Tag: عمران خان

اسلام آباد : سینیٹر شیری رحمان کا کہنا ہے کہ بانی پی ٹی آئی کی تفتیشی افسرکو دھمکیاں دیناکیس پراثراندازہونےکی کوشش ہے، دھمکیاں کام نہ کریں تو یہ پاؤں پکڑتے ہیں۔

تفصیلات کے مطابق پیپلز پارٹی کی سینیئر رہنما شیری رحمان نے بانی پی ٹی آئی کی تفتیشی افسر کو دھمکی پر ردعمل دیتے ہوئے کہا کہ 2019میں نیب آفیسر صدر آصف زرداری کوگرفتارکرنےآئےتھے، آصف زرداری نیب افسران کےساتھ حسن سلوک سےپیش آئے، انھوں نے نیب افسران سے چائے کا پوچھا اور ہنستے ہنستے جیل چلےگئے.

شیری رحمان کا کہنا تھا کہ رپورٹس کےمطابق بانی پی ٹی آئی نےاڈیالہ میں نیب تفتیشی افسرکودھمکیاں دی ہیں، دھمکی دی گئی نیب افسرکی وجہ سےبشریٰ بی بی جیل میں ہیں،باہرآکرنہیں چھوڑوں گا۔

انھوں نے کہا کہ تفتیشی افسرکو دھمکیاں دیناکیس پراثراندازہونےکی کوشش ہے، ریلیف نہ ملے توگریبان پکڑناان کی عادت ہے، دھمکیاں کام نہ کریں تویہ پاؤں پکڑتے ہیں۔

پیپلز پارٹی کی سینیئر رہنما کا کہنا تھا کہ نیب قوانین میں ترامیم کی بحالی کےبعدبعدیہ ریلیف مانگ رہے ہیں۔

اسلام اباد : چیئرمین پی ٹی آئی بیرسٹر گوہر کا سپریم کورٹ کے نیب ترامیم کیس کے فیصلے سے بانی پی ٹی آئی کے کیسز ختم ہونے سے متعلق اہم بیان آگیا۔

تفصیلات کے مطابق چیئرمین پی ٹی آئی بیرسٹرگوہر نے میڈیا سے گفتگو کرتے ہوئے کہا کہ سپریم کورٹ نےآج نیب ترامیم سےمتعلق فیصلہ دیا، نیب ترامیم سےمتعلق فیصلےکےبعدتوشہ خانہ ٹوکیس ختم ہوگیا، توشہ خانہ ٹوکیس کیس نیب کےدائرہ اختیارسےنکل چکا ہے۔

بیرسٹر گوہر کا کہنا تھا کہ القادرٹرسٹ کیس بھی اس ترمیم کےتحت نکل جائےگا جبکہ 190ملین پاؤنڈ کے معاملے پر منظوری کابینہ نےدی تھی، کابینہ سے منظور شدہ فیصلے پر نیب کادائرہ اختیارنہیں بنتا۔

چیئرمین پی ٹی آئی نے کہا کہ نئے قانون میں لکھا ہے کابینہ فیصلے کو استثنیٰ ہے، پراسیکیویشن نے خود تسلیم کہ کیابانی پی ٹی آئی نے ذاتی فائدہ حاصل نہیں کیا۔

انھوں نے بتایا کہ سپریم کورٹ فیصلے کے مطابق اب دونوں کیسز ختم ہیں، القادر میرٹ پر ختم ہونا چاہیے اور توشہ خانہ ٹو چل ہی نہیں سکتا، بشریٰ بی بی کا نام تو توشہ خانہ فہرست میں تھا ہی نہیں، بانی پی ٹی آئی پر دباؤ ڈالنے کیلئےبشریٰ بی بی کا نام شامل کیا گیا۔

ان کا مزید کہنا تھا کہ سپریم کورٹ کے فیصلے میں اب قانون بالکل واضح ہو گیا ہے، کابینہ فیصلے کا کیس نیب میں نہیں چل سکتا، ہم پارلیمنٹ میں موجود ہیں بے شک وہاں پر مشکوک لوگ بیٹھے ہیں۔

اسلام آباد : اسلام آباد ہائیکورٹ رجسٹرار آفس نے بانی پی ٹی آئی کی ممکنہ ملٹری ٹرائل روکنےکی درخواست پراعتراضات عائد کردیے۔

تفصیلات کے مطابق بانی پی ٹی آئی کی ممکنہ ملٹری ٹرائل روکنےکی درخواست پراعتراضات عائد کردیے گئے ، اسلام آباد ہائیکورٹ رجسٹرار آفس نے درخواست پر اعتراضات عائد کئے۔

اعتراض میں کہا گیا ہے کہ کسی مخصوص ایف آئی آرکا حوالہ دیئےبغیرعمومی ریلیف کیسےمانگاجا سکتا ہے؟ درخواست کیساتھ کوئی آرڈر یا دستاویز نہیں لگائی گئی۔

رجسٹرار آفس کا کہنا ہے کہ ملٹری کورٹس کامعاملہ سپریم کورٹ میں زیرالتواہے ،پنجاب کے مقدمات پراسلام آبادہائیکورٹ میں درخواست کیسےدائرہو سکتی ہے۔

یاد رہے 9 مئی کے مقدمات میں بانی پی ٹی آئی کو فوجی تحویل میں نہ دینے کی درخواست دائر کی گئی تھی۔

اسلام آبادہائیکورٹ میں بانی پی ٹی آئی کی درخواست وکیل عزیر بھنڈاری نے دائر کی، جس میں 9مئی مقدمات میں ملٹری کورٹ ٹرائل کیلئے فوجی تحویل میں نہ دینے کی استدعا کی گئی ہے۔

درخواست میں سیکریٹری قانون،سیکریٹری داخلہ اور وفاق سمیت آئی جی اسلام آباد،آئی جی پنجاب،آئی جی جیل خانہ جات،ڈی جی ایف آئی اے کو فریق بنایا گیا ہے۔

اسلام آباد : بانی پی ٹی آئی کی بطورچانسلر نامزدگی کے خلاف آکسفورڈ یونیورسٹی کو متعدد ای میلز موصول ہوگئی، جس میں نامزدگی پر تشویش کا اظہار کیا گیا ہے۔

تفصیلات کے مطابق بانی پی ٹی آئی کی بطورچانسلر نامزدگی کے خلاف آکسفورڈ یونیورسٹی میں پٹیشن دائرکردی گئی۔

ڈیلی میل نے بتایا کہ یونیورسٹی کو بانی پی ٹی آئی کے خلاف پٹیشن اور غصے سے بھرپور متعدد ای میلز موصول ہوئی ہیں، جس میں بانی پی ٹی آئی کے چانسلر کی نامزدگی جمع کرانے پرتشویش کا اظہار کیا گیا ہے۔

پٹیشن میں کہا گیا بانی پی ٹی آئی کا عوامی اور ذاتی ریکارڈ پریشان کن ہیں، اس کا بغور جائزہ لینا ضروری ہے، انہوں نے اکثر ایسے خیالات کا اظہار کیا ہے اور ایسے اقدامات کیے ہیں جو انتہا پسندگروہ خاص کر طالبان سے ہم آہنگ تھے۔

پٹیشن میں کہنا تھا کہ وہ ماضی میں طالبان اور اسامہ بن لادن کی حمایت بھی کرچکے ہیں ،بانی پی ٹی آئی نے اسامہ بن لادن کو شہید بھی قرار دیا تھا۔

پٹیشن میں کہا گیاان کو کئی بار بدسلوکی کو فروغ دینے والے بیانات پر تنقید کا نشانہ بنایا گیا، انہوں نے بار بار عصمت دری کے واقعات کے لیے خواتین کے لباس کو مورد الزام ٹھہرایا تھا۔

ڈیلی میل کے مطابق بانی پی ٹی آئی کی نامزدگی کے خلاف لڑنے والے امیدواروں کا دعویٰ ہے انہیں سوشل میڈیا پر ہراساں کیا جار ہا ہے۔سوشل میڈیا کا اس طرح کا استعمال تشویشناک ہے۔

پٹیشن میں کہا گیا یونیورسٹی انسانی حقوق کے لیے احترام کے اعلیٰ ترین معیارات کو برقرار رکھنے کی ایک طویل تاریخ رکھتی ہے ، بانی پی ٹی آئی کے اقدار اور ذاتی ریکارڈ یونیورسٹی کے ویژن سے متصادم نظر آتاہے.