Tag: عمران خان

لاہور : انسداد دہشت گردی کی عدالت نے 26مئی تک بانی پی ٹی آئی کا پولی گرافک، فوٹو گرامیٹک اور واٹس ایپ میچنگ ٹیسٹ مکمل کرنے کی ہدایت کردی۔

تفصیلات کے مطابق انسداد دہشت گردی کی عدالت نے 9 مئی لاہور کے کیسزمیں بانی پی ٹی آئی کے پولی گرافک ٹیسٹ کی اجازت کا تحریری فیصلہ جاری کردیا۔

اے ٹی سی کے جج منظر علی گل نے 6 صفحات پر مشتمل تحریری فیصلہ جاری کر دیا ، جس میں  26 مئی تک پولی گرافک،فوٹوگرامیٹک ،واٹس ایپ میچنگ ٹیسٹ مکمل کرنے کی ہدایت کردی۔

فیصلے میں کہا گیا کہ سپرنٹنڈنٹ اڈیالہ جیل تفتیش متعلقہ ٹیسٹ کے حوالے سے جیل میں ہی انتظامات کرے، پولی گرافک اور وائس میچنگ ٹیسٹ کا فائدہ ملزم اور پراسکیوشن دونوں کو ہوسکتا ہے۔

عدالت کا کہنا تھا کہ عمران خان پر لگے الزامات کی سچائی جاننے کے لیے یہ ٹیسٹ مددگار ثابت ہوگا، یہ ٹیسٹ قابل قدر اور بیکار شواہدکے درمیان فرق کرنے کی مخلصانہ کوشش ہوگی اور تفتیشی افسر ان ٹیسٹوں کی روشنی میں ہی درست نتائج تک پہنچے گا۔

عدالتی فیصلے میں کہا گیا کہ عمران خان وکیل نے اعتراض اٹھایا کہ ٹیسٹوں کی درخواست 727 دنوں بعد دائر کی گئی ، پراسکیوشن کے مطابق جسمانی ریمانڈ ،پولی گرافک ٹیسٹ کیلئےعدالتوں سے رجوع کرتے رہے، وکیل کے مطابق پراسکیوشن نے ٹیسٹوں کیلئےایک ہی نوعیت کی 12 درخواستیں دائرکیں، پراسکیوشن کا عمل یہ ثابت کرتا ہے کہ وہ ان معاملے کو کھینچنا نہیں چاہتے۔

عدالت نے مزید کہا کہ سپریم کورٹ آبزرویشن کے بعد تفتیشی افسر نےٹیسٹ کرانے کے لیے درخواست دائر کی، اے ٹی سی نے بانی پی ٹی آئی کو سپرنٹنڈنٹ جیل کے ذریعے بانی پی ٹی آئی کو دو بار نوٹس بھیجے تاہم بانی پی ٹی آئی نے ٹیسٹ کرانے کی درخواست کے نوٹس وصول کرنے سے انکار کردیا۔

فیصلے کے مطابق پراسیکیوشن کے مطابق بانی پی ٹی آئی کے متعلق شواہد اکٹھے کرنے کیلئےٹیسٹ کرانے ہیں،تفتیشی افسر آئندہ سماعت پر رپورٹ جمع کرائیں۔

اسلام آباد : بانی پی ٹی آئی کی جنید اکبر کو چیئرمین پی اے سی کا عہدہ چھوڑنے کی ہدایت کردی۔

تفصیلات کے مطابق جنید اکبر نے چیئرمین پی اے سی کا عہدہ چھوڑنے کی ہدایت کی تصدیق کرتے ہوئے کہا کہ وزیراعلیٰ خیبرپختونخوا کی جانب سے مجھے ہدایت مل چکی ہے، آفیشل چینل سے پیغام ملتے ہی عہدہ چھوڑ دوں گا۔

انھوں نے کہا کہ مجھے ایسے پیغامات پہلے بھی مل رہے تھے، میں بانی پی ٹی آئی کی امانت انہیں لوٹانے کو تیار ہوں، مجھےحکم ہوا تو پارٹی عہدہ بھی چھوڑدوں گا۔

