Tag: عمران خان

اسلام آباد: سینیٹر فیصل واوڈا کا کہنا ہے کہ بانی پی ٹی آئی کو سزا 5 یا 7 سال دن اور رات ملا کر ہوگی۔

اے آر وائی نیوز کے پروگرام ’خبر‘ میں گفتگو کرتے ہوئے سینیٹر فیصل واوڈا نے کہا کہ میرے کہنے کا مطلب تھا کہ 190 ملین پاؤنڈ کیس میں 10 یا 14 سال سزا بانی پی ٹی آئی کو ہوگی، فیصلہ سنانے کا وقت تبدیل ہوسکتا ہے لیکن فیصلہ تبدیل نہیں ہوگا۔

انہوں نے کہا کہ بانی پی ٹی آئی اور اہلیہ دونوں کو سزا ہوگی، کابینہ کو بھی ہونی چاہیے، عمران خان کے رشتے داروں اور پی ٹی آئی والوں نے سزا جتنی دعائیں مانگی ہیں اس کے بعد تو سزا ہوجائے گی۔

فیصل واوڈا نے کہا کہ علی امین گنڈا پور وزیر اعلیٰ ہیں اس لیے ان پر ہاتھ نہیں ڈالا جاسکتا، ایک سابق وزیراعظم ہیں ان پر کیسز ہیں ان پر بھی ہاتھ نہیں ڈالا جاسکتا۔

سابق وفاقی وزیر نے کہا کہ ایک سابق وزیراعظم ہیں ہاتھ ڈالا جاتا ہے تو بیرون ملک چلے جاتے ہیں، کل تک انتظار کرلیں پی ٹی آئی کا وہی رونا دھونا پھر شروع ہوگا۔

فیصل واوڈا نے کہا کہ حکومت اور پی ٹی آئی دونوں چاہتے ہیں بانی پی ٹی آئی جیل میں رہیں، 20 جنوری کے بعد جو ٹرمپ کارڈ کھیلا جارہا ہے اس پر بھی مایوسی ہوگی، چیزیں پاکستان کے لیے مثبت جارہی ہیں لیکن پی ٹی آٗئی کے لیے نہیں۔

ایک سوال کے جواب میں انہوں نے کہا کہ آرمی چیف سے بیرسٹر گوہر کی ون آن ون ملاقات نہیں ہوئی، 190 ملین پاؤنڈ کیس کا انتظار کیا جارہا ہے اور کچھ نہیں، پی ٹی آئی کی پروپیگنڈا ٹیم زبردست ہے۔

سینیٹر نے کہا کہ یہ وہی پی ٹی آئی ہے جس نے آرمی چیف کی تعیناتی روکنے کے لیے دھرنے دیے، پی ٹی آئی نے موجودہ حکومت ماننے سے انکار کیا اب مذاکرات کررہی ہے۔

فیصل واوڈا نے کہا کہ 9 مئی کے واقعات کو فالس فلیگ کہا گیا بعد میں گنڈا پور نے اعتراف کیا، پی ٹی آئی کی کس بات کو سچ مانوں اور کس بات کو جھوٹ کہوں، کیس کا فیصلہ کل آرہا ہے ساری ہوا نکل جائے گی اور عمران خان کو سزا ضرور ہوگی۔

اسلام آباد : مسلم لیگ ن کے رہنما جاوید لطیف کا بانی پی ٹی آئی کی رہائی کے لئے دباؤ کے حوالے سے بڑا بیان آگیا ، جس میں انھوں نے کہا بانی کی رہائی کے لئے جہاں سے دباؤ آیا وہاں سے پہلے دباؤ نہیں آیا۔

تفصیلات کے مطابق مسلم لیگ ن کے رہنما جاوید لطیف نے اے آر وائی نیوز کے پروگرام سوال یہ ہے میں گفتگو کرتے ہوئے کہا کہ ٹرمپ کے آنے سے نہ ہمیں خوشی ہے نہ ڈر، مجھے پریشانی نہیں کہ ٹرمپ انتظامیہ سے سفارتی تعلقات بہتر کرکے دباؤ کم کریں گے۔

