Tag: عمران اسماعیل

عمران اسماعیل نے آئندہ عبوری وزیراعظم کے سندھ یا پنجاب سے ہونے کا امکان ظاہر کردیا، اپنی ٹوئٹ میں انھوں نے عبوری حکومت کے قیام کے لمبا ہونے کی بھی پیشگوئی کی ہے۔

آے آر وائی نیوز کے مطابق سابق گورنر سندھ عمران اسماعیل نے اپنی ایک ٹوئٹ میں کہا ہے کہ میں سمجھتا ہوں آنے والا عبوری وزیر اعظم سندھ یا پنجاب سے ہوگا، لگتا ایسا ہے کہ آنے والی عبوری حکومت کا قیام لمبا ہوگا۔

عمران اسماعیل کا ٹوئٹ کرتے ہوئے کہنا تھا کہ پنجاب سے شاہد خاقان عباسی ممکنہ اور مضبوط امیدوار ہو سکتے ہیں۔

شاہدخاقان عباسی سیاسی حلقوں کو بھی قابل قبول ہو سکتے ہیں جب کہ حفیظ شیخ مالیاتی اداروں میں مقبول اور فنانشل مینجمنٹ کے تجربے کی بنیاد پر مضبوط امیدوارہیں۔

پاکستان کے سابق رکن کا کہنا تھا کہ کسی بھی صورت مجھے انتخابات وقت پر ہوتے نظر نہیں آتے، لگتا ہے آنے والی عبوری حکومت کا قیام لمبا ہوگا۔

کراچی : انسداد دہشت گردی کی عدالت نے سابق گورنر سندھ عمران اسماعیل کو جوڈیشل ریمانڈ پر جیل بھیج دیا اور آئندہ سماعت پر مقدمے کا چالان طلب کرلیا۔

تفصیلات کے مطابق انسداد دہشت گردی منتظم عدالت میں سابق گورنر سندھ عمران اسماعیل کو دو روزہ جسمانی ریمانڈ کے بعد آج پیش کیا گیا، پولیس کی جانب سے ریمانڈ میں توسیع کی استدعا کی گئی۔

عدالت نے تفتیشی افسر کی درخواست کو مسترد کرتے ہوئے عمران اسماعیل کو جوڈیشل ریمانڈ پر جیل بھیج دیا اور آئندہ سماعت پر مقدمے کا چالان طلب کرلیا۔

یاد رہے گذشتہ ہفتے پولیس نے پی ٹی آئی کے رہنما اور سابق گورنر سندھ عمران اسماعیل کو ڈیفنس فیز 8 سے حراست میں لیا تھا۔

پولیس نے بتایا تھا کہ سابق گورنر سندھ کو ان کے دوست کے گھر سے دہشت گردی کیس میں درج مقدمے پر ابتدائی طور پر شعبہ تفتیش کی جانب سے حراست میں لیاگیا ہے۔

پولیس کا کہنا تھا ٹیپو سلطان تھانے میں 10 مئی کو مقدمہ درج کیا گیا تھا، ایف آئی آر میں شاہنواز جدون، سعید اعوان، آفتاب صدیقی، خرم شیر زمان کا نام شامل ہے۔

کراچی : انسداد دہشت گردی عدالت نے سابق گورنر سندھ عمران اسماعیل کو 2 روزہ جسمانی ریمانڈ پر پولیس کے حوالے کردیا۔

تفصیلات کے مطابق کراچی میں انسداد دہشت گردی عدالت میں احتجاج کے دوران ہنگامہ آرائی کے مقدمے می ٹیپو سلطان پولیس نے سابق گورنر سندھ عمران اسماعیل کو عدالت پیش کیا۔

تفتیشی افسر نے بتایا کہ ملزم کیخلاف سرکاری املاک کونقصان پہنچانےاوردہشت پھیلانےکےالزامات ہیں،تفتیشی افسر

پولیس نے رہنما پی ٹی آئی سے تفتیش کے لئے جسمانی ریمانڈ کی استدعا کی، جس پر عدالت نےعمران اسماعیل کو 2 روزہ جسمانی ریمانڈ پر پولیس کے حوالے کردیا۔

عدالت نے عمران اسماعیل کو پیر کے روز دوبارہ عدالت میں پیش کرنے کا حکم دیتے ہوئے آئندہ سماعت پر تفتیشی افسر سے پیشرفت رپورٹ بھی طلب کرلی۔

عمران اسماعیل نے انسداد دہشتگردی عدالت میں میڈیا سے گفتگو کرتے ہوئے کہا کہ میرے خلاف بنایا گیا مقدمہ جھوٹا ہے،میں موقع پر موجود ہی نہیں تھا۔

صحافی نے سوال کیا کہ پارٹی کی تبدیلی کے لئے کوئی دباوٴ ہے؟ جس پر عمران اسماعیل نے جواب دیتے ہوئے کہا کہ مجھ پر کوئی دباوٴ نہیں ہے۔

گذشتہ روز پولیس نے پی ٹی آئی کے رہنما اور سابق گورنر سندھ عمران اسماعیل کو ڈیفنس فیز 8 سے حراست میں لیا گیا تھا۔

تفصیلات کے مطابق پاکستان تحریک انصاف کے رہنما ارسلان تاج نے سابق گورنر سندھ عمران اسماعیل کو حراست میں لئے جانے کی تصدیق کردی۔

پولیس نے بتایا کہ سابق گورنر سندھ کو ان کے دوست کے گھر سے دہشت گردی کیس میں درج مقدمے پر ابتدائی طور پر شعبہ تفتیش کی جانب سے حراست میں لیاگیا ہے۔

پولیس کا کہنا تھا ٹیپو سلطان تھانے میں 10 مئی کو مقدمہ درج کیا گیا تھا، ایف آئی آر میں شاہنواز جدون، سعید اعوان، آفتاب صدیقی، خرم شیر زمان کا نام شامل ہے۔