Tag: عمران اسماعیل

کراچی:گورنر سندھ عمران اسماعیل نے کہا ہے کہ وزیراعظم عمران خان پورے ملک کی یکساں ترقی کے وژن پر گامزن ہیں۔

تفصیلات کے مطابق گورنر سندھ عمران اسماعیل کی زیرصدارت اجلاس ہوا جس میں کراچی ،حیدرآباد ودیگر شہروں کے ترقیاتی منصوبوں پر حکام نے تفصیلی بریفنگ دی۔

اجلاس میں بتایا گیا کہ گرین لائن بسوں کی خریداری کے لیے سندھ حکومت نے معاہدے پر دستخط کر دیے جبکہ بلدیہ عظمیٰ کراچی کے لیے فائر ٹینڈرز کی فراہمی دسمبر تک متوقع ہے۔

اس موقع پر گورنر سندھ کا کہنا تھا کہ صوبےکی ترقی کے لیے وفاق کا بھرپور تعاون جاری رہے گا،تشکیل کردہ منصوبے مقررہ وقت پر مکمل کیےجائیں۔انہوں نے کہا کہ گرین لائن منصوبہ کی تکمیل سے شہریوں کو سفری سہولت حاصل ہوگی۔

عمران اسماعیل کا کہنا تھا کہ معاشی شہ رگ کراچی کی ترقی کے لیے وزیراعظم ذاتی دلچسپی رکھتے ہیں، شہر کی ضروریات کے مطابق منصوبے تشکیل دیے جائیں،ترقیاتی منصوبوں میں شفافیت کے اقدامات نا گزیر ہیں،وفاق بلا تفریق ترقیاتی منصوبے تشکیل دے رہا ہے۔

گورنر سندھ کا مزید کہنا تھا کہ وزیراعظم عمران خان پورے ملک کی یکساں ترقی کے وژن پر گامزن ہیں۔

کراچی: کروناوائرس کو شکست دینے والے گورنر سندھ عمران اسماعیل نے کہا ہے کہ اس بیماری میں جڑی بوٹیوں کا استعمال مفید ہوتا ہے، ثنا مکی اور ادرک کے پانی کے استعمال سے مجھے بہت فائدہ پہنچا۔

تفصیلات کے مطابق گورنر سندھ نے 17دن قرنطینہ میں گزارنے کے تجربے پر اظہار خیال کیا کہ کرونا کوئی ایسی بیماری نہیں جس کا انجام صرف موت ہی ہو، احتیاطی تدابیر اختیار کرکے وبا کو شکست دی جاسکتی ہے۔

ان کا کہنا تھا کہ کرونا کے مریضوں کو جڑی بوٹیوں کے استعمال سے فائدہ ہوگا، مذکورہ وبا کا کوئی مخصوص علاج نہیں، تاہم آپ کو معالج سے رابطہ میں رہنا پڑتا ہے۔

گورنر سندھ مکمل صحت یاب، کورونا کے مریض کیلئے پلازمہ عطیہ کرنے کا اعلان

خیال رہے کہ گورنر سندھ عمران اسماعیل میں 27 اپریل کو کرونا وائرس کی علامات ظاہر ہوئی تھیں، کرونا وائرس ٹیسٹ کروانے پر رپورٹ مثبت آگئی جس کے بعد گورنر سندھ نے خود کو قرنطینہ کرلیا تھا۔

بعد ازاں 8 مئی کو عمران اسماعیل کا دوسرا کرونا ٹیسٹ بھی مثبت آیا، جس پر عمران اسماعیل نے تمام چاہنے والوں سے دعاؤں کی درخواست کی تھی۔

خوش قسمتی سے 13 مئی کو گورنرسندھ کا ٹیسٹ منفی آگیا، صحت یابی پر انہوں نے اللہ تعالیٰ کو شکر ادا کرتے ہوئے کرونا کے مریض کے لیے پلازمہ عطیہ کرنے کا بھی اعلان کیا۔

کراچی: گورنر سندھ عمران اسماعیل نے وبائی امراض ترمیمی آرڈیننس کی منظوری دے دی، ترمیمی آرڈیننس کے تحت جرمانے کی رقم بڑھا کر 10لاکھ روپے کردی گئی۔