ن لیگی رہنما کا کہنا تھا کہ بڑا کلیئر ہوں دباؤ تھا اور ہے، ایسا دباؤ کبھی ذوالفقاربھٹو اور نوازشریف کیلئے نہیں آیا، پاکستان میں دوست ممالک کی جانب سے دباؤ آتا رہا ہے، مارشل لا، ذوالفقاربھٹو، نواز شریف کے معاملے پر بھی دباؤ آتے رہے لیکن جہاں سے دباؤ آج ہے، وہاں سے پہلے دباؤ نہیں آیا۔

انھوں نے کہا کہ نواز شریف نے ایسا کیا کیا تھا کہ کلنٹن نے ان کے لئے جدوجہد کی، بانی پی ٹی آئی کو ایوارڈ دیا جاتا کہ اس نے ساڑھے 3 سال سی پیک بند رکھا۔

جاوید لطیف نے بتایا کہ حمید گل پی ٹی آئی کی بنیاد رکھنے والوں میں سے ہیں اور بانی پی ٹی آئی کو لانچ کرنے والوں میں سے ہیں لیکن حمید گل بانی پی ٹی آئی کا اصل چہرہ سامنے آنے پر پیچھے ہٹ گئے تھے۔

امریکا کا ذکر کرتے ہوئے ان کا کہنا تھا کہ بانی پی ٹی آئی کے ڈونلڈ ٹرمپ پر احسانات ہیں، امریکا چاہتا تھا کشمیر ایشو پر پاک بھارت کا مسئلہ حل ہو، بانی پی ٹی آئی کشمیر ایشو پر مسئلہ حل کرکےآئے، ٹرمپ نے بانی پی ٹی آئی کو ثالث مقرر کیا اور بھارت نےمقبوضہ کشمیر پر قبضہ کرلیا۔

مسلم لیگ ن کے رہنما نے کہا کہ نوازشریف کو سی پیک اور نیوکلیئر پاور بنانے کی سزادی گئی، نوازشریف اور بانی کی رہائی کی کوشش پر دیکھا جائے ملک کے مفاد کا کیا سودا ہوا۔

ان کا کہنا تھا کہ صرف فیض حمید سے کام نہیں چلے گا سب کچھ سامنے لانا پڑے گا، جوڈیشل کمیشن ہو یا کمیٹی دیانتداری سے احاطہ تو سب کا کرنا ہوگا ، سازش کس نے کہاں سے کی، اداروں کے ترجمان بھی پورا سچ نہیں بول رہے، فیض حمید کو گرفتار کر کے سمجھتے ہیں ساری سازش بے نقاب ہوگئی۔

انھوں نے سوالات اٹھائے کہ کیا فیض حمید اکیلے یہ منصوبہ بندی کرسکتےتھے؟ 2014کادھرناکس نےدلوایاتھا؟بانی کولانے،نکالنےوالےکون تھے؟بیرونی دباؤپرآکربانی کورہاکریں گےتوہماری آزادی کہاں ہے؟ہمیں کوئی ڈکٹیٹ کرے گا تو قوم اپنی آزادی کیلئےکھڑی ہوگی۔

ن لیگی رہنما نے ماریہ میمن کے سوال پر جواب دیتے ہوئے کہا امریکا کی نئی اور پرانی انتظامیہ میں فرق ہوگا، دوسری جانب بھی اندیشہ ہے کہ جن سے توقعات ہیں یہ نہ ہو کارڈ ضائع ہو جائے، جوڈیشل کمیشن بنانے کا فائدہ ایک پیج پر ہونے پر ہے، جب پیج پھٹا ہوا ہو تو فائدہ کم ،ریاست کونقصان زیادہ ہوتا ہے۔

انھوں نے بتایا کہ پیج 2014 سے بنا، سال 2018 میں سب نے بینفشری بننے کیلئے لڈو بانٹے، ذمہ داری سے کہہ رہا ہوں سارے ادارے ایک پیج پر نہیں ہیں، قوم کے سامنے سب کچھ ہے تو پاورفل جوڈیشل کمیشن بنالیں اور کمیشن کی ٹی اوآربھی طے کرلیں تاکہ تحقیقات ہو سازش میں کون سے ادارے ملوث تھے۔

عمران خان کے حوالے سے رہنما مسلم لیگ ن نے کہا کہ ایبسلوٹلی ناٹ کہنے والوں کا آج حال دیکھ لیں، کیا ہمیں کوئی ڈکٹیٹ کرے گا؟ بانی پی ٹی آئی اپنی آزادی کیلئےغلام بن سکتے ہیں۔

