Tag: عمران خان

اسلام آباد: سینیٹر فیصل واوڈا نے بانی پی ٹی آئی کے مذاکرات ختم کرنے کا اعلان پر ردعمل دیتے ہوئے کہا پی ٹی آئی اور حکومت کا ہدف ایک ہی تھا کہ بانی پی ٹی آئی جیل میں رہیں۔

تفصیلات کے مطابق سینیٹر فیصل واوڈا نے اے آر وائی نیوز سے خصوصی گفتگو کرتے ہوئے بانی پی ٹی آئی کے مذاکرات ختم کرنے کے اعلان پر ردعمل دیا۔

سینیٹر واوڈا نے کہا قوم کو پہلے ہی کہہ دیا تھا یہ مذاکرات نہیں مزاق ہے، پی ٹی آئی اور حکومت کا ہدف ایک ہی تھا ، پی ٹی آئی اور حکومت دونوں چاہتے تھے بانی پی ٹی آئی جیل میں رہیں۔

ان کا کہنا تھا کہ ٹرمپ کارڈ کاانتظار کرنے والے پلے کارڈ لیکر پھرتے رہیں گے، سارے مزے پی ٹی آئی والوں کیلئے اور مشکلات بانی پی ٹی آئی کیلئے، ٹرمپ کارڈ کی بھی ہوا نکل گئی ہے، جگ ہنسائی کرنے کیلئے اب یہ بیرون ملک کوئی لیٹر بھی لکھ دیں گے۔

مزید پڑھیں : بانی پی ٹی آئی نے مذاکرات ختم کرنے کا اعلان کر دیا ہے، بیرسٹر گوہر

انھوں نے بتایا کہ آج کے دن تک پی ٹی آئی کو جیل رکھنے کا دونوں کا ہدف پوراہوگیا ، اقتدار دولت اور سہولت کے مزے لیکر یہ اسی طرح حکومت چلاتے رہیں گے۔

فیصل واوڈا کا مزید کہنا تھا کہ پی ٹی آئی قیادت کیساتھ عوام کو تیار نہیں اور یہ بھی خوش ہیں ، مذاکرات کیلئے مخلص ہوناضروری ہے مگر پی ٹی آئی قیادت تو خود بانی کو جیل میں رکھنا چاہتی ہے۔

انھوں نے کہا کہ 18ویں ترمیم سے 26ویں ترمیم تک پی ٹی آئی حکومت کیساتھ آن بورڈرہی، قوم کو اب بھی کچھ سمجھ نہیں آرہی ، کےپی میں مال کا بازار گرم ہے سب مزے کررہےہیں، اور جو باہر ہیں انھوں نے کسی سمجھوتے کے تحت جیل برداشت نہیں کی۔

پی ٹی آئی رہنماوں کے بیانات کے حوالے سے سینیٹر واوڈا کا کہنا تھا کہ پروپیگنڈا کیا تھا کہ ہماری بات ہوگئی ہے اس غبارے سے بھی ہوانکل گئی ہے ، نا کوئی تحریک نااحتجاج ہے ، کچھ عرصے بعد ٹرمپ کارڈ کا پورا دھواں نکل جائےگا تو یہ مذاکرات کیلئے لیٹ جائیں گے۔

وزیر دفاع خواجہ آصف نے بانی پی ٹی آئی کو ’نوسرباز‘ اور ’فراڈیا‘ قرار دے دیا۔

اے آر وائی نیوز کے مطابق وزیر دفاع خواجہ آصف نے میڈیا سے گفتگو کرتے ہوئے کہا کہ بانی پی ٹی آئی بڑا نوسرباز اور فراڈیا ہے۔

انہوں نے کہا کہ پی ٹی آئی چاہتی ہے ایگزیکٹو آرڈر سے قیدی رہا ہوں، کوئی ایگزیکٹو آرڈر جاری نہیں ہوگا، عدالتوں نے سزا دی ہے وہی ریلیف دے سکتی ہیں۔

