Tag: عمران اسماعیل

کراچی: گورنر سندھ عمران اسماعیل کا کہنا ہے کہ حکومت کی پوری توجہ کرونا سے قوم کو محفوظ بنانے پر مرکوز ہے۔

تفصیلات کے مطابق کراچی میں گورنر سندھ عمران اسماعیل نے ایکسپو سینٹر میں قائم قرنطینہ سینٹر کا دورہ کیا، گورنر سندھ نے انتظامات کا جائزہ لیا۔عسکری حکام نے گورنر سندھ عمران اسماعیل کو تفصیلی بریفنگ دی۔

گورنر سندھ کا کہنا تھا کہ کرونا وائرس کے مکمل خاتمہ تک سینٹر جاری رہیں گے، ضرورت پڑی تو مزید قرنطینہ سینٹر قائم کریں گے۔انہوں نے کہا کہ حکومت کی پوری توجہ کرونا سے قوم کو محفوظ بنانے پر مرکوز ہے۔

عمران اسماعیل نے کہا کہ عالمی بینک کے غیر استعمال شدہ ترقیاتی فنڈز صوبوں کے حوالے کیے جا رہے ہیں، سب سے زیادہ 10ملین ڈالر صوبہ سندھ کو دیے جا رہے ہیں۔

گورنر سندھ نے کہا کہ کرونا وائرس سے نمٹنے کے لیے قوم کو متحد ہونا ہوگا، وزیراعظم عمران خان منگل کو پاکستان معاشی پیکج کا اعلان کریں گے۔

واضح رہے کہ پاکستان میں کرونا وائرس کے کیسز کی تعداد 666 ہو گئی ہے، وائرس سے مجموعی طور پر 3 افراد جاں بحق جبکہ 13 مریض صحت یاب ہو چکے ہیں۔

کراچی: گورنر سندھ عمران اسماعیل نے کہا ہے کہ بچوں سے زیادتی کے مجرمان کو سزائے موت دینے کا نفاذ جلد ہوگا۔

تفصیلات کے مطابق گورنر سندھ عمران اسماعیل سے اقوام متحدہ کے نمائندوں پر مشتمل وفد نے ملاقات کی، گورنر سندھ نے کہا کہ حکومت ہر شہری کے بنیادی حقوق کا تحفظ یقینی بنارہی ہے۔

عمران اسماعیل نے کہا کہ بچوں سے زیادتی کے مجرمان کو سزائے موت کے لیے قانون سازی کی گئی ہے، مجرمان کو سزائے موت دینے کا نفاذ جلد ہوگا۔

گورنر سندھ نے کہا کہ اقوام متحدہ کے چارٹر کے مطابق بنیادی حقوق کا تحفظ یقینی بنارہے ہیں، جرمانہ ادائیگی کی استطاعت نہ رکھنے والے قیدیوں کی لسٹ تیار کی جارہی ہے۔

انہوں نے کہا کہ کوٹ لکھپت جیل کو رکن صوبائی اسمبلی علیم خان کی مدد سے جدید بنادیا گیا ہے۔

مزید پڑھیں: علی محمد خان نے سرعام پھانسی پر ریفرنڈم کروانے کی تجویز دیدی

واضح رہے کہ گزشتہ روز وزیر مملکت برائے پارلیمانی امور علی محمد خان نے بچوں سے زیادتی کے مجرمان کو سرعام پھانسی دینے پر اپوزیشن کے اعتراض کو مسترد کرتے ہوئے ریفرنڈم کروانے کی تجویز پیش کی تھی۔

ان کا کہنا تھا کہ ریفرنڈم سے فیصلہ ہو جائے گا کہ عوام بچوں سے زیادتی کے مجرمان کو سرعام پھانسی دینے کے خواہشمند ہیں کہ نہیں۔

اس حوالے سے وفاقی وزیر سائنس و ٹیکنالوجی فوادچوہدری نے بھی قرارداد کی مخالفت کرتے ہوئے اپنے ٹوئٹر پیغام میں کہا تھا کہ مسئلہ ہی یہ ہے کہ قوانین تو پہلے سے ہی موجود ہیں یہ تو بحث ہی نہیں، زینب کے کیس سمیت درجنوں کو پھانسی ہوچکی ہے اور ہونی چاہیے۔

کراچی: گورنر سندھ عمران اسماعیل کا کہنا ہے کہ ایم کیو ایم مطالبات پر جلد عملدرآمد کے لیے وزیراعظم سے بات کروں گا۔

تفصیلات کے مطابق گورنر سندھ عمران اسماعیل نے ایم کیو ایم رہنما کنور نوید جمیل سے ٹیلی فونک رابطہ کیا، دونوں رہنماؤں میں معاہدوں پر عملدرآمد کے روڈ میپ پر بھی بات چیت ہوئی۔

ذرائع کے مطابق گزشتہ روزملاقات میں ایم کیو ایم نے پیشرفت نہ ہونے پر تحفظات رکھے تھے، ایم کیو ایم کے تحفظات اور معاملات جلد حل کرنے کی یقین دہانی کی گئی۔

