ARYNews.tv | Urdu – Har Lamha Bakhabar

Tag: عمران اسماعیل

  • قطری قونصل جنرل کی گورنر سندھ کو دوحہ فورم میں شرکت کی دعوت

    قطری قونصل جنرل کی گورنر سندھ کو دوحہ فورم میں شرکت کی دعوت

    کراچی: گورنرسندھ عمران اسماعیل نے قطر کے قونصل جنرل سے ملاقات میں مقبوضہ کشمیر کی ابتر صورتحال پر بات چیت کی جب کہ قونصل جنرل نے عمران اسماعیل کو دوحا فورم میں شرکت کی بھی دعوت دی۔

    تفصیلات کے مطابق  قطر کے قونصل جنرل گورنر ہاؤس کراچی پہنچے جہاں  انہوں نے گورنر سندھ عمران اسماعیل سے ملاقات کی، ملاقات میں مقبوضہ کشمیر کی ابتر صورتحال اور کشمیریوں پر بھارتی مظالم سمیت وادی میں انسانی حقوق کی سنگین خلاف ورزیوں پر بات چیت کی گئی جبکہ پاک قطر تعلقات، دوطرفہ تعاون اور دیگر امور بھی زیر بحث آئے۔

    قطری قونصل جنرل نے پاک بھارت کشیدگی پر اظہار تشویش کا اظہار کرتے ہوئے کہا کہ خطہ خوفناک صورتحال سےدوچار ہوسکتاہے تاہم قطر کے لوگ پاکستان کے ساتھ کھڑے ہیں۔

    قونصل جنرل نے گورنر سندھ عمران اسماعیل کو 2 روزہ دوحہ فورم میں شرکت کی بھی دعوت دی۔

    اس موقع پر  گورنر سندھ عمران اسماعیل کا کہنا تھا کہ  قطرنے ہر مشکل وقت میں پاکستان سے بھرپور تعاون کیا، قطر  اپنا اثر و رسوخ استعمال کرکے بھارت کو کشمیر میں ظلم و ستم سےروکے۔

    عمران اسماعیل نے مزید کہا کہ مقبوضہ وادی میں انسانیت سوز مظالم پر ہیومن رائٹس کی عالمی تنظیموں کی خاموشی بڑا سوالیہ نشان ہے۔

  • بااختیار بلدیاتی حکومت ہی کراچی کے مسائل بہتر انداز سے حل کرسکتی ہے، عمران اسماعیل

    بااختیار بلدیاتی حکومت ہی کراچی کے مسائل بہتر انداز سے حل کرسکتی ہے، عمران اسماعیل

    کراچی : گورنر سندھ عمران اسماعیل نے کہا ہے کہ ایک بااختیار بلدیاتی حکومت ہی شہر کے مسائل کو بہتر انداز سے حل کرسکتی ہے، تمام فریقین مل بیٹھ کر کراچی کے مسائل کا حل نکالیں۔

    یہ بات انہوں نے روٹری کلب پلاٹینیم کراچی کی جانب سے صوبائی حلقہ پی ایس 129 کے علاقہ میں صفائی مہم کے لئے کچرہ اٹھانے والی تین موٹر سائیکل ٹرالی اور پانچ ٹرالی بمعہ دیگر سامان کے ساتھ حوالے کرنے کے موقع پر گفتگو کرتے ہوئے کہی۔

    گورنر سندھ عمران اسماعیل نے میڈیا سے گفتگو کرتے ہوئے کہا کہ شہر سے کچرہ اٹھانا بنیادی طورپر سندھ حکومت اوربلدیاتی اداروں کا کام ہے۔

    انہوں نے مزید کہا کہ ایک بااختیار بلدیاتی حکومت ہی شہر کے مسائل کو بہتر انداز سے حل کرسکتی ہے، اس ضمن میں موجودہ حکومت چاہتی ہے کہ تمام فریقین مل بیٹھ کر کراچی کے مسائل کا حل نکالیں۔

    ایک سوال کے جواب میں گورنر سندھ نے کہا کہ لوٹی ہوئی دولت ہر صورت واپس لی جائے گی، اس سلسلے میں نیب اپنا کردار بھرپور انداز سے ادا کررہا ہے۔ مولانا فضل الرحمن کے اعلان کردہ مارچ کے بارے میں کئے گئے سوال کا جواب دیتے ہوئے گورنر سندھ نے کہا کہ موجودہ حکومت اپنی آئینی مدت پوری کرے گی۔

    حکومت کا عذم ہے کہ ملک کو کرپشن سے پاک کیا جائے۔ ترقیاتی منصوبوں کے بارے میں کئے گئے سوال کا جواب دیتے ہوئے انہوں نے کہا کہ جلد پانچ منصوبوں کا افتتاح کیا جائے گا جبکہ دیگر ترقیاتی منصوبوں کو بھی حتمی شکل دی جارہی ہے۔

    بلدیاتی نظام کے بارے میں کئے گئے سوال کا جواب دیتے ہوئے گورنر سندھ نے کہا کہ شہر میں سنگل اتھارٹی کے تحت کام کرنا وقت کی اہم ضرورت ہے اس ضمن میں وفاقی حکومت ہر ممکن تعاون کرنے کو تیار ہے۔ انہوں نے کہا کہ خیبر پختونخواہ میں ایک بہتر بلدیاتی نظام نافذ ہے جو دیگر صوبوں کے لئے بہترین مثال ہے۔

  • فضل الرحمان کا آزادی مارچ ناکام اور وزارت عظمی ٰکا خواب پورا نہیں ہوگا، عمران اسماعیل

    فضل الرحمان کا آزادی مارچ ناکام اور وزارت عظمی ٰکا خواب پورا نہیں ہوگا، عمران اسماعیل

    کراچی : گورنر سندھ عمران اسماعیل نے کہا ہے کہ مولانا فضل الرحمان کا آزادی مارچ ناکام اور ان کا وزارت عظمی ٰکا خواب کبھی پورا نہیں ہوگا، ان کے پاس عوام کی کوئی تائید نہیں۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا، مولانا فضل الرحمان کے آزادی مارچ کے حوالے سے گورنر سندھ نے کہا کہ آزادی مارچ نکال کر وہ وہ شرمندہ ہونگے۔

    ان کے پاس عوام کی کوئی تائید نہیں اس لیے مولانا فضل الرحمان کا آزادی مارچ ناکام ہوگا، وہ اس مارچ میں مدرسوں کے بچوں کو ورغلا کر لائیں گے تو یہ ان کی بہت بڑی ناکامی ہوگی۔

    عمران اسماعیل نے میڈیا سے گفتگو میں مزید کہا کہ مولانا فضل الرحمان کا وزارت عظمی ٰکا خواب کبھی پورا نہیں ہوگا، احتجاج کے نام پر دھونس دھمکی کسی کی بھی برداشت نہیں کی جائے گی۔

    اگر بات مذاکرات کے ذریعے ٹیبل پر بیٹھ کر کرنی ہے تو ہم حاضر ہیں بصورت دیگر قانون کی خلاف ورزی پر سخت کارروائی کی جائے گی۔

    ان کا کہنا تھا کہ ملک کا پیسہ لوٹنے والے کسی رعایت کے مستحق نہیں، جس نے بھی کرپشن کی ہے اسے جواب دینا ہوگا، جب تک ہماری حکومت ہے احتساب کسی کا نہیں رکے گا۔

  • پاکستان میں انٹرنیشنل کرکٹ کی واپسی کا سہرا سری لنکا کے سر ہے، عمران اسماعیل

    پاکستان میں انٹرنیشنل کرکٹ کی واپسی کا سہرا سری لنکا کے سر ہے، عمران اسماعیل

    کراچی : گورنر سندھ عمران اسماعیل نے کہا ہے کہ پاکستان میں انٹرنیشنل کرکٹ کی واپسی کا سہرا سری لنکا کے سر ہے، عوام میں جوش وجذبہ بڑھتا چلا جارہا ہے۔

    یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ انٹرنیشنل کرکٹ پاکستان میں بحال ہوگئی، سری لنکا کا شکریہ ادا کرتا ہوں جنہوں نے ہماری کرکٹ بحال کی۔

    سری لنکن ٹیم ماضی میں بڑے سانحے سے گزر چکی ہے، پاکستان میں انٹرنیشنل کرکٹ کی واپسی کا سہراسری لنکا کے سر ہے، عوام میں جوش وجذبہ بڑھتا چلاجارہا ہے۔

    گورنرسندھ نے کہا کہ اپوزیشن کو وزیراعظم کی کس بات پراعتراض ہے، وزیراعظم اگر جنرل اسمبلی میں تقریر نہ کرتے تو کیا مودی کو گولی مار دیتے۔

    کشمیری عوام کا جو حوصلہ بلند ہوا وہ عمران خان کی وجہ سے ہے، کشمیریوں کو معلوم ہوگیا کہ ایک مسلمان لیڈر اب سامنے آگیا ہے۔

  • امریکا اپنے شہریوں کے لیے جاری کردہ ٹریول ایڈوائزری پر نظر ثانی کرے: گورنر سندھ

    امریکا اپنے شہریوں کے لیے جاری کردہ ٹریول ایڈوائزری پر نظر ثانی کرے: گورنر سندھ

    کراچی: گورنر سندھ عمران اسماعیل نے کہا ہے کہ کراچی میں دنیا کے دیگر شہروں کی نسبت جرائم کی شرح بہت کم ہے، امریکا اپنے شہریوں کے لیے جاری کردہ ٹریول ایڈوائزری پر نظر ثانی کرے۔

    تفصیلات کے مطابق آج کراچی میں گورنر سندھ سے امریکی قونصل جنرل نے وفد کے ہم راہ ملاقات کی، وفد میں یو ایس کانگریس مین اور ممبر ہاؤس پرمیننٹ سلیکٹ کمیٹی شریک تھے۔

    ملاقات میں مسئلہ کشمیر، افغان امن عمل سمیت باہمی دل چسپی کے امور پر بات چیت کی گئی، امریکی وفد نے وزیر اعظم عمران خان کے جنرل اسمبلی میں خطاب کو سراہا، وفد نے کہا کہ پاک امریکا تعلقات میں بہتری آنا خوش آیند امر ہے۔

    تازہ ترین:  وزیر داخلہ سے برطانوی وفد کی ملاقات، پاکستان کو ویزا سہولت میں خود مختار کریں گے: وفد

    گورنر سندھ نے امریکی وفد سے کہا غیر ملکی سرمایہ کاروں کو پاکستان میں متعدد سہولیات فراہم کی جا رہی ہیں، پاکستان کی مصنوعات کی امریکن مارکیٹس میں رسائی آسان بنائی جائے، پاکستانیوں کے لیے بھی بزنس ویزے کا حصول آسان بنایا جائے۔

    انھوں نے وفد کو بتایا کہ وزیر اعظم عمران خان نے اقوام متحدہ میں مسئلہ کشمیر کو بہتر انداز سے پیش کیا۔

    یاد رہے کہ گزشتہ روز گورنر سندھ نے مولانا تنویر الحق تھانوی سے ملاقات میں کہا تھا کہ وزیر اعظم نے امریکا میں بیٹھ کر بھی کہا دین اسلام میرے بنی ﷺ کا ہے۔

  • پاکستانی قوم بہترین مہمان نوازی سے سری لنکن ٹیم کا دورہ یادگار بنائے گی، گورنرسندھ

    پاکستانی قوم بہترین مہمان نوازی سے سری لنکن ٹیم کا دورہ یادگار بنائے گی، گورنرسندھ

    کراچی: گورنر سندھ عمران اسماعیل کا کہنا ہے کہ کراچی میں طویل عرصے بعد انٹرنیشنل ون ڈے میچ کا انعقاد خوش آئند ہے۔

    تفصیلات کے مطابق گورنرسندھ عمران اسماعیل نے سری لنکن ٹیم کی پاکستان آمد کا خیرمقدم کرتے ہوئے کہا کہ پاکستان میں شہریوں کو انٹرنیشنل میچ دیکھنے کے مواقع میسر آئیں گے۔

    عمران اسماعیل نے کہا کہ کراچی کے شہری کرکٹ سے دلی لگاؤ رکھتے ہیں ، کراچی میں طویل عرصے بعد انٹرنیشنل ون ڈے میچ کا انعقاد خوش آئند ہے۔

    گورنر سندھ نے مزید کہا کہ پاکستانی قوم بہترین مہمان نوازی سے سری لنکن ٹیم کا دورہ یادگار بنائے گی۔

    واضح رہے کہ کراچی میں 10 سال بعد ون ڈے انٹرنیشنل میچ ہونے جا رہا ہے، سری لنکا اور پاکستان تین ایک روزہ میچز کی سیریز کے پہلے میچ میں آج مدمقابل ہوں گے۔ میچ پاکستانی وقت کے مطابق سہ پہر تین بجے شروع ہوگا۔

    پاکستان اور سری لنکا کے درمیان تین ایک روزہ میچز کراچی میں کھیلے جائیں گے، سیریز کا پہلا میچ آج نیشنل اسٹیڈیم میں ہوگا، جبکہ دوسرا اور تیسرا میچ 29، اور 2 اکتوبر کو نیشنل اسٹیڈیم میں ہی کھیلا جائے گا۔

  • یوم عاشورہمیں قربانی کا درس دیتا ہے، گورنر سندھ

    یوم عاشورہمیں قربانی کا درس دیتا ہے، گورنر سندھ

    کراچی: گورنرسندھ عمران اسماعیل کا کہنا ہے کہ امام حسینؓ نے جانثار ساتھیوں کے ساتھ باطل کے خلاف اسلام زندہ کیا۔

    تفصیلات کے مطابق گورنرسندھ عمران اسماعیل نے یوم عاشور کے موقع پر قوم کے نام پیغام میں کہا کہ یوم عاشورہمیں قربانی کا درس دیتا ہے، یوم عاشور پر دی گئی قربانیوں کو رہتی دنیا تک یاد رکھا جائے گا۔

    گورنر سندھ نے کہا کہ جو لوگ اس سے راہ فرار اختیارکرتے ہیں ان کا نام قائم نہیں رہتا، امام حسینؓ نے جانثار ساتھیوں کے ساتھ باطل کے خلاف اسلام زندہ کیا۔

    عمران اسماعیل نے کہا کہ حضرت امام حسین ؓ نے شہادت کا راستہ اختیار کیا، آج کے دن ہمیں یہ عہد کرنا ہوگا کشمیری بھائیوں کے ساتھ ہیں۔

    گورنر سندھ نے کہا کہ ہمارے کشمیری بہن بھائی آزادی کے لئے قربانیاں دے رہے ہیں، پاکستانی قوم کشمیریوں کی حمایت خون کے آخری قطرے تک جاری رکھے گی۔

    ملک بھر میں آج یوم عاشور مذہبی عقیدت و احترام کے ساتھ منایا جارہا ہے

    واضح رہے کہ حضرت امام حسینؓ اور شہدائے کربلا کی یاد میں آج ملک بھر میں یوم عاشور مذہبی عقیدت و احترام کے ساتھ منایا جا رہا ہے جبکہ کسی بھی ناخوشگوار واقعے سے نمٹنے کے لئے سیکیورٹی کے انتہائی سخت انتظامات کیے گئے ہیں۔

  • ٹریڈ ہی پاک امریکا تعلقات میں مزید بہتری لا سکتا ہے: گورنر سندھ

    ٹریڈ ہی پاک امریکا تعلقات میں مزید بہتری لا سکتا ہے: گورنر سندھ

    واشنگٹن: گورنر سندھ عمران اسماعیل نے کہا  ہے کہ ٹریڈ ہی پاک امریکا تعلقات میں مزید بہتری لا سکتا ہے.

    ان خیالات کا اظہار انھوں نے دورہ امریکا کے موقع پر واشنگٹن میں کیا. یہ ان کےدورے کا دوسرے دن تھا.

    گورنر سندھ عمران اسماعیل یوایس اسٹیٹ ڈیپارٹمنٹ پہنچے، انھوں‌ نے کامرس، ٹریڈ، یو ایس ایڈ اور دیگر امورپراجلاس کی صدارت کی، پاکستان امریکا میں 60 بلین ڈالرکی ٹریڈ کو مزید بہتر بنانے پرتبادلہ خیال ہوا.

    گورنر سندھ نے اجلاس سے خطاب کرتے ہوئے کہا کہ پاک امریکا ٹریڈ مستحکم کرنا ہماری ترجیح ہوگی، ٹریڈ دونوں ممالک میں تعلقات کو استحکام دیتا ہے.

    مزید پڑھیں: کراچی میں لٹکتے بجلی کے تاروں کو ختم کریں گے، گورنر سندھ عمران اسماعیل

    ان کا کہنا تھا کہ ٹریڈ شرائط آسان بنا کر دونوں ممالک مستفید ہو سکتے ہیں، 6 بلین ٹریڈ کے استحکام کے لئے وزیر اعظم کی ہدایت پرامریکا آیا ہوں.

    گورنر سندھ نے کہا کہ آسان ٹریڈ سے ہی دونوں ممالک کی عوام کو فائدہ ہوگا، ٹریڈ ہی پاک امریکا تعلقات میں مزید بہتری لا سکتا ہے.

    گورنرسندھ کی یو ایس ٹی ڈی اے، اوپک کے وفود سے ملاقات ہوئی، گورنرسندھ نے یوایس ایڈ،یوایس ٹی آر کے وفود سے بھی تفصیلی ملاقات کی، گورنر سندھ پاکستانی سفیراسد مجید کی دعوت پر ظہرانے میں شریک ہوں گے.

  • احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    احساس پروگرام : عمران خان ملک سے غربت کے خاتمے کیلئے سنجیدہ ہیں، عمران اسماعیل

    کراچی : گورنرسندھ عمران اسماعیل نے کہا ہے کہ احساس پروگرام ریاست مدینہ کی جانب پہلا قدم ہے، وزیر اعظم عمران خان کو فکر لاحق رہتی ہے کہ ملک سے غربت کا خاتمہ ہو۔

    ان خیالات کا اظہار انہوں نے کراچی میں میڈیا سے گفتگو کرتے ہوئے کیا، انہوں نے کہا کہ وزیر اعظم عمران خان کی خواہش تھی کہ احساس پروگرام سندھ سے شروع ہو۔

    یہ پروگرام مکمل طور پر شفاف بنایا گیا ہے، بلاتفریق سب کو احساس پروگرام میں شامل کیا جائے گا، صحت کارڈ پر ساڑھے7لاکھ روپے تک کی امداد مل سکے گی۔

    گورنر سندھ کا مزید کہنا تھا کہ احساس پروگرام ریاست مدینہ کی جانب پہلا قدم ہے، وزیراعظم کو فکر لاحق رہتی ہے کہ ملک سے غربت کا خاتمہ جلد ہو، احساس پروگرام شروع کرنے پروزیراعظم کا شکریہ ادا کرتے ہیں، صحت احساس پروگرام کے حوالے سے سندھ حکومت کو بھی اعتمادمیں لیا گیا ہے۔

    ایک سوال کے جواب میں عمران اسماعیل نے کہا کہ کراچی میں جلد5بڑے منصوبوں کا سنگ بنیاد رکھا جائے گا، شہر قائد میں کوئی ایک اتھارٹی نہیں یہ کئی حصوں میں بٹا ہوا ہے، کراچی میں سب سے پہلے ایک اتھارٹی بنانی ہوگی۔

    مسائل کے حل کیلئے شہری اور سندھ حکومت کو مل کر بیٹھنا ہوگا، کراچی کے مسائل کے حل کیلئے تمام اسٹیک ہولڈرزکو مل کر کام کرنا ہوگا، دنیا بھرمیں بلدیاتی نمائندے بااختیار ہوتے ہیں، سیاسی اختلافات اپنی جگہ لیکن کراچی کیلئےسب کو کام کرنا ہوگا۔

  • گورنرسندھ کا کل11 بجے مزار قائد پرکشمیریوں سےاظہاریکجہتی کا اعلان

    گورنرسندھ کا کل11 بجے مزار قائد پرکشمیریوں سےاظہاریکجہتی کا اعلان

    کراچی : گورنر سندھ عمران اسماعیل کا کہنا ہے کہ انشا اللہ ہم اپنی کشمیری عوام کو بتادیں گے پاکستان کی عوام ان کے ساتھ کھڑی ہے۔

    تفصیلات کے مطابق سماجی رابطے کی ویب سائٹ ٹویٹر پر گورنرسندھ عمران اسماعیل نے اپنے پیغام میں کل 11 بجے مزار قائد پر کشمیریوں سے اظہار یکجہتی کا اعلان کیا ہے۔

    عمران اسماعیل نے کہا کہ پوری قوم کشمیری عوام سے اظہار یکجہتی کے لیے کل باہرنکلے گی۔ انہوں نے کہا کہ انشا اللہ ہم اپنی کشمیری عوام کو بتادیں گے پاکستان کی عوام ان کے ساتھ کھڑی ہے۔

    یاد رہے کہ دو روز قبل فردوس عاشق اعوان کا کہنا تھا کہ وزیراعظم عمران خان مقبوضہ کشمیر کے عوام کی آواز بن چکے ہیں اور کابینہ نے 30 اگست بروز جمعہ کو کشمیریوں سے اظہار یکجہتی کے لیے وزیراعظم کے فیصلے کی توثیق کی تھی۔

    معاون خصوصی برائے اطلاعات کا کہنا تھا کہ 30 اگست کو 12 بجے 30منٹ کے لیے تمام شعبہ ہائے زندگی سے تعلق رکھنے والے افراد بشمول طلبہ وطالبات کشمیر کاز کا حصہ بن کر اظہار یکجتی کا مظاہرہ کریں گے۔

    فردوس عاشق اعوان کا کہنا تھا کہ عالمی برادری کو مسئلہ کشمیر کے حل سے متعلق ڈومور کرنا ہوگا کیونکہ بھارت کی وجہ سے خطے کے امن کو خطرہ لاحق ہے۔