Tag: عمران اسماعیل

کراچی :سابق گورنر سندھ عمران اسماعیل کا کہنا ہے کہ پاکستان پر حکمرانی کرنے والے دو خاندان سیاسی نہیں، مافیاز ہیں، لوگوں کو مروانا ہو یا صحافیوں کو دبانا، کوئی مشکل کام نہیں‌۔

سابق گورنر سندھ عمران اسماعیل نے اپنے ٹوئٹر بیان میں کہا کہ پاکستان پر حکمرانی کرنے والے دو خاندان سیاسی نہیں بلکہ مافیاز ہیں،لوگوں کو مروانا ہو، صحافیوں کو دبانا ہو کوئی مشکل کام نہیں۔

عمران اسماعیل کا کہنا تھا کہ قانونی و انصاف کا نظام مفلوج کردیے گئے، عوام کو روٹی کپڑا مکان میں پہنساکر لوٹ مار جاری ہے، اس لیے اب حقیقی آزادی کی جدوجہد آخری مرحلے میں جانا لازم ہوچکی ہے

پاکستان پر حکمرانی کرنے والے دو خاندان سیاسی نہیں بلکہ مافیاز ہیں لوگوں کو مروانا ہو، صحافیوں کو دبانا ہو کوئی مشکل کام نہیں قانونی و انصاف کا نظام مفلوج کردیے گئے عوام کو روٹی کپڑا مکان میں پہنساکر لوٹ مارجاری ہے اس لیے اب حقیقی آزادی کی جدوجہد آخری مرحلے میں جانا لازم ہوچکی ہے

— Imran Ismail (@ImranIsmailPTI) October 25, 2022

ایک اور ٹوئٹ میں سابق گورنر سندھ نے کہا کہ پی پی، ن لیگ ہمیشہ اداروں پر حملہ آور ہوتی رہی ہیں، اعظم نظیر کے مستعفی ہونے اور بلاول کی معافی مانگنے سے بہتر مقررین اور نعرے بازی کرنے والوں کیخلاف کارروائی ہوتی، وزیرخارجہ پہلے  نعروں پر ہنستے ہیں جب عقل آتی ہے تو پاوٴں پکڑ لیتے ہیں،شہدا پر پوری قوم کو ناز ہے۔

پی پی، ن لیگ ہمیشہ اداروں پر حملہ آور ہوتی رہی ہیں اعظم نظیر کے مستعفی ہونے اور بلاول کی معافی مانگنے سے بہتر مقررین اور نعرے بازی کرنے والوں کےخلاف کارروائی ہوتی، باعث شرمندگی کہ وزیرخارجہ پہلےنعروں پر ہنستے ہیں جب عقل آتی ہےتو پاؤں پکڑلیتےہیں شہدا پرپوری قوم کو نازہے

— Imran Ismail (@ImranIsmailPTI) October 25, 2022

کراچی : سابق گورنر سندھ عمران اسماعیل کا کہنا ہے کہ آصف زرداری کو ریلیف ملنے جارہا ہے اور پی ڈی ایم کی ضمنی انتخابات میں بدترین شکست پر بلاول خوشیاں منارہے ہیں۔

تفصیلات کے مطابق سابق گورنر سندھ عمران اسماعیل نے سماجی رابطے کی ویب سائٹ ٹوئٹر پر اپنے بیان میں کہا کہ اب آصف زرداری کو ریلیف ملنے جارہا ہے ، تمام چور بری ہوکریا امپورٹ ہوکر وزیر بنائے جارہے ہیں۔

عمران اسماعیل کا کہنا تھا کہ اس سارے معاملے میں زیادتی ایم کیوایم کیساتھ ہورہی ہے ، نہ من پسند وزارتیں ملی، نہ کیسز ختم ہوسکے اور گورنر بھی امپورٹ کرکے لگادیا گیا اب ایم کیوایم صرف آپشن کےطور ہی سیاست میں کردارادا کرے گی۔

نیب سے اب آصف زرداری کورلیف ملنے جارہا ہے تمام چور بری ہوکریا امپورٹ ہوکر وزیربنائے جارہے ہیں اس سارے معاملے میں زیادتی MQM کیساتھ ہورہی ہے نہ من پسند وزارتیں ملی،نہ کیسز ختم ہوسکےاورگورنر بھی امپورٹ کرکے لگادیا گیا MQM اب جماعت نہیں صرف آپشن کے طور ہی سیاست میں کردار ادا کرے گی.