اسلام آباد : وزیر دفاع خواجہ آصف کا بانی پی ٹی آئی کو بنی گالہ منتقلی کی پیشکش کے حوالے سے اہم بیان آگیا۔

تفصیلات کے مطابق وزیر دفاع خواجہ آصف نے میڈیا سے گفتگو کرتے ہوئے کہا کہ اس وقت معیشت کےتمام اشاریے بہتری کی طرف جارہےہیں اور کوششیں جاری ہیں کہ کسی طرح سیاسی استحکام پیدا ہوسکے۔

وزیر دفاع کا کہنا تھا کہ جس نےبھی بانی پی ٹی آئی کو مشورہ دیا اس کی سمجھ میں بہت کمی ہے، اوورسیز پاکستانی ماہانہ اپنےگھروں میں پیسےبھیجتےہیں، پی ٹی آئی کے کہنے پر وہ بند ہونے سے ان کا ہی نقصان ہے، ترسیلات زر کا اُسی ماہ پتہ لگ جاتاہے پھر انتظار کی کیا ضرورت ہے، پی ٹی آئی کا ہر حربہ ناکام ہوا ہے۔

بنی گالہ منتقلی کی آفر کے دعویٰ پر انھوں نے کبھی کہتےہیں آفرہےبنی گالہ شفٹ ہوجاؤکبھی کہیں اوریہ ان کے خیالات ہیں، بانی پی ٹی آئی کوبنی گالہ منتقل کرنے کیلئے کوئی آفر نہیں کی، ان کی باتوں میں ذرا بھی صداقت نہیں ہے۔

مذاکرات کے حوالے سے ان کا کہنا تھا کہ دونوں فریق مذاکرات کے ٹیبل پر تھے تو لمبا چوڑا ٹوئٹ کردیا، میرا خیال ہے، اس ٹوئٹ کے بعد مذاکرات بنتےنہیں تھے، پھربھی مذاکرات جاری ہیں۔

عمران خان سے ملاقات سے متعلق وفاقی وزیر نے کہا کہ میراخیال ہےملاقات میں کوئی حرج نہیں کروادینی چاہئے، ملاقات کو سیاسی مقاصد کیلئے استعمال کیا جا رہا ہے تاہم پریس کانفرنس چھوٹا موٹا جلسہ روز ہورہا ہوتا ہے۔

ان کا کہنا تھا کہ ہمیں توبانی پی ٹی آئی نے جیلوں میں زمین پرسلایا لیکن بانی پی ٹی آئی کو تو بہت سہولیات ملی ہوئی ہیں، پی ٹی آئی دور میں ہمیں کوئی سہولیات نہیں دی جاتی تھیں، میرے بچے امریکا سے ملنے آئے تھے بانی پی ٹی آئی کے بچے بھی آجائیں، نواز شریف کوآخری سانسوں میں بیگم سےبات کرنے کی اجازت نہیں دی گئی، میں کہتا ہوں باپ سے ملنے کیلئےبیٹوں کو آنا چاہئے۔

انھوں نے بتایا کہ معاشی اشاریےبھی بہترہوئےہیں، کل پی آئی اےکی پروازپیرس کیلئےروانہ ہوئی ہے، یہ ٹریفک کا اجرا ہے، جس میں ہر روز اضافہ ہوگا، یورپ میں19مقامات، فروری سےبرطانیہ کا بھی اجرا ہوگا، ہمارا ٹارگٹ نارتھ امریکا، یو ایس اے ہے، ہم پیرس یاکسی اورایئرپورٹ کے راستے اس کا اجراکریں گے، پی ٹی آئی کی تخریبی سیاست کےباوجود یہ بہت بڑی تبدیلیاں ہیں۔

وزیر دفاع نے مزید کہا کہ ملک میں سیاسی امن ہوجائے دہشتگردی ختم ہوجائےتوخودکفیل ہوجائیں گے ، سیالکوٹ کی بزنس کمیونٹی نے جو کام انجام دیے قابل تعریف ہیں، حکومتی خرچے پر اگر سیالکوٹ کا ایئر پورٹ بنتا تو پتہ نہیں کس کس کی جیب میں پیسہ جاتا، سیالکوٹ ایئرپورٹ کیلئے بزنس کمیونٹی کیساتھ شہباز شریف نےبڑا کردار ادا کیا، میراخیال ہے سیالکوٹ کو بونڈ ڈسٹی ڈکلیئر کر دیا جائے۔