پہلے مرحلے میں کامیاب 5امیدوار اگلے مرحلےمیں جائیں گے۔

یونیورسٹی کے چانسلر کےانتخابات کاآخری مرحلہ 4نومبرکوشروع ہوگا اور کامیاب چانسلر کا اعلان نومبر کے آخرمیں ہوگا۔

یاد رہے آکسفورڈ کے چانسلر کیلئے اپلائی کرنے پر برطانوی اخبار گارجین میں بھی بانی پی ٹی آئی کیخلاف کالم سامنے آیا تھا۔

برطانوی اخبار نے عمران خان  کو طالبان دوست قرار دیتے ہوئے کہا تھا طالبان دوست شخص کا  انتخاب درست ہوسکتا ہے۔ بانی پی ٹی آئی نے خواتین کی تعلیم پر پابندی لگانے والے طالبان کی حمایت کی، اسامہ بن لادن کو شہید قرار دیا۔

گارجین نے بانی پی ٹی آئی کو اینڈریو ٹیٹ سے تشبیہ دی اور لکھا اینڈریو ٹیٹ سوشل میڈیا انفلوئنسر ہے جو خواتین سے متعلق متنازع بیانات دیتاہے، بانی پی ٹی آئی کو چودہ سال سزا ہوچکی ، دستیاب کیسے ہوں گے۔

راولپنڈی : بانی پی ٹی آئی کا اڈیالہ جیل میں آج طبی معائنہ کیا جائے گا تاہم ان سے ڈاکٹرز کےعلاوہ کسی کوملاقات کی اجازت نہیں ہوگی۔

تفصیلات کے مطابق بانی پی ٹی آئی کا اڈیالہ جیل میں آج طبی معائنہ کیا جائے گا، جس کے لئے پمز اسپتال کے ماہر ڈاکٹرز پر مشتمل ٹیم اڈیالہ جیل کچھ دیر بعد پہنچے گی۔

اڈیالہ جیل میں طبی معائنے سے متعلق بانی پی ٹی آئی کو مطلع کر دیا گیایے، ڈاکٹرز کی ٹیم ان کا مکمل طبی معائنہ اور مختلف ٹیسٹ بھی کرے گی۔

ڈاکٹرز اور پیرا میڈیکل اسٹاف کی فہرست بھی حتمی طور پر مکمل کر لی گئی ہے ، عمران خان سے ڈاکٹرز کے علاوہ کسی کو ملاقات کی اجازت نہیں ہو گی۔

اس سلسلے میں جیل انتظامیہ نے سیکیورٹی کے سخت انتظامات میں تیاریاں مکمل کر لی ہے۔

گزشتہ رات وزیر داخلہ محسن نقوی نے چئیرمن پی ٹی آئی بیرسٹر گوہر کو فون کر کے عمران خان  کے طبی معائنے کی یقین دہانی کرائی تھی، جس کے بعد پی ٹی آئی کی جانب سے آج کا احتجاج ملتوی کرنے کا اعلان کیا گیا تھا۔

اسلام آباد: بانی پی ٹی آئی ،علی امین گنڈاپور اور اعظم سواتی کیخلاف ایک اور مقدمہ درج کرلیا گیا ، جس میں اقدام قتل، دہشت گردی اور ریاست پر حملے کی دفعات شامل کی گئیں ہیں۔

تفصیلات کے مطابق پاکستان تحریک انصاف کی قیادت پر مقدمات درج ہونے کا سلسلہ جاری ہے، بانی پی ٹی آئی، وزیراعلیٰ خیبرپختونخوا علی امین گنڈا پور، اعظم سواتی اور دیگر کے خلاف اقدام قتل، دہشت گردی اور ریاست پر حملے کا ایک اورمقدمہ درج کرلیا گیا۔

مقدمے میں عمر ایوب، بیرسٹرسیف، صدر پی ٹی آئی اسلام آباد عامرمغل اور حفیظ الرحمان ٹیپو سمیت ڈھائی ہزار نامعلوم کارکنوں کوبھی نامزد کیا گیا ہے۔

مقدمہ تھانہ سنگجانی میں درج کیا گیا ہے، مقدمےمیں لکھا ہےبانی پی ٹی آئی نے جیل میں دی گئی سہولتوں کا ناجائزاستعمال کیا اور عمران خان کے اُکسانے پرعلی امین گنڈاپور نے سرکاری وسائل کا غلط استعمال کیا۔