تفصیلات کے مطابق سندھ وبائی امراض ایکٹ کی کسی بھی شق کی خلاف ورزی پر بھاری جرمانہ ہوگا، عمران اسماعیل نے وبائی امراض ترمیمی آرڈیننس کی منظوری دے دی ہے۔

سندھ کابینہ نے 27اپریل کو آرڈیننس منظوری کے لیے گورنر سندھ کو بھیجا تھا۔ وبائی صورت حال کے دوران لاک ڈاؤن پابندیوں، ایس او پی پر عمل نہ کرنے والے افراد اور اداروں کو بھی جرمانہ ہوگا۔

سندھ وبائی امراض ایکٹ 2014 میں ترمیم کے بعد گورنر سندھ کو بھیجا گیا تھا، ترمیمی آرڈیننس کا مقصد کرونا کی وبا پر قابو پانے میں رکاوٹ اور پھیلاؤ کا سبب بننے پر کارروائی ممکن بنائی جاسکے۔

وبائی امراض ایکٹ میں شامل دفعات کی خلاف ورزی پر جرمانہ عائد کیا جائے گا۔

پاکستان میں چوبیس گھنٹوں میں 2,255 نئے کیسز ریکارڈ، اموات 737 ہو گئیں

خیال رہے کہ نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین کی عالمگیر وبا سے پاکستان بھر میں 34,336 افراد متاثر ہو چکے ہیں۔ملک کے مختلف شہروں میں اس وقت کرونا کے زیر علاج مریضوں کی تعداد 24 ہزار 787 ہے۔

پاکستان میں 24 گھنٹوں کے دوران کرونا کے 2,255 نئے کیسز رپورٹ ہوئے، جب کہ اب تک 8,812 مریض وائرس سے لاحق ہونے والی بیماری سے صحت یاب ہو چکے ہیں۔

کراچی: گورنر سندھ عمران اسماعیل کا کہنا ہے کہ لاک ڈاؤن سے متاثرہ افراد کی مدد کی بھرپور کوشش کررہے ہیں۔

تفصیلات کے مطابق گورنر سندھ عمران اسماعیل سے آل کراچی جیولرز اور مینوفیکچررز ایسوسی ایشن کے وفد نے ملاقات کی، جس میں ایس او پیز کے ساتھ کاروبار کی اجازت، باہمی دلچسپی کے دیگر امور پر تبادلہ خیال کیا گیا۔

گورنر سندھ نے کہا کہ وزیراعظم کرونا وائرس پر کنٹرول کے لیے بھرپور اقدامات کررہے ہیں، وزیراعظم کئی بار کہہ چکے ہیں کہ اسٹریٹیجک لاک ڈاؤن کی طرف جانا ہوگا۔

عمران اسماعیل نے کہا کہ ایس اوپیز کے تحت ہی کاروباری سرگرمیاں کھولی جاسکتی ہیں، چھوٹی صنعتوں میں کام کرنے والے ملازمین کی مشکلات کا اندازہ ہے، لاک ڈاؤن کے شکار افراد کی مدد کی بھرپور کوشش کررہے ہیں۔

مزید پڑھیں: وزیراعظم کوعام آدمی کا احساس ہے، مجبوری میں سخت فیصلے کئے، گورنر سندھ

واضح رہے کہ چند روز قبل گورنر سندھ کا کہنا تھا کہ کرونا وائرس عالمی وبا بن چکی،پاکستان بھی شدید متاثر ہورہا ہے، حکومت کو انتہائی مجبوری میں بہت سخت فیصلے کرنا پڑے ،وزیراعظم عمران خان کو عام آدمی کی مشکلات اور مجبوری کا شدت سے احساس ہے۔

ان کا کہنا تھا کہ ایک طرف کرونا تو دوسری جانب غربت و افلاس ہے، وزیراعظم عمران خان چاہتے ہیں کہ کاروباری سرگرمیوں کو مربوط حکمت عملی کے ساتھ جاری رکھا جائے۔

کراچی: گورنر سندھ عمران اسماعیل کا کہنا ہے کہ سندھ حکومت دکانیں کھولنا چاہتی ہے تو وفاق کو اس پر اعتراض نہیں ہے۔