گورنر سندھ کا کہنا تھا کہ ایم کیو ایم مطالبات پر جلد عملدرآمد کے لیے وزیراعظم سے بات کروں گا، آپ سے کیے گئے معاہدے پر من و عن عمل کیا جائے گا۔

عمران اسماعیل نے کہا کہ وفاقی حکومت جلد ترقیاتی منصوبوں کی مد میں فنڈز فراہم کرے گی، وزیراعظم نے بھی اتحادیوں سے متعلق پیشرفت پر تفصیلات مانگی ہیں۔

دوسری جانب ایم کیو ایم رہنما کنور جمیل کا کہنا تھا کہ امید ہے حکومت جلد پیش رفت کرےگی ، ہمیں بھی انتظار ہے، واقعی ایسا ہونے جا رہا ہے تو شہریوں کی کئی سالوں کی محرومی دور ہوسکے گی۔ انہوں نے مزید کہا کہ اب باتوں سے آگے نکل کر گرؤانڈ پر کام ہوناچاہیے۔

کراچی: صدر مملکت ڈاکٹر عارف علوی کا کہنا ہے کہ وفاقی حکومت صوبے کے اسٹیک ہولڈرز کو ساتھ لے کر چلنا چاہتی ہے۔

تفصیلات کے مطابق صدر پاکستان ڈاکٹر عارف سے گورنر سندھ عمران اسماعیل نے ملاقات کی جس میں سندھ کے لیے وفاقی حکومت کے ترقیاتی منصوبوں، معیشت میں بہتری کے لیے کیے گئے اقدامات پر بھی تبادلہ خیال کیا گیا۔

اس موقع پر صدر مملکت نے کہا کہ وفاقی حکومت صوبے کے اسٹیک ہولڈرز کو ساتھ لے کرچلنا چاہتی ہے، عوام کے مسائل کے حل کے لیے سیاسی نمائندوں کی شمولیت ضروری ہے۔

ڈاکٹر عارف علوی کا کہنا تھا کہ وفاقی حکومت عوام کے مسائل کے خاتمے کے لیے اقدامات کر رہی ہے،عوامی فلاح و بہبود کے لیے شروع کیے گئے کئی منصوبے اس بات کا ثبوت ہیں۔

دوسری جانب گورنر سندھ عمران اسماعیل کا کہنا تھا کہ عوام کی ترقی وخوشحالی وزیراعظم کی ترجیحات میں شامل ہے، صوبے کے مسائل کا حل باہمی گفت وشنید سے نکالا جاسکتا ہے۔

سندھ میں یوتھ منسٹر ہی نہیں، نوجوان کہاں جائیں: عثمان ڈار

یاد رہے کہ تین روز قبل وزیراعظم کے معاون خصوصی عثمان ڈار نے سندھ حکومت پر تنقید کرتے ہوئے کہا تھا کہ حکومت سندھ کا حال یہ ہے کہ صوبے میں یوتھ منسٹر ہی نہیں۔

کراچی: گورنرسندھ عمران اسماعیل کا کہنا ہے کہ آئی جی کو تبدیل کرنا کسی بھی صوبے کے وزیراعلیٰ کا استحقاق ہے، سندھ کی جانب سے بھیجے گئے نام وفاق کو منظور نہیں ہیں۔

اے آر وائی نیوز کے مطابق میڈیا سے گفتگو کرتے ہوئے گورنر سندھ کا کہنا تھا کہ وفاق نے سندھ حکومت کو نئے ناموں کے لیے درخواست کی ہے، بطور گورنرسندھ حکومت اور وفاق میں پل کا کردار ادا کررہا ہوں، سندھ کے ساتھ ناانصافی کا تاثر ایسی کوئی بات نہیں ہے۔

گورنرسندھ عمران اسماعیل نے کہا کہ سندھ کے اسٹیک ہولڈرز سے بات کرنا ہوتی ہے اس لیے تاخیر ہوئی، سندھ حکومت کو تھوڑ اتحمل کا مظاہرہ کرنا چاہیے، کوئی بہتر نام سامنے آتا ہے تو اس پر دوبارہ سوچا جاسکتا ہے۔

وزیر اعظم عمران خان سے آئی جی سندھ کی ملاقات

ان کا کہنا تھا کہ ایک نام پر کافی اتفاق تھا پھر وزیراعظم نے مناسب نہیں سمجھا، وزیراعظم نے ہدایت کی ساتھ بیٹھ کر کسی نام پر اتفاق کی کوشش کریں، وفاق کے پاس نام ہیں اور وہ بھی بھیجےگا، وفاق کے پاس استحقاق ہے۔

انہوں نے گفتگو کرتے ہوئے کہا کہ ہم بھی چاہتےہیں آئی جی سندھ کامعاملہ فوری حل ہوجائے، وزیراعلیٰ سندھ کو فون کیا لیکن انہوں نے آئی جی کے معاملے پر بات نہیں کی، وزیراعلیٰ سندھ نے کہا آئی جی کے ایشو پر بات نہیں کرنا چاہتا۔

ان کا مزید کہنا تھا کہ وزیراعظم کو بتا دیا ہے آئی جی کے معاملے کو وفاق ہی دیکھ رہا ہے۔