— Imran Ismail (@ImranIsmailPTI) October 20, 2022

پی ٹی آئی رہنما نے ایک اور ٹوئٹ میں لکھا معیشت اور سیاست کو نقصان پہنچانے والے عوام سے ڈررہے ہیں ، پی ڈی ایم کی ضمنی انتخابات میں بدترین شکست پر بلاول خوشیاں منارہے ہیں۔

ان کا مزید کہنا تھا کہ ایون فیلڈ میں صف ماتم بچھا ہےعوام نے نوسربازوں کوتاحیات سبق سکھانے کی ٹھان لی ہے۔

پاکستانی نیرو یہ نہ سمجھے کہ وہ بانسری بجاکر چین سے سوجائے گا معیشت اور سیاست کو نقصان پہنچانے والے عوام سے ڈررہے ہیں پی ڈی ایم کی ضمنی انتخابات میں بدترین شکست پر بلاول خوشیاں منارہے ہیں جبکہ ایون فیلڈ میں صف ماتم بچھا ہوا ہے عوام نے نوسربازوں تاحیات سبق سکھانے کی ٹھان لی ہے.

— Imran Ismail (@ImranIsmailPTI) October 20, 2022

کراچی : سابق گورنر سندھ عمران اسماعیل نے وزیر داخلہ رانا ثنا اللہ کو خبردار کیا کہ کوئی الٹی کوشش کی تومنہ توڑ جواب دیا جائے گا۔

تفصیلات کے مطابق تحریک انصاف کے رہنما اور سابق گورنر سندھ عمران اسماعیل نے میڈیا سے گفتگو کرتے ہوئے کہا کہ عمران خان نے ایسی کوئی چیز نہیں کی جس سےان کو عدالتوں کےچکر لگانے پڑیں۔

عمران اسماعیل کا کہنا تھا کہ فاشسٹ حکومت چاہتی ہےعمران خان نااہل ہوجائیں ، عمران خان کی کال پر پورا ملک بندہوسکتا ہے ،اس حکومت کا تختہ الٹ سکتا ہے۔

سابق گورنر سندھ نے کہا کہ عمران خان نہیں چاہتا ہے کوئی ایسا کام کرے جس سے انتشار پھیلے۔

رہنما پی ٹی آئی نے خبردار کیا کہ پی ٹی آئی کاپرامن مظاہرہ تیارہے رانا ثنا اللہ نے کچھ غیرقانونی کام کیاتو منہ توڑ جواب دیاجائےگا۔

معاشی صورتحال کے حوالے سے ان کا کہنا تھا کہ 5مہینوں میں اسٹاک ایکسچینج کو کریش کیا،پاکستان کی معیشت گھٹنوں پر ہے ، شہبازشریف جگہ جگہ جاکر بھیک مانگتے ہیں ،آپ چور بھی اوربھکاری بھی ہیں ،آپ کی چوری کی وجہ سے یہ حال ہوا ہے۔

عمران اسماعیل نے کہا کہ قوم میں شعور اوربیداری آگئی ہے ، نہیں چاہتے وزیراعظم لندن جاکر مفرور شخص قومی راز شیئر کرے، یہ پاکستان کےسیکریسی ایکٹ کی خلاف ورزی ہے، شہبازشریف کےخلاف کیس بننا چاہئے۔

کراچی : سابق گورنر سندھ عمران اسماعیل نے اے آر وائی کے ورکرز سے یکجہتی کا اظہار کرتے ہوئے کہا کہ اے آر وائی نیوز اس وقت سچ کی سزا بھگت رہا ہے۔

تفصیلات کے مطابق اے آر وائی نیوز کی بندش کے خلاف کراچی پریس کلب پر احتجاج ہوا، احتجاجی کیمپ میں سابق گورنر سندھ عمران اسماعیل نے وفد کے ہمراہ شرکت کی۔