تفصیلات کے مطابق کراچی میں گورنر سندھ عمران اسماعیل سے آل سٹی تاجر اتحاد کے وفد نے ملاقات کی جس میں مارکیٹوں کی بندش، چھوٹے تاجروں کی مشکلات سے متعلق بات چیت کی گئی۔

گورنر سندھ کا کہنا تھا کہ لاک ڈاؤن سے چھوٹے تاجروں کو درپیش مشکلات کا اندازہ ہے، مارکیٹس کھولنے کے مطالبہ کا حامی ہوں۔انہوں نے مزید کہا سندھ حکومت دکانیں کھولنا چاہتی ہے تو وفاق کو اس پر اعتراض نہیں ہے۔

صدر آل سٹی تاجر اتاد حماد پونے والا نے گورنر سندھ سے ملاقات کے بعد میڈیا سےگفتگو کرتے ہوئے کہا کہ گورنر سندھ سے ملاقات کامیاب رہی ہے۔انہوں نے کہا کہ عمران اسماعیل نے یقین دہانی کروائی کہ وزیر اعلی کو وفاق سے اجازت ایک گھنٹے میں دلوا دوں گا۔

حماد پونے والا کا کہنا تھا کہ ہم نے اپنی ایس او پیز گورنر کو فراہم کردی ہیں،تمام صوبوں میں کاروبار کھل گیا سندھ میں ظلم کیوں کیا جا رہا ہے۔

کراچی: گورنر سندھ عمران اسماعیل کا کہنا ہے کہ مساجد کھولنے کے لیے علما کا کوئی دباؤ نہیں ہے، رمضان المبارک میں نماز اور تراویح کی مشروط اجازت کا فیصلہ سوچ سمجھ کر کیا ہے۔

تفصیلات کے مطابق گورنر سندھ عمران اسماعیل نے دعوت اسلامی کے مرکز فیضان مدینہ کا دورہ کیا اور لاک ڈاؤن میں مستحقین میں راشن کی تقسیم، امدادی کاموں کا جائزہ لیا۔

گورنر سندھ نے کہا کہ حکومتیں اور غیرسرکاری تنظیمیں لوگوں کی مدد کے لیے سرگرم ہیں، تمام این جی اوز، ڈاکٹر، پیرا میڈیکل اسٹاف کو سلام پیش کرتے ہیں۔

انہوں نے کہا کہ مساجد اور مدارس کی انتظامیہ ایس او پیز پر عمل کرائیں گے، قوم ثابت کرے گی کہ مساجد کی وجہ سے کرونا نہیں پھیلا۔

عمران اسماعیل نے کہا کہ ہمیں پوائنٹ اسکورنگ کی ضرورت نہیں، ہم ایک دوسرے کی چیزوں پر تنقید کرسکتے ہیں، اٹھارویں ترمیم کے بعد صوبے کافی حد تک خود مختار ہیں۔

مزید پڑھیں: رمضان المبارک میں تراویح، نماز جمعہ کے اجتماعات: حکومت اور علماء کرام کے درمیان 20 نکاتی لائحہ عمل پر اتفاق

ایک سوال کے جواب میں گورنر سندھ عمران اسماعیل نے کہا کہ گورنر راج کہاں لگ رہا ہے مجھے تو نہیں پتا۔

واضح رہے کہ دو روز قبل حکومت نے رمضان المبارک میں باجماعت نماز اور تراویح کی مشروط اجازت دی تھی۔

صدر مملکت عارف علوی کا کہنا تھا کہ نمازی وضو گھر سے کر کے مسجد آئیں،مسجد آنے والے صابن سے 20 سیکنڈ ہاتھ دھو کر آئیں،ماسک پہن کر مسجد اور امام بارگاہ آئیں، صف بندی ایسے کی جائے کہ دو نمازیوں کی جگہ خالی رہے، مساجد کے فرش کو کلورین ملے پانی سے دھویا جائے،مسجدوں میں سحری اور افطار کا اجتماعی اہتمام نہ کیاجائے۔

ان کا کہنا تھا کہ سڑکوں، فٹ پاتھوں پر نماز تراویح پڑھنے سے اجتناب کریں صرف مساجد کے احاطے میں نماز تراویح کا اہتمام کیا جائے، نماز سے پہلے اور بعد میں مجمع لگانے سے گریز کیا جائے گا۔