گذشتہ روز بانی پی ٹی آئی کی ہمشیرہ علیمہ خان نے میڈیا سے گفتگو کرتے ہوئے کہا تھا کہ اے ٹی سی راولپنڈی میں پتہ چلاکہ 42کیسز میں نامزد ہوں، وہاں کہا گیا کہ آپ بانی پی ٹی آئی کاپیغام جیل سےباہرلاتی ہیں۔جنید اکبر

ان کا کہنا تھا کہ بانی پی ٹی آئی کا پیغام تو سارے جیل سےباہر لاتے ہیں، میں نےاپنےبھائی کو جیل سے باہر لانا ہے۔

علیمہ خان نے مزید کہا کہ جنید اکبر کو پی اے سی سے استعفیٰ دینے کا عمران خان نے پیغام دیا، انھوں نے کہا پی اے سی کی چیئرمین شپ عمر ایوب کو دیں اور جنید اکبر کو تحریک شروع کرنے کا پیغام دیا ہے۔

اسلام آباد: بانی پی ٹی آئی کی پیرول پر رہائی کیلئے درخواست دائر کردی گئی، جس میں کہا ہے کہ مودی سنٹرل جیل اڈیالہ کا بھی ڈرون حملے کے لیے اہم ٹارگٹ کے طور پر دیکھ سکتا ہے۔

تفصیلات کے مطابق بانی پی ٹی آئی کی پے رول پر رہائی کیلئے اسلام آباد ہائیکورٹ میں درخواست دائر کردی گئی۔

وزیر اعلی خیبرپختونخواہ علی امین گنڈا پور نے لطیف کھوسہ اور شہباز کھوسہ کے ذریعے درخواست دائر کی۔

درخواست میں کہا گیا کہ پاکستان کو بھارتی حکومت کی جانب سے جارحیت کا سامنا ہے، مختلف شہروں پر ڈرون حملوں سے عمران خان  کی جان کو جیل میں خطرہ ہے، مودی سنٹرل جیل اڈیالہ کا بھی ڈرون حملے کے لیے اہم ٹارگٹ کے طور پر دیکھ سکتا ہے۔

دائر درخواست میں کہنا تھا کہ عمران خان  وزیراعظم تھے تو مودی کو عالمی سطح پر شرمندگی اٹھانا پڑی تھی، سیاسی طور پر بنائے گئے مقدمات میں طویل قید سے ان کے بنیادی حقوق متاثر ہو رہے ہیں۔

درخواست میں مزید کہا گیا کہ اس طرح کی قید سے بچنے کے لیے آئین میں پے رول پر رہائی کی ریمیڈی موجود ہے، بانی پی ٹی آئی یقین دہانی کراتے ہیں کہ پے رول پر رہائی کی شرائط پر عمل کریں گے۔

درخواست میں کہنا تھا کہ طویل قید سے صحت خراب ہونے کا بھی خطرہ موجود ہے، بانی پی ٹی آئی کی پے رول پر رہائی قوم کو متحد کرنے کے لیے بہت اہم ہے، سیکرٹری ہوم ڈیپارٹمنٹ پنجاب کو اس متعلق درخواست دی مگر کئی کارروائی نہیں ہوئی۔

دائر درخواست کے مطابق بانی پی ٹی آئی نے جیل میں قید کے دوران پرزن رولز کی خلاف ورزی نہیں کی، استدعا ہے کہ بانی پی ٹی آئی کو پے رول پر رہائی دی جائے۔

اسلام آباد : وزیر اعلیٰ خیبرپختونخواہ علی امین گنڈا پور کا کہنا ہے کہ بانی پی ٹی آئی کی زندگی کو اڈیالہ میں شدید خطرہ ہے، مودی جیسے شیخص سے کچھ بھی توقع کی جاسکتی ہے۔

تفصیلات کے مطابق وزیر اعلیٰ خیبرپختونخواہ علی امین گنڈا پور نے میڈیا سے گفتگو کرتے ہوئے کہا کہ بانی پی ٹی آئی امت مسلمہ کے لیڈر ہیں،انکی رہائی کے لیے درخواست دائر کی ہے۔