اے آر وائی نیوز براہِ راست دیکھیں live.arynews.tv پر

وفد میں پی ٹی آئی رہنما محمود مولوی، جمال صدیقی، سبحان ساحل اور دیگر موجود تھے۔

اس موقع پر سابق گورنر سندھ عمران اسماعیل نے اے آر وائی کے ورکرز سے یکجہتی کا اظہار کرتے ہوئے کہا کہ سلمان اقبال اوران کی پوری ٹیم نے حق وسچ کا ساتھ دیا۔

عمران اسماعیل کا کہنا تھا کہ پی ٹی آئی حکومت سے قبل لیگی حکومت نے اشتہارات کی بندش کی، اے آر وائی نیوز اس وقت سچ کی سزا بھگت رہا ہے۔

سابق گورنر سندھ نے مزید کہا کہ لائسنس کینسل کرنے کی کوشش کی جارہی ہے، یہ کوشش صرف اے آر وائی تک محدود نہیں رہے گی،

ان کا مزید کہنا تھا کہ آج صحافیوں کے ساتھ کھڑے ہونے کا وقت ہے پی ٹی آئی اے آروائی نیوز کے ساتھ کھڑی ہے، جو حق وسچ کی بات کرتا ہے ان کے ساتھ کھڑے ہیں۔

کراچی :سابق گورنر سندھ عمران اسماعیل نے پی ٹی آئی ممنوعہ فنڈنگ کیس میں ایف آئی اے نوٹس کے خلاف سندھ ہائیکورٹ میں درخواست دائر کردی۔

تفصیلات کے مطابق پی ٹی آئی ممنوعہ فنڈنگ کیس میں ایف آئی اے کی جانب سے پاکستان تحریک انصاف کے رہنماوٴں کے خلاف تحقیقات کے معاملے پر سابق گورنر سندھ عمران اسماعیل سندھ ہائیکورٹ پہنچ گئے۔

عمران اسماعیل نے ایف آئی اے نوٹس کے خلاف سندھ ہائیکورٹ میں درخواست دائر کردی۔

سندھ ہائی کورٹ کے باہر میڈیا سے گفتگو کرتے ہوئے سابق گورنر عمران اسماعیل نے کہا کہ رات کو ہی بتا دیا تھا پیپلزپارٹی اور مسلم لیگ کے اکاونٹس چیک کرینگے تو پتہ لگے گا کہ انھوں نے بھارت سمیت کس کس سے فنڈ لیے۔

عمران اسماعیل کا کہنا تھا کہ پی ٹی آئی واحد جماعت ہے جو عوام کے فنڈز سے چلتی ہے ہمارے پاس دوسروں کی طرح فارن فنڈنگ نہیں، کون بھارت سے پیسے لیتا رہا اسامہ بن لادن سے کون پیسے لیتا رہا بینظیر کی حکومت گرانے کیلئے اسامہ بن لادن سے پیسے لئے گئے۔

الیکشن کمیشن پر تنقید کرتے ہوئے انھوں نے کہا کہ الیکشن کمیشن خود ایک سیاسی پارٹی کی شکل اختیار کرچکا ہے، اسے انتخابی نشان الاٹ کرنا چاہیے،شیر کا بچہ یا بلی۔

سابق گورنر سندھ کا کہنا تھا کہ عمران خان کی زندگی کو خطرات ہیں،ایجنسیوں کی رپورٹ بھی موجود ہے، اللہ تعالیٰ عمران کو لمبی زندگی دے، وہ پاکستان کی امید ہے۔

انھوں نے بتایا کہ ہمارے اکاونٹس کھلے ہیں، کچھ نہیں چھپایا ہم ڈرنے والے نہیں، یہ سب کو بتا دینا چاہتے ہیں۔

عمران اسماعیل نے مزید کہا کہ پی ٹی آئی نے چالیس ہزار ٹرانزیکشن کے شواہد پیش کیے یہ لوگ انتخابات سے ڈرے ہوئے ہیں ایسی جگہ پھنس گئے ہیں کہ انتخابات کرائیں گے تو عمران خان دو تہائی سے زیادہ اکثریت لے کر آئے گا۔