وزیر دفاع نے کہا کہ ساڑھے 400 کنال زمین ہے جس کے ٹرسٹی عمران خان اور انکی اہلیہ ہیں، چار سال ہوگئے اور صرف 400 بچہ پڑھتا ہے۔ انہوں نے کہا کہ بانی پی ٹی آئی پر شوکت خانم کے پیسے کھانے کا بھی الزام ہے۔

یہ پڑھیں: 190 ملین پاؤنڈ ریفرنس کا بڑا فیصلہ ، بانی پی ٹی آئی کو 14 اور بشریٰ بی بی کو 7 سال قید کی سزا

خواجہ آصف نے کہا کہ جھوٹے الزام لگا کر نواز شریف کو سزا سنائی گئی، این سی اے نے تحقیقات کرکے حسن نواز کو کلین چٹ دی تھی۔

مذاکرات سے متعلق سوال پر وزیر دفاع نے کہا کہ فیصلے سے مذاکرات متاثر نہیں ہونے چاہییں کیونکہ پی ٹی آئی خود بھی کہہ چکی ہے مذاکرات جاری رہیں گے چاہے فیصلہ کچھ بھی ہو۔

یاد رہے کہ احتساب عدالت نے القادر یونیورسٹی ٹرسٹ کیس میں کرپٹ پریکٹس اور بدعنوانی پر 14 سال قید اور 10 لاکھ روپے جرمانے کی سزا سنائی ہے جبکہ جرم میں معاونت کرنے پر بشریٰ بی بی کو 7 سال قید اور 5 لاکھ روپے جرمانے کی سزا سنائی ہے۔

وزیر اعلیٰ پنجاب مریم نواز کا کہنا ہے کہ القادر یونیورسٹٰ میرے پاس آگئی ہے اس کے بچوں کو جادو، تعویز نہیں سکھایا جائے گا۔

اے آر وائی نیوز کے مطابق اوکاڑہ میں تقریب سے خطاب کرتے ہوئے وزیر اعلیٰ پنجاب مریم نواز نے کہا کہ القادر یونیورسٹی کے بچوں کو بھی اسکالر شپ دوں گی، اس یونیورسٹی میں اب دینی اور دنیاوی دونوں تعلیم دی جائے گی آپ لوگوں کو جادو تعویز نہیں سکھایا جائے گا۔

انہوں نے کہا کہ چور چور کہنے والوں پر آج خود چوری ثابت ہوگئی، تاریخ کا پہلا وزیراعظم ہے جو رشوت لیتے ہوئے رنگے ہاتھوں پکڑا گیا ہے۔

وزیر اعلیٰ پنجاب کا کہنا تھا کہ آج کے فیصلے کے بعد پاکستان اسٹاک مارکیٹ میں تیزی دیکھی گئی، یہ شخص اسی اڈیالہ جیل میں قید ہیں جس میں نواز شریف اور میں قید تھے، میرے سیل میں کیمرے لگائے گئے تھے، جیل میں ایک وقت کا کھانا دیا جاتا تھا، اچھی بات ہے میرا وزن کم ہو گیا۔

ان کا کہنا تھا وقت ہمیشہ ایک جیسا نہیں رہتا، اس شخص کو جیل میں اچھا کھانا اور دیگرسہولیات مل رہی ہیں ہمیں کوئی اعتراض نہیں ہے۔

مریم نواز کا کہنا تھا القادر یونیورسٹی سرکاری تحویل میں دے دی گئی ہے، اب وہ یونیورسٹی میرے پاس آگئی ہے، القادر یونیورسٹی کے طلبا کو بھی اسکالرشپ دی جائے گی۔

یاد رہے کہ احتساب عدالت نے القادر یونیورسٹی ٹرسٹ کیس میں کرپٹ پریکٹس اور بدعنوانی پر 14 سال قید اور 10 لاکھ روپے جرمانے کی سزا سنائی ہے جبکہ جرم میں معاونت کرنے پر بشریٰ بی بی کو 7 سال قید اور 5 لاکھ روپے جرمانے کی سزا سنائی ہے۔