وزیر اعلیٰ خیبرپختونخواہ کا کہنا تھا کہ مودی کے مظالم پر بانی پی ٹی آئی نے ہمیشہ آواز اٹھائی ہے، بانی پی ٹی آئی کی زندگی کو اڈیالہ میں شدید خطرہ ہے ، اس وقت بانی کی سیکیورٹی ضروری ہے۔

انھوں نے کہا کہ مودی کو بھی پتہ ہے بانی پی ٹی آئی اڈیالہ جیل میں ہیں، مودی جیسے شیخص سے کچھ بھی توقع کی جاسکتی ہے۔

علی امین کا کہنا تھا کہ بانی پی ٹی آئی کی پے رول پر رہائی کیلئے درخواست دائر کرنے کا فیصلہ کیا ہے، امید ہے ہمیں انصاف ملے گا، عدالتوں سے ہمیشہ درخواست کی ہے جو لوگ عدالتوں کا حکم نہیں مانتے انکے خلاف ایکشن لیں، ملک میں کوئی قانون تو ہے ہی نہیں ۔

انھوں نے مزید کہا کہ ہم نے انصاف کے لیے جو دروازے ہیں وہ کھٹکھٹانے ہں ، قومی سلامتی اجلاس میں شرکت بانی پی ٹی آئی سے ملاقات کے بعد ہی ممکن ہے ، بانی پی ٹی آئی ہمارے لیڈر ہیں ان سے ہدایت لینے کے لیے ہی اڈیالہ ملاقات کرنا ہے۔

اسلام آباد : مقامی عدالت نے بانی پی ٹی آئی کی بیٹوں سے بات اور طبی معائنہ کروانے کا حکم دے دیا اور 28 اپریل کو رپورٹ جمع کروانے کی ہدایت کردی۔

تفصیلات کے مطابق اسلام آباد کے اسپیشل جج سنٹرل ایف آئی اے شاہ رخ ارجمند نے بانی پی ٹی آئی کی بیٹوں سے بات اور طبی معائنہ کروانے کی درخواستوں پر سماعت کی۔

دوران سماعت بانی پی ٹی آئی کی جانب سے عثمان ریاض گل اور ظہیر عباس عدالت میں پیش ہوئے۔

وکلاء نے دلائل دیے کہ عدالت اس سے قبل بھی طبی معائنے کا حکم جاری کر چکی ہے۔ عدالت جیل ڈاکٹرز کی موجودگی میں ذاتی ڈاکٹرز سے ماہانہ بنیاد پر طبی معائنے کی اجازت دی۔

اسلام آباد ہائی کورٹ نے بھی میڈیکل بورڈ تشکیل دیا، عدالت نے دلائل مکمل ہونے پر بیٹوں سے بات کروانے اور طبی معائنے کی اجازت سے متعلق بانی پی ٹی آئی کی درخواستیں منظور کر لی ہیں۔

عدالت نے احکامات پر عملدرآمد کی رپورٹ اٹھائیس اپریل کو جمع کروانے کی ہدایت کی ہے۔

یاد رہے عمران خان کی جانب سے سپیشل جج سینٹرل کی عدالت میں دو الگ الگ درخواستیں دائر کی گئیں تھیں۔

وکلاء ظہیر عباس اور خالد یوسف چوہدری کے توسط سے دائر درخواستوں میں عدالت سے استدعا کی گئی تھی کہ پی ٹی آئی کے بانی کو ہفتہ وار بنیادوں پر اپنے بیٹوں سے بات کرنے کی اجازت دینے کا حکم جاری کیا جائے۔

دوسری درخواست تحریک انصاف کے بانی کے باقاعدہ میڈیکل چیک اپ سے متعلق دائر کی گئی تھی، جس میں کہا گیا تھا کہ ان کا میڈیکل چیک اپ نہیں کرایا جا رہا۔

استدعا کی گئی تھی کہ ڈاکٹر محمد عاصم یوسف، ڈاکٹر فیصل سلطان اور ڈاکٹر ثمینہ نیازی کو پی ٹی آئی کے بانی کا میڈیکل چیک اپ کرانے کی اجازت دی جائے۔