مقدمے میں کہنا تھا کہ اعظم سواتی نے مظاہرین کی مالی معاونت کی، مظاہرین نے دوعدد بارہ بورگن، بارہ اینٹی رائٹ کٹس، دو وائرلیس سیٹ اورپانچ عدد ٹیئرگیس شیل چھینی جبکہ مظاہرین نے پولیس پارٹی پرقتل کی نیت سے فائرنگ بھی کی، اہلکاروں نے درختوں کے پیچھے چھپ کرجان بچائی۔

مقدمے میں کار سرکار میں مداخلت، اغوا، ڈکیتی، سرکاری اسلحہ چھیننےسمیت دیگردفعات بھی شامل کی گئی ہیں۔

اسلام آباد : توشہ خانہ ٹو کیس میں بانی پی ٹی آئی اور بشریٰ بی بی پر فردِ جرم عائد کرنے کی کارروائی پھرموخرکردی گئی۔

تفصیلات کے مطابق اسپیشل جج سینٹرل اسلام آباد میں بانی پی ٹی آئی اوربشریٰ بی بی کے خلاف توشہ خانہ ٹو کیس کی سماعت ہوئی۔

اسپیشل جج سینٹرل شاہ رخ ارجمند نے جوڈیشل کمپلیکس میں سماعت کی ، دوران سماعت عمران خان اور بشریٰ بی بی پر فردجرم عائدکرنےکی کارروائی پھر موخر کردی گئی۔

عدالت نے راستوں کی بندش کے باعث سماعت 8 اکتوبر تک ملتوی کردی ، آج اڈیالہ جیل میں سماعت کے دوران ملزمان پر فرد جرم عائد کرنا تھی۔

دوسری جانب احتساب عدالت اسلام آباد میں عمران خان اور بشریٰ بی بی کیخلاف 190 ملین پاؤنڈ ریفرنس کی سماعت بغیر کارروائی ملتوی کردی گئی۔

احتساب عدالت نے آج اڈیالہ جیل میں سماعت کرنا تھی اور ریفرنس میں آج وکیل صفائی نےنیب کےآخری گواہ پرجرح کرنا تھی۔

تاہم احتساب عدالت کے جج ناصر جاوید رانا نے جوڈیشل کمپلیکس میں سماعت کی، راستے بند ہونے کی وجہ سے عدالت 7 اکتوبر کو ریفرنس پرسماعت کرے گی۔

اسلام آباد : توشہ خانہ ٹو کیس میں آج بانی پی ٹی آئی اور بشریٰ بی بی پر فردِ جرم عائد ہونے کا امکان ہے۔

تفصیلات کے مطابق توشہ خانہ ٹوکیس کی سماعت آج اڈیالہ جیل میں ہوگی ، اسپیشل جج سینٹرل شاہ رخ ارجمند کیس کی سماعت کریں گے۔

آج کی سماعت میں بانی پی ٹی آئی اوربشریٰ بی بی پرفردجرم عائد ہونے کا امکان ہے ، دونوں کو چالان کی نقول فراہم کی جاچکی ہیں۔

دو روز قبل اسپیشل جج سینٹرل شاہ رخ ارجمند نے توشہ خانہ ٹو کیس میں بانی پی ٹی آئی عمران خان اور بشریٰ بی بی کی درخواست ضمانت مسترد کردی تھی۔

جج نے کہا کہ تھا بانی پی ٹی آئی اور بشریٰ بی بی پر 2 اکتوبر کو فرد جرم عائد کی جائے گی ، عدالت نے ملزمان سے متعلق ریکارڈ کی نقول فراہم کرنے کی ہدایت کردی تھی۔

اس سے قبل بانی پی ٹی آئی عمران خان  اوربشریٰ بی بی کیخلاف سپلیمنٹری چالان سامنے آیا تھا، جس میں 24 گواہوں کی لسٹ بھی ایف آئی اے کے سپلیمنٹری چالان کے ساتھ منسلک کی گئی تھی۔

چالان میں کہا گیا تھا کہ عدالت گواہوں کو طلب کر کے ٹرائل آگے بڑھائے، بانی پی ٹی آئی اوربشریٰ بی بی کیخلاف ٹھوس ثبوت شواہد ہیں، شواہد سےواضح ہوادونوں مس کنڈکٹ کےمرتکب قرار پائےہیں، غیرقانونی ذرائع،کرپشن سےبانی پی ٹی آئی اوراہلیہ نے مالی فائدہ حاصل کیا۔

سپلیمنٹری چالان میں بتایا گیا تھا کہ بانی پی ٹی آئی نےپوزیشن کاغلط استعمال کرکے کم قیمت پر بلغاری سیٹ حاصل کیا۔