ان کا کہنا تھا کہ ہم ایف آئی اے کے نوٹس کو چیلنج کرنے آئے ہیں، اسد قیصر کو پشاور ہائی کورٹ سے ریلیف ملا ہے، جو دھمکیاں امپورٹڈ حکومت لگارہی ہے اس سے ہمیں کوئی خوف نہیں۔

رہنما پی ٹی آئی نے کہا کہ گارنٹی سے کہتا ہوں یہ حکومت اگلے تیس دن نہیں دیکھے گی آئندہ الیکشن کا اعلان ہونے والا ہے چودہ اگست کے جلسے میں عمران خان لائحہ عمل کا اعلان کریں گے۔

عمران اسماعیل کا کہنا تھا کہ پاکستانی شہری بھارتی خاتون سے شادی کرلے تو جوائنٹ ایکشن اکاؤنٹ سے رقم بھیجنا غیرقانونی نہیں ،اگر یہی گراؤنڈ دیکھا جائے تو شعیب ملک بہت پریشان ہوگا ، اس کی آدھی جائیداد جائز اور آدھی ناجائز ہوگی اسی طرح وسیم اکرم بھی پریشان ہوگا ان کی اہلیہ آسٹریلین ہیں۔

کراچی : سابق گورنر سندھ عمران اسماعیل نے سولر پینل معاملے پر سیلمان شہباز کے نوٹس پر رد عمل دیتے ہوئے کہا کہ سلمان شہباز بتائیں ان کی اپنی حیثیت کیا ہے؟

تفصیلات کے مطابق سولر پینل معاملے پر سابق گورنر سندھ عمران اسماعیل کو سیلمان شہباز نے نوٹس بھجوادیا۔

سابق گورنر سندھ عمران اسماعیل نے نوٹس پر ردعمل دیتے ہوئے کہا کہ سیلمان شہباز کی جانب سے مجھے نوٹس بھیجا گیا ہے، جس کا میں خیرمقدم کرتا ہوں۔

عمران اسماعیل کا کہنا تھا کہ سیلمان شہباز بتائیں ان کی اپنی حیثیت کیا ہے؟ جو شخص خود ملک سے مفرور ہو وہ دوسروں کو نوٹس بھیج رہے ہیں۔

سابق گورنر سندھ نے کہا کہ میں سولر پینل کے متعلق اپنے موقف پر قائم ہوں، شریف خاندان ایک کاروباری مافیا ہے،جو ملک کو بھی محض اپنے کاروبار کے لیے استعمال کررہا ہے۔

https://t.co/5TMeN0yhMb سلمان شہبازکی جانب سے مجھے نوٹس بھیجاگیا ہے، ویلکم کرتاہوں سلمان بتائیں ان کی اپنی حیثیت کیاہے؟جوشخص خودملک سے مفرورہو وہ دوسروں کو نوٹس بھیج رہاہے،سولرپینل کے متعلق اپنےموقف پرقائم ہوں شریف خاندان کاروباری مافیاہے جو ملک کوبھی کاروبارکیلئے استعمال کرتا ہے

— Imran Ismail (@ImranIsmailPTI) July 5, 2022

یاد رہے عمران اسماعیل نے کہا تھا کہ کابینہ کی جانب سے سرکاری عمارتوں کو سولر انرجی پر منتقل کرنے کا فیصلہ کیا گیا ہے، ترکی سے ملکی تعلقات بہتر کرنے کی بجاء شہباز شریف نے دورے میں اپنے بیٹے سیلمان شہباز کے سولر انرجی کے معاہدے کروائے اور اب سیلمان کی کمپنی سے سولر خریدے جائیں گے۔

کابینہ کی جانب سے سرکاری عمارتوں کو سولر انرجی پر منتقل کرنے کا فیصلہ کیا گیا ہے، ترکی سے ملکی تعلقات بہتر کرنے کی بجاء شہباز شریف نے دورے میں اپنے بیٹے سلمان شہباز کے سولر انرجی کے معاہدے کروائے اور اب سلمان کی کمپنی سے سولر خریدے جائیں گے

— Imran Ismail (@ImranIsmailPTI) July 3, 2022