اسلام آباد : مسلم لیگ ن کے رہنما عرفان صدیقی نے امریکی وفد کی جیل میں بانی پی ٹی آئی سے ملاقات کی تردید کردی۔

تفصیلات کے مطابق مسلم لیگ ن کے رہنما سینیٹرعرفان صدیقی نےگفتگو کرتے ہوئے کہا کہ امریکی وفدکی جیل میں بانی پی ٹی آئی سےکوئی ملاقات نہیں ہوئی۔

ن لیگی رہنما کا کہنا تھا کہ بانی پی ٹی آئی کسی سے نہیں ملنا چاہتے تو حکومت کیا کرے، عمران خان کو جس سے ملنا ہوتا ہے ان کی ملاقات ہوجاتی ہے۔

نہروں کی تعمیر کے حوالے سے انھوں نے کہا چھے نہروں کی تعمیرکی مخالفت میں بیانات دینا پی پی کی سیاسی ضرورت ہے، نہروں کےمعاملےمیں ٹائم لائن کو دیکھیں۔

ن لیگی رہنما کا مزید کہنا تھا کہ پیپلزپارٹی آٹھ جولائی د2024 سے چودہ مارچ 2025 تک کیوں خاموش رہی؟ صدر کے دفتر سے دستخط ملنے پر ارسا نے منصوبے پر کام آگے بڑھایا۔

پشاور : وزیراعلیٰ خیبر پختونخواہ علی امین گنڈا پور نے بانی پی ٹی آئی کی رہائی کا معاملہ اللہ پر چھوڑ دیا۔

تفصیلات کے مطابق وزیراعلیٰ خیبر پختونخواہ علی امین گنڈا پور نے بانی پی ٹی آئی کی رہائی کے لیے اپنی خدمات گنوادیں۔

وزیراعلیٰ خیبرپختونخوا نے میڈیا سے گفتگو کرتے ہوئے کہا کہ بانی پی ٹی آئی عمران خان کی رہائی کے لیے کیا کچھ نہیں کیا لیکن اللہ کی طرف سے ہر چیز کا وقت مقرر ہے،کوشش انسان کرتا ہے اور صلہ اللہ دیتا ہے

ان کا کہنا تھا کہ کوشش کرنے میں کوئی کسر نہیں چھوڑی، میرا ضمیر مطمئن ہے، ہر بندے کو خوش نہیں کرسکتا، کارکنوں کو جلد خوشخبری ملے گی۔

مزید پڑھیں : بانی پی ٹی آئی کی بہنوں کیساتھ ناروا سلوک ، علی امین گنڈا پور کی دھمکی

وزیراعلیٰ کے نے پارٹی میں اپنے مخالفین پر چڑھائی کردی اور کہا دشمنی کا شوق ہے تو میرے خلاف اعلان جنگ کر دو۔

ان کا مزید کہنا تھا کہ بیان کوئی دیتا ہے، تشریح کوئی کرتا ہے، اختلافات پارٹی کے اندر حل کرنے چاہئیں۔

گذشتہ روز وزیراعلیٰ خیبر پختو ںخواہ نے بانی پی ٹی آئی کی بہنوں کیساتھ ناروا سلوک کی مذمت کرتے ہوئے کہا تھا کہ وقت آنے پر حساب لیا جائے گا۔

ان کا کہنا تھا کہ حکومت کی فسطائیت کا ڈٹ کر مقابلہ کرتے آرہے ہیں آگے بھی کرتے رہیں گے، بانی پی ٹی آئی نا حق قید ہیں، ان کی رہائی تک ہماری جدو جہد جاری رہے گی۔

علی امین نے کہا تھا حکومت بانی پی ٹی آئی کی دشمنی میں انسانی حقوق کی خلاف ورزیوں کی تمام حدیں پار کر رہی ہے، اس طرح کےغیر انسانی اور غیر قانونی ہتھکنڈے ہمارے حوصلے پست نہیں کر سکتے