لاہور : مشیر داخلہ و اطلاعات پنجاب عمرسرفراز چیمہ کا کہنا ہے کہ عمران خان پر حملے کیس جے آئی ٹی جلد اپنی تحقیقات اورفرانزک رپورٹ عدالت میں جمع کرائے گی۔
تفصیلات کے مطابق چیئرمین پی ٹی آئی عمران خان پر حملے کی تحقیقات کے لیے جےآئی ٹی کے معاملے پر مشیر داخلہ و اطلاعات پنجاب عمرسرفراز چیمہ نے سماجی رابطے کی ویب سایٹ ٹوئٹر پر اپنے بیان میں کہا کہ جےآئی ٹی جلداپنی تحقیقات اورفرانزک رپورٹ عدالت میں جمع کرائے گی، اب تک تحقیقات سے متعلق چند روز پہلے خود میڈیا کو مطلع کر چکا ہوں۔
جے آئی ٹی جلد اپنی تحقیقات اور فرانزک رپورٹ عدالت میں جمع کروائے گی
تحقیقات کے دوران غیر مصدقہ رپورٹس کو بنیاد بنا کر رپورٹنگ کرنا حقائق کو مسخ کرنے کے مترادف اور غیر قانونی ہے
اب تک کی تحقیقات جو بھی مصدقہ حقائق اور اطلاعات ملیں چند روز پہلے خود میڈیا کو مطلع کر چکا ہوں
— Omar Sarfraz Cheema (@OmarCheemaPTI) January 2, 2023
عمرسرفراز چیمہ کا کہنا تھا کہ رپورٹوں کے مطابق عمران خان اور مارچ شرکا پر 3حملہ آوروں نےمختلف اطراف سے فائر کئے، فرانزک رپورٹ میں عمران خان کے سیکیورٹی گارڈز کا اسلحہ کلیئر ہے۔
انھوں نے کہا کہ فیصل واوڈا کو میڈیا کی بجائے جے آئی ٹی کے سامنے پیش ہو نا چاہیے۔
جے آئی ٹی اور فرانزک ٹیم کی رپورٹوں کے مطابق عمران خان اور مارچ کے شرکاء پر تین حملہ آوروں نے مختلف اطراف سے فائر کئے
فرانزک رپورٹ میں عمران خان صاحب کے سیکورٹی گارڈز کا اسلحہ کلیئر ہے
فیصل واوڈا کو میڈیا کی بجائے جے آئی ٹی کے سامنے پیش ہو نا چاہئے جس نے دو بار سمن کیا ہے
— Omar Sarfraz Cheema (@OmarCheemaPTI) January 2